5–11 Me: ‟O Folafolaga … O Le a Faataunuuina”

Mataupu Faavae ma Feagaiga 45

O le faaaliga i le vaega 45 na maua mai, e tusa ai ma le faaulutala o le vaega, ‟i le olioli o le Au Paia.” Ma e tele nauā mea e olioli ai i lenei faaaliga. I lea faaaliga ua tuuina mai ai e le Faaola Lana folafolaga mālū e aioi atu mo i tatou i luma o le Tama (tagai fuaiupu 3–5). Ua Ia faamatalaina Lana feagaiga tumau-faavavau o loo salalau atu i le lalolagi atoa, e pei ‟o se avefeau … e saunia ai le ala i luma [o Ia]” (fuaiupu 9). Ma ua Ia valoia Lona Afio Mai Faalua mamalu. E faia e le Faaola nei mea uma a o faailoa mai foi o taimi faigata nei (tagai fuaiupu 34), o se vaega ona o faigata o le a tutupu a o lei afio mai o Ia. Ae o lena faigata, o lena pogisa e le lava le malosi e tapē ai le malamalama o le faamoemoe. ‟Aua e moni Ou te fai atu ia te outou,” na tautino mai ai le Alii, ‟o a’u lava … o se malamalama ua susulu i le pouliuli” (fuaiupu 7). O le mafuaaga lena e tasi ia talia ai lenei faaaliga—faatasi ma po o a lava fautuaga ma lapataiga ma upumoni e finagalo o Ia e tuuina mai—ma le olioli.

Manatu mo le Aoaoina i le Aiga ma i le Lotu

Mataupu Faavae ma Feagaiga 45:1–5

O Iesu Keriso o lo’u Fautua i le Tama.

A tatou lagona le le atoatoa po o le le agavaa i luma o le Atua, e mafai ona tatou maua le faamautinoaga mai afioga a le Faaola i le Mataupu Faavae ma Feagaiga 45:1–5. A o e suesue i nei fuaiupu, mafaufau i fesili e pei o nei:

• O le fea o upu po o fasifuaitau o loo i nei fuaiupu e iai sona lagona faapitoa ia te oe?

• O se fautua o se tasi e lagolagoina faalauaitele pe fautuaina atu se tagata po o se mafuaaga. E tusa ai ma nei fuaiupu, e faapefea ona faia e Iesu Keriso lenei mea mo oe? O le a le mea ua agavaa ai o Ia e faia?

• O le a se mea ua faagaeetia ai oe e uiga i afioga a le Faaola i le Tama? (fuaiupu 4–5).

E mafai foi ona e suesue i mea na aoao mai e Elder Dale G. Renlund e uiga ia Iesu Keriso, lo tatou Fautua, i le “Ina Filifili ia o Outou i Le Aso Nei” (Liahona, Nov. 2018, 104–5). E tusa ai ma le saunoaga a Elder Renlund, e faapefea ona faatusatusa faamoemoega o le Faaola ma faamoemoega o Lusifelo?

O fuaitau nei e mafai ona faaopoopo i lou malamalamaaga i le matafaioi a le Faaola o se Fautua. A o e suesue i ai, mafaufau e tusi i lalo fuaitau po o upumoni e mafai ona e faasoa atu i isi: 2 Nifae 2:8–9; Mosaea 15:7–9; Moronae 7:27–28; Mataupu Faavae ma Feagaiga 29:5; 62:1. Aisea e anoa ai nei fasifuaitau ia te oe?

Tagai foi i le ‟Ou Te Tu ma Ofo,” Viiga, nu. 107; Autu ma Fesili, ‟Togiola a Iesu Keriso,” Gospel Library; ‟O Le Puluvaga” (vitiō), Gospel Library.

The Mediator

A portrayal of the analogy Elder Boyd K. Packer used in his April 1977 general conference address. A young man who fails to pay a debt is saved from the grasp of justice through the mediation of a friend.

Mataupu Faavae ma Feagaiga 45:9–10

O le talalelei o se tagavai i malo.

I aso anamua, o se tagavai sa tauaveina i se taua sa faaaoga e faapotopoto ai ma tuufaatasia ai fitafita. O se tulaga faatauaina o se faataitaiga po o se tulafono foi e mafai ona fua agai i ai isi mea. A o e faitau i le Mataupu Faavae ma Feagaiga 45:9–10, mafaufau loloto pe na faapefea ona avea au feagaiga ma se tagavai mo oe.

