Eprōļ 14–20: “N̄aij E Eo Ej Mour, N̄aij E Eo Kar M̧ane”

Ijtō

Eprōļ 3, 1836, kar Jabōt in Ijtō. Ālkin jipan̄ kōm̧m̧ane kwojkwoj eo n̄an Armej ro Rekwojarjar ilo kar aje eo an Kirtland Tampeļ eo ekāāl, Josep Smith im Oliver Cowdery raar lo juon jikin elur itulikin juon bukwin wōjke im jillo̧k ilo jar ilo ejjeļo̧k ainikien. Innām̧, ilo rainin ekwojarjar ke Rikūrijin ro aolep jikin raar keememe Jerkakpeje eo an Jisōs Kraist, Rilo̧mo̧o̧r ekar jerkak Eaar make kar waļo̧kļo̧k ilo tampeļ eo An, im kwaļo̧k, “N̄aij E eo ej mour, N̄aij E eo kar m̧ane” (Katak im Bujen Ko 110:4).

Ta meļeļe in ba bwe Jisōs Kraist ej “e eo ej mour”? Ejjab baj meļeļe in bwe E ekar jerkak jān lōb eo im kar walo̧kļo̧k n̄an rikaļoor ro An ilo Galilee. Ej meļeļe in bwe E emour rainin. E ej kōnono n̄an rikanaan ro rainin. E ej tōl Kabun̄ eo An rainin. E ej kōmour jetōb ko rekinejnej im bōro ko rerup rainin. Kōn menin jemaron̄ ālij naan ko an naan in kam̧ool eo ekajoor an Josep Smith: “Ālkin elōn̄ naan in kam̧ool ko me kar letok kōn E, en̄in ej naan in kam̧ool eo … eo me kōmij lewōj kōn E: Bwe E emour!” (Katak im Bujen Ko 76:22). Jemaron̄ ron̄ Ainikien ilo revelesōn kein, kam̧oole Pein ilo mour ko ad, im en̄jake “lan̄lōn̄ eo eoon in ej letok: ‘Ijeļā bwe aō Ripinmuur ej mour!’” (Hymns, nō. 136).

Ļōmnak ko n̄an Katak ilo M̧weeo im ilo Kabun̄ in

Jisōs Kraist emour.

Elōn̄ wōt iaad ejjan̄in loe Jisōs Kraist āinwōt Rikanaan Josep Smith ekar. Bōtaab jemaron̄ jeļā, āinwōt an kar, bwe Rilo̧mo̧o̧r eo ej mour, bwe E ejeļā jeraam̧m̧an ko im apan̄ ko ad, im bwe E enaaj jipan̄ kōj ilo iien aikuj ko. Ļōmņak kōn naan in kam̧ool eo am̧ make kōn Kraist eo emour ilo am̧ kejekļo̧kjeņ kōn kajjitōk ko itulaļ im ekkatak kōn kein jipan̄ ko rej itok ippān tok.

• Wōn in Jisōs Kraist? Etke jej kabun̄ jar n̄an E? (lale “Kraist Eo Emour: Naan in Kam̧ool eo an Rijilōk ro”).

• Ta eo Jetōb eo ej katakin eō kōn en̄jake eo an Josep Smith im ro jet me raar lo Rilo̧mo̧o̧r eo? Ekōjkan an naan in kam̧ool ko aer kōkajoorļo̧k eo aō? (lale Katak im Bujen Ko 76:11–14, 20–24; 110:1–10; Josep Smith—Bwebwenato:17).

• Ta eo ij katak kōn mijen eo an Rilo̧mo̧o̧r im kwojarjar eo jān naan ko An make? (lale Katak im Bujen Ko 29:5; 38:7).

• Ekōjkan an Rilo̧mo̧o̧r eo maron̄ jipan̄ eō rainin? (lale Aiseia 53:3–5; Hibru 2:17–18; Mosaia 3:7; Alma 7:11–13; 36:3; Ether 12:27; Moses 5:10–12).

Kajoor eo ej itok jān kakkilōklōk. Elder Richard G. Scott ekar kōmeļeļeiki: “Kajoor eo eļap emaron̄ itok jān kakkilōklōki eoon ko. N̄an kakkilōklōke juon eoon ej n̄an kiel juon m̧ōttā ekāāl. Ej āinwōt n̄e kwoj loe juon armej ekāāl eo me emaron̄ jipan̄ eok ilo iien aikuj, lewaj im̧we im kaeņōm̧m̧an, im erom juon kein jipan̄ kōketak n̄an oktak eo emenin aikuj” (“Kajoor eo an Jeje ko Rekwojarjar,” Ensign, Nob, 2011, 6). Eļan̄n̄e kwoj lo juon eoon kōn Rilo̧mo̧o̧r eo me eļap meļeļe in n̄an kwe—bōlen juon eo me emaron̄ lewaj n̄an eok kaenōm̧m̧an ilo juon iien aikuj—ļōmņak in kakkilōklōk e.

