“Agosto 4–10: ‘Agtakderkayo kadagiti Nasantuan a Lugar’: Doktrina ken Katulagan 85–87,” Umaykayo, Sumurot Kaniak—Para iti Pagtaengan ken Simbaan: Doktrina ken Katulagan 2025 (2025)
“Doktrina ken Katulagan 85–87,” Umaykayo, Sumurot Kaniak—Para iti Pagtaengan ken Simbaan: 2025
Agosto 4–10: “Agtakderkayo kadagiti Nasantuan a Lugar”
Doktrina ken Katulagan 85–87
Ti Aldaw ti Paskua ti gagangay a panawen nga agutob kadagiti mensahe kas ti “talna iti rabaw ti daga” (kitaen iti Lucas 2:14). Ngem idi Disiembre 25, 1832, simken iti panunot ni Joseph Smith ti pangta ti gubat. Kinarit ti estado ti South Carolina ti Estados Unidos ti gobierno ket nagsagsagana para iti gubat. Ket impalgak ti Apo ken ni Joseph a daytoy ti pangrugian laeng: “Ti gubat,” impakdaarna, “ket agsaknapto iti amin a pagilian” (Doktrina ken Katulagan 87:2). Kasla dandanin a maipatungpalton iti mabiit daytoy a padto.
Ngem saan met laeng. Iti uneg laeng ti sumagmamano a lawas, napasamak ti maysa a katulagan ti nagbaetan ti South Carolina ken ti gobierno ti Estados Unidos, ket naliklikan ti gubat. Nupay kasta, saan a kanayon a maipatungpal ti padto iti panawen wenno iti wagas a namnamaentayo. Dumani kalpasan iti 30 a tawen, nabayag kalpasan a napapatay ni Joseph Smith, immalsa ti South Carolina ket simmaruno ti gubat a sibil. Ita, ti gubat iti intero a lubong ti agtultuloy a makaigapu ti “panagladingit ti daga” (Doktrina ken Katulagan 87:6). Nababbaba ti pateg daytoy a paltiing no sumangbayto ti kalamidad ket ad-adda iti panangisuro no ania ti aramiden no mapasamak daytoy. Agpapada ti ballaag idi 1831,1861, ken 2025: “Agtakderkayo kadagiti nasantuan a lugar, ket saankayo nga aggaraw” (bersikulo 8).
Dagiti Kapanunotan iti Panagsursuro iti Pagtaengan ken iti Simbaan
Kayat ti Apo a “mangisuratak iti maysa a pakasaritaan.”
Kitaen no ania ti kayat ti Apo a mairaman iti “pakasaritaan” a nailadawan iti Doktrina ken Katulagan 85:1–2. Apay iti panagkunayo a kayatna a mangisurat dagiti Santona iti maysa a pakasaritaan? Ania ti maisuratyo maipapan iti “wagas ti panagbiagyo, ti pammati, ken dagiti aramid[yo] a mabalin a maysa a bendision kadakayo ken kadagiti masakbayan a kaputotan? Kasano a matulongannakayo ti panangsurat iti bukod a pakasaritaan nga umasideg ken ni Cristo?
Kitaen met iti “Journals: ‘Of Far More Worth than Gold,’” Teachings of Presidents of the Church: Wilford Woodruff (2011), 125–33; “Turning Hearts” (video), ChurchofJesusChrist.org.
Turning Hearts
A Great-Grandfather's journal helps a young man gain direction in his life and appreciation for his ancestors.
Agsarita ti Espiritu iti “naalumamay, bassit a timek.”
Utobenyo dagiti balikas ni Joseph Smith a nausar a mangiladawan iti Espiritu iti Doktrina ken Katulagan 85:6. Iti ania a kaipapanan ti “naalumamay” ken “bassit” ti timek ti Espiritu? Ibilang dagitoy a nayon a panangiladawan a naited babaen ken ni Joseph Smith: Doktrina ken Katulagan 6:22–24; 8:2–3; 9:7–9; 11:12–13; 128:1. Kasano a makisarita ti Espiritu kenka?
Kitaen met iti Lucas 24:32; Mosiah 5:2; Alma 32:28; Helaman 5:30; Doktrina ken Katulagan 6:22–23; 11:12–13.
Agaramat kadagiti adalen a banag [object lesson]. Nasaysayaat a malagip dagiti tao ti maysa nga adalen ti ebanghelio no makitada wenno makipasetda iti maysa nga adalen ti banag a mainaig iti masursuroda. Kas pagarigan, no mangisursuro maipapan iti naalumamay, bassit a timek ti Espiritu, nalabit a mabalinyo nga ipatokar ti maysa a rekording ti naalumamay, sagrado a musika, ken mabalin nga pagsasaritaan dagiti agad-adal no kasano a mariknada ti musika ken no kasano a narigrigat a mangngeg no adda dagiti makasinga nga arimbangaw. Mabalin a mangiturong daytoy iti panaglilinnawag maipapan kadagiti pannakasinga iti panagbiagtayo a manglapped kadatayo manipud iti pannakangngegda iti naalumamay, bassit a timek.
