M̧aaj 24–30: “Aolep Men Aikuj in Kōm̧m̧an ilo Koņ”

Katak im Bujen Ko 27–28

Revelesōn ekar baj wōt juon katak ekāāl n̄an Armej ro Rekwojarjar ke Jepļaaktok eo ekar wōnm̧aanļo̧k wōt in mejaļļo̧k. Ro uwaan Kabun̄ in m̧okta raar jeļā bwe Rikanaan Josep Smith emaron̄ kar bōk revelesōn n̄an Kabun̄ in. Ak ro jet remaron̄ ke? Kajjitōk ko āinwōt in kauwōtata ke Hiram Page, juon iaan Rikam̧ool ro Ruwalitōk an pileij kooļ ko, kar tōmak ekar bōk revelesōn ko n̄an Kabun̄ in. Elōn̄ Armej ro Rekwojarjar retiljek raar tōmak bwe revelesōn kein raar jān Anij. Irooj ekar uwaak ilo an katakin bwe ilo Kabun̄ eo An “aolep men aikuj in kōm̧m̧an ilo koņ” (Katak im Bujen Ko 28:13). Menin ej meļeļe in juon wōt armej “jitōn̄e n̄an bōk kien ko im revelesōn ko” n̄an aolepān Kabun̄ in (Katak im Bujen Ko 28:2). Ro jet, mekarta, remaron̄ bōk revelesōn an juon make n̄an eddo eo aer ilo jerbal eo an Irooj. Ilo m̧ool, naan ko an Irooj n̄an Oliver Cowdery rej mwnin n̄an kakeememej kōjwōj aolep: “Naaj lewōj e … ta kwo naaj kōm̧m̧ane” (Katak im Bujen Ko 28:15).

Bar lale “All Things Must Be Done in Order [Aolep Men Aikuj in Kōm̧m̧an ilo Koņ],” ilo Revelations in Context, 50–53.

Ļōmnak ko n̄an Ekatak ilo M̧weeo im ilo Kabun̄ in

Katak im Bujen Ko 27:1–4

Ij bōk kwojkwoj eo ilo keememej Jisōs Kraist.

Sally Knight im Emma Smith kar peptaij ilo Juun ilo 1830 eo, bōtaab iien kapene ko aer raar kakkure jān juon kumi in rikakkure. Ruo allōn̄ tokālik, Sally im ļeo pāleen, Newel, raar loļo̧k Emma im Josep, im kar kāālet bwe renaaj kiiō kapene im bwe kumi eo renaaj bōk m̧ōttan kwojkwoj eo ippān doon. Ilo iaļ eo an ļo̧k n̄an bōk wain eo n̄an kwojkwoj eo, juon enjeļ ekar kabōjrak Josep.

Riiti Katak im Bujen Ko 27:1–4 n̄an lale ta eo enjeļ eo ekar katakin e kōn kwojkwoj eo. Ta eo eoon kein rej elmakote ekōjkan an Rilo̧mo̧o̧r eo kōņaan bwe kwon watōk kwojkwoj eo? Ta eo kwoj ļōmņak ej meļeļe in n̄an bōk m̧ōttan “kōn juon wōt errem̧aanļo̧k n̄an aiboojoj eo [An]”? Kejekļo̧kjeņ kōn menin—im kappukōt kōļmenļo̧kjeņ ko jet kōn kwojkwoj eo—ilo ami riiti Luk 22:19–20 im 3 Nipai 18:1–11. (Bar lale pija in alooj ko “The Last Supper,” “Jesus Christ Blesses Bread in Remembrance of Him,” im “Jesus Christ Blesses Wine in Remembrance of Him,” Gospel Library).

