Մայիսի 5-11. «Խոստումները … կկատարվեն»

Վարդապետություն և Ուխտեր 45

45-րդ բաժնի հայտնությունը ստացվել է համաձայն այդ բաժնի նախադրության՝ «ի ուրախություն Սրբերի»: Եվ այս հայտնության մեջ ուրախանալու շատ բան կա: Այդ հայտնության մեջ Փրկիչը տալիս է Իր սիրասուն խոստումը` բարեխոսելու մեզ համար Հոր առաջ (տես հատվածներ 3–5): Նա պատմում է Իր հավիտենական ուխտի մասին, որը տարածվում է աշխարհով մեկ, ինչպես «պատգամաբերը, որ ճանապարհ պատրաստի [Նրա] առջև» (հատված 9): Եվ Նա մարգարեանում է Իր փառավոր Երկրորդ Գալուստի մասին: Փրկիչն անում է այս ամենը, միաժամանակ նաև ընդունում է, որ սրանք անհանգստացնող ժամանակներ են (տես հատված 34), մասամբ այն վտանգների պատճառով, որոնք պետք է տեղի կունենան մինչև Նրա գալուստը: Բայց այդ վտանգը, այդ խավարը այնքան ուժեղ չէ հույսի լույսը հանգցնելու համար: «Քանզի ճշմարիտ ասում եմ ձեզ», - հայտարարեց Տերը, «որ ես … լույս եմ, որ շողում է խավարում» (հատված 7): Ինքնին դա կարող է լինել այս հայտնությունն ընդունելու պատճառը՝ բոլոր խորհուրդներով, նախազգուշացումներով և ճշմարտությամբ, որոնք Նա ցանկանում է տալ ուրախությամբ:

Գաղափարներ տանը և Եկեղեցում սովորելու համար

Վարդապետություն և Ուխտեր 45․1-5

Հիսուս Քրիստոսը իմ Բարեխոսն է Հոր առաջ

Երբ մենք զգում ենք անհամարժեք կամ անարժան Աստծո առջև, մենք կարող ենք վստահություն գտնել Վարդապետություն և Ուխտեր 45.1–5 հատվածներում Փրկչի խոսքերից: Երբ ուսումնասիրեք այս հատվածները, մտածեք հետևյալ հարցերի մասին.

• Այս հատվածներում ո՞ր բառերն ու արտահայտություններն են հատկապես կարևոր ձեզ համար:

• Բարեխոսն այ մարդն է, ով հրապարակայնորեն աջակցում կամ խորհուրդ է տալիս որևէ անձի կամ գործի: Համաձայն այս հատվածների՝ ինչպե՞ս է Հիսուս Քրիստոսը դա անում ձեզ համար: Ի՞նչն է Նրան որակավորում դա անելու համար:

• Ի՞նչն է ձեզ վրա տպավորություն գործում Հորը ուղղված Փրկչի խոսքերում (հատվածներ 4–5):

Դուք կարող եք նաև ուսումնասիրել այն, ինչ երեց Դեյլ Գ. Ռենլանդն ուսուցանել է Հիսուս Քրիստոսի՝ մեր Բարեխոսի մասին՝ «Ընտրեք այս օրը» իր ելույթում (Լիահոնա, նոյ. 2018, 104–5): Ըստ երեց Ռենլանդի՝ ինչպե՞ս է Փրկչի նպատակը համեմատվում Լյուցիֆերի նպատակների հետ:

Հետևյալ հատվածները կարող են ավելացնել ձեր հասկացողությունը Փրկչի՝ որպես Բարեխոսի դերի մասին: Երբ ուսումնասիրեք դրանք, կարող եք գրի առնել արտահայտությունները կամ ճշմարտությունները, որոնցով կարող եք կիսվել ուրիշների հետ. 2 Նեփի 2.8–9, Մոսիա 15.7–9, Մորոնի 7.27–28, Վարդապետություն և Ուխտեր 29.5, 62․1։ Ինչո՞ւ են այդ արտահայտություններն իմաստալի ձեզ համար:

Տես նաև «Ես մնում եմ զարմացած», Հիմներ, էջ. 22, Թեմաներ և հարցեր, «Հիսուս Քրիստոսի Քավությունը», Ավետարանի գրադարան, «The Mediator» (տեսանյութ), Ավետարանի գրադարան։

The Mediator

Վարդապետություն և Ուխտեր 45․9-10

Ավետարանը չափանիշ է ազգերի համար:

Հին ժամանակներում չափանիշը մի դրոշակ էր, որը տեղափոխվում էր մարտի դաշտ, որն օգտագործվում էր զորքերը հավաքելու և միավորելու համար: Չափանիշը նաև օրինակ է կամ կանոն, որի հետ կարելի է համեմատել ուրիշ բաներ: Երբ կարդաք Վարդապետություն և Ուխտեր 45.9-10, խորհեք, թե Տիրոջ հետ կապած ձեր ուխտերն ինչպե՞ս են չափանիշ եղել ձեզ համար:

Վարդապետություն և Ուխտեր 45․11-75

Հիսուս Քրիստոսը կվերադառնա փառքով

Տիրոջ Երկրորդ Գալուստը նկարագրվել է և որպես «մեծ» և «ահեղ» (Մաղաքիա 4.5): Վարդապետություն և Ուխտերում 45-ում երկու նկարագրություններն էլ կարծես տեղ են գտել: Այս հայտնությունը ներառում է ինչպես սթափ նախազգուշացումներ, այնպես էլ հուսադրող խոստումներ Տիրոջ գալստյան մասին: Երբ դուք ուսումնասիրեք 11–75 հատվածները, խորհեք, թե ինչպես կարող եք Երկրորդ Գալուստին նախապատրաստվել Քրիստոսի հանդեպ հավատքով, այլ ոչ թե վախով: Գրի առեք ձեր սովորածն այս աղյուսակում.

Մարգարեություն կամ խոստում	Ինչ կարող եմ անել
Մարգարեություն կամ խոստում Լույս (ավետարան) կծագի խավարի մեջ նստածներին (հատված 28)	Ինչ կարող եմ անել Ստանալ լույսը ու կիսվել դրանով (հատված 29)
Մարգարեություն կամ խոստում	Ինչ կարող եմ անել
Մարգարեություն կամ խոստում	Ինչ կարող եմ անել
Մարգարեություն կամ խոստում	Ինչ կարող եմ անել

«Մարդկանց սրտերը կնվաղեն» տեսանյութում (Ավետարանի գրադարան) ի՞նչ խորհուրդ տվեց նախագահ Ռասսել Մ. Նելսոնը՝ օգնելու մեզ խաղաղությամբ դիմակայել սարսափելի իրավիճակներին:

Men's Hearts Shall Fail Them

Վարդապետություն և Ուխտեր 45․31-32, 56-57

Ես կարող եմ «կանգնել սուրբ տեղերում» և չեն շարժվի

Ի՞նչ եք սովորում Վարդապետություն և Ուխտեր 45.31–32, 56–57 հատվածներից Տիրոջ Գալուստին պատրաստվելու մասին: Որո՞նք են ձեր «սուրբ տեղերը»: Ի՞նչ է նշանակում «չեն շարժվի»: Ինչպե՞ս կարող եք ավելի սուրբ դարձնել այն վայրը, որտեղ դուք գտնվում եք։

Ուշադրություն դարձրեք, որ Տերն անդրադարձավ տասը կույսերի առակին՝ համեմատելով առակում նկարագրված յուղը ճշմարտության և Սուրբ Հոգու հետ: Կարող եք կարդալ Մատթեոս 25.1–13 առակը` նկատի ունենալով դա: Ի՞նչ պատկերացումներ եք ձեռք բերում:

Դեյվիդ Բեդնար, «Եթե ճանաչեիք Ինձ», Լիահոնա, նոյեմբեր 2016, 102:

Տասը կույսերի առակը, ըստ Դան Բըրի

Վարդապետություն և Ուխտեր 45․11-15, 66-71

Սիոնը ապահովության վայր է Աստծո Սրբերի համար:

Ջոզեֆ Սմիթի ժամանակներում Սրբերը մեծ ցանկություն ունեին կառուցել Սիոնը, Նոր Երուսաղեմը (տես Եթեր 13.2–9, Մովսես 7.62–64): Վարդապետություն և Ուխտեր 45.11–15, 66–71-ից ի՞նչ եք սովորում Ենովքի օրերի հնադարյան քաղաքի և վերջին օրերի քաղաքի մասին: Այսօր Սիոնը հաստատելու պատվիրանը վերաբերում է Աստծո թագավորության հաստատմանը, որտեղ էլ որ ապրենք: Ի՞նչ կարող եք անել, որպեսզի օգնեք կառուցել Սիոնը, որտեղ էլ որ ապրեք:

Գաղափարներ երեխաներին ուսուցանելու համար

Վարդապետություն և Ուխտեր 45․3–5

Հիսուս Քրիստոսն իմ Բարեխոսն է Հոր առաջ

• Դուք կարող եք օգնել ձեր երեխաներին հասկանալ, որ Բարեխոսը նա է, ով աջակցում է մեկ այլ անձի: Այնուհետև կարող եք խոսել բարեխոս լինելու օրինակների մասին, որոնց նրանք կարող են ծանոթ լինել (ինչպես ընկերոջը պաշտպանելը): Երբ միասին կարդաք Վարդապետություն և Ուխտեր 45.3–5 հատվածները, օգնեք ձեր երեխաներին բացահայտել, թե ով է մեր Բարեխոսը և ինչպես է Նա օգնում մեզ:

