Faamatalaga mai le Keriso ma le Taulealea Mauoa, saunia e Heinrich Hofmann

21–27 Iulai: O Lē ‟Ua Tuu Atu i Ai Mea e Tele, e Tele Mea ua Manaomia Mai Ai”

Mataupu Faavae ma Feagaiga 81–83

Ia Mati 1832, na valaauina ai e le Alii ia Jesse Gause e avea ma se fesoasoani ia Iosefa Samita i le Au Peresitene o le Perisitua Maualuga (lea ua ta’ua nei o le Au Peresitene Sili). O leMataupu Faavae ma Feagaiga 81 o se faaaliga ia Uso Gause e uiga i lona valaauga fou. Ae sa lei auauna atu ma le faamaoni Jesse Gause, o lea na valaauina ai Feterika G. Viliamu e suitulaga ia te ia. O le igoa o Uso Williams na suia ai le igoa o Uso Gause i le faaaliga.

O lena mea e foliga mai o se faamatalaga laitiiti, ae o loo fautuaina mai ai se upumoni taua: O le tele o faaaliga i le Mataupu Faavae ma Feagaiga na talanoa mai i tagata na fitoitonu i ai, ae e mafai foi ona tatou sailia ni auala e faatatau ai ia i tatou lava (tagai i le 1 Nifae 19:23). Pe a tatou faitau i le fautuaga a le Alii ia Feterika G. Viliamu e “faamalolosi tulivae ua vaivai” e mafai ona liliu atu ai o tatou mafaufau i tagata e ono mafai ona tatou faamalolosia (Mataupu Faavae ma Feagaiga 81:5). A tatou faitau i le valaaulia a le Alii i sui auai o le Kamupani Soofaatasi e ‟fusia outou lava i lenei feagaiga,” e mafai ona tatou mafaufau i a tatou lava feagaiga. Ma e mafai ona tatou faitau i Lana folafolaga, “… e noatia a’u pe a outou faia mea Ou te fai atu ai,” e peiseai o fetalai mai o Ia ia i tatou (Mataupu Faavae ma Feagaiga 82:10, 15). E mafai ona tatou faia lenei mea ona, e pei ona folafola mai e le Alii, “O le mea Ou te fai atu ai i le toatasi Ou te fai atu ai i tagata uma” (fuaiupu 5).

Tagai i le “Newel K. Whitney and the United Firm,” “Jesse Gause: Counselor to the Prophet,” i le Revelations in Context, 142–47, 155–57.

Manatu mo le Aoaoina i le Aiga ma i le Lotu

Mataupu Faavae ma Feagaiga 81:4–5; 82:18–19

‟O le a e faia ai mea lelei silisili mo ou uso a tagata.”

I le tele o fuaitau i le Mataupu Faavae ma Feagaiga 81–83, ua valaaulia ai i tatou e le Alii e fesoasoani i tagata e manaomia le fesoasoani o loo siomia i tatou. Mafaufau e faailoga ia fuaitau a o e mauaina. O se tasi o faataitaiga sili ona faamatalaina o loo i le Mataupu Faavae ma Feagaiga 81:4–5. O nisi nei o fesili e fesoasoani e te mafaufau loloto ai i nei fuaiupu:

• O a ni auala e mafai ona “vaivai” ai se tagata? O le a le uiga ia “fesoasoani” ia i latou? O anafea na fesoasoani ai le auaunaga faa-Keriso a isi ia te a’u ina ua ou lagona le vaivai?

• O le a se mea e ono mafua ai ona pei e “tautau i lalo” lima o se tagata? E mafai faapefea ona ou “siitia a’e i luga” na lima?

• Faamata o le a le uiga o le fasifuaitau “tulivae ua vaivai”? E faapefea ona faamalolosia i latou?

E faapefea ona faia e le Faaola nei mea mo oe?

Atonu o le suesueina o lenei fuaiupu ua manatua ai se tasi e mafai ona e “fesoasoani,” “sii i luga,” pe “faamalosi” i ai. O le a se mea o le a e faia e auauna atu ai i lena tagata?

O a nisi mea ua e aoaoina e uiga i le auauna atu i isi i le Mataupu Faavae ma Feagaiga 82:18–19? E mafai foi ona e faaalia le vitiō “Teachings of Thomas S. Monson: Rescuing Those in Need” (Gospel Library). Na faapefea ona faataitai e tagata o le uarota a Epikopo Monson mea ua aoaoina i nei fuaiupu?

