“Juun 2–8: ‘Kanooj M̧ōņōņō in Poub kōn Tokjāņ’: Katak im Bujen Ko 58–59,” Itok, Ļoor Eō—N̄an M̧weeo im Kabun̄ in: Katak im Bujen Ko 2025 (2025)
“Katak im Bujen Ko 58–59,” Itok, Ļoor Eō—N̄an M̧weeo im Kabun̄ in: 2025
Independence, Missouri, 1831, jān Al Rounds
Juun 2–8: “Kanooj M̧ōņōņō in Poub kōn Tokjān”
Katak im Bujen Ko 58–59
Ke elder ro an Kabun̄ in raar m̧oktata lo jikin kweilo̧k Zaion—Independence, Missouri—ekar jab ta eo raar kōtmene. Jet raar ļōmņak renaaj kar lo juon jukjukin pād emourur, elōn̄ jikin jerbal ippān juon kumi in Armej ro Rekwojarjar rekajoor. Ijello̧kin, raar lo juon jikin ejjab lōn̄ armej ie, ejjab bwe kitōltōl in armej āinwōt aer kōn iminene kake im kar obrak kōn armej ro raar pād ie jān jinoin ijello̧kin Armej ro Rekwojarjar. Ekar alikkar bwe Irooj ekar jab kajjitōk ippāer n̄an baj itok wōt n̄an Zaion—Ekar kōņaan bwe ren kalōk Zaion.
N̄e kōtmene ko ad rejjab jetjet n̄an jejjetier, jemaron̄ keememej an Irooj kar ba n̄an Armej ro Rekwojarjar ilo 1831 eo: “Kom̧ij jab maron̄ lo kōn mejān kanniōk ko mājāmi, bwe ilo iien in, karōk eo an ami Anij … im wōj eo enaaj itok ālikin eļap en̄taan” (Katak im Bujen Ko 58:3 Aaet, mour in eobrak kōn en̄taan, em̧ool nana, bōtaab jemaron̄ “im kwaļo̧k eļap em̧m̧an; bwe kajoor eo epād ilo [kōj]” (eoon 27–28).
Bar lale Armej ro Rekwojarjar, 1:127–33
Ļōmnak ko n̄an Ekkatak ilo M̧weeo im ilo Kabun̄ in
Katak im Bujen Ko 58:1–5; 59:23
“Ālikin eļap en̄taan ej itok jeraam̧m̧an ko.”
Rikwojarjar ro raar kōjatdikdik ke ilo iien mour ko aer, Jackson County enkar eddōk n̄an juon Zaion, juon jikin ijo aolep Rikwojarjar ro remaron̄ aindoon. Ijoke, iien eo aer ilo Jackson County eaar obrak kōn en̄taan. Ium̧win jejjo iiō, kar kipel er n̄an em̧m̧akūt im “kōttar ium̧win jidik tōrean n̄an lo̧mo̧o̧ren eo an Zaion” (Katak im Bujen Ko 105:9).
Ta eo kwoj ekkatak kake kōn en̄taan ak apan̄ ko jān naan ko an Irooj ilo Katak im Bujen Ko 58:1–5? Etke kwoj ļōmņak bwe jet iaan kōjeraam̧m̧an ko rej itok ālkin en̄taan? Ta kōjeraam̧m̧an ko kwar būki ālkin en̄taan?
Ta eo kwoj ekkatak jen Katak im Bujen Ko 59:23 me ej boktok kōjatdikdik n̄an eok?
Imaron̄ “kwaļo̧k eļap em̧m̧an” kōn aō make “anemkwōj in kāālet.”
Āinwōt m̧ōttan ekkatak eo am̧ kōn eoon kein, kwoj maron̄ kōm̧m̧ane juon laajrak in men ko kwoj “kanooj poub” kaki. Aolepāer rej ke “poub kōn tokjān[ko]”? Kōļmenļo̧kjeņ ta eo kwomaron̄ kōm̧m̧ane n̄an “boktok eļap em̧m̧an”—im ļōmņak in ejaaki kōttōpar ko n̄an kōm̧m̧ani.
Ta eo kwoj ļōmņak Irooj ekōņaan bwe kwon kōm̧m̧ane “elōn̄ men ko kōn wōt anemkwōj in kāālet eo [am] make,”? Ta naaj tōprak eo n̄e kwe eo raar “kipel e ilo men otemjeļo̧k”? Ta eo 2 Nipai 2:27 ej kobaik waj n̄an jeļā eo am̧ kōn pedped in katak in?
Bar lale Dale G. Renlund, “Kom̧win Kāālōt Rainin,” Liaona, Nob. 2018, 104–6.
Irooj ej jeorļo̧k aō bōd n̄e ij ukweļo̧k.
Kallim̧ur eo an Irooj ilo Katak im Bujen Ko 58:42 n̄an lukkuun jeorļo̧k bōd an ro rej ukweļo̧k ej ilo im̧we, ijoke aolep iien ej bōktok kajjitōk ko: Ta meļeļein ukweļo̧k? Elmen aō jeļā ke em̧ōj aō ukweļo̧k? Jeraam̧m̧an eo in, Irooj ekar wōņm̧aanļo̧k, “jān men in kom̧ maron̄ jeļā…” (eoon 43).
