Juun 16–22: ‘Irooj ej Aikuj Bōro eo im Ļōmņak eo Em̧ōņōņō’: Katak im Bujen Ko 64–66,” Itok, Ļoor Eō—N̄an M̧weeo im Kabun̄ in: Katak im Bujen Ko 2025 (2025)
“Katak im Bujen Ko 64–66,” Itok, Ļoor Eō—N̄an M̧weeo im Kabun̄ in: 2025
Daviess County, Missouri
Juun 16–22: “Irooj Ej Aikuj Bōro eo im Ļōmņak eo Em̧ōņōņō”
Katak im Bujen Ko 64–66
Ilo O̧kwōj in 1831 eo ekar kanooj ļap an bwil, jet iaan elder ro raar bar ro̧o̧lļo̧k n̄an Kirtland jān āneen Zaion ilo Missouri. Ritoitak ro raar bwil im m̧ōk, im kijerjer ko raar m̧ōttan jiddik oktak n̄an iakwelāāl. Emaron̄ kar āinwōt n̄an kalōk Zaion, juon jikin kweilo̧k in iakwe, juon wōt, im aenōm̧m̧an, enaaj kar bōk juon iien eo eaitok.
Jeraam̧m̧an, kalōk Zaion—ilo Missouri ilo 1831 eo ak ilo būruōd, baam̧le ko, im ward ko rainin—ejjab aikuj bwe jen weeppān. Ijello̧kin, “ak jān kom̧ emennin aikuj bwe kom̧in jeorļo̧k an aolep armej bōd,” Irooj eaar ba (Katak im Bujen Ko 64:10). Ej aikuji “aikuj bōro eo im ļōmņak eo em̧ōņōņō” (eoon 34). Im Ej aikuji kijenmej im niknik, bwe Zaion en ekkal ioon pedped eo an “men ko reddik,” kar kadedeļo̧k jān ro me rejjab erom “jab mōk ilo kōm̧m̧an em̧m̧an” (eoon 33).
Bar lale Armej ro Rekwojarjar,, 1:133–34, 136–37.
Ļōmnak ko n̄an Ekkatak ilo M̧weeo im ilo Kabun̄ in
“Jeorļo̧k an doon bōd.”
Kōļmenļo̧kjeņ kōn menin ilo am̧ ekkatak Katak im Bujen Ko 64:1–11:
-
Ļōmņak kōn juon iien me Irooj eaar jeorļo̧k am̧ bōd. Ewi wāween am kar en̄jaake?
-
Ewōr ke jabdewōt armej kwoj aikuj in jeorlo̧k an bōd? Etke jeorļo̧k an ro jet bōd epen? Ta ko rej jipan̄ eok eļļā jān men kein reppen?
-
Ta m̧ool ko kōn jeorļo̧k bōd ilo Katak im Bujen Ko 64:1–11 me eaorōk n̄an kwe? Etke kwoj ļōmņak Irooj ej kakien kōj n̄an “jeorļo̧k an aolep armej bōd”? (eoon 10).
Eļan̄n̄e kwoj m̧ōjņo̧ ilo jeorļo̧k bōd, ļōmņak in ekkatak enaan eo an Elder Jeffrey R. Holland “Jerbal in Karejar in Kajim̧we” (Liaona, Nob. 2018, 77–79) ak ennaan eo an Kristin M. Yee’s “Bwidej in Upaaj: Iaļ in Kōmour in Jeorļo̧k Bōd” (Liaona, Nob. 2022, 36–38). Ta eo kwoj ekkatak kōn ewi wāween an Kraist maron̄ jipan̄ eok jeorļo̧k bōd?
Jemjerā ko an baam̧le rej maron̄ lewaj elōn̄ iien em̧m̧an ko n̄an jeorļo̧k bōd. Ļōmņak kōn ro uwaan baam̧le eo am̧. Wōn eo kwoj aikuj in jeorļo̧k an bōd? Ekōjkan ad “metak” (eoon 8) n̄e jejjab jeorļo̧k an ro jet bōd? Ekōjkan an jeorļo̧k bōd jelet jemjerā ko an baam̧le eo am̧?