Iladawan dagiti nasantuan a kasuratan ti timek ti Espiritu a kas maysa a naalumamay, bassit a timek.
Maummong dagiti nalinteg ken ni Cristo kadagiti maudi nga aldaw.
TiDoktrina ken Katulagan 86 ket naglaon iti patarus ti pangngarig maipapan iti trigo ken ruruot, a masarakan iti Mateo 13:24–30, 37–43. Bayat ti panagsursuroyo maipapan iti kaipapanan daytoy a pangngarig, ibilangyo ti panangsurat iti maysa a tsart a kas iti daytoy:
|
Dagiti simbolo |
Dagiti mabalin a kaipapananna |
Dagiti saludsod nga utoben |
|---|---|---|
Dagiti simbolo Dagiti agmulmula iti bukel | Dagiti mabalin a kaipapananna Dagiti propeta ken apostol | Dagiti saludsod nga utoben Ania a kita ti “bukel” ti imula dagiti propeta ken apostol? |
Dagiti simbolo Ti kabusor | Dagiti mabalin a kaipapananna Satanas | Dagiti saludsod nga utoben Kasano a padasen ti kabusor ti mangpasardeng iti aramid ti Apo? |
Dagiti simbolo | Dagiti mabalin a kaipapananna | Dagiti saludsod nga utoben |
Dagiti simbolo | Dagiti mabalin a kaipapananna | Dagiti saludsod nga utoben |
Adtoy ti sumagmamano a nayon a saludsod nga ibilang:
-
Kalpasan ti panangipatarusna iti pangngarig, insarita ti Apo maipanggep iti priesthood, pannakaisubli, ken ti pannakaisalakan dagiti taona (kitaen kadagiti bersikulo 8–11). Ania dagiti koneksion a makitayo kadagitoy a tema ken ti pangngarig maipapan iti trigo ken ruruot?
-
Ania ti akemmo iti panagbalin a “silaw kadagiti Gentil” ken “mangisalakan kadagiti tao [ti Apo]”? (bersikulo 11).
Masarakan ti talna kadagiti “nasantuan a lugar.”
Mamakdaar ti padto iti benneg 87 maipapan kadagiti pisikal a peggad a mainaig iti gubat kadagiti maudi nga aldaw. Ngem mayaplikar met ti balakad iti daytoy a paltiing kadagiti naespirituan a peggad. Utoben dagiti saludsod kas iti sumaganad:
-
Ti padto ket maysa a paltiing manipud iti Dios iti maysa a propeta, masansan a maipapan iti masakbayan. Ania ti sumagmamano a pagarigan dagiti padto nga inted dagiti nagkauna ken agdama a propeta? Juan 3:14; Mosiah 3:5; Helaman 14:2–6). Kasano a naipatungpalda? (kitaen iti Lucas 23:33; Mateo 15:30–31; 3 Nephi 1:15–21).
-
Ania dagiti bendision ti panangawat kadagiti padto dagiti propeta ti Dios?
Addaan kadagita a pampanunot, basaenyo ti benneg 87. (Para iti sumagmamano a konteksto ti pakasaritaan, mabalin a kayatyo met a basaen ti pakauna iti daytoy a balabala.) Ania ti masursuroyo maipapan iti padto manipud iti daytoy a paltiing ken ti wagas a pannakatungpalna? Ania ti isaoyo iti maysa a tao nga agduadua iti maysa a padto gapu ta saan a natungpal a dagus?
Ania a balakad ti ited ti Apo iti bersikulo 8? Ania dagiti “nasantuan a lugar[yo]” a pakasarakanyo iti talna ken talged? Ania ti mamagbalin a nasantuan ti maysa a lugar? Mainayon kadagiti pisikal a lokasion, nalabit adda dagiti nasantuan a panawen, nasantuan a kannawidan, wenno nasantuan a kapanunotan a makaipaay iti talna. Kas pagarigan, kasano nga agbalin a nasantuan a lugar para kadakayo dagiti balikas dagiti propeta ti Dios? Ania ti kaipapanan ti “agtakder” ken “saan nga aggaraw” manipud kadagitoy a lugar?
Kitaen met iti “Where Love Is,” Children’s Songbook, 138–39; Saints, 1:163–64; “Peace and War,” iti Revelations in Context, 158–64.