The Last Supper

Jesus Christ Blesses Bread in Remembrance of Him | 3 Nephi 18:1-7

Jesus Christ Blesses Wine in Remembrance of Him | 3 Nephi 18:8-11

N̄an katak kōn kōm̧m̧an bwe kwojkwoj eo en juon en̄jake in kabun̄-jar, ļōmņak in ekkatak ennaan eo an Elder D. Todd Christofferson “Pilawā in Mour Eo Ekar Itok jān Lan̄” (Liaona, Nob. 2017, 36–39). Ta eo Elder Christofferson ej katakin me emaron̄ jipan̄ eok en̄jake juon ekkejel eļapļo̧k n̄an Rilo̧mo̧o̧r eo kōn kwojkwoj eo? Kejekļo̧kjeņ kōn ta eo kwomaron̄ kōm̧m̧ane n̄an kōkōm̧anm̧anļo̧k am̧ m̧aanjabpopo n̄an bōk m̧ōttan kwojkwoj eo an Rilo̧mo̧o̧r eo im kōm̧m̧an n̄an er kōn kautiej eļapļo̧k ak jibadbad.

Ļōmņak in al, ron̄jake, ak ritii juon al in kwojkwoj eo, āinwōt “As Now We Take the Sacrament” (Hymns, nō. 169), im je en̄jake ko am̧ n̄an bōk kuņaam̧ ilo kain̄i in ekwojarjar.

Kōjerbal al. Al ko rekwojarjar rej bōktok Jetōb n̄an kam̧ool kōn m̧ool ko an gospel in. Emaron̄ jipan̄ eok meļeļe im en̄jake m̧ool kein ilo juon wāween ekemeemļo̧kjeņ, Al ko remaron̄ barāinwōt kōm̧m̧an bwe katak en kaitoktoklimo.

Bar lale Katak im Bujen Ko 20:77, 79; 59:9–13; Unin Kōnono ko im Kajjitōk ko, “Sacrament,” Gospel Library eo; “Iien Otemjej Jeorļo̧k Jero̧wiwi ko Ami,” ilo David A. Bednar, “Iien Otemjej Jeorļo̧k Jero̧wiwi ko Ami,” Liaona, Māe 2016, 60–62.

Iien Otemjej Jeorļo̧k Jero̧wiwi ko Ami

Katak im Bujen Ko 27:5–14

Irooj ej leļo̧k n̄an ro Rikarejeran kii ko an priesthood n̄an tōl jerbal eo An.

Ta eo kwojeļā kōn rikanaan ro kar kōnono kaki ilo eoon kein? Kwomaron̄ kappukōt meļeļe ko kōn er ilo Unin Tō eo n̄an Jeje Ko Rekwōjajar. Ta kōjeraam̧m̧an ko em̧ōj aer peļļo̧k n̄an eok kōn kii ko me rikanaan rein rej kabwijeri?

Katak im Bujen Ko 27:15–18

Kein tariņae eo an Anij ej jipan̄ eō jutak ņae nana.

Būreejtōn M. Russell Ballard eaar ba: “Ejjeļo̧k juon men eļap im kileplep jemaron̄ kōm̧m̧ane n̄an kōjparok kōj make ilo jetōb. Kajoor eo em̧ool ilo jetōb ej pād ilo elōn̄ jerbal ko reddik koba in doon ilo juon mejatoto in jetōb ekajoor me ej kōjparok im bōbrae jān aolep nana” (“Be Strong in the Lord,” Ensign, Juļae 2004, 8).

Ilo am̧ katak kōn kein tariņae ko an Anij ilo Katak im Bujen Ko 27:15–18, kwomaron̄ kōm̧m̧ane juon tebōļ āinwōt in. Ta eo kwoj kōm̧m̧ane n̄an kōņak kajjojo m̧ōttan kein tariņae eo an Anij?

