Detalye manipud iti Adtoy ti Kordero ti Dios, ni Walter Rane

Agosto 25–31: “Maawat iti Pakabuklanna”

Doktrina ken Katulagan 93

“No umulika iti agdan,” insuro ni Joseph Smith, “nasken a mangrugika iti baba, ket agpangalka nga agpangato, inggana a makadanonka iti ngato, isu a kasta met kadagiti pagbatayan ti ebanghelio—nasken a mangrugika iti umuna, ket agtultuloyka inggana a masursurom amin dagiti pagbatayan ti pannakaitan-ok” (Teachings of Presidents of the Church: Joseph Smith [2007], 268).

No dadduma dayta nga agdan ti pannakaitan-ok, ket kasla di kabaelan nga ulien, ngem nayanaktayo nga umuli iti ngato babaen iti kanayon a tulong ti Mangisalakan. Ania man dagiti limitasion a makitatayo iti bagbagitayo, adda makita ti Amatayo a Nailangitan ken ti Anakna a naindayagan a banag kadatayo, maysa a banag a nadiosan. Iti kasta a wagas ni Jesucristo “nga adda idi iti punganay iti Ama,” isu a “kaduayo met idi” (Doktrina ken Katulagan 93:21, 23). Kas met Isu a “nagtultuloy nga immawat iti ad-adu pay a parabur, agingga a naawatna ti pakabuklanna,“ isu met nga “umawatkayonto iti ad-adu pay a parabur” (dagiti bersikulo 13, 20). Isuronatayo ti naisubli nga ebanghelio maipapan iti pudno a kinatao ti Dios, kasta met nga isuronatayo maipapan iti pudno a kinataoyo ken ti pagtungpalanyo. Literal nga anaknaka ti Dios nga addaan iti potensial a “makaawat iti pakabuklanna iti naituding a panawen” (bersikulo 19).

Dagiti Kapanunotan iti Panagsursuro iti Pagtaengan ken iti Simbaan

Doktrina ken Katulagan 93

Kas ken ni Jesucristo, maitan-ok ken makaawatak iti “pakabuklan” ti Dios.

Insuro ni Propeta Joseph Smith, “No saan a maawatan ti tattao ti kababalin ti Dios, dida maawatan ti bagbagida” (Teachings: Joseph Smith, 40). Bayat ti panagsursuroyo maipapan iti Mangisalakan babaen ti panagadal iti Doktrina ken Katulagan 93, kitaen no ania ti masursuroyo maipapan iti bagiyo. Kas pagarigan, ania ti masursuroyo maipapan Kenkuana manipud kadagiti bersikulo 3, 12–13, 21, ken 26? Ania dagiti umasping a kinapudno maipapan iti bagiyo a masarakanyo kadagiti bersikulo 20, 23, ken 28–29? (kitaen met iti 1 Juan 3:2; 3 Nephi 27:27). Dagiti sumaganad a saludsod ti mabalin a makatulong kadakayo a makaawat ken mangyaplikar kadagiti kinapudno iti daytoy a benneg:

• Ania ti mariknayo a kayat a sawen ti umawat ti “ad-adu pay a parabur” ken agtultuloy nga “umawat iti ad-adu pay a parabur”? (dagiti bersikulo 12–13). No makatulong, mabalinyo a basaen ti “Parabur” iti Pangiwanwan ti Nasantuan a Kasuratan (Gospel Library).

• Ania ti matakuatanyo iti daytoy a paltiing maipapan no kasano a matulongannakayo ti Dios a dumur-as ken agsursuro? Kasano nga apektuan ti pannakaammoyo iti daytoy ti wagas a panangtratotayo kadagiti dadduma—ken ti bagiyo?

• Ania ti masursuroyo maipapan iti “kasano ti agdaydayaw, ken … ania ti pagdaydayawanyo”? (bersikulo19; kitaen met iti Pangiwanwan ti Nasantuan a Kasuratan, “Agdaydayaw,” Gospel Library).

Doktrina ken Katulagan 93:1–39

Ti dayag ti Dios ket silaw ken kinapudno.