Aoaoga a Thomas S. Monson: Laveaiga o i Latou e Manaomia le Fesoasoani

Na faafeiloai e Epikopo Thomas Monson ma lana uarota se aiga matitiva mai Siamani i lo latou lotoifale, ma tuuina atu ia i latou se fale, mafanafana, ma meaai mo le Kerisimasi.

Tagai foi i le Iakopo 2:17–19; Mosaea 18:8–9; ‟Works of God” (vitiō), ChurchofJesusChrist.org.

Works of God

Two families share how they have seen the works of God made manifest in their lives as ward members reach out in love and understanding.

Carl Heinrich Bloch (1834–1890), Keriso o loo Faamaloloina e Mama’i i Petesa, 1883, suauu i luga o le ata tosi, 100 3/4 x 125 1/2 inisi. Falemataaga o Faatufugaga a le Iunivesite a Polika Iaga, sa faatau i tupe na aumai ia Jack R. Wheatley, 2001.

Mataupu Faavae ma Feagaiga 82:3

Ua tele mea ua tuuina mai e le Faaola ia te a’u ma e manaomia ai le tele o mea mai ia te a’u.

O le faitauina o lenei fuaiupu e ono uunaia ai oe e toe iloilo mea ua tuuina atu e le Atua ia te oe—o faamanuiaga faaletino ma faaleagaga. Ia manatua lenei mea a o e faitauina le vaega o totoe o le vaega 82. O le a se mea e te lagona e manaomia e le Atua mai ia te oe?

Tagai foi i le “Ona Ua Maua Tele,” Viiga, nu. 124.

Mataupu Faavae ma Feagaiga 82:8–10

O poloaiga o se faamaoniga lea o le alofa o le Atua mo i tatou.

Afai o oe po o se tasi foi e te iloa na mafaufau pe aisea ua tuuina mai ai e le Alii le tele o poloaiga, e mafai ona fesoasoani le Mataupu Faavae ma Feagaiga 82:8–10 . O a ni malamalamaaga loloto mai nei fuaiupu, e mafai ona fesoasoani ia te oe e faamalamalama atu ai i se tasi le pogai ua e filifili ai e mulimuli i poloaiga a le Alii? O le a se mea e mafai ona e faatusaina i poloaiga e ono fesoasoani? E mafai ona e maua ni malamalamaaga faaopoopo i le Mataupu Faavae ma Feagaiga 1:37–38; 130:20–21 ma le vitiō ‟Blessed and Happy Are Those Who Keep the Commandments of God” (Gospel Library). O a ni aafiaga ua aoaoina ai oe e vaai i poloaiga o ni faamanuiaga?

Blessed and Happy Are Those Who Keep the Commandments of God

Read Elder Keetch's full conference talk here: https://www.lds.org/general-conference/2015/10/blessed-and-happy-are-those-who-keep-the-commandments-of-god?lang=eng&_r=1

Mafaufau i nisi o poloaiga ua tuuina mai e le Atua ia te oe. O a ni mea ua aoaoina ai oe e nei poloaiga e uiga ia te Ia ma Lona finagalo? (tagai i le fuaiupu 8). O faapefea ona aafia lou olaga e ala i le tausiaina o nei poloaiga?

O a ni mea ua e aoaoina e uiga i le Alii mai le fuaiupu 10? O le a sou manatu i le uiga o le ‟noatia” o le Alii? (tagai foi fuaiupu 15).

Na faapefea ona faataunuu e le Alii Ana folafolaga i lou olaga? O le a sau tala e fai atu i se tasi e lē lagonaina le faaosofia e tausi poloaiga ona latou te lei mauaina faamanuiaga sa latou faamoemoe i ai? O e maua ni malamalamaaga aoga i le sāvali a Elder D. Todd Christofferson “O La Tatou Sootaga ma le Atua”? (Liahona, Me 2022, 78–80).

Tagai foi i Autu ma Fesili, ‟Poloaiga,” Gospel Library.

Mataupu Faavae ma Feagaiga 82:10

E faamanuiaina i tatou e le Alii i Ana lava ala ofoofogia.

