M̧aaj 10–16: “Wanlōn̄tak eo an Kabun̄ eo an Kraist”

Katak im Bujen Ko 20–22

Jerbal eo an Rilo̧mo̧o̧r n̄an bōk m̧aantak Bok in Mormon ekar kiiō dedeļo̧k. Bōtaab jerbal in Jepļaaktok eo An ej kab tōn ijjino. Ilo kakkobaba in kōjepļaaktok katak ko im mālim eo an priesthood, Irooj ekar kalikkare kōn revelesōn ko jinoin tata bwe E ekar barāinwōt kōņaan kōjepļaaktok juon ejake eo ejetjet—Kabun̄ eo An (lale Katak im Bujen Ko 10:53; 18:5). Ilo Eprōļ 6, 1830 eo, elōn̄ļo̧k jān 40 rūtōmak ro raar kukļo̧k n̄an lowaan em̧ aļaļ eo im̧ōn Baam̧le eo an Whitmer ilo Fayette, New York, n̄an kam̧oole jutak eo an Kabun̄ eo an Jisōs Kraist.

Jej armej raar ļōmņak etke eaorōk bwe en kar jutak Kabun̄ in. Uwaak eo maron̄ loe, jidik in, ilo revelesōn ko raar ekkejel ippān kweilo̧k eo im̧aan tata an Kabun̄ in ilo 1830 eo. Rej kōmeļeļeik kōjeraam̧m̧an ko me reban kar pidodo eļan̄n̄e Kabun̄ eo em̧ool an Jisōs Kraist ekar jab “karōk kobban im kajutake” ilo raan ko āliktata (Katak im Bujen Ko 20:1).

Bar lale Armej ro Rekwojarjar, 1:84–86; “Kalōk Kabun̄ Eo Aō,” ilo Revelations in Context, 29–32.

Ļōmnak ko n̄an Ekkatak ilo M̧weeo im ilo Kabun̄e in

Katak im Bujen Ko 20–21

Jisōs Kraist ekar kōjepļaaktok Kabun̄ eo An.

Etke ewōr ippād Kabun̄ eo em̧ōj an jutak? Bōlen uwaak eo em̧m̧an tata ej “Kōnke Jisōs Kraist ekar ejaake juon.” Ilo ami ekkatak Katak im Bujen Ko 20–21, kom̧ maron̄ kile eier wōt juon ko ikōtaan Kabun̄ eo E ekar kajutake etto im eo E ekar kōjepļaaktok rainin. Kōjerbal eoon kein rej ellaajrak n̄an katak kōn Kabun̄ eo an Rilo̧mo̧o̧r ilo tōre ko etto; Matu 16:15–19; Jon 7:16–17; Epesōs 2:19–22; 3 Nipai 11:23–26; Moronai 4–5. Kōjerbal eoon kein n̄an katak kōn Kabun̄ eo kōjepļaaktok: Katak im Bujen Ko 20:17–25, 60, 72–79; 21:1–2. Kwomaron̄ je ta eo kwoj loe ilo juon tebōļ āinwōt in:

	Katak	Kain̄i ko	Mālim eo an priesthood	Rikanaan ro
Kabun̄ eo an Kraist etto	Katak	Kain̄i ko	Mālim eo an priesthood	Rikanaan ro
Kabun̄ eo an Kraist kar kōjepļaaktok	Katak	Kain̄i ko	Mālim eo an priesthood	Rikanaan ro

Ta eo kwoj katak jān m̧akūtkūt in etke Jisōs Kraist ekar kajutake—im kar kōjepļaaktok—Kabun̄ eo An?

Bar lale Dallin H. Oaks, “Aikuj eo N̄an Juon Kabun̄,” Liaona, Nob. 2021, 24–26.

Kajjitōk bwe ren kwaļo̧k. N̄e kwoj karuwaineneik armej ro n̄an kwaļo̧k ta eo rekar katak kōn er make, renaaj en̄jake kōketak n̄an wōnm̧aanļo̧k kōn ekkatak eo aer make. Ta eo kwomaron̄ karuwaineneik ro jet n̄an kwaļo̧ke?

Katak im Bujek Ko 20:37, 75–79; 22

Kain̄i ko rekwojarjar rej jipan̄ eō eromļo̧k āinwōt Rilo̧mo̧o̧r eo.