Bar Lale Topics and Questions, “Forgiveness,” Gospel Library; “Forgiveness: My Burden Was Made Light” (pija), Gospel Library.
Forgiveness: My Burden Was Made Light
After a man loses his wife and several children in a car accident, he finds healing and is able to forgive the offending driver through the power of Jesus Christ.
“Kom̧ij aikuj jeorļo̧k an doon bōd” (Katak im Bujen Ko 64:9).
Irooj ej kajjitōk e “bōro im ļōmņak eo em̧ōņōņō.”
Kwonan̄in ke kar en̄jake “m̧ōk” kōn aolep “kōm̧m̧an em̧m̧an” kwoj kajjieon̄ in kadedeļo̧k? Kappukōt ennaan eo an Irooj n̄an kwe ilo Katak im Bujen Ko 64:31–34. Ta eo Irooj ekōņaan bwe kwon kōm̧m̧ane n̄an boktok “jerbal eļap” eo An?
Ļōmņak kōn juon kein ekkatak me emaron̄ kōm̧eļeļeik eoon 33—juon men ekilep me ekar ejaak jān men ko reddik, āinwōt mosaic ak juon em̧ pirōk. Ta “men ko reddik” kwomaron̄ kōm̧m̧ani aolep raan n̄an “likūt pedped” in jerbal eo eļap an Anij? Ta waanjon̄ak ko kōn “jerbal eļap” me Irooj ekar lewaj n̄an kwe?
“Bōro eo im ļōmņak eo em̧ōņōņō.”
Elder Donald L. Hallstrom ej elmakote meļeļe in emaron̄ n̄an enaan eo bōro im ļōmņak eo em̧ōņōņō”:
“Bōro ej bōk jikin iakwe im wūjlepļo̧k. Jej kōm̧m̧ane kaarmājet ko n̄an ineek eddo ko an ro jej iakwe er me jeban maron̄ kar niknik kaki kōn un ko jet. Eļan̄n̄e iakwe ejjab pād, wūjlepļo̧k eo ad edikļo̧k. …
“Bōk ‘juon ļōmņak eo em̧ōņōņō’ ej lukkun kallikar ad leļo̧k kijejeto eo ad em̧m̧antata im ļōmņak eo erreo tata n̄an kappukot mālōtlōt an Anij. Ej kwaļo̧k ļōmņak in bwe ad wūjlepļo̧k eļap ilo mour n̄an ekkatak ej aikuj m̧ōttan men ko me rej piktokin mour indeeo. Meļeļein bwe ej aikuj lōn̄ juon jem̧jerā ejeņoļo̧k ikōtaan ron̄jake naan an Anij im pokake” (“Bōro eo im Ļōmņak eo Em̧ōņōņō,” Ensign,, Juun 2011, 31–32).
Zaion enaaj “juon kakōļļe n̄an armej raņ.”
Ensign ej “juon būļāāk ak jon̄ak ipeļaakin ijo armej ro rej aindoon ilo juon wōt ilo kōttōpar ak m̧wil” (Unin Tōl eo n̄an Jeje ko Rekwojarjar, “Ensign,” Gospel Library). Ekōjkan an Zaion kar—ak Kabun̄ eo an Irooj—āinwōt juon ensign (kakōļļe) n̄an kwe? Ļōmņak kōn waanjon̄ak kein jet kōn men ko me kar kajutaki, āinwōt juon ensign (kakōļļe), n̄an kōjeraam̧m̧an armej ro: Bōnbōn 21:6–9; Matu 5:14–16; Alma 46:11–20. Kappukōt wāween ko jet Irooj ej kōmeļeļeik Zaion ilo Katak im Bujen Ko 64:41–43.
Bar lale “Let Zion in Her Beauty Rise,” Hymns, no. 41.
Aelōn̄ in kiin̄ eo an Anij ioon laļ in ej kōpooj laļin n̄an jepļaaktok eo an Rilo̧mo̧o̧r.
