First Furrow [Muforo weKutanga], naJames Taylor Harwood

Chivabvu 26–Chikumi 1: “Mutariri Akatendeka, Akarurama uye Akangwara”

Dzidziso neZvibvumirano 51–57

Kunhengo dzeChechi muma1830, kuunganidza Vatendi nekuvaka guta reZioni kwaiva mabasa ezvepamweya pamwepo neezvepanyama, uye kuine nyaya chaidzo dzakawanda dzaifanira kugadziriswa: Mumwe munhu aifanira kutenga nzvimbo iyo Vatendi yavaikwanisa kuzogara. Mumwe munhu afanira kudhinda mabhuku nezvimwe zvinyorwa. Uye mumwe munhu aifanira kuva nechitoro chaizotengesa zvinhu kuvanhu vaiva muZioni. Muzvakazarurwa zvakanyorwa muDzidziso neZvibvumirano 51–57, Ishe vakagadza uye vakaraira vanhu kuti vaite mabasa aya.

Asi apo unyanzvi muzvinhu zvakadaro hwuchidikanwa muZioni, zvakazarurwa izvi zvinodzidzisawo kuti Ishe vanoda kuti Vatendi Vavo vave vakakodzera pane zvepamweya kuti vadaidzwe kunzi vanhu veZioni—vanhu Vavo. Vanodaidza mumwe nemumwe wedu kuti ave “mutariri akatendeka, akarurama, uye akangwara,”aine mweya wekuzvidemba, “[tichi]mira takasimba” mumabasa edu atakagadzwa maari (ona Dzidziso neZvibvumirano 51:19; 52:15; 54:2). Kana tikakwanisa kuita izvozvo—zvisinei nemamiriro eunyanzvi hwedu hwepanyama—Ishe vanokwanisa kutishandisa kuvaka Zioni.

Mazano eKudzidza Kumba uye kuChechi

Dzidziso neZvibvumirano 51

Ishe vanoda kuti ndive mutariri akatendeka, akarurama, uye akangwara.

Dai wakanga uri nhengo yeChechi muna 1831, ungangodai wakakokwa kuti urarame mutemo werukumikidzo nokupa pfuma yako kuChechi kuburikidza nekuna bhishopi. Ivo zvino vaizodzorera kwauri, kazhinji kacho, izvo zvawakapa, dzimwe nguva nezvimwe pamusoro. Asi zvakanga zvisisingori pfuma yako chete—zvaiva utariri hwako.

Nhasi maitirwo azvo asiyana, asi misimboti yacho ichakakosha kubasa raIshe. Apo paunoverenga chikamu 51, funga pamusoro peizvo Mwari zvavakapa kwauri kuti uite. Mashoko anoti “mutariri” (ndima 19) uye “kumikidzwa” (ndima 5) anorevei pamusoro pezvinotarisirwa kubva kwauri naMwari?

Mutungamiri Spencer W. Kimball vakatsanangura kuti: “MuChechi utariri ruvimbo runoera rwezvepamweya kana zvepanyama urwo rune kuzvidavirira. Nokuda kwokuti zvinhu zvose ndezva Ishe, isu tiri vatariri vemiviri, pfungwa, mhuri, nepfuma dzedu. (Ona Dzidziso neZvibvumirano 104:11–15.) Mutariri akatendeka ndeuyo anoshandisa utongi hwakarurama, anehanya nevake, uye anotaririra varombo nevanoshaiwa” (“Weflare Services: The Gospel in Action,” Ensign, Mbudzi 1977, 78).

Onawo “The Law of Consecration” (vhidhiyo), Gospel Library.

The Law of Consecration

Historians Kate Holbrook and Steven C. Harper discuss what the Law of Consecration is, the three core doctrines pertaining to it, and how we can live it today.

Dzidziso neZvibvumirano 52:9–11, 22–27

Ndinokwanisa kukoka vamwe kuuya kuna Kristu kwese zvako kwandinoenda.

Apo Ishe pavakatumira vatungamiri veChechi vakati wandei kuMissouri, vakavaudza kuti vashandise nguva yavaipedza vachifamba uye “vaparidze nemunzira” (ndima 25–27). Ungakwanisa sei kugovera vhangeri “nemunzira,” kana munguva yezviitiko zvemazuva ose zveupenyu hwako?