Ilo pija in alooj eo “My Spiritual Goal,” juon jiron̄ ej jokāālet n̄an kakkilōklōk “The Living Christ [Kraist Eo Emour]” (Gospel Library eo). Ta eo ej kabwilōn̄ eok kōn en̄jake eo an liin? Ta eo kwoj en̄jake ekar im̧we n̄an kōm̧m̧ane n̄an bōk m̧ool ko ilo “Kraist Eo Emour” ilo būruōm̧ im am̧ ļōmņak?

Let Your Goals Be Guided by the Spirit

Ashley’s spiritual goal was to grow closer to Christ. So she made a plan, wrote it down, and set a completion date. Setting goals has increased Ashley’s ability to accomplish things she feels inspired to do.

N̄an katak eļapļo̧k kōn ekōjkan an Rilo̧mo̧o̧r eo kōjeraam̧m̧an kōj rainin, kwomaron̄ ekkatak, ron̄jake ak al “Ij Jeļā Aō Dri Pinmuur Ej Mour” (Al ko Al in Ajri, nō. 28). Emaron̄ jipan̄ im̧we n̄an pukōt m̧ool ko ilo al in me raar barāinwōt katakin ilo Katak im Bujen Ko 6:34; 84:77; 98:18; 138:23.

Bar lale Unin Kōnono ko im Kajjitōk ko, “Jisōs Kraist],” Gospel Library eo.

Kōn wōt Jisōs Kraist, Inaaj jerkakpeje.

Josep Smith ekar jeļā ekōjkan en̄jake n̄an būrom̧ōj kōn men an ro rejitōnbōro, ekoba jemen im ļōm̧aro ruo jein. Josep im Emma raar kalibwin ajri ro jiljiljino nejierro, kajjojo raar dikļo̧k jān ruo iiō dettaer. Jān revelesōn eo Anij ekar leļo̧k, Josep im Emma raar bōk juon erreim̧aanļo̧k indeeo.

Pukōt m̧ool ko kōn mej im karōk indeeo eo an Anij ilo Katak im Bujen Ko 29:26–27; 42:45–46; 63:49; 88:14–17, 27–31; 93:33–34. Ekōjkan an m̧ool kein jelet wāween am̧ kalimjōk mej? Ekōjkan aer jelet wāween am̧ mour?

Bar lale 1 Korint 15; Teachings of Presidents of the Church: Joseph Smith (2007), 174–76; Easter.ChurchofJesusChrist.org.

Jisōs Kraist ekar kadedeļo̧k juon “pinmuur eweeppān” n̄an eō.

Juon wāween n̄an kalimjōk wōt Rilo̧mo̧o̧r eo ilo iien Ijtō ej n̄an ekkatak kōn revelesōn eo ilo Katak im Bujen ko me ej katakin kōn en̄taan in pinmuur eo An. Jet maron̄ loi ilo Katak im Bujen Ko 18:10–13; 19:16–19; 45:3–5; 76:69–70. Ļōmņak in kōm̧m̧ane juon laajrak in m̧ool ko me kwoj loi ilo eoon kein. N̄an kam̧wilaļļo̧k ekkatak eo am̧, kwomaron̄ kobaikļo̧k n̄an laajrak eo am̧ kōn etale Luk 22:39–44; 1 Jon 1:7; 2 Nipai 2:6–9; Mosaia 3:5–13, 17–18; Moronai 10:32–33.

Erkein rej jet iaan kajjitōk ko me remaron̄ tōl ekkatak eo am̧.

• Ta in Pinmuur eo an Jisōs Kraist?

• Etke Jisōs Kraist ekar kāālet n̄an en̄taan im mej kōn kōj?

• Ta eo ij aikuj kōm̧m̧ane n̄an bōk kōjeraam̧m̧an ko an en̄taan eo An?

• Ekōjkan aō en̄jake kōn Jisōs Kraist ālkin riiti eoon kein?

Bar lale Unin Tōl eo n̄an Jeje Ko Rekwōjarjar “Pinmuur,” Gospel Library eo; “The Savior Suffers in Gethsemane” (pija in alooj), Gospel Library.

The Savior Suffers in Gethsemane

Jesus, Peter, James, and John retire to the Garden of Gethsemane. Jesus submits to the Father's will and begins to suffer for the sins and afflictions of mankind. He is then betrayed and arrested. Matthew 26:36–57

N̄an ļōmņak ko reļļapļo̧k, lale ennaan eo an allōn̄ in an Liaona eo im N̄an Kōkajoorļo̧k Jodikdik ro māākjiin ko.

Ļōmņak ko n̄an Katakin Ajri ro

Kōn wōt Jisōs Kraist, Inaaj jerkakpeje.