Mataupu Faavae ma Feagaiga 45:11–75

O le a toe fo’i mai Iesu Keriso i le mamalu.

O le Afio Mai Faalua o le Alii ua faamatalaina e ‟silisili” ma ‟matautia” (Malaki 4:5). I le Mataupu Faavae ma Feagaiga 45, o faamatalaga uma e lua e foliga mai e fetaui i ai. O lenei faaaliga e aofia ai lapataiga faamaoni ma folafolaga faamoemoeina e uiga i le afio mai o le Alii. A o e suesueina fuaiupu 11–75, mafaufau loloto pe mafai faapefea ona e saunia mo le Afio Mai Faalua ma le faatuatua ia Keriso nai lo o le fefe. Tusifaamaumau mea e te mauaina i se siata e pei o lenei:

Valoaga po o folafolaga	O le mea e mafai ona ou faia
Valoaga po o folafolaga O le a oo mai se malamalama (le talalelei) ia i latou o e nonofo i le pouliuli (fuaiupu 28)	O le mea e mafai ona ou faia Talia le malamalama—ma faasoa atu (fuaiupu 29)
Valoaga po o folafolaga	O le mea e mafai ona ou faia
Valoaga po o folafolaga	O le mea e mafai ona ou faia
Valoaga po o folafolaga	O le mea e mafai ona ou faia

I le vitiō ‟Men’s Hearts Shall Fail Them” (Gospel Library), o le a le fautuaga na tuuina mai e Peresitene Russell M. Nelson e fesoasoani ia i tatou e feagai filemu ai ma tulaga taufaafefe?

Men's Hearts Shall Fail Them

Ua faasoa mai e Elder Russell M. Nelson se tala patino e aumai ai se faamalosiauga i taimi tatou te lagona ai le “vaivai o le loto.”

Mataupu Faavae ma Feagaiga 45:31–32, 56–57

E mafai ona ou ‟tu i nofoaga paia” ma aua le masii ese.

O le a se mea ua e aoaoina i le Mataupu Faavae ma Feagaiga 45:31–32, 56–57 e uiga i le saunia mo le afio mai o le Alii? O a au “nofoaga paia”? O le a le uiga o le “le masii ese”? E mafai faapefea ona e faia le mea o e iai ia sili atu le paia?

Matau na faatatau atu le Alii i le faataoto i taupou e toasefulu, ma faatusatusa le suauu i le faataoto i le upumoni ma le Agaga Paia. Mafaufau e faitau le faataoto i le Mataio 25:1–13 faatasi ai ma lena mea i lou mafaufau. O a ni malamalamaaga ua e maua?

Tagai foi i le sāvali a David A. Bednar, “Ana Iloa e Outou o A’u,” Liahona, Nov. 2016, 102–5.

Faataoto i Taupou e Toasefulu, saunia e Dan Burr

Mataupu Faavae ma Feagaiga 45:11–15, 66–71

O Siona o se nofoaga o le filemu mo le Au Paia a le Atua.

Sa naunau le Au Paia i vaitaimi o Iosefa Samita e fausia Siona, le Ierusalema Fou (tagai i le Eteru 13:2–9; Mose 7:18, 62–64). O le a se mea e te aoaoina e uiga ia Siona—i le nuu anamua i aso o Enoka ma le nuu i aso e gata ai—mai le Mataupu Faavae ma Feagaiga 45:11–15, 66–71? O le taimi nei, o le poloaiga e faatu Siona e faasino i le faatuina o le malo o le Atua i soo se mea lava tatou te nonofo ai. O le a le mea e mafai ona e faia e fesoasoani ai e faatu Siona i le mea o loo e i ai?

Tagata, Nofoaga, Mea e Tutupu

• Iosefa Samita le Itiiti

• Faatoaga a Isaako ma Lusi Morley

• Faaliliuga a Iosefa Samita o le Tusi Paia

Kiliki e vaai i isi mea

Manatu mo le Aoaoina o Tamaiti

Mataupu Faavae ma Feagaiga 45:3–5

O Iesu Keriso o lo’u Fautua i le Tama.

