“Māe 26–Juun 1: ‘E tiljek, e Jim̧we, im Ribōk eddo eo Emālōtlōt’: Katak im Bujen Ko 51–57,” Itok, Ļoor Eō—N̄an M̧weeo im Kabun̄ in: Katak im Bujen Ko 2025 (2025)
“Katak im Bujen Ko 51–57,” Itok, Ļoor Eō—N̄an M̧weeo im Kabun̄ in: 2025
First Furrow, jān James Taylor Harwood
Māe 26–Juun 1: “E Tiljek, e Jim̧we, im Ribōk eddo eo Emālōtlōt”
Katak im Bujen Ko 51–57
N̄an membōr ro an Kabun̄ in ilo 1830 eo, aiintok Armej ro Rekwojarjar im kalōk Zaion raar jerbal ko ilo jetōb im kanniōk, ko me elōn̄ men ko kar aikuj kadedeļo̧k: Jet rej aikuj wia bwidej bwe Armej ro Rekwojarjar ren maron̄ jokwe. Juon eaar aikuj in būriini bok ko im kōpooj bok ko jet n̄an aer būriin. Im juon eaar aikuj in kar kajutak juon m̧ōn wia n̄an kake aikuj ko an armej ro an Zaion. Ilo revelesōn ko kar je ilo Katak im Bujen Ko 51–57, Irooj eaar jitōn̄ im jiron̄ armej ro n̄an bōk eddoon jerbal kein.
Bōtaab kapeel ko ilo kain men rōt kein kar mennin aikuj ilo Zaion, revelesōn kein rej bar kwaļo̧k bwe Irooj ekar kōņaan bwe Rikwojarjar ro An ren karbab lo jetōb n̄an ņaetaer armej in Zaion—armej ro An. Ej kūr kajjojo iaad n̄an erom “juon ribōk eddo eo, e tiljek, eemālōtlōt,” bōk jetōb eo ettā, “jutak pen” ilo eddo ko ad kar kappeik (lale Katak im Bujen Ko 51:19; 52:15; 54:2). N̄e jej maron̄ kōm̧m̧ane menin—mekarta kapeel rōt ko ad ilo kanniōk—Irooj emaron̄ kōjerbal kōj n̄an kalōk Zaion.
Ļōmņak ko n̄an Ekkatak ilo M̧weeo im Kabun̄ in
Irooj ekōņaan bwe in juon eo e tiljek, e jim̧we, im ribōk eddo eo emālōtlōt.
Eļan̄n̄e kwar juon membōr in Kabun̄ in ilo kar 1831 eo, kwomaron̄ kar kajjitōk ippam̧ n̄an mour kōn kien wujlepļo̧k kōn jain n̄an leļo̧k m̧weiuk ko am̧ n̄an Kabun̄ in jān bisop eo. Innām enaaj kar lewaj n̄an eok, ilo eitōn aolep jekjek ko, ta eo kwar leļo̧k, jet iien bwe in m̧weiuk ko kar liļo̧k. Bōtaab ejako an men ko m̧weiōm̧ wōt—ekar men eo kwoj bōk eddo in.
Rainin jekjek ko roktak, bōtaab pedped in katak ko rej aorōk wōt n̄an jerbal eo an Irooj. Ilo am̧ riiti jekjōn 51, ļōmņak kōn ta eo Anij ekar kappeik eok kake. Ta naan kein “ribōk eddo” (eoon 19) im “kōjenolo̧k” (eoon 5) rej kwaļo̧k kōn ta ko Anij ej kōtmāne kake eok?
Būreejtōn Spencer W. Kimball ekar kōmeļeļeik: “Ilo Kabun̄ in juon ribōk eddo eo ekwojarjar an jetōb im ānbwin eo ewōr pokake. Kōnke aolep men ko rej an Irooj, jej ribōk eddo ro ioon ānbwinid, kōļmenļo̧kjeņ, baam̧le ko, im meļan ko. (Lale Katak im Bujen Ko 104:11–15.) Juon ribōk eddo eo etiljek ej juon eo ej kajjeikiik jerbal ko ilo jim̧we, ej kea kōn ko an make, im lale rijerata im riaikuj ro” (“Welfare Services: The Gospel in Action,” Ensign, Nov. 1977, 78).
Bar lale “The Law of Consecration” (pija), Gospel Library.
The Law of Consecration
Historians Kate Holbrook and Steven C. Harper discuss what the Law of Consecration is, the three core doctrines pertaining to it, and how we can live it today.
Katak im Bujen Ko 52:9–11, 22–27
Imaron̄ karuwaineneik ro jet n̄an itok n̄an Kraist jabdewōt jikin ij etal.
