First Furrow [Te rēnira’a mātāmua], nā James Taylor Harwood

26 nō Mē–1 nō Tiunu : « ’Ei ti’a’au ha’apa’o maita’i, ’e te parauti’a, ’e te pa’ari ho’i »

Te Ha’api’ira’a Tumu ’e te mau Fafaura’a 51–57

Nō te mau melo o te ’Ēkālesia i roto i te mau matahiti 1830, ’ua riro te ha’aputuputura’a i te feiā mo’a ’e te patura’a i te ’oire o Ziona, ’ei ’ohipa pae vārua ’e te pae tino ato’a, ma te mau rāve’a ’ōhie e rave rahi nō te pāhono : I te hō’ē ta’ata e hina’aro e ho’o mai i te fenua ’ei vāhi fa’aeara’a nō te feiā mo’a. ’Ua hina’arohia i te hō’ē ta’ata nō te nene’i i te mau buka ’e te tahi atu mau parau ha’aparare. ’E hō’ē ta’ata ’ua hina’arohia ’ia fa’atere i te hō’ē fare toa nō te hōro’a i te mau tauiha’a nō rātou i Ziona. I roto i te mau heheura’a tei pāpa’ihia i roto i Te Ha’api’ira’a Tumu ’e te mau Fafaura’a 51–57, ’ua fa’ata’a ’e ’ua ha’api’i te Fatu i te ta’ata ’ia rave i teie mau ’ohipa.

Terā rā, noa atu ’ua tītauhia te mau ’aravihi i Ziona, tē ha’api’i ato’a mai nei teie mau heheura’a ē, tē hina’aro nei te Fatu i tōna Feiā mo’a ’ia ti’amā i te pae vārua ’ia pi’ihia rātou te feiā nō Ziona—Tōna nūna’a. ’Ua pi’i ’oia ia tātou tāta’itahi ’ia riro « ’ei ti’a’au ha’apa’o maita’i, ’e te parauti’a, ’e te pa’ari ho’i », ma te vārua ha’eha’a, ma te « ti’a pāpū » i roto i tā tātou mau hōpoi’a i fa’ata’ahia (hi’o Te Ha’api’ira’a Tumu ʼe te mau Fafaura’a 51:19 ; 52:15 ; 54: 2). Mai te mea e nehenehe tātou e rave i te reira—noa atu ā tō tātou mau ’aravihi i te pae tino nei—e nehenehe te Fatu e fa’a’ohipa ia tātou nō te patu ia Ziona.

Mana’o nō te ’apo i te ha’api’ira’a i te ’utuāfare ’e i te fare purera’a

Te Ha’api’ira’a Tumu ’e te mau Fafaura’a 51

Tē hina’aro nei te Fatu ’ia riro vau ’ei ti’a’au ha’apa’o maita’i, ’e te parau-ti’a ’e te pa’ari.

’Āhani e melo ’outou nō te ’Ēkālesia i te matahiti 1831, ’ua anihia paha ïa ’outou ’ia fa’atura i te ture nō te ha’amo’ara’a nā roto i te hōro’ara’a i tō ’outou fenua i te ’Ēkālesia nā roto i te ’episekōpo. I reira ’oia e fa’aho’i mai ai i tā ’outou i hōro’a, i te rahira’a o te taime, ma’a hau iti nā ni’a iho. Terā rā, e ’ere nā ’outou fa’ahou te reira—o ’outou rā te ti’a’au.

E mea ta’a ’ē te fa’anahora’a i teie mahana, terā rā, e mea faufa’a noa ā te mau parau tumu o te ha’amo’ara’a ’e te ti’a’aura’a nō te ’ohipa a te Fatu. ’A tai’o ai ’outou i te tufa’a 51, ’a feruri i te mea tā te Atua i hōro’a mai ia ’outou na. E aha te aura’a nō te mau ta’o ra « ti’a’au » (’īrava 19) ’e « ha’amo’a » (’īrava 5) nō ni’a i tō te Atua mau tīa’ira’a nō tātou ?

’Ua fa’ata’a mai te peresideni Spencer W. Kimball ē : « I roto i te ’Ēkālesia, hō’ē ti’a’au, ’o te hō’ē ïa ti’aturira’a pae vārua ’aore rā pae tino mo’a nō te reira tē vai nei te hō’ē hōpoi’a. Nō te mea nā te Fatu te mau mea ato’a, e mau ti’a’au ana’e tātou nō tō tātou tino, tō tātou vārua, tō tātou ’utuāfare ’e nō tō tātou mau fatura’a. (Hi’o Te Ha’api’ira’a Tumu ’e te mau Fafaura’a 104:11–15.) Hō’ē ti’a’au ha’apa’o maita’i ’o te hō’ē ïa ta’ata ’o tē fa’a’ohipa i te hō’ē fa’ahepora’a parauti’a, e aupuru i tāna iho ’e e fāriu atu i te feiā veve ’e te nāva’i ’ore » (« Welfare Services: The Gospel in Action », Ensign, Novema 1977, 78).