Ke Kabun̄ in eaar ejaak, Irooj eaar katakin Armej ro Rekwojarjar An kōn kain̄i ko rekwojarjar, ekoba peptaij im kwojkwoj. Ilo ami riit kōn kain̄i kein, kejekļo̧kjeņ ekōjkan aer jipan̄ eok en̄jake ekkjel n̄an Rilo̧mo̧o̧r eo. N̄an waanjon̄ak, ekōjkan an kain̄i kein jipan̄ eok dāpij wōt “pen in bōro n̄an jerbal n̄an [Jisōs Kraist] n̄an jem̧ļo̧kin”? (eoon 37). Kwomaron̄ barāinwōt riiti jar ko an kwojkwoj eo (Katak im Bujen Ko 77, 79) im pijaikļo̧k bwe ej kab kein kajuon in am̧ ron̄jake er. Ta kōļmenļo̧kjeņ ko kwoj būki?

Bar lale D. Todd Christofferson, “Etetal ilo Iaļen Bujen,” Liaona, Māe 2021, 116–19.

Katak im Bujen Ko 20:38–60

Jerbal in jipan̄ an priesthood eo ekōjeraam̧m̧an ro uwaan Kabun̄ in im baam̧le ko aer.

Kwonan̄in ke kar ļōmņak etke ekar aorōk n̄an an Rilo̧mo̧o̧r eo kōjepļaaktok priesthood eo ilo Kabun̄ eo An? Riiti ta eo E ej kajjitōk ippān rikabwijer ro an priesthood eo n̄an kōm̧m̧ane ilo Katak im Bujen Ko 20:38–60 maron̄ lewaj n̄an eok jet kōļmenļo̧kjeņ ko. Ekōjkan an Rilo̧mo̧o̧r eo kar kōjeraam̧m̧an kwe im baam̧le eo am̧ kōn jerbal eo kar kōmeļeļeik ilo eoon kein?

Kobain ro jet me raar ekkapit n̄an priesthood eo, kōrā ro me rej kōjenolo̧k er n̄an jerbal ilo Kabun̄ eo rej barāinwōt kōjerbal mālim eo an Anij ilo aer bōk koņaer ilo jerbal eo An. N̄an katak ekōjkan, lale ennaan eo an Būreejtōn Dallin H. Oaks “The Keys and Authority of the Priesthood” (Liahona, Māe 2014, 49–52).

Bar lale Unin Kōnono ko im Kajjitōk ko, “Joseph Smith’s Teachings about Priesthood, Temple, and Women,” Gospel Library.

Katak im Bujen Ko 21

Pokake naan in Anij kōn rikanaan ro An naaj letok n̄an eō kōjparok eo ekwojarjar.

Katak im Bujen Ko 21:4–9 epād ie kūr ko n̄an ļoor rikanaan eo an Irooj im kallim̧ur ko rekajoor n̄an armej ro me rej kōm̧m̧ane. Ļōmņak kein remaron̄ jipan̄ eok kejekļo̧kjeņ kōn eoon kein:

• Ta naan ko ilo eoon 4–5 rej kōmeļeļeik ta eo Rilo̧mo̧o̧r eo ej kōņaan bwe kwon kōm̧m̧ane kōn naan ko an rikanaan eo emour? Etke kwoj en̄jake ke “kōmmaanwa im tōmak” rej menin aikuj n̄an kōm̧m̧ane menin ?

• Kejekļo̧kjeņ kōn waanjon̄ak eo Rilo̧mo̧o̧r ej kōjerbale ilo eoon 6 n̄an kōmeļeļeik kōjeraam̧m̧an ko n̄an ļoor rikanaan eo An. Ta am̧ ļōmņak ej meļeļe in “aor ko an hell”? Ekōjkan an Irooj “kajjeplōklōk kajoor ko an marok” n̄an eok? Ta meļeļe in n̄an “lan̄ ko ren wūdiddid n̄an em̧m̧an eo ami”?

• Ta eo Irooj ej kajjitōk ippam̧ n̄an kōm̧m̧ane kōn Būreejtōn eo kiiō an Kabun̄ in? Ekōjkan an Irooj kar kakūrm̧ool kallim̧ur ko An ilo am̧ kar ļoor kapilōk eo An?

Kōlaajraki kōļmenļo̧kjeņ ko jet kwoj būki n̄an ļoor jekjōn ko an ennaan eo an Elder Neil L. Andersen “Rikanaan eo an Anij” (Liaona, Māe 2018, 24–27):

• Etke Jej Ļoor Rikanaan eo:

• Juon Riaron̄ron̄ ioon Tawōr eo:

• Kwon Jab Bwilōn̄.

Bar lale “Watchman on the Tower” (pija in alooj eo), ChurchofJesusChrist.org; Unin Kōnono ko im Kajjitōk ko, “Prophets,” Gospel Library eo; “We Listen to a Prophet’s Voice,” Hymns, nō. 22.

Watchman on the Tower

N̄an ļōmņak ko reļļapļo̧k, lale ennaan eo an allōn̄ in ilo Liaona im N̄an Kōkajoorļo̧k Jodikdik ro māākjiin ko.