Ke Irooj ekar jilkinļo̧k jejjo ritōl an Kabun̄ in n̄an Missouri, e ekar ba n̄an er n̄an kawōr tokjen iien ko rej juļo̧ki n̄an ito itak im “kwaļo̧k ilo iaļ eo” (eoon 25–27 Ekōjkan am̧ maron̄ kajedeed gospel in “ilo iaļ eo,” ak ilo iien ko ekkā ilo mour eo am̧?
Irooj ej jipan̄ bōbrae eō jān m̧ōņ.
Kōn an lōn̄ armej rej ba rej bōk waļoktok ko ilo jetōb, Armej ro Rekwojarjar m̧oktata raar n̄ūrbōktak kōn aer kar m̧ōņe er. Ta kakkōl ko Irooj ej letok ilo Katak im Bujen Ko 52:14? Kar ta uwaak eo An? (lale eoon 14–19).
Juon jon̄ak ej juon men me āliji aolep iien, ilo wāween eo kōtmāne. Waanjon̄ak ko ekoba bōnbōn ak an al tak im tulo̧k kajjojo raan. Ta taitōļ ko jet me kwoj maron̄ bar ļōmņaki? Ilo am̧ etale Katak im Bujen Ko 52:14–19, kappukōt jon̄ak eo an Irooj n̄an bōbrae m̧oņ. Emaron̄ jipan̄ n̄an keememej bwe “ettā” ej kwaļo̧k juon en̄jake in ettā bōro im ukweļo̧k; “ineem̧m̧an” ej meanwōd im jeļā dāpij e make; im n̄an “kotak” meļeļein n̄an katakin, em̧m̧anļo̧k, ak eddōkļo̧k. Etke kwoj ļōmņak kōn jon̄ak eo an Irooj ekoba jinōkjej kein, im bar pokake? Ekōjkan am̧ maron̄ kōjerbal jon̄ak in n̄an bōbrae m̧oņ?
Kōm̧eļeļeik naan ko reppen. Ilo Gospel Library app eo, kwomaron̄ jipede ilo am̧ dāpiji juon naan innām kāālet “Kōmeļeļeiki.” Innām naaj tōl eok n̄an meļeļein naan eo. Kajjieon̄e men in n̄e kwonaaj tōpar juon naan kwojjab lukkun jeļā—ak naan ko me kwojeļā jidik kwoj kōnaan jeļā eļapļo̧k.
Ta jet waanjo̧n̄ak in m̧oņ ko ilo raan kein ad? Elmen ad jeļā n̄e raar m̧oņe kōj?
N̄an waanjon̄ak, kwomaron̄ ļōmņak in lale jokāālet ko am̧ ikijeen pija ko, al ko, ak social media pedped ioon jon̄ak ko ilo “Etetal ilo Meram an Anij” ilo N̄an Kōkajoorļo̧k Jodikdik Ro: Juon Tōl n̄an Kōm̧m̧ani Kālet Ko, 16–21.
Bar lale Gary E. Stevenson, “Jab M̧oņe Eō,” Liaona, Nob. 2019, 93–96; “Guide Me to Thee,” Hymns, no. 101; Topics and Questions, “Seeking Truth and Avoiding Deception,” Gospel Library.
Imaron̄ oktak n̄an Irooj n̄e ij metak kōn jokāālet ko an ro jet.
Em̧ōj ke am̧ inepata n̄e juon eo kwoj kōjatdikdik kake ejjab dāpij kallim̧ur ko an? Menin ekar waļo̧k n̄an Rikwojarjar ro ilo Colesville, New York, ro kar kōtmāne bwe ren kar jokwe ilo bwidrej eo an Leman Copley ilo Ohio. N̄an ekkatak jān en̄jake in, ļōmņak in lale kōm̧eļeļe eo an jekjōn 54 (bar lale Saints, 1:125–28; “A Bishop unto the Church,” ilo Revelations in Context, 78–79). Eļan̄n̄e en kar wōr juon eo m̧ōttam ibwilijin Rikwojarjar ro ilo Colesville, ta kakpilōklōk ko kwomaron̄ loi ilo jekjōn 54 kwon kar jeere ippaer?
Atake eo an Leman Copley
Em̧ōņōņō ro rej erreo ilo burueer.
Ilo eoon kein, Irooj ekar kōnono n̄an rim̧weie im rijeram̧ōl; emaron̄ in kaitoktok limo n̄an keidi kapilōk eo An n̄an kumi kein ruo. Ta eo ilo eoon kein me āinwōt ejetjet eok make?
N̄an ļōmņak ko reļļapļo̧k, lale ennaan ko an allōn̄ in ilo Liaona im N̄an Kōkajoorļo̧k Jodikdik ro māākjiin.
Ļōmņak ko n̄an Katakin Ajri ro
Imaron̄ in m̧ool.