Hi’o ato’a « The Law of Consecration[Ture nō te Ha’amo’ara’a] » (video), Vaira’a buka ’evanelia.

The Law of Consecration

Historians Kate Holbrook and Steven C. Harper discuss what the Law of Consecration is, the three core doctrines pertaining to it, and how we can live it today.

Te Ha’api’ira’a Tumu ’e te mau Fafaura’a 52:9–11, 22–27

E nehenehe au e ani manihini ia vetahi ’ē ’ia haere mai i te Mesia i te mau vāhi ato’a tā’u e haere.

I tō te Fatu tonora’a e rave rahi feiā fa’atere o te ’Ēkālesia i Missouri, ’ua ani ’oia ia rātou ’ia fa’a’ohipa maita’i i te taime nō te rāterera’a ’e nō te « poro haere nā te pae ’ē’a » (’īrava 25–27). Nāhea ’outou e nehenehe ai e fa’a’ite i te ’evanelia « nā te pae ’ē’a », ’aore rā i roto i te mau ’ohipa mataro-noa-hia o tō ’outou orara’a ?

Te Ha’api’ira’a Tumu ’e te mau Fafaura’a 52:14–19

Tē tauturu nei te Fatu iā’u ’ia ’ape i te ha’avare.

E rave rahi ta’ata e tītau ra i te mau fa’a’itera’a pae vārua, nō reira, ’ua ha’ape’ape’a te feiā mo’a mātāmua ’ia ha’avarehia rātou. E aha te fa’aarara’a tā te Fatu i hōro’a ia rātou i roto i Te Ha’api’ira’a Tumu ’e te mau Fafaura’a 52:14 ? E aha tāna rāve’a ? (hi’o i te mau ’īrava 14–19).

Te hō’ē hōho’a, ’o te hō’ē mea ïa e ’ite pinepinehia, ’e e ’ohipa e nehenehe e tohu ’ia tupu mai. Teie te tahi hi’ora’a, te tai’ora’a i te mau nūmera pea ’aore rā te hitira’a ’e te topara’a mahana i te mahana tāta’itahi. E aha te tahi atu ā mau hi’ora’a tā ’oe e nehenehe e feruri mai ? ’A ’imi ai ’outou i Te Ha’api’ira’a Tumu ’e te mau Fafaura’a 52:14–19, ’a ’imi mai i te hōho’a o te Fatu nō te ’ape i te ha’avarera’a. E tauturura’a ato’a paha ’ia tāpa’opa’o ē, tei roto ato’a te ’ā’au « tātarahapa » te ’ā’au haeha’a ’e te tātarahapa ; tē fa’a’ite nei te « marū » i te huru marū ’e te ha’avīra’a iāna iho ; ’e te aura’a nō te parau « ha’amaita’i » ’o te ha’api’ira’a ïa, te ha’amaita’ira’a, ’aore rā te patura’a. I tō ’outou mana’o, nō te aha, i roto i te hōho’a o te Fatu, tē vai nei teie mau huru maita’i, ’oia ato’a i te ha’apa’o ? Nāhea ’outou e nehenehe ai e fa’a’ohipa i teie hōho’a nō te ’ape i te ha’avarera’a ?

Tātara i te mau ta’o fifi. I roto i te fa’aaura’a rorouira Vaira’a buka ’evanelia, e tāpe’a atu i te hō’ē ta’o ’e i muri iho, e mā’iti atu « Tātara ». I reira ’outou e hōro’ahia ai te tātarara’a o taua ta’o ra. Tāmata na i te reira ’ia fārerei ana’e ’outou i te mau ta’o mātaro-’ore-hia—’aore rā te mau ta’o tei mātau-ri’i-hia o tā ’outou ehina’aro ’ia māramarama maita’i a’e.

E aha te tahi mau hi’ora’a o te mau ha’avarevarera’a o tō tātou nei ’anotau ? Nāhea tātou e nehenehe ai e ’ite ē, ’ua ha’avarehia tātou ?

’Ei hi’ora’a, e nehenehe tā ’outou e feruri maita’i nā mua ’a mā’iti atu ai i te mau hōho’a tāviri, te pehe ’e te tūreiara’a tōtiare, ma te fa’atumuhia i ni’a i te mau arata’ira’a i roto i te « Haere nā roto i te māramarama o te Atua » i roto i te Nō te pūai o te feiā ’āpī : E arata’i nō te rave i te mau mā’itira’a, 16–21.