Mabalin a madlawyo a dagiti balikas a kas iti dayag, silaw, ken kinapudno ket masansan a makita iti daytoy a paltiing. Bayat iti panagadalyo kadagiti bersikulo 20–39 a naipangpangruna, ilistayo dagiti kinapudno a masursuroyo maipapan kadagitoy a konsepto. Mabalin a makatulong ti panangaramid iti maysa a tsart a kas iti daytoy:

Bersikulo	Ania ti masursurok	Dagiti saludsod nga utoben
Bersikulo 24	Ania ti masursurok	Dagiti saludsod nga utoben Adu dagiti pangallilaw iti lubong. Kasano a maammuak dagiti kinapudno? (kitaen met iti Jacob 4:13).
Bersikulo 28	Ania ti masursurok	Dagiti saludsod nga utoben
Bersikulo 36	Ania ti masursurok Ti Dios ket maysa a parsua nga addaan iti lawag ken kinapudno.	Dagiti saludsod nga utoben
Bersikulo 37	Ania ti masursurok	Dagiti saludsod nga utoben Siasino ti am-ammok a kasla makabael a mangsupring kadagiti dakes nga impluensia? Apay a kabaelanda nga aramiden daytoy?
Bersikulo	Ania ti masursurok	Dagiti saludsod nga utoben
Bersikulo	Ania ti masursurok	Dagiti saludsod nga utoben
Bersikulo Kitaen met iti: Doktrina ken Katulagan 50:24	Ania ti masursurok	Dagiti saludsod nga utoben

Ania ti masarakanyo kadagitoy a bersikulo a mangparegta kadakayo nga agsapul iti dakdakkel a lawag ken kinapudno? Apay a ti lawag ken kinapudno ti nasayaat a pangawag ken ni Jesucristo? ( Juan 8:12; 14:6). Kasano nga apektuan dagitoy a kinapudno ti biagyo?

Mabalinyo pay nga isurat dagiti kari maipapan iti agnanayon a pagtungpalanyo kadagiti bersikulo 20, 22, 28, 33–35. Ania ti pagnananaigan dagitoy a karkari ken pananggun-od iti lawag?

Ibilang ti panangsukisok iti “Magna iti lawag ti Dios” (Para iti Pigsa dagiti Agtutubo: Maysa a Pangiwanwan iti Panagpili,, 18–21) tapno maammuan no ania ti maaramidanyo a manggun-od iti lawag ken no kasano nga ikari ti Apo a bendisionannakayo. Dagiti video a “Light and Truth, Part 1” ken “Part 2” (Gospel Library) ket mabalin a mangipaay kadagiti nayon a kapanunotan.

Kitaen met iti “Teach Me to Walk in the Light,” Hymns, no. 304; Topics and Questions, “Holy Ghost,” Gospel Library.

Light and Truth, Part 1

(D&C 88:6-13) This video examines God's attributes of light and truth as explained in section 88 of the Doctrine and Covenants.

Light and Truth, Part 2

(D&C 93:28,36-40) This video examines God's attributes of light and truth as explained in section 88 of the Doctrine and Covenants.

“Ti dayag ti Dios ket … silaw ken kinapudno.”

Doktrina ken Katulagan 93:40–50

“Urnosenyo ti balbalayyo.”

Ti bilin nga “urnosem ti balaymo” (bersikulo 43) ket saan a maipanggep iti panangurnos kadagiti cupboard ken kabinet ngem maipanggep iti panangisuro—ken panagsursuro iti—“silaw ken kinapudno” (bersikulo 42). Ibilang no kasano a padpadasenyo a suroten daytoy a balakad. Ania dagiti karit a pakaipaspasanguanyo? Ania dagiti kinapudno wenno pagbatayan iti Doktrina ken Katulagan 93 a makatulong?

Ania dagiti nalawag a pannakaawat ken pannakaammo a magun-odtayo manipud kadagitoy a pannursuro ni Elder David A. Bednar?