-
N̄an jipan̄ ajri ro nejūm̧ ekkatak ta meļeļein mool, kwomaron̄ riit ippān doon Katak im Bujen Ko 51:9 im jeeri bwebwenato in n̄an ajri ro rej ioon jokāālet ko n̄an mool. Kōjerbal pija ko, sock puppet ko [kōm̧m̧an jen jito̧kin], ak do̧ļļe pepa ko n̄an kōm̧m̧an bwe bwebwenato ko ren kailimomo. Ewi wāween an Irooj kōjeraam̧m̧an kōj ilo ad kajjieon̄ m̧ool?
-
Ļōmņak in ikkure juon ikkure ippān ajri ro nejūm. Ālkin, kōnono ekōjkan an ikkure in naaj kar oktak n̄e juon en kar kōm̧aak. Etke eaorōk n̄an “jerbal m̧ool” n̄an doon?
Katak im Bujen Ko 52:10; 53:3; 55:1
Iaar bōk mennin letok an Jetōb Kwojarjar jān likūt pā ko ioon.
-
Bōk Jetōb Kwojarjar jān likūt pā ko ioon ej kōnono kake jejjo iien ko ilo Katak im Bujen Ko 51–57. Menin emaron̄ in juon iien em̧m̧an n̄an katakin ajri ro nejūm̧ kōn kain̄i in. N̄an waanjon̄ak, remaron̄ kalimjōk juon pijaan juon ajri eo rej kab m̧ōj an bōk jetōb kwojarjar im kōmeļeļeik ta eo ej waļo̧k ilo pija eo. Kajjitōk ippāer n̄an kabokboke peier n̄e rej ron̄ “likūt pā ko ioon” ak “likūt pā ko ioon” ilo am̧ riiti Katak im Bujen Ko 52:10; 53:3; 55:1.
-
Kwomaron̄ bar al “The Holy Ghost” (Children’s Songbook,, 105) ak juon al aiinļo̧k wōt. Jipan̄ ajri ro nejūm̧ lale eoon ko ilo al eo me ej katakin kōn mennin letok an Jetōb Kwojarjar.
Ewōr juon an Anij jon̄ak n̄an jipan̄ eō bwe in jab m̧oņ.
-
N̄an katak jon̄ak eo an Irooj n̄an bōbrae m̧oņ, kwomaron̄ ijjino ilo am̧ jipan̄ ajri ro nejūm̧ kappukot waanjon̄ak in jon̄ak ko—ilo wāween, ilo būļan̄kōj ekōļarļar ko ak juon nuknuk, ak ilo mour kajjojo raan in mour. Jipan̄ er pukot jon̄ak eo Irooj eaar letok ilo Katak im Bujen Ko 52:14–15. Lukkuun lale bwe ren meļeļe jabdewōt naan ko ilo eoon kein. Ekōjkan ad kōjerbal jon̄ak in n̄an jeļā m̧ool?
Ij aikuj kōjparok bujen ko aō iien otemjej.
-
Ilo naan ko am̧ make, jeer n̄an ajri ro nejūm̧ ta eo ekar waļo̧k n̄an Rikwojarjar ro raar itok im jokwe ilo bwidej eo an Leman Copley (lale kōmeļeļe eo an jekjōn 54). Ajri ro nejūm̧ remaron̄ arin juon membōr in Kabun̄ in eo eaar tōparļo̧k Ohio. Ewi wāween aer naaj kar en̄jake ālkin an Leman kar rupe bujen eo an? Ta eo menin ej katakin kōj kake n̄an kōjparok bujen ak kallim̧ur ko ad? Riit ippān doon Katak im Bujen Ko 54:6 n̄an kappukot kōjeraam̧m̧an ko n̄an armej ro rej kōjparok bujen ko aer.
Imaron̄ kōjerbal kōjeraam̧m̧an ko Anij ekar litok n̄an eō n̄an kōjeraam̧m̧an ro jet.
-
N̄an kwaļo̧k kadkad in jekjōn 55, kwomaron̄ kōm̧eļeļe ke William W. Phelps eaar juon rikōm̧m̧an nuujpepa eo ekar ekkatak kōn gospel in im kar kobatok ilo Kabun̄ in. Riiti ippān ajri ro nejūm̧ Katak im Bujen Ko 55:1–4, im jipan̄ er kappukot ta eo Anij en kar kōņaan bwe William en kōm̧m̧ane. Elmen An kar karōk n̄an kōjerbale tōļan eo an William? Menin emaron̄ tōl n̄an juon kōmeļeļe wāween an Anij maron̄ kūr kōj n̄an kōjerbal tōļan ko ad n̄an kōjeraam̧m̧an ajri ro Nejin.
N̄an ļōmņak ko reļļapļo̧k, lale ennaan eo an allōn̄ in ilo eo Jera māākjin.
Bishop Partridge Receives Consecration, jān Albin Veselka