Hi’o ato’a Gary E. Stevenson, « ’Eiaha e ha’avare mai iā’u », Liahona, Novema 2019, 93–96 ; « Guide Me to Thee [Arata’i iā’u ia ’oe] », Hymns, N°101 ; Topics and Questions, « Seeking Truth and Avoiding Deception [’Imi i te parau mau ’e ’ape i te fa’ahemara’a] », Vaira’a buka ’evanelia.

Te Ha’api’ira’a Tumu ’e te mau Fafaura’a 54

E nehenehe au e fāriu atu i te Fatu, ’ia ha’amāuiuihia vau e te mau mā’itira’a a vetahi ’ē.

’Ua māuiui a’enei ’outou i te ’ino’ino ’ia ’ore ana’e te hō’ē ta’ata tā ’outou i ti’aturi i ha’apa’o i tāna mau fafaura’a ? ’Ua tupu te reira i te feiā mo’a nō Colesville, New York, ’o tei tīa’i nō te pārahi atu i ni’a i te mau fenua ’o Leman Copley i Ohio. Nō te ha’api’i mai nā roto mai i teie ’ohipa i tupu, ’a hi’o fa’ahou na i te mau upo’o parau nō te tufa’a 54 (hi’o ato’a Te feiā mo’a, 1:125–28 ; « A Bishop unto the Church [E ’Episekōpo nō te ’Ēkālesia] », i roto Revelation in Context, 78–79). Mai te mea tē vai rā tō ’outou hō’ē hoa i rotopū i te feiā mo’a nō Colesville, e aha ïa te parau a’o tā ’outou e nehenehe e ’ite mai i roto i te tufa’a 54 nō te fa’a’ite atu ia rātou ?

Te fa’a’apu a Leman Copley

Te Ha’api’ira’a Tumu ’e te mau Fafaura’a 56:14–20

E ao tō tei mā te ’ā’au.

I roto i teie mau ’īrava, ’ua paraparau te Fatu i te feiā moni ’e i te feiā veve ; e mea maita’i roa ’ia fa’aau i tāna parau a’o i teie nā pupu e piti. E aha te mau mea i roto i teie mau ’īrava tā ’outou e mana’o ra ē, e mea tano roa nō ’outou iho ?

Nō te tahi atu ā mana’o, ’a hi’o i te ve’a Liahona ’e Nō te pūai o te feiā ’āpī nō teie ’āva’e.

Mana’o nō te ha’api’i i te tamari’i

Te Ha’api’ira’a Tumu ’e te mau Fafaura’a 51:9

E nehenehe au e riro ’ei ta’ata parau-tiʼa.

• Nō te tauturu i tā ’outou mau tamari’i ’ia ha’api’i mai i te aura’a ’ia vai parauti’a noa, e nehenehe ’outou e tai’o ’āmui i Te Ha’api’ira’a Tumu ’e te mau Fafaura’a 51:9 ’e ’ia fa’a’ite i te mau ’ā’amu nō te mau tamari’i e fa’aruru nei i te mau fa’aotira’a nō ni’a i te vai parauti’a-ra’a. ’A fa’a’ohipa i te mau hōho’a, te tōtini hurio, ’aore rā te mau pēpe ha’avare nō te fa’a’ana’anatae rahi atu ā i te mau ’ā’amu. Nāhea te Fatu i te ha’amaita’i ia tātou ’a tūtava ai tātou ’ia vai parauti’a noa ?

• E nehenehe e ha’uti i te hō’ē ha’uti ’e tā ’outou mau tamari’i. I muri iho, ’a ’āparau e mea nāhea te ha’uti i te ta’a ’ē ’āhani ’ua ha’avare te hō’ē ta’ata. Nō te aha e mea faufa’a ’ia « rave ma te ha’avare ’ore » i te tahi ’e te tahi ?

Te Ha’api’ira’a Tumu ’e te mau Fafaura’a 52:10 ; 53:3 ; 55:1

E fa’ari’i tātou i te hōroara’a a te Vārua Maita’i nā roto i te tu’ura’a rima.

• Te fa’ari’ira’a i te Vārua Maita’i nā roto i te tu’ura’a rima, ’ua fa’a’itehia te reira e rave rahi taime i roto i Te Ha’api’ira’a Tumu ’e te mau Fafaura’a 51–57. E nehenehe teie e riro ’ei rāve’a maita’i nō te ha’api’i i te mau tamari’i nō ni’a i teie ’ōro’a. ’Ei hi’ora’a, e nehenehe rātou e hi’o i te hōho’a nō te hō’ē tamari’i e ha’amauhia ra ’e e fa’ata’a rā i te mea e tupu ra i roto i te hōho’a. ’A ani ia rātou ’ia tūpa’i i tō rātou rima ’ia fa’aro’o ana’e rātou « te tu’ura’a rima » ’aore rā « te tu’ura’a i te rima » ’a tai’o noa ai ’outou : Te Ha’api’ira’a Tumu ’e te mau Fafaura’a 52:10 ; 53:3 ; 55:1.