Վարդապետություն և Ուխտեր 45․32

Ես կարող եմ «կանգնել սուրբ տեղերում»:

• Գուցե հետաքրքիր լինի տան, Եկեղեցու շենքի և տաճարի նկարներ տեղադրել սենյակի շուրջը: Այնուհետև կարող եք տալ ձեր երեխաներին այս վայրերը նկարագրող հուշումներ և հրավիրել նրանց կանգնել ձեր նկարագրած նկարի մոտ: Խնդրեք նրանց կանգնել տեղում, երբ դուք կարդում եք Վարդապետություն և Ուխտեր 45.32 հատվածի առաջին տողը: Որո՞նք են մի քանի սուրբ վայրերը, որոնք Աստված տալիս է մեզ: Օգնեք ձեր երեխաներին հասկանալ, որ «կանգնեն սուրբ տեղերում և չեն շարժվի» նշանակում է՝ ճիշտն ընտրել բոլոր ժամանակներում, անկախ նրանից, թե ինչ է կատարվում: Մենք ինչպե՞ս կարող ենք մեր տները ավելի սուրբ տեղ դարձնել:

Վարդապետություն և Ուխտեր 45․9

Հիսուս Քրիստոսի ավետարանը չափանիշն է աշխարհին

• Կարող եք բացատրել ձեր երեխաներին, որ հին ժամանակներում չափանիշը դրոշակ կամ դրոշ էր, որը տանում էին ռազմադաշտ: Այն օգնում էր զինվորներին իմանալ, թե որտեղ պետք է հավաքվեն և ինչ անեն: Միասին կարդացեք Վարդապետություն և Ուխտեր 45․9- և քննարկեք, թե ինչպես է ավետարանը չափանիշի նման: Ձեր երեխաների համար գուցե հետաքրքիր լինի ինքնուրույն չափանիշ կամ դրոշ պատրաստել, ներառյալ պատկերներ կամ բառեր, որոնք արտահայտում են իրենց զգացմունքները Փրկչի հանդեպ:

Ավետարանը նման է չափանիշի, կամ դրոշի:

Վարդապետություն և Ուխտեր 45․44-45

Հիսուս Քրիստոսը կրկին կգա

• Այն կործանումը, որը տեղի կունենա մինչ Երկրորդ Գալուստը, կարող է վախեցնել երեխաներին: Երբ դուք մատնացույց անեք Հիսուս Քրիստոսին, դա կօգնի նրանց հավատքով առաջ նայել: Հրավիրեք նրանց մտածել, թե ինչ են զգում, երբ հատուկ մեկը գալիս է այցելության, օրինակ՝ տատիկը կամ պապիկը կամ ընկերը: Նրանք ինչպե՞ս են պատրաստվում դիմավորել այդ հյուրին: Ապա կարող եք ցույց տալ Փրկիչի նկարներից մեկը և կարդալ Վարդապետություն և Ուխտեր 45.44-45 հատվածները: Կիսվեք միմյանց հետ, թե ինչպիսին է ձեր վերաբերմունքը Հիսուս Քրիստոսի Գալուստի վերաբերյալ:

• Որպեսզի օգնեք ձեր երեխաներին ոգևորվել Փրկչի Երկրորդ Գալուստով, դուք կարող եք թղթի վրա գրել 45-րդ բաժնի որոշ հուսադրող խոստումներ բաժին 45 (օրինակի համար կարդացեք 44–45, 51–52, 55, 58–59, 66–71 հատվածները): Տվեք ձեր երեխաներին այդ թղթերը և խնդրեք նրանց ձեռք բարձրացնել, երբ ձեր տողերը կարդալիս նշվի այն խոստումը, որը նրանց մոտ է: Քննարկեք, թե ինչ են նշանակում այս խոստումները: Կարող եք նաև ձեր երեխաների երգել մի երգ Երկրորդ Գալուստի մասին, օրինակ՝ «When He Comes Again» (Children’s Songbook, 82–83)։

Օգնեք երեխաներին ճանաչել Հոգուն: Ձեր երեխաներին ուսուցանելիս պատմեք նրանց, թե դուք երբ եք զգում Սուրբ Հոգին: Խոսեք այն մասին, թե դուք ինչպես եք զգում Նրա ազդեցությունը: Օրինակ, դուք կարող եք զգալ խաղաղություն կամ ուրախություն Փրկիչի մասին երգ երգելիս:

Լրացուցիչ գաղափարների համար տես Ընկեր ամսագրի այս ամսվա համարը։

Երկրորդ Գալուստը, Հարրի Անդերսոնի