Dzidziso neZvibvumirano 52:14–19

Ishe vanondibatsira kunzvenga hunyengeri.

Nokuda kwekuti vanhu vazhinji vakanga vachiti vanowana zviratidzo zvepamweya, Vatendi vekutanga vakanga vachinetsekana pamusoro pekunyengedzwa. Ndeipi yambiro iyo Ishe yavakavapa muDzidziso neZvibvumirano 52:14? Mhinduro Yavo yaiva ipi? (ona ndima 14–19).

Mutoo ndechimwe chinhu icho chinoramba chichidzokorora nenzira yenguva dzose, inozivikanwa. Mienzaniso inosanganisira kuverenga uchishandisa manhamba anoburitsa zvakaenzana kana zuva rinobuda nokuvira zuva roga roga. Ndeipi mimwe mienzaniso yaunokwanisa kufunga nezvayo? Apo paunotsvagurudza Dzidziso neZvibvumirano 52: 14–19, wana mutoo waIshe wekudzivirira hunyengedzi. Zvingangobatsira kucherechedza kuti “kudemba” kunoreva manzwiro eruninipo nerutendeuko, “unyoro” zvinoreva kupfava uye nekuzvidzora, uye “kudzidzisa” zvinoreva kurairidza, kunatsurudza, uye kuvaka. Sei uchinzwa kuti mutoo waIshe unosanganisira hunhu uhwu, pamwepo nekuteerera? Ungashandisa sei mutoo uyu kuitira kunzvenga hunyengedzi?

Tsanangura mashoko akaoma. Muapp yeRaibhurari yeVhangeri, unokwanisa kudzvanya uye woramba wakadzvanyirira pashoko uye zvino wosarudza “Tsananguro.” Zvino unozoendeswa kutsananguro yeshoko iroro. Edza izvi apo paunosangana nemashoko ausingazivi—kana mashoko ayo anotaridzika seaunoziva ayo aunoda kunzwisisa zvirinani.

Ndeipi mimwe mienzaniso yehunyengedzi muzuva redu? Tingakwanisa kuziva sei apo patinenge tichinyengedzwa?

Semuenzaniso, ungangofunga pamusoro pokuwongorora sarudzo dzako maererano nemafirimu, mumhanzi, uye nhepfenyuro dzepaindaneti maererano nemwero iri “muWalk in God’s light” muFor the Strenth of Youth: A Guide for Making Choices, 16–21.

Onawo Gary E. Stevenson, “Deceive Me Not,” Liahona, Mbudzi. 2019, 93–96; “Guide Me to Thee,” Hymns, nhamba 101; Topics and Questions, “Seeking Truth and Avoiding Deception (Kutsvaka Chokwadi uye Kunzvenga Hunyengedzi,” Gospel Library.

Dzidziso neZvibvumirano 54

Ndinokwanisa kutendeukira kuna naIshe apo pandinorwadziswa nesarudzo dzevamwe.

Wakambotambura nekuwora mwoyo here apo mumwe munhu wawaivimba naye paasina kuchengeta tsidziro dzake? Izvi zvakaitika kuVatendi vaibva kuColesville, New York, avo vaitarisira kugara panzvimbo yaLeman Copley muOhio. Kuti udzidze kubva kuchiitiko ichi, funga kuwongorora musoro wenyaya kuchikamu 54 (onawo Saints, 1:125–28; “A Bishop unto the Church,” muRevelations in Context, 78–79). Dai wakanga uine shamwari pakati paVatendi vekuColesville, irairo ipi yawaikwanisa kuwana muchikamu 54 yokugoverana naye?

purazi raLeman Copley

Dzidziso neZvibvumirano 56:14–20

Vakaropafadzwa avo vakachena mumwoyo.

Mundima idzi, Ishe vakataura kune vose vapfumi nevarombo; zvingangonakidza kuenzanisa rairo Yavo kumapoka maviri aya. Chii mundima idzi chaunonzwa chiri chakakodzera kwauri iwe pachako?

­

Mazano eKudzidzisa Vana

Dzidziso neZvibvumirano 51:9

Ndinokwanisa kuva akatendeka.