Erkein bar jet kajjitōk ko ewōr an armej kajjitōk kaki jet iien kōn ukweļo̧k. Ta eo Jetōb ej katakin eok ilo am̧ ekkatak kōn kein katak kein em̧ōj elmokoti ijin ilaļ?
Ekōjkan an kwaļo̧k jerawiwi ko aō jipan̄ eō ukweļo̧k? Lale Sam Ko 32:1–5; Jabōn Kōnnaan Ko 28:13; Mosaia 27:34–37; Alma 39:12–13.
Ij kajjieon̄ joļo̧k jerawiwi ko aō, ijoke ij kōm̧m̧an wōt bōd. Ukweļo̧k ej ke menin aikuj wōt? Lale Bradley R. Wilcox, “Mour Erreo Ejjab Meļeļein Ejjeļo̧k Likjab,” Liaona, Nob. 2021, 61–67; “Daily Restoration” (pija), Gospel Library.
Daily Restoration
Elder Dieter F. Uchtdorf and Church members compare drifting in life to the circles walked by test participants in a dense forest. Shadows creep in off the path, but we can chase away darkness and come back.
Ekōjkan aō maron̄ lukkuun jeļā ke em̧ōj an Rilo̧mo̧o̧r jeorļo̧k aō bōd? Lale Tad R. Callister, “Pinmuur eo an Jisōs Kraist,” Liaona, Māe 2019, 85–87, eļaptata jekjōn eo me kar taitōļ“2. Jerawiwi.”
Kwomaron̄ bar lo elōn̄ļo̧k meļeļe ko ilo “Kajjitōk im Uwaak” kōn ukweļo̧k ilo N̄an Kōkajoorļo̧k Jodikdik Ro: Juon Tōl n̄an Kōm̧m̧ani Kālet Ko (peij 8–9).
Bar lale Topic and Questions, “Repentance,” Gospel Library.
Wōn eo kar Polly Knight?
Polly Knight im ļeo pāleen, Josep Knight Sr., raar jet iaan rittōmak ro m̧oktata ilo kūr in rikanaan eo an Josep Smith. Polly im Josep raar rejtak eo emenin aikuj n̄an Rikanaan eo ilo jerbal in ukook eo an Bok in Mormon. Baam̧le eo an Knight raar em̧m̧akūt jān Colesville, New York, n̄an koba ippān Armej ro Rekwojarjar ilo Ohio im tok ālik raar kakien er n̄an ilo̧k n̄an Jackson County, Missouri. Ke raar em̧m̧akūtļo̧k, ājmour eo an Polly ekar jino ļapļo̧k an nana, bōtaab liin ekar pen wōt ilo būruwōn n̄an lo Zaion m̧okta jān an mej. Liin ekar pād ilo Missouri jejjo wōt raan ko ke liin ekar mej (lale Armej ro Rekwojarjar, 1:127–28, 132–33). Katak im Bujen Ko 59 kar bōke ilo raan eo ekar jako ie, im eoon 1 im 2 eaar āinwōt ļap an kōnono kake e.
Kien ko rej juon kōjeraam̧m̧an.
Ilo am̧ ļōmņak, ta meļeļein “kōpālpel … kōn kien”? (eoon 4). Kōļmenļo̧kjeņ kōn wāween an Irooj kōjeraam̧m̧an eok ilo am̧ kajjieon̄ pokake kajjojo kien ilo eoon 5–19.
Jeere ta eo kwoj katak. Ilo elōn̄ jekjek ko, ļōmņak ko ilo jetōb kwoj bōke ilo am̧ ekkatak jeje ko rekwojarjar emaron̄ kōkajoor tōmak eo an baam̧le eo am̧, ro m̧ōttam̧, im ro uwaan ward eo. Jeere ippāer en̄jake ko am̧, en̄jake ko, im naan in kam̧ool kōn Jisōs Kraist.
Jabōt ej raan eo an Irooj.
Ālkin kallim̧ur n̄an kōjeraam̧m̧an Armej ro Rekwojarjar ilo Zaion “kōn kien ko rej jab jet wōt,”Irooj ekar leļo̧k naan eo eaorōk n̄an juon kien eļaptata: kakien eo n̄an kōjparok “raan eo ekwōjarjar” An (Katak im Bujen Ko 59:4, 9). Ilo am̧ ekkatak Katak im Bujen Ko 59:9–19, kōļmenļo̧kjeņ etke kōjparok raan in Jabōt ekar kanooj in aorōk n̄an Armej rein Rekwojarjar ilo aer kar kappukōt n̄an kalōk Zaion. Etke eaorōk menin n̄an eok?