“Iti opisinak adda maysa a napintas a naipinta a ladawan ti talon ti trigo. Ti naipinta a ladawan ti dakkel a koleksion dagiti saggaysa a paspasada ti pinta—awan kadagitoy a nailasin ti makaay-ayo unay wenno makaawis iti imatang. Kinapudnona, no addaka iti asideg ti kanbas, makitam laeng ti napagtitipon ti kasla awan pakainaiganna ken nalaad a pasada ti pinta ti maris amarilio ken balitok ken kayumanggi a pinta. Nupay kasta, bayat ti in-inut a yadayom iti kanbas, agdadanggay a sangkamaysa ti amin a saggaysa a kitikit ket mangpataud iti nakaskasdaaw a landscape ti maysa a talon ti trigo. No agtitinnulong ti adu a gagangay, saggaysa a paspasada ti pinta tapno mangparnuay iti makaawis rikna ken napintas a naipinta a ladawan.

“Tunggal sangapamiliaan a panagkararag, tunggal paset ti sangapamiliaan a panagadal iti nasantuan a kasuratan, ken tunggal family home evening ket maysa a pasada ti pinta iti kanbas dagiti kararuatayo. Awan ti maysa a pasamak a mabalin a kasla makaawis unay iti imatang wenno nakallalagip. Ngem kas iti panagdidinnanggay ti amarilio ken balitok ken kayumanggi a paspasada ti pinta ket mangparnuay iti makaawis imatang nga obra maestra, isu a ti agtultuloy a panagaramidtayo kadagiti kasla babassit a banag ket makaiturong kadatayo kadagiti napateg a naespirituan a bunga. ‘Gapuna, saankayo koma a mabannog nga agaramid iti nasayaat, ta isagsaganayo ti pamuon ti naindaklan nga aramid. Ket agtaud kadagiti babassit a banag ti naindaklan’ (Doktrina ken Katulagan 64:33 Ti panagtultuloy ket napateg a prinsipio bayat ti panangikabiltayo iti pundasion ti naindaklan nga aramid iti bukodtayo a biag ken bayat ti panagbalintayo a napaspasnek ken masekseknan iti bukodtayo a pagtaengan” (“More Diligent and Concerned at Home,” Liahona, Nob. 2009, 19–20).

Kitaen met iti Henry B. Eyring, “A Home Where the Spirit of the Lord Dwells,” Liahona, Mayo 2019, 22–25.

Ngem bilinen ti Apo dagiti nagannak a “patanoren dagiti annak[da] iti silaw ken kinapudno.”

Para iti ad-adu pay a kapanunotan, kitaen dagiti isyu ti magasin a Liahona ken Para iti Pigsa dagiti Agtutubo iti daytoy a bulan.

Dagiti Kapanunotan para iti Panangisuro kadagiti Ubbing

Doktrina ken Katulagan 93:2–21

Ni Jesucristo ti Silaw ken Biag ti Lubong.

• Ibilang ti panangipakita iti maysa a ladawan ti Mangisalakan ket panangsaludsod kadagiti annakyo no apay a napateg a sursuruen ken surotentayo ni Jesucristo. Kalpasanna aggigiddan a basaen ti Doktrina ken Katulagan 93:19 a mangtakuat iti maysa a napateg a rason.

• Mabalin a kayatyo ti agpili iti sumagmamano a kinapudno maipapan ken Cristo iti benneg 93 a makaparegta kadakayo ken tumulong kadagiti annakyo a mangtakuat ken makaawat kadagitoy (kitaen met iti “Kapitulo 33: Maysa a Paltiing maipapan ken ni Jesucristo,” iti Dagiti Estoria iti Doktrina ken Katulagan, 126–27, wenno ti katupagna a video iti Gospel Library). Para iti tunggal kinapudno a pilienyo, mabalinyo nga ikkan dagiti annakyo iti balikas wenno ragup ti balikas a denggen bayat ti aggigiddan a panagbasayo iti bersikulo. Kas pagarigan, ni Jesucristo:

  • Inaramidna dagiti aramid ti Ama (bersikulo 5).

  • Isu ti Silaw ti Lubong (bersikulo 9).