• N̄an katakin ajri ro nejūm̧ kōn jerkakpeje eo, kwomaron̄ jino n̄an kwaļo̧k n̄an er pija in mej im Jerkakpeje eo an Rilo̧mo̧o̧r. Kōm̧m̧an bwe ajri ro nejūm̧ ren kwaļo̧k ta eo rejeļā kōn iien kein. Kwomaron̄ barāinwōt al juon al āinwōt “Did Jesus Really Live Again?” Children’s Songbook, 64).

• Ļōmņak kōn juon menin katakin me emaron̄ jipan̄ ajri ro nejūm̧ meļeļe ta eo ej waļo̧k n̄e jej mej (jetōb ko ad im ānbwin ko ad rej jepeļļo̧k) im n̄e jej jerkakpeje (jetōb ko ad im ānbwin ko ad rej bar ro̧o̧l n̄an doon, im ānbwin ko ad rej weppān im jab wabanban). N̄an waanjon̄ak, ta eo ej waļo̧k n̄e jej kōm̧akūt pātre eo jān juon ten̄ki ak iin̄ eo jān juon pen? Ta eo ej waļo̧k n̄e rej bar koba? (Lale Alma 11:44–45).

• Ajri ro nejūm̧ rej ke jeļā kajjien juon eo me ekar mej? Kōm̧m̧an bwe ren kwaļo̧k jidik kōn rein armej rein kajjojo, innām riit ippān doon Katak im Bujen Ko 138:17). Kōnono ippān doon ekōjakn en̄jake n̄an jeļā bwe ro rejitōnbōro ippād renaaj jerkakpeje im bar wōr ānbwinier juon alen.

• Eļan̄n̄e ewōr nejūm̧ ajri ro rōrūtto, kwomaron̄ kajjitōk ippāer n̄an pukōt naan ko me rej kwaļo̧k ennaan eo an Ijtō ilo eoon kein: Katak im Bujen Ko 63:49; 88:14–17, 27; 138:11, 14–17. Remaron̄ kōm̧m̧ane ejja wōt kōn pija in alooj eo “Because He Lives [Kōnke E Emour]” (Gospel Library eo). Ekōjkan ad maron̄ kwaļo̧k ennaan in ippān ro jet?

Rikanaan Josep Smith eaar lo Jisōs Kraist.

• Kwe im ajri ro nejūm̧ maron̄ in itok limo n̄an riit kōn jilu iien ko rooktak Jisōs Kraist ekar walo̧kļo̧k n̄an Josep Smith im ro jet, āinwōt kar je ilo in Josep Smith—Bwebwenato 1:14–17; Katak im Bujen Ko 76:11–24; 110:1–10. Ajri ro nejūm̧ remaron̄ barāinwōt lale pija ko kōn iien kein ilo peij in m̧akūtkūt eo an wiik in. Ta eo jej katak kōn Jisōs Kraist jān kajjojo iaan en̄jake kein? Etke ej juon kōjeraam̧m̧an n̄an jeļā bwe Josep Smith im ro jet raar lo jerkakpeje Rilo̧mo̧o̧r?

Kōn wōt Jisōs Kraist, imaron̄ in jeorļo̧k jerawiwi ko aō.

• M̧ool kein Josep Smith ekar katak kōn jeorļo̧k bōd kōn Kraist maron̄ leļo̧k n̄an ajri ro nejūm̧ kōjatdikdik eo bwe maron̄ jeorļo̧k aer bōd jān bōd ko im jerawiwi ko aer. Ļōmņak in kajjitōk ippān ajri ro nejūm̧ n̄an kōm̧m̧ane juon tebōļ kōn taitōļ ko āinwōt kein: Ta eo Rilo̧mo̧o̧r eo ekar ba n̄an eō im Ta eo ij aikuj kōm̧m̧ane n̄an bōk jeorļo̧k bōd eo An. Jipan̄ ajri ro nejūm̧ lali eoon kein n̄an pukōt men ko me rej uwaanļok ium̧win taitōļ kein: Katak im Bujen Ko 18:10–13; 19:16–19; 45:3–5; 58:42–43 Kwaļo̧k n̄an doon lan̄lōn̄ eo ami im kam̧m̧oolol eo kōn ta eo Rilo̧mo̧o̧r eo ekar kōm̧m̧ane n̄an kōj.

• Kwomaron̄ barāinwōt alooje pija in alooj eo “The Shiny Bicycle [Baajkōļ eo Ejatōltōļ” ippān ajri ro nejūm̧ (Gospel Library eo) im kwaļo̧k en̄jake ko ke kwar en̄jake jeorļo̧k bōd eo an Rilo̧mo̧o̧r ilo am̧ ukweļo̧k).

The Shiny Bicycle

Everybody makes mistakes, and even though it's not easy, with the help of Heavenly Father and Jesus Christ we can receive forgiveness for our sins.

N̄an ļōmņak ko reļļapļo̧k, lale ennaan eo an allōn̄ in an Jera māākjin eo.

Kraist im Mary ilo Lōb eo, jān Joseph Brickey