Kwomaron̄ barāinwōt kōļmenļo̧kjeņ eļan̄n̄e kwoj kōjerbal raan in Jabōt ilo wāween eo Irooj ekar kōtmāne. Ekōjkan n̄an kōjparok im kokwojarjar raan in Jabōt jipan̄ eok pād wōt “jān libbijinjin jān laļ”? (eoon 9). Ta eo kwomaron̄ kōm̧m̧ane n̄an leļo̧k “nebar ko am n̄an eo Eo Eutiejtata”? (eoon 10).
Kwomaron̄ kile bwe Irooj ej kōjerbal naan ko āinwōt “lan̄lōn̄,” “rem̧ōņōņō,” im “kam̧m̧oolol” n̄an katakin kōn raan in Jabōt. Ta eo ej kōm̧m̧an bwe Jabōt en mennin lan̄lōn̄ n̄an kwe? Ewi wāween am̧ kōmeļeļeik n̄an juon armej etke kwoj kāālet n̄an kōjparok raan eo an Irooj?
Ta eo kwoj ekkatak jān al in “Gently Raise the Sacred Strain” (Hymns, no. 146 kōn jibadbad im kōjeraam̧m̧an ko an raan in Jabōt?
Bar lale Jenesis 2:2–3; Aiseia 58:13–14; Russell M. Nelson, “Jabōt en Mennin Lan̄lōn̄,” Liaona, Māe 2015, 129–32.
N̄an ļōmņak ko reļļapļo̧k, lale ennaan eo an allōn̄ in ilo Liaona im māākjiin ko N̄an Kōkajoorļo̧k Jodikdik ro.
Ļōmņak ko n̄an Katakin Ajri ro
Jemedwōj Ilan̄ ekar letok n̄an eō kajoor n̄an kāālet.
-
Riit ippān doon Katak im Bujen Ko 58:26–28 emaron̄ lewaj am̧ im ajri ro nejūm̧ iien em̧m̧an n̄an kōnono kōn kajoor eo Jemedwōj Ilan̄ eaar letok bwe jen kāālet em̧m̧an. Kwomaron̄ jiron̄ doon kōn kāālet ko kom̧ kar kōm̧m̧ane im ta eo ekar waļo̧k. Bōlen ajri ro nejūm̧ remaron̄ kōņaan jin̄aik juon pija kōn en̄jake eo aer.
-
Kwomaron̄ je kāālet ioon jidik pepa im tōprakin tūrājet eo juon im kōjerbal pepa in n̄an kwaļo̧k ke kāālet ko ad im tōprakier rejjab jenolo̧k. Bōlen ajri ro nejūm̧ remaron̄ laajraki jejjo kāālet ko im kōnono kōn tōprak ko rekar waļo̧k jāni. Innām kwomaron̄ riit ippān doon Katak im Bujen Ko 58:27–28 im kōnono kōn jokāālet ko me rej “kwaļo̧k eļap em̧m̧an” ak tōprak ko rem̧m̧an. Ewi wāween an Jemedwōj Ilan̄ ņa “wōņaer” ak kōjeraam̧m̧an kōj ilo ad kajjieon̄ kōm̧m̧an em̧m̧an? (eoon 28).
“Kwōn kam̧m̧oolol Irooj am Anij ilo men otemjeļo̧k.”
-
Lōmņak in riiti eoon kein ilo am̧ im ajri ro nejūm̧ etal im etetal ak kalimjōk pijaan meļan im mejatoto ko, kile men ko me rej kam̧ōņōņō māj … im kalan̄lōn̄ bōro” (eoon 18). Kwomaron̄ bar kile ejja men kein wōt ilo al ko āinwōt “My Heavenly Father Loves Me” (Children’s Songbook, 228–29). Ak kwomaron̄ karuwaineneik ro nejūm̧ n̄an jin̄aik pijaan men ko me rej kam̧m̧oolol kaki im kōtļo̧k bwe ren kōnono kaki n̄an eok kōn jin̄a ko aer. Ewi wāween ad kwaļo̧k ad kam̧m̧oolol kōn men kein?
Irooj eaar kōm̧anm̧an elōn̄ men ko raiboojoj n̄an bōktok n̄an kōj lan̄lōn̄.
Jabōt ej raan eo an Irooj.
-
Ta eo jemaron̄ kōm̧m̧ane ilo Jabōt n̄an kabun̄jar n̄an Irooj im kappukot lan̄lōn̄? Jipan̄ ajri ro nejūm̧ kappukot ļōmņak ko ilo Katak im Bujen Ko 59:9–12 im peij in m̧akūtkūt eo an wiik in. Bōlen remaron̄ bar kappukot pija ko ak kein katak ko n̄an bōk jikin men ko me jej kōm̧m̧ani ilo Jabōt (āinwōt pija in kwojkwoj eo ilo laajrak in). Ekōjkan an men kein jipan̄ kōj en̄jake ad epaakeļo̧k Jemedwōj Ilan̄ im Jisōs Kraist?
N̄an ļōmņak ko reļļapļo̧k, lale ennaan eo an allōn̄ in ilo eo Jera māākjiin.
Kōmeļeļe jān Marti Major