  • Isu ti Namarsua iti lubong (bersikulo 10).

  • Inawatna ti amin a bileg iti langit ken iti daga (bersikulo 17).

  • Kaduana ti Dios idi punganay (bersikuo 21).

  Chapter 33: A Revelation about Jesus Christ: May 1833

Detalye manipud iti Silaw ti Lubong, ni Howard Lyon

Doktrina ken Katulagan 93:23, 29, 38

Nakipagnaedak iti Nailangitan nga Ama sakbay nga immayak iti daga.

• Namintallo nga inyunay-unay ti Mangisalakan iti benneg 93 a nakipagnaedtayo iti Dios “iti punganay” (dagiti bersikulo 23, 29, 38). Tapno matulongan dagiti annakyo a mangtakuat iti daytoy, mabalinyo nga awisen ida a mangbasa iti Doktrina ken Katulagan 93:23, 29, 38 ken agsapul iti kinapudno maipapan iti bagbagida a maulit-ulit kadagitoy a bersikulo. Apay a kayat ti Nailangitan nga Ama a maammuantayo daytoy a kinapudno? Mabalinyo pay a saludsoden kadagiti annakyo no ania ti ammoda maipapan iti biagtayo a kadua ti Nailangitan nga Ama sakbay a nayanaktayo. Tapno matulongan ida nga agsursuro iti ad-adu pay, basaen a kadua ida ti maysa wenno ad-adu pay kadagiti sumaganad a binatog ti nasantuan a kasuratan: Jeremias 1:5; Doktrina ken Katulagan 138:53–56; Moises 3:5; Abraham 3:22–26.

• Mabalinyo pay nga aggigiddan a kantaen ti “I Am a Child of God” or “I Lived in Heaven” (Children’s Songbook, 2–3, 4) ken pagsasaritaan maipapan dagiti kinapudno a masursurotayo kadagitoy a kanta maipapan iti panggeptayo a yaay ditoy daga.

Doktrina ken Katulagan 93:24–39

Maawattayo ti lawag ken kinapudno no tungpalek ti Dios.

• Tapno matulongan dagiti annakyo a mangyaplikar kadagiti kinapudno iti Doktrina ken Katulagan 93, ibilang ti panangisurat iti sumagmamano a reperensia iti nasantuan a kasuratan manipud iti daytoy a benneg iti babassit a papel. Iti dadduma a babassit a papel, isurat dagiti kinapudno nga isuro ti tunggal maysa kadagitoy a bersikulo. Makapagtitinnulong dagiti annakyo a mangbasa kadagiti bersikulo ket iparis dagiti kinapudno kadagiti reperensia iti nasantuan a kasuratan. Mabalin nga iraman dagitoy a pagarigan:

  • Bersikulo 24: Ti kinapudno isu ti pannakaammo kadagiti banag ti kasasaad idi, kasasaad ita, ken kasasaad iti masakbayan.

  • Bersikulo 28: Maawatko ti lawag ken kinapudno no tungpalek dagiti bilin.

  • Bersikulo 37: No addaanak iti lawag ken kinapudno, kabaelak a supringen ti dakes.

  • Bersikulo 39: Mapukawko ti lawag ken kinapudno no nasukirak.

  Mabalin a kayatyo nga ibinglay dagiti pagarigan dagiti kinapudno a naammuanyo bayat ti panangtungpalyo kadagiti bilin ti Apo.

Makibagay kadagiti edad dagiti annakyo. Ammoyo dagiti kasapulan ken kabaelan dagiti annakyo; nawayakayo a mangibagay kadagiti kapanunotan ti aktibidad tapno maipaay dagiti kasapulanda. Kas pagarigan, iti daytoy nga aktibidad, no mangisursurokayo kadagiti babassit nga ubbing, mabalin a nasaysayaat no ipamaysayo ti maysa a simple a kinapudno manipud iti benneg 93.

Para iti ad-adu pay a kapanunotan, kitaen iti isyu ti magasin a Friend iti daytoy a bulan.

Silaw ken Kinapudno, ni Simon Dewey