• ’A hīmene ato’a na « Le Saint-Esprit » (Chants pour les enfants, 105) ’aore rā, i te hō’ē hīmene mai te reira. Tauturu i tā ’outou mau tamari’i ’ia ’imi i te mau ta’o ’e te mau pereota i roto i te hīmene ’o tē ha’api’i nei nō ni’a i te hōro’a o te Vārua Maita’i.

  

Te Ha’api’ira’a Tumu ’e te mau Fafaura’a 52:14–19

E fa’anahora’a tā te Atua nō te tauturu iā’u ’eiaha ’ia ha’avarehia.

• Nō te ha’api’i nō ni’a i te hōho’a a te Fatu nō te ’apera’a i te ha’avarera’a, e nehenehe ’outou e ha’amata nā roto i te tauturura’a i te mau tamari’i ’ia ’ite mai i te mau hi’ora’a o te mau hōho’a—i roto i te nātura, i roto i te mau ’ahu ta’oto ’e ’aore rā, i te mau ’ahu tei rau te ’ū, ’aore rā i roto i te mau mahana ato’a o te orara’a. Tauturu ia rātou ’ia ’imi i te hōho’a tā te Fatu i hōro’a i roto i Te Ha’api’ira’a Tumu ’e te mau Fafaura’a 52:14–15. ’A ha’apāpū ē, ’ua ta’a maita’i ia rātou te mau ta’o mātau-’ore-hia i roto i teie mau ’īrava. Nāhea tātou e nehenehe ai e fa’a’ohipa i teie hōho’a nō te ’ite mai e parau mau terā ?

Te Ha’api’ira’a Tumu ’e te mau Fafaura’a 54:4–6

’Ia ha’apa’o vau i tā’u mau fafaura’a i te mau taime ato’a e ti’a ai.

• Nā roto i tā ’outou iho mau parau, ’a fa’a’ite i tā ’outou mau tamari’i i te ’ohipa i tupu i ni’a i te feiā mo’a tei haere mai e ora i ni’a i te fenua o Leman Copley (hi’o te upo’o parau o te tufa’a 54). E nehenehe tā ’outou mau tamari’i e fa’ahua e melo rātou nō te ’Ēkālesia tei tae mai i Ohio. E aha tō rātou mana’o i muri a’e i tō Leman ’ōfatira’a i tāna fafaura’a ? E aha tā teie ’ā’amu e ha’api’i mai nei ia tātou nō ni’a i te ha’apa’ora’a i tā tātou mau fafaura’a ’aore rā mau parau tapu ? E tai’o ’āmui i Te Ha’api’ira’a Tumu ’e te mau Fafaura’a 54:6 nō te ’ite mai i te mau ha’amaita’ira’a nō te mau ta’ata e ha’apao i tā rātou mau fafaura’a.

Te Ha’api’ira’a Tumu ’e te mau Fafaura’a 55:1–4

E nehenehe tā’u e fa’a’ohipa i te mau ha’amaita’ira’a tā te Atua i hōro’a mai iā’u nō te ha’amaita’i ia vetahi ’ē.

• Nō te ’ōmua i te tufa’a 55, e hina’aro paha ’outou e fa’ata’a ē, e ta’ata nene’i ve’a ’o William W. Phelps, tei ha’api’i mai i te ’evanelia ’e tei tomo mai i roto i te ’Ēkālesia. ’A tai’o ’e tā ’outou mau tamari’i i Te Ha’api’ira’a Tumu ’e te mau Fafaura’a 55:1–4, ’e ’a tauturu ia rātou ’ia ’ite e aha tā te Atua i hina’aro ’ia rave ’o William. ’Ua nāhea ’oia i te fa’a’ohipara’a i te mau tārēni a William ? E nehenehe te reira e arata’i i te hō’ē ’āparaura’a nāhea te Atua e ani ai ia tātou ’ia fa’a’ohipa i tō tātou mau tārēni nō te ha’amaita’i i tāna mau tamari’i.

Nō te tahi atu ā mana’o, ’a hi’o i te ve’a Hoa nō teie ’āva’e.

Bishop Partridge Receives Consecration [’Ua fāri’i te ’episekōpo Partridge i te ha’amo’ara’a], nā Albin Veselka