• Kuti ubatsire vana vako kudzidza zvazvinoreva kuva vakatendeka, munokwanisa kuverenga pamwechete Dzidziso neZvibvumirano 51:9 uye mogoverana nyaya dzevana vanotarisana nesarudzo pamusoro pekuva vakatendeka. Unokwanisa kushandisa mifananidzo, zvidhori zvemasokisi, kana zvidhori zvemapepa kuita kuti nyaya dzacho dzinyanye kunakidza. Ishe vanotiropafadza sei apo patinoedza nesimba kuva vakatendeka?

• Funga pamusoro pekutamba mutambo nevana vako. Pashure, kurukurai kuti mutambo uyu waizova wakasiyana sei dai mumwe munhu anga abiridzira. Sei zvakakosha kuti “mushande zvakatendeka” nevamwe?

Dziziso neZvibvumirano 52:10; 53:3; 55:1

Ndinogamuchira chipo cheMweya Mutsvene nokuiswa maoko pamusoro wangu.

• Kugamuchira Mweya Mutsvene nokuiswa maoko pamusoro kunotaurwa kakawanda muDzidziso neZvibvumirano 51–57. Uyu ungangova mukana wakanaka wokudzidzisa vana vako pamusoro pechisungo ichi. Semuenzaniso, vanokwanisa kutarisa pamufananidzo wemwana ari kusimbiswa uye votsanangura izvo zviri kuitika mumufananidzo wacho. Vakumbire kuombera maoko avo apo pavanonzwa “kuiswa kwemaoko pamusoro” kana “kuisa maoko pamusoro” apo paunoverenga Dzidziso neZvibvumirano 52:10; 53:3; 55:1.

• Munokwanisawo kuimba “The Holy Ghost” (Children’s Songbook, 105) kana rumbo rwakafanana nairworwo. Batsira vana vako kuwana mashoko nendevo murumbo rwacho zvinodzidzisa pamusoro pechipo cheMweya Mutsvene.

  

Dzidziso neZvibvumirano 52:14–19

Mwari vane mutoo wokundibatsira kuti ndisanyengedzwa.

• Kuti udzidzise pamusoro pemutoo waIshe wekunzvenga hunyengedzi, ungangotanga nokubatsira vana kuwana mienzaniso yemitoo—muzvisikwa, mumagumbeze anemavara kana mumbatya dzinemavara, kana muupenyu hwemazuva ose. Vabatsire kuwana mutoo Ishe wavakapa muDzidziso neZvibvumirano 52:14–15. Ita chokwadi kuti vanonzwisisa mashoko api zvawo avasingazivi mundima idzi. Tingakwanisa sei kushandisa mutoo uyu kuziva chokwadi?

Dzidziso neZvibvumirano 54:4–6

Ndinofanira kuchengeta zvibvumirano zvangu nguva dzose.

• Mumashoko ako pachako, goverana nevana vako izvo zvakaitika kuVatendi vakauya kuzogara panzvimbo yaLeman Copley (ona musoro wenyaya kuchikamu 54). Vana vako vanokwanisa kunyepedzera kuva nhengo yeChechi yasvika muOhio. Vangadai vakanzwa sei mushure mekunge Leman atyora chibvumirano chake? Izvi zvinotidzidzisa chii pamusoro pekuchengeta zvibvumirano nezvivimbiso zvedu? Verengai pamwechete Dzidziso neZvibvumirano 54:6 kuti muwane maropafadzo avanhu vanochengeta zvibvumirano zvavo.

Dzidziso neZvibvumirano 55:1–4

Ndinokwanisa kushandisa maropafadzo Mwari avakandipa kuropafadza vamwe.

• Kuti usume chikamu 55, ungangoda kutsanangura kuti William W. Phelps aiva mushambadzi wemapepanhau uyo akadzidza pamusoro pevhangeri uye akapinda muChechi. Verenga nevana vako Dzidziso neZvibvumirano 55:1–4, uye wovabatsira kuziva izvo Mwari zvavaida kuti William aite. Vakaronga kushandisa sei matarenda aWilliam? Izvi zvinokwanisa kutungamirira kuhurukuro pamusoro pemakokero ayo Mwari avangatiita kushandisa matarenda edu kuropafadza vana Vavo.

­

Bishop Partridge Receives Consecration,[Bhishopi Patridge Vanogamuchira Zvikumikidzo], naAlbin Veselka