Na saunoa Sister Virginia H. Pearce, o lē sa avea ma se sui o le Au Peresitene Aoao o Tamaitai Talavou, e uiga i se tina sa popole e uiga i lana fanau o ē na latou faia ni filifiliga lē amiotonu. I se popolega tele, sa ia taumafaia ai mea uma sa mafai ona ia mafaufau i ai e saili faamanuiaga a le Alii mo i latou. E faaopoopo atu i tatalo faatauanau, na ia faatuina se sini ma le loto i ai ia faateleina le auai i le malumalu ma na lagonaina le mautinoa o le a faamamaluina e le Alii lenei osigataulaga taua e ala i le suia o loto o lana fanau. Na lipoti mai e le tina:

“I le mavae ai o le sefulu tausaga o le faateleina o le auai i le malumalu ma le tatalo e le aunoa, ou te faanoanoa e faapea atu e le’i suia ai filifiliga a la’u fanau. …

“Peitai o a’u na suia. O a’u o se tina ua ese. … Ua i ai so’u loto e agamalu. Ua faatumulia a’u i le agaalofa. E mafai moni lava ona ou faia nisi mea se tele ma ua saoloto mai le fefe, popolevale, ta’usalaina, tuuaia, ma le fefe. Ua ou puleaina lo’u taimi ma ua mafai ona faatalitali i le Alii. Ma ou te maua soo aafiaga o le faailoaina o le mana o le Alii. Na te auina mai le alofa mutimutivale, sāvali laiti e faailoa ai lona alofa mo a’u ma la’u fanau. Ua suia o’u faamoemoega. Nai lo o le faamoemoe e suia la’u fanau, ou te faamoemoeina nei alofa mutimutivale faifai pea ma ua tumu lo’u loto i le faafetai mo i latou. …

‟Ua suia a’u tatalo. Ou te faailoa atu le alofa sili atu ma e sili atu ona ou faafetai. … E galue le Alii i ala ofoofogia, ma ua faatumuina moni lava a’u i le filemu lena e leoleoina ai le mafaufau uma” (i le ‟Prayer: A Small and Simple Thing,” At the Pulpit [2017], 288–89).

Mataupu Faavae ma Feagaiga 83

“Ia tausia fafine ua oti tane ma fanau mātua oti.”

Ia Aperila 1832, e pei ona sa faatonuina ai e le Alii, na toeitiiti atoa le 800 o maila na malaga ai Iosefa Samita e asiasi i le Au Paia o e sa faapotopoto i Misuri (tagai i le Mataupu Faavae ma Feagaiga 78:9). A o i ai o ia iina, sa ia asiasi atu i se nuu sa tausia ai e nisi o fafine ua oti a latou tane a latou fanau. O nisi o i latou o Phebe Peck ma Ana Rogers, o e sa silafia patino e le Perofeta. I Misuri i le vaitaimi o le 1830, o tulafono faalesetete na faatapulaaina ai ni aia tatau na tuuina atu i fafine ua oti a latou tane, e faatatau i meatotino a a latou tane ua maliliu. O le a se mea ua e aoaoina mai i le vaega e 83 e uiga i le finagalo o le Alii e uiga i fafine ua oti a latou tane ma tamaiti ua matua oti? E te iloaina se tasi ua i ai i lenei tulaga, o lē o le a faamanuiaina mai i lou alofa po o lau tausiga? O a nisi o auala e mafai ona e faasoa atu ai mea ua e maua i fafine ua oti a latou tane, fanau matuaoti, tina nofotoatasi, ma isi o loo manaomia le fesoasoani?

Tagai foi i le Isaia 1:17; Iakopo 1:27.

Mo nisi manatu, tagai i lomiga o lenei masina o mekasini o le Liahona ma le Mo le Malosi o le Autalavou .

Tagata, Nofoaga, Mea e Tutupu

• Mataupu Faavae ma Feagaiga Punaoa o Talafaasolopito: Jesse Gause

• Mataupu Faavae ma Feagaiga Punaoa o Talafaasolopito: Feterika G. Viliamu

Kiliki e vaai i isi mea

Manatu mo le Aoaoina o Tamaiti

Mataupu Faavae ma Feagaiga 81:3

E mafai ona ou tatalo i le Atua “i le leo ma i [lo’u] loto.”

• A o e faitauina le Mataupu Faavae ma Feagaiga 81:3 faatasi ma lau fanau, fesoasoani ia i latou e mafaufau i nofoaga eseese ‟luma o tagata” ma ‟na’o oe” e mafai ona latou tatalo ai. E mafai foi ona e faalogologo pe usu faatasi ma i latou se viiga e uiga i le tatalo, e pei o le “Tatalo Faalilo” (Viiga, nu. 79). Faasoa atu i le tasi ma le isi se mea mai le viiga o loo aoao mai ai se upumoni taua e uiga i le tatalo. E mafai foi ona e talanoa e uiga i le tautala ma le migao i le Tama Faalelagi.