Katak im Bujen Ko 65 ej leļo̧k juon kōmeļeļe eim̧we kōn mijen eo an Kabun̄ eo an Irooj ilo raan ko āliktata. Ļōmņak in etale jekjōn in, kapukōt uaak ko n̄an kajjitōk ko āinwōt kein: Ta eo Irooj ekōņaan bwe aelōn̄ in kiin̄ eo An en kadedeļo̧k ilo laļin? Ta eo E kōņaan bwe in kōm̧m̧ane n̄an jipan̄?
Bar lale “Prepare Today for the Second Coming” (video), ChurchofJesusChrist.org.
Prepare Today for the Second Coming
(Joseph Smith—Matthew 1:46–54; Matthew 24:42–51) An excerpt from “Preparation for the Second Coming,” Ensign or Liahona, May 2004, 8–9.
Irooj ejeļā ļōmņak ko an būruō.
Ālkin an kobatok ilo Kabun̄ in, William E. McLellin ekar kajjitōk ippān Josep Smith n̄an kwaļo̧k ankilan Anij n̄an e. Josep ekar jab jeļā, bōtaab William ekar wōr an ļalem kajjitōk ko eaar kōjatdikdik Irooj enaaj kar uwaaki kōn Rikanaan eo An. Jejjab jeļā ta kar kajjitōk ko an William, bōtaab jej jeļā bwe revelesōn eo ekar kōnono n̄an e, kiiō Katak im Bujen Ko 66, kar uwaake kajjojo kajjitōk ko n̄an “bun̄ bōro eo edipio im aolepān” an William (“William McLellin’s Five Questions,” ilo Revelations in Context, 138).
Ilo am̧ riiti jekjōn 66, ļōmņak kōn ta eo Irooj ekar jeļā kōn William McLellin im n̄ūrbōktak ko im ļōmņak ko an būruōn. Ekōjkan an Irooj kar kwaļo̧k bwe E ejeļā kajjiem̧? Eļan̄n̄e ewōr juon am̧ kōjeraam̧m̧an an petriak, ļōmņak in ekkatak kake. Ilo am̧ kōm̧m̧ane, ta eo Jetōb Kwojarjar ej jipan̄ eok meļeļe kake kōn ankilan Anij n̄an kwe?
N̄an ļōmņak ko reļļapļo̧k, lale ennaan eo an allōn̄ in ilo Liaona im N̄an Kōkajoorļo̧k Jodikdik ro māākjiin.
Ļōmņak ko n̄an Katakin Ajri ro
Jisōs Kraist ej kōņaan bwe in jeorļo̧k an aolep bōd.
Kakeememej: Ilo am̧ katakin ajri ro kōn kien eo an Irooj “n̄an jeorļo̧k an aolep armej bōd,” kwoj maron̄ kōņaan kalikkar bwe jeorlo̧k an ro jet bōd ejjab meļeļein kōtļo̧k an armej kametak kōj. Rōjan̄ er n̄an jiron̄ juon rūtto eo rej lōke n̄e juon armej ej kametak er ak jibwe er ilo wāween eo ejjab ekkar.
-
Ālkin riiti Katak im Bujen Ko 64:10 ippān ajri ro nejūm̧, kōnono ippāer kōn ta meļeļein jeorļo̧k an juon armej bōd. Kwomaron̄ jeere ippāer jet waanjo̧n̄ak ko. Bōlen remaron̄ kōm̧m̧an arin waanjon̄ak kein n̄an kamelmel jeorļo̧k bōd.
-
Kwomaron̄ kajjitōk ippān ajri ro nejūm̧ n̄an karōk wāween aer maron̄ kar katakin bar juon—āinwōt ajri ro jatier—kōn jeorļo̧k an ro jet bōd. Jipan̄ er kappukot naan ko ilo Katak im Bujen Ko 64:7–10 me rej maron̄ kōjerbali ilo aer katakin.