M̧ōttan kein tariņae	M̧ōttan ānbwin eo kar kōjparoke	Ta m̧ōttan ānbwin eo emaron̄ jutak kake
M̧ōttan kein tariņae Kōņak wānōk penjān ob	M̧ōttan ānbwin eo kar kōjparoke Bōro	Ta m̧ōttan ānbwin eo emaron̄ jutak kake Ikdeelel ko aō im jelet
M̧ōttan kein tariņae Helmet in lo̧mo̧o̧r	M̧ōttan ānbwin eo kar kōjparoke Bar ak ļōmņak	Ta m̧ōttan ānbwin eo emaron̄ jutak kake
M̧ōttan kein tariņae	M̧ōttan ānbwin eo kar kōjparoke	Ta m̧ōttan ānbwin eo emaron̄ jutak kake
M̧ōttan kein tariņae	M̧ōttan ānbwin eo kar kōjparoke	Ta m̧ōttan ānbwin eo emaron̄ jutak kake

Bar lale Epesōs 6:11–18; Jorge F. Zeballos, “Kalōk juon Mour Edipen ņae Rikapo eo,” Liaona, Nov. 2022, 50–52.

Katak im Bujen ko 28

Jisōs Kraist ej tōl Kabun̄ eo An kōn rikanaan eo An emour.

Ļōmņak kōn ta eo enaaj kar āinwōt eļan̄n̄e jabdewōt emaron̄ in kar bōk kien ko im revelesōn n̄an aolepān Kabun̄ in. Ke Hiram Page kar ba ekar bōk kain revelesōn rōt in, elōn̄ membōr ro an Kabun̄ in raar tarpok. Ilo Katak im Bujen Ko 28, Irooj eaar kwaļo̧k juon koņ kōn revelesōn ilo Kabun̄ eo An. Ta eo kwoj katak jān jekjōn in kōn jerbal eo ejenolo̧k an Būreejtōn eo an Kabun̄ in? Ta eo kwoj katak ekōjkan an Anij maron̄ tōl eok?

Bar lale Elder Dale G. Renlund “Juon Ekkarōk in Jerbal kōņ Revelesōn,” Liaona, Nob. 2022, 16–19).

Katak im Bujen Ko 28:8–9

Etke juon mijen ekar aorōk n̄an riLeman ro?

Juon jibadbad an Bok in Mormon ej “bwe riLeman ro ren maron̄ itok n̄an jeļā eo kōn ro jemāer, im bwe ren maron̄ jeļā kallim̧ur ko an Irooj” (Katak im Bujen Ko 3:20). Menin eaar jokkun wōt juon ippān kallim̧ur ko Irooj eaar kōm̧m̧ane n̄an elōn̄ rikanaan ro ilo Bok in Mormon (lale, n̄an waanjon̄ak, 1 Nipai 13:34–41; Enōs 1:11–18; Hilamōn 15:12–13). Ro uwaan Kabun̄ in m̧okta raar watōk American Indian ro n̄an ro ineen armej ro ilo Bok in Mormon. (Ijo ealikkar Kabun̄ in ej jutak ie rainin ej bwe riLeman ro “rej jet iaan ro jim̧m̧aan ri Indian ro ilo Amedka” [Kadkad in Bok in Mormon].)

N̄an riit eļapļo̧k kōn mijen eo an Oliver Cowdery n̄an Riindian ro jān Amedka, lale “A Mission to the Lamanites,” Revelations in Context,45–49). Ta eo mijen in ej katakin eok kōn Irooj im jerbal eo An?

N̄an ļōmņak ko reļļapļo̧k, lale ennaan eo an allōn̄ in an Liaona eo im N̄an Kōkajoorļo̧k Jodikdik ro māākjiin ko.

Ļōmņak ko n̄an Katakin Ajri ro

Katak im Bujen Ko 27:1–2

Kwojkwoj eo ej jipan̄ eō keememej Jisōs Kraist.