• Ina ia uunaia lau fanau e tatalo i o latou loto, e mafai ona e tuu atu ia i latou ni fatu pepa ma valaaulia i latou e tusi se ata pe tusi se mea latou te mananao e tatalo e uiga i ai i le Tama Faalelagi. Molimau atu e silafia e le Tama Faalelagi mea o loo tatou mafaufau i ai ma lagonaina ma e mafai ona Ia faafofogaina a tatou tatalo e tusa lava pe tatou te le faia leotele. E mafai ona e faasoa atu ia i latou se aafiaga ina ua e tatalo i lou loto ma na faafofoga mai le Tama Faalelagi ia te oe.

Mataupu Faavae ma Feagaiga 81:5

E finagalo le Alii ia ou fesoasoani i e manaomia le fesoasoani.

• Faatasi ai ma lau fanau, tusi ni ata o lima ma tulivae, ma fai atu i lau fanau e su’e vaega nei o le tino i le Mataupu Faavae ma Feagaiga 81:5. O le a le mea ua talosaga mai le Alii i lenei fuaiupu tatou te faia? E mafai ona e faasoa atu i le tasi ma le isi nisi o auala na faamalosia ai oe e tagata ina ua e lagonaina le ‟vaivai.” O le vitiō ‟Pass It On” (ChurchofJesusChrist.org) e mafai ona avatu ai i lau fanau ni manatu e uiga i le auala latou te auauna atu ai i isi. E mafai fo’i ona outou usuina faatasi se pese e uiga i le auaunaga e pei o le “Ua Ou Faia ‘Ea Se Lelei?” (Viiga, nu. 136). Mafaufau e fesoasoani i lau fanau e fai se fuafuaga e fesoasoani ai ia lē itiiti ifo ma le toatasi se tagata e manaomia le fesoasoani i lenei vaiaso.

  Pass It On

  Children around the world have taken President Thomas S. Monson's counsel to find a way to serve others.

• E mafai foi ona e faaaogaina ata po o vitio e faamatala ai ni tala faigofie e uiga ia Iesu Keriso o loo auauna atu i isi (tagai i ata o loo i lenei otootoga; Tusi Ata o le Talalelei, nu. 41, 42, 46, 47, 55; po o se tasi o Vitio o le Tusi Paia i le Gospel Library). E mafai faapefea ona tatou mulimuli i le faataitaiga a le Faaola o le fesoasoani i isi?

  

E mafai ona tatou aapa atu i tagata e manaomia le fesoasoani e pei ona faia e le Faaola.

Fesoasoani i lau fanau ia maua a latou lava musumusuga. O le aoao atu o lona uiga e sili atu nai loo le na o le faasoa atu o le upumoni—o lona uiga o le fesoasoani i isi tagata ia avea ma tagata aoao tutoatasi. Nai loo le ta’u atu i lau fanau pe mafai faapefea ona latou auauna atu i isi, mo se faataitaiga, fautuaina i latou e saili le taitaiga a le Alii ia iloa ai po o ai e mafai ona latou fesoasoani i ai.

Mataupu Faavae ma Feagaiga 82:10

Ua folafola mai e le Tama Faalelagi faamanuiaga a o o’u taumafai e usitai ia te Ia.

• E mafai e oe ma lau fanau ona vaavaai i le Mataupu Faavae ma Feagaiga 82:8–10 mo tali i le fesili ‟Aisea e tuuina mai ai e le Tama Faalelagi ia i tatou poloaiga?” Atonu e te manao e fesoasoani i lau fanau e mafaufau i faataitaiga o Ana poloaiga (tagai, mo se faataitaiga, i le Esoto 20:4–17; Mataio 22:37–39; Mataupu Faavae ma Feagaiga 89:5–17). E ono fesoasoani pe a e sueina ma lau fanau pe tusi ni ata e fai ma sui o nisi o na poloaiga. E faapefea ona faaalia e poloaiga a le Tama Faalelagi Lona alofa mo i tatou?

• Atonu o le a fesoasoani se taaloga faigofie i lau fanau e vaai ai i poloaiga a le Atua o ni faamanuiaga, ae le o ni avega. E mafai e se tagata e toatasi ona tuuina atu ni faatonuga e fesoasoani ai i se isi tagata, o loo fusi mata, ia faia se mea e pei o le faia o se sanuisi pe tusi se ata. Mafaufau i se mea mālie ma fatufatua’i! Ona talanoa lea i auala e faapei ai poloaiga a le Atua o faatonuga i lenei taaloga.

Mo nisi manatu, tagai i le lomiga o lenei masina o le mekasini o le Uo .

Ata o Iesu o loo faamalolo se alii, saunia e Dan Burr