Ļōmņak ko n̄an Katakin Ajri ro

Katak im Bujen Ko 20–21

Kabun̄ eo an Jisōs Kraist em̧ōj an bar jepļaaktok.

• Ļōmņak in kōjerbal jekjōn taitōļ eo jān Katak im Bujen Ko 21, jebta 9 in Bwebwenato ko jen Katak im Bujen Ko, ak pija in alooj eo “Organization of the Church” (ChurchofJesusChrist.org) n̄an jipan̄ ajri ro nejūm̧ meļeļe ta eo ekar waļo̧k ilo raan eo Kabun̄ in ekar ejaak.

  The Church of Jesus Christ Is Organized: A joyful Church meeting

• Bōlen ajri ro nejūm̧ remaron̄ kajetjet pija ko n̄an doon an Jisōs Kraist, juon ej jerbal in karejar, peptaij, im kwojkwoj eo kōn eoon kein ilo jekjōn 20 lale eoons 21–23, 47, 72–74, 75–79). Kōjerbal pija kein im eoon ko n̄an ekōnono kōn kōjeraam̧m̧an ko jaar būki kōnke kōn Jisōs Kraist ekar kōjepļaaktok Kabun̄ eo An.

Katak im Bujen Ko 20:37, 41, 71–7.

Ke ikar peptaij im kapene, ij kallim̧ur n̄an ļoor Jisōs Kraist.

• Ajri ro nejūm̧ remaron̄ mōņōņō in lo juon pija in juon ajri ej peptaij im kapene. Remaron̄ kwaļo̧k ekōjkan an jetjet n̄an naan in kōmeļeļe ko ilo Katak im Bujen Ko 20:41, 71–74. Ta eo jej katak jān Katak im Bujen Ko 20:37 kōn armej ro me rej kōņaan peptaij? Kwomaron̄ barāinwōt al “When I Am Baptized” ippān doon (Children’s Songbook, 103) ak alooje pija eo “The Baptism of Jesus” (Gospel Library).

  The Baptism of Jesus

  

• Eļan̄n̄e ajri ro nejūm̧ em̧ōj aer kadede kar peptaij im kapene, kajjitōk ippāer kōn en̄jake eo aer. Ewōr ke ippāer pija ko remaron̄ jeeri? Kōnono ippāer kōn ta eo rej kōm̧m̧ane n̄an ļoor Jisōs Kraist im ekōjkan An kōjeraam̧m̧an er.

Katak im Bujen Ko 20:75–79

Imaron̄ bōk etan Jisōs ioō im keememej E iien otemjej.

• Ajri ro nejūm̧ remaron̄ pukōt naan eo “m̧ōņōņō” ilo jim̧or Katak im Bujen Ko 20:37 (kōn peptaij) im eoon 77 (jar in kwojkwoj eo). Ta eo Jisōs Kraist ekōņaan bwe jen m̧ōņōņō n̄an kōm̧m̧ane? Bōlen ajri ro nejūm̧ remaron̄ kappukōt juon men eo me ewōr juon āt ie (eo āinwōt juon etan juon men (brand name) ak etan juon make). Ta eo āt eo ej jiron̄ kōj kōn aitem eo? Ta meļeļe in n̄an bōk iood etan Jisōs Kraist?

• Ļōmņak in riiti ippān doon Katak im Bujen Ko 20:77 im kajjitōk ippān ajri ro nejūm̧ n̄an kile kallim̧ur ko jej kōm̧m̧ani āinwōt m̧ōttan kwojkwoj eo. Bōlen remaron̄ take doon kōm̧m̧an kōl kōn juon men eo remaron̄ kōm̧m̧an n̄an “keememej iien otemjej” Rilo̧mo̧o̧r eo im kajidede kōn ta eo ro jet rej kōm̧m̧ane. Ekkar n̄an eoon 77, ekōjkan ad jeraam̧m̧an n̄e jej keememej Rilo̧mo̧o̧r eo iien otemjej?

Katak im Bujen Ko 21:4–6

Jisōs ej kōjeraam̧m̧am eō ilo aō ļoor rikanaan eo An.

• Ālkin loe kūr ko im kllim̧ur ko ilo Katak im Bujen Ko 21:4–6, ajri ro nejūm̧ remaron̄ lale juon pija in rikanaan eo kiiō im kwaļo̧k juon men raar katak kake ak kar ron̄ jān e. Kwaļo̧k n̄an doon wāween ko Jisōs Kraist ekar kōjeraam̧m̧an eok ilo am̧ ļoor rikanaan eo An.

N̄an ļōmņak ko reļļapļo̧k, lale ennaan eo an allōn̄ in an Jera māākjin eo.

Olivery Cowdery ej Kapit Josep Smith, jān Walter Rane