• Ajri ro remaron̄ ļōmņak etke jej kōjerbal dān n̄an kwojkwoj eo ke Jisōs ekar kōjerbal wain (lale Luk 22:19–20; 3 Nipai 18:1–11). Kom̧ maron̄ riiti Katak im Bujen Ko 27:1–2 ippān doon im ekōnono kōn ta meļeļe in n̄an bōk kwojkwoj eo “kōn juon wōt erreim̧aanļo̧k n̄an aiboojoj eo an [Anij]” (eoon 2). Ta eo jemaron̄ kōm̧m̧ane n̄an kalimjōk wōt Rilo̧mo̧o̧r ilo ad bōk kwojkwoj eo?

• Bōlen bōk pija ko, eoon ko an jeje ko rekwojarjar, ak al naan in al ko kōn Rilo̧mo̧o̧r eo emaron̄ jipan̄ ajri ro nejūm̧ keememej E ilo bōk kwojkwoj eo. Remaron̄ m̧ōņōņō in ejake juon bok kōn jet pija ko, eoon ko, im naan in al ko. Remaron̄ jin̄aik pija ko aer make ak pukōt jet ilo Jera māākjin eo.

Meļeļe ko jān The Last Supper, jān Siomon Dewey

Katak im Bujen Ko 27:15–18

Kein tariņae ko an Anij ej kōjparok eō.

• Kwomaron̄ kwaļo̧k n̄an ajri ro nejūm̧ juon pija in kein tariņae āinwōt juon eo ilo unin tōl in ak ilo peij in m̧akūtkūt eo ilo unin tōl eo n̄an Epesōs ilo Itok, Ļoor Eō—N̄an Būraimere: Kallim̧ur Ekāāl 2023. Ilo ami riiti Katak im Bujen Ko 27:15–18, jipan̄ er lo m̧ōttan ko an kein tariņae eo ilo pija eo. Ekōjkan an kein tariņae eo an Anij maron̄ jipan̄ kōj “jutak ņae raan eo enana”? (eoon 15).

Katak im Bujen Ko 28:2, 6–7

Rikanaan eo ej bōk revelesōn n̄an Kabun̄ in; imaron̄ bōk revelesōn n̄an mour eo aō.

• Eļan̄n̄e ewōr nejūm̧ jejjo ajri ro, kwomaron̄ kajjitōk ippāer n̄an ikkure “ļoor ritōl eo,” ak kajjitōk ippān juon ak elōn̄ ajri ro n̄an erom ritōl eo ilo juon iien. Ta eo ej waļo̧k n̄e elōn̄ļo̧k jān juon ritōl? Innām kwomaron̄ katak kōn Hiram Page (lale “Jebta 14: Rikanaan eo im Revelesōn ko n̄an Kabun̄ in,” ilo Bwebwenato ko an Katak im Bujen Ko, 56–57, ak pija eo an ilo Gospel Library; ak taitōļ eo an jekjōn eo n̄an Katak im Bujen Ko 28). Ekōjkan an Jemedwōj Ilan̄ kar kajim̧we tarpok eo an membōr ro an Kabun̄ in jinoin tata? Ekōjkan An tōl Kabun̄ in rainin? (lale Katak im Bujen Ko 28:2). Kwaļo̧k naan in kam̧ool eo am̧ bwe rikanaan eo kiiō ej kūr jān Irooj n̄an tōl Kabun̄ eo An ilo tōre in ad.

  Chapter 14: The Prophet and Revelations for the Church: September 1830

• Ilo an revelesōn n̄an Kabun̄ in naaj aolep iien letok kōn rikanaan eo, jemaron̄ aolep tōl jān Jetōb Kwojarjar eo. Kwomaron̄ jipan̄ ajri ro nejūm̧ etale jet iaan eoon kein im kōm̧m̧ane juon laajrak in wāween ko Jetōb Kwojarjar emaron̄ tōl kōj: Katak im Bujen Ko 28:1, 4, 15; Jon 14:26; Moronai 8:26; 10:4–5. Kwaļo̧k n̄an doon ekōjkan ami kar tōl jān Jetōb Kwojarjar.

N̄an ļōmņak ko reļļapļo̧k, lale ennaan eo an allōn̄ in an Jera māākjin eo.