• Atonu e te manao e fesoasoani i lau fanau ia malamalama o se fautua o se tasi e lagolagoina se isi tagata. Ona mafai lea ona e talanoa e uiga i faataitaiga atonu latou te masani ai o le avea ai ma se fautua (e pei o le tu atu mo se uo). A o outou faitau faatasi i le Mataupu Faavae ma Feagaiga 45:3–5 , fesoasoani i lau fanau ia iloa po o ai lo tatou Fautua ma pe faapefea ona Ia fesoasoani mai ia i tatou.

Mataupu Faavae ma Feagaiga 45:32

E mafai ona ou “tu i nofoaga paia.”

• Atonu e manaia le tuu o ata o se fale, se fale o le Ekalesia, ma se malumalu faataamilo i le potu. Ona mafai lea ona e tuuina atu i lau fanau ni faaātaātaga e faamatala ai nei nofoaga ma valaaulia i latou e tutu i autafa o le ata o loo e faamatalaina. Fai atu ia i latou e tutu filemu a o e faitauina le laina muamua mai le Mataupu Faavae ma Feagaiga 45:32. O a nisi o nofoaga paia e tuuina mai e le Atua ia i tatou? Fesoasoani i tamaiti ia malamalama o le “tutu i nofoaga paia, ma … le masii ese” o lona uiga o le filifili o le mea tonu i taimi uma, e tusa lava po o le a le mea o loo tupu. E mafai faapefea ona tatou faia o tatou aiga o se nofoaga sili ona paia?

Mataupu Faavae ma Feagaiga 45:9

O le talalelei a Iesu Keriso o se tagavai i le lalolagi.

• E mafai ona e faamalamalama atu i lau fanau i aso anamua, o se ie po o se fu’a na avea ma tagavai e tauaveina i taimi o taua. E fesoasoani i fitafita e iloa ai le mea e faapotopoto i ai ma le mea e fai. Faitau faatasi le Mataupu Faavae ma Feagaiga 45:9, ma talanoaina auala e pei ai le talalelei o se tagavai. Atonu e fiafia lau fanau i le faia o o latou lava tagavai po o fu’a, e aofia ai ata po o upu e faaalia ai o latou lagona e uiga i le Faaola.

O le talalelei e pei o se tagavai, po o se fu’a.

Mataupu Faavae ma Feagaiga 45:44–45

O le a toe afio mai Iesu Keriso.

• O le faatafunaga o le a tupu a o lei oo i le Afio Mai Faalua e ono fefefe ai tamaiti. O le faasino atu o i latou ia Iesu Keriso e mafai ona fesoasoani ia i latou e tulimatai atu ai i luma ma le faatuatua! Mafaufau e valaaulia i latou e mafaufau e uiga i o latou lagona pe a sau se tagata faapitoa e asiasi mai, e pei o se matua o mātua po o se uo. E faapefea ona latou saunia mo lea asiasiga? Ona faaali atu lea o se ata o le Faaola ma faitau le Mataupu Faavae ma Feagaiga 45:44–45. Faasoa atu i le tasi ma le isi ou lagona e uiga i le afio mai o le Faaola.

• Ina ia fesoasoani i lau fanau ia lagona le fiafia e uiga i le Afio Mai Faalua o le Faaola, e mafai ona e tusia i luga o ni fasipepa nisi o folafolaga faamoemoeina mai le vaega 45 (tagai, mo se faataitaiga, fuaiupu 44–45, 51–52, 55, 58–59, 66–71). Tuu atu i lau fanau pepa ma fai atu ia i latou e sii o latou lima pe a ta’ua le folafolaga o loo latou uuina a o e faitauina ia fuaiupu. Talanoa po o le a le uiga o nei folafolaga. E mafai foi ona outou usuina faatasi se pese e faatatau i le Afio Mai Faalua, e pei o le “Pe A Ia Toe Afio Mai” (Tusipese a Tamaiti, 46–47).

Fesoasoani i tamaiti ia iloa le Agaga. Ao e aoaoina lau fanau, ta’u atu ia i latou taimi e te lagonaina ai le Agaga Paia. Talanoa pe faapefea ona e iloaina Ona aafiaga. Mo se faataitaiga, e mafai ona e lagonaina le filemu po o le fiafia a’o e usuina se pese e faatatau i le Faaola.

Mo nisi manatu, tagai i le lomiga o lenei masina o le mekasini o le Uo .

O le Afio Mai Faalua, saunia e Harry Anderson