Para iti ad-adu pay a kapanunotan, kitaen dagiti isyu ti magasin a Liahona ken Para iti Pigsa dagiti Agtutubo iti daytoy a bulan.
Dagiti Kapanunotan para iti Panangisuro kadagiti Ubbing
Agsarita ti Espiritu iti “naalumamay, bassit a timek.”
-
Ania koma ti isao dagiti annakyo no agsaludsod kadakuada ti maysa a tao no kasano nga ammoda no makisarita ti Espiritu Santo kadakuada? Awisem ida a mangbasa ti maipapan iti maysa a wagas nga inladawan ni Joseph Smith ti timek ti Espiritu iti Doktrina ken Katulagan 85:6. Kalpasanna mabalinda a mangsanay iti panagdengngeg ken panagsao iti maysa a bassit a timek. Mabalinyo pay nga ibinglay dagiti padas idi nagsao ti Espiritu kadakayo iti naalumamay, bassit a timek.
-
Tapno matulongan dagiti annakyo a makaawat iti ragup ti balikas a “naalumamay bassit a timek,” mabalinyo nga ipatokar a siuulimek ti kanta dagiti ubbing, kas iti “The Holy Ghost” (Children’s Songbook, 105). Kiddawen iti maysa kadagiti ubbing a mangpugto no ania a kanta dayta bayat ti panagaramid dagiti dadduma pay nga ubbing kadagiti makasinga nga arimbangaw. Kalpasanna mabalinyo nga uliten ti kanta nga awan dagiti pakasingaan. Ania dagiti pakasingaan a mabalintayo nga ikkaten iti biagtayo tapno masansan a marikna ti Espiritu?
Makatulongak a mangummong kadagiti tao ti Dios.
-
Tapno matulongan a makaawat dagiti annakyo iti pangngarig a nailadawan iti benneg 86, mangisaganakayo kadagiti babassit a ladawan wenno drowing ti trigo, ket ilemmengyo dagitoy iti lawlaw ti siled. Ilawlawag kadagiti annakyo ti pangngarig maipapan iti trigo ken ruruot (kitaen iti Mateo 13:24–30), ken aggigiddan a basaenyo ti komentario ti Apo iti Doktrina ken Katulagan 86:1–7. Kalpasanna, mabalin dagiti annakyo nga ummongen dagiti nailemmeng a ladawan ti trigo ken mangisurat kadagitoy ti nagan ti maysa a tao a mabalinda nga “ummongen” ken ni Jesucristo. Ania ti kayat a sawen ti ummongen dagiti tao ken ni Jesucristo? Ania dagiti sumagmamano a wagas a mabalintayo nga aramiden daytoy?
Makapagbalinak a maysa a lawag kadagiti dadduma.
-
Adtoy ti sumagmamano a saludsod a mabalinyo a damagen kadagiti annakyo bayat ti panangilawlawagyo iti Doktrina ken Katulagan 86:11: Kasano a bendisionannatayo ti lawag? Ania ti kapadpadana no awan ti lawag kadatayo? Kasano a makapagbalintayo a maysa a lawag iti dadduma a tao? Tulonganyo dagiti annakyo a mangpanunot kadagiti wagas a mabalintayo nga “itultuloy ti kinaimbag [ni Jesus] kadagiti dadduma.
Doktrina ken Katulagan 87:6, 8
Kabaelak ti “agtakder … kadagiti nasantuan a lugar.”
-
Aggigiddan a mangbasa ti Doktrina ken Katulagan 87:6 tapno maammuan ti maipapan iti kinuna ti Apo a mapasamak kadagiti maudi nga aldaw. Kalpasanna, mabalinyo a pagsasaritaan ti sumagmamano kadagiti karit a sangsanguenyo ken dagiti annakyo. Iti bersikulo 8, ania ti kinuna ti Apo nga aramidentayo kabayatan dagiti naririgat a panawen?
-
Tulonganyo dagiti annakyo a mangaramid iti listaan dagiti nasantuan a lugar, nasantuan a kapanunotan, ken nasantuan nga aramid a makatulong kadakuada a mangsango iti naespirituan a peggad. Para kadagiti kapanunotan, kitaen dagiti video a “Standing in Holy Places” ken “Stand Ye in Holy Places—Bloom Where You’re Planted” (Gospel Library).
5:36Standing in Holy Places
A young woman reflects on the blessings of walking the covenant path as she makes her journey to the temple.
4:36Stand Ye in Holy Places - Bloom Where You’re Planted
Three hundred youth in Las Vegas come together to share their testimony of Jesus Christ.
Maysa a nasantuan a lugar ti templo.
Para iti ad-adu pay a kapanunotan, kitaen iti isyu ti magasin a Friend iti daytoy a bulan.
Ummongen ti Apo dagiti taona kas iti trigo.