-
Al juon al kōn jeorļo̧k bōd, āinwōt “Help Me, Dear Father” (Children’s Songbook, 99). Ta eo al in ej katakin kōj kake kōn jeorļo̧k an ro jet bōd?
An Anij “jerbal eļap” ej ekkal ioon “men ko reddik.”
-
Kwomaron̄ kwaļo̧k n̄an ajri ro nejūm̧ jet men ko rekar kōm̧m̧ani jān men ko reddik, āinwōt bajōļ ak juon rak. Innām riiti ippān doon Katak im Bujen Ko 64:33. Ta eo an Anij “jerbal eļap”? Ta “men ko reddik” jemaron̄ kōm̧m̧ani me enaj jipan̄?
Imaron̄ ļo̧o̧r Jisōs kōn būruō im aō ļōmņak.
-
Ilo am̧ riit n̄an ajri ro nejūm̧ jān Katak im Bujen Ko 64:34, kwomaron̄ jitōn̄ewaj būruōm̧ im bōram̧ ilo am̧ riit “bōro” im “ļōmņak,” im kajjitōk ajri ro nejūm̧ n̄an kōm̧m̧ane menin ippam. Ekōjkan ad maron̄ leļo̧k būruōd (kōņaan ko) im ļōmņak ko (kōļmenļo̧kjeņ) ko ad n̄an Rilo̧mo̧o̧r?
Kwalok waanjon̄ak eo an Jisōs Kraist. Ļōmņak kōn wāween am̧ maron̄ kwaļo̧k waanjo̧n̄ak eo an Rilo̧mo̧o̧r n̄e kwoj ekkatak ak kwaļo̧k. N̄an waanjon̄ak, n̄e kwoj katakin kōn Katak im Bujen Ko 64:34, kwomaron̄ kōnono ippān ajri ro nejūm̧ kōn an Rilo̧mo̧o̧r leļo̧k Būruōn (kōņaan ko) im ļōmņak (kōļmneļo̧kjeņ ko) An n̄an Jemen ilo Lan̄. (Lale Katakin ilo Wāween eo an Rilo̧mo̧o̧r, 6.)
Irooj ejeļā wōn n̄a im iakwe eō.
-
Jipan̄ ajri ro meļeļe ke William E. McLellin ekar wōr ļalem an kajjitōk n̄an Irooj. Josep Smith eaar bōk uwaak ko n̄an kajjitōk ko em̧ool men̄e eaar jab jeļā kar ta kajjitōk ko an William. Jiron̄ ajri ro nejūm̧ kōn juon iien me Irooj eaar kwaļo̧k n̄an eok ta eo E kōņaan bwe kwon kōm̧m̧ane, im kōnono kōn kōjeraam̧m̧an ko me rej itok jān ļo̧o̧r tōl eo An. Innām kwoj maron̄ riiti Katak im Bujen Ko 66:4 ippān doon im karuwaineneik ajri ro nejūm̧ n̄an kappukot iien ko rem̧m̧an n̄an meļeļe ta eo Irooj ekōņaan bwe ren kōm̧m̧ane.
Kōmeļeļe ko jān Itok Eo Kein Karuo, jān Kevin Keele
Imaron̄ jipan̄ kōpooj laļin n̄an an bōk Jisōs Kraist.
-
Ilo an ajri ro kalimjōk pijaan Itok eo Kein Karuo an Rilo̧mo̧o̧r, kajjitōk ippāer n̄an kōm̧eļeļeik ta eo rej loe ak ta eo rejeļā kōn iien in. Kwoj maron̄ bar leļo̧k n̄an ajri ro naan ko kōn Itok eo Kein Karuo bwe ren pukoti ilo Katak im Bujen Ko 65. Ta eo naan im eoon kein rej katakin kōj kaki? Ewi wāween ad poojak n̄an jepļaaktok eo an Rilo̧mo̧o̧r?
N̄an ļōmņak ko reļļapļo̧k, lale ennaan eo an allōn̄ in ilo eo Jera māākjin.
Bōk Jeorļo̧k Bōd, jān Greg Olsen