« ថ្ងៃទី ៤–១០ ខែ សីហា ៖ ‹ ចូរអ្នករាល់គ្នាឈរនៅក្នុងទីបរិសុទ្ធទាំងឡាយ › ៖ គោលលទ្ធិ និងសេចក្តីសញ្ញា ៨៥–៨៧ » ចូរមកតាមខ្ញុំ—សម្រាប់គេហដ្ឋាន និងសាសនាចក្រ ៖ គោលលទ្ធិ និងសេចក្តីសញ្ញា ឆ្នាំ ២០២៥ ( ឆ្នាំ ២០២៥ )

« គោលលទ្ធិ និងសេចក្តីសញ្ញា ៨៥–៨៧ » ចូរមកតាមខ្ញុំ—សម្រាប់គេហដ្ឋាន និងសាសនាចក្រ ៖ ឆ្នាំ ២០២៥

ថ្ងៃទី ៤–១០ ខែ សីហា ៖ « ចូរអ្នករាល់គ្នាឈរនៅក្នុងទីបរិសុទ្ធទាំងឡាយ »

គោលលទ្ធិ និងសេចក្តីសញ្ញា ៨៥–៨៧

ជាធម្មតា ថ្ងៃបុណ្យគ្រីស្ទម៉ាសគឺជាពេលវេលាមួយ ដើម្បីជញ្ជឹងគិតអំពីសារលិខិតដូចជា « សេចក្ដីសុខសាន្ដនៅផែនដី » ( សូមមើល លូកា ២:១៤ ) ។ ប៉ុន្ដែនៅថ្ងៃទី ២៥ ខែ ធ្នូ ឆ្នាំ ១៨៣២ គំនិតរបស់ យ៉ូសែប ស្ម៊ីធ ត្រូវបានវាយលុកដោយការគម្រាមនៃសង្គ្រាម ។ រដ្ឋខារ៉ូឡាយណាភាគខាងត្បូង នៅក្នុងសហរដ្ឋអាមេរិក ទើបតែប្រឆាំងនឹងរដ្ឋាភិបាល ហើយកំពុងត្រៀមប្រយុទ្ធ ។ ហើយព្រះអម្ចាស់បានបើកសម្ដែងការណ៍នេះថា នេះគ្រាន់តែជាការចាប់ផ្ដើមប៉ុណ្ណោះ ៖ ទ្រង់បានប្រកាសថា « សង្គ្រាមនឹងចាក់មកលើអស់ទាំងសាសន៍ » ( គោលលទ្ធិ និងសេចក្ដីសញ្ញា ៨៧:២ ) ។ វាហាក់ដូចជាការព្យាករនេះនឹងបានបំពេញក្នុងពេលឆាប់ៗ ។

ប៉ុន្តែ ក្រោយមកវាក៏មិនបានបំពេញ ។ ក្នុងពេលតែពីរបីសប្ដាហ៍ រដ្ឋខារ៉ូឡាយណាភាគខាងត្បូង និងរដ្ឋាភិបាលសហរដ្ឋបានធ្វើកិច្ចសន្យាមួយ ហើយសង្រ្គាមក៏លែងមាន ។ ទោះជាយ៉ាងណា ការព្យាករណ៍មិនតែងតែបំពេញនៅពេល ឬតាមរបៀបដែលយើងរំពឹងវាជានិច្ចនោះទេ ។ ជិត ៣០ ឆ្នាំក្រោយមក ជាយូរបន្ទាប់ពី យ៉ូសែប ស្ម៊ីធ ត្រូវបានគេសម្លាប់ រដ្ឋខារ៉ូឡាយណាភាគខាងត្បូងបានបះបោរ ហើយសង្គ្រាមស៊ីវិលក៏បានកើតឡើង ។ សព្វថ្ងៃនេះ សង្រ្គាមនៅទូទាំងពិភពលោកបានបណ្ដាលឲ្យ « ផែនដី [ ត្រូវ ] យំសោក » ( គោលលទ្ធិ និងសេចក្តីសញ្ញា ៨៧:៦ ) ។ តម្លៃនៃវិវរណៈនេះមិនសូវមានតម្លៃ បើគិតពីការព្យាករថាពេលណាចលាចលនឹងកើតឡើង ប៉ុន្ដែវាមានតម្លៃច្រើនជាង បើគិតពីការបង្រៀនថាត្រូវធ្វើអ្វីពេលសង្គ្រាមកើតមានឡើង ។ ការប្រឹក្សាគឺដូចគ្នានៅក្នុងឆ្នាំ ១៨៣១, ឆ្នាំ ១៨៦១ និង ឆ្នាំ ២០២៥ ៖ « ចូរអ្នករាល់គ្នាឈរនៅក្នុងទីបរិសុទ្ធទាំងឡាយ » ( ខទី ៨ ) ។

គំនិតសម្រាប់ការរៀនសូត្រនៅឯគេហដ្ឋាន និងនៅឯព្រះវិហារ

គោលលទ្ធិ និងសេចក្ដីសញ្ញា ៨៥:១–២

ព្រះអម្ចាស់សព្វព្រះទ័យឲ្យខ្ញុំ « កត់ប្រវត្តិ » ។

សូមកត់សម្គាល់អំពីអ្វីដែលព្រះអម្ចាស់មានព្រះទ័យចង់បញ្ជូលនៅក្នុង « ប្រវត្តិ » ដែលបានពិពណ៌នានៅក្នុង គោលលទ្ធិ និងសេចក្តីសញ្ញា ៨៥:១–២ ។ តើបងប្អូនគិតថា ហេតុអ្វីបានជាទ្រង់ចង់ឲ្យពួកបរិសុទ្ធរបស់ទ្រង់កត់ប្រវត្តិ ? តើបងប្អូនអាចកត់ត្រាអ្វីខ្លះអំពី « របៀបរស់នៅ សេចក្ដីជំនឿ និងកិច្ចការទាំងឡាយ [ របស់បងប្អូន ] » ដែលអាចជាពរជ័យដល់ជំនាន់ក្រោយៗ ? តើកត់ប្រវត្តិផ្ទាល់ខ្លួនអាចជួយបងប្អូនមករកព្រះគ្រីស្ទបានដោយរបៀបណា ?

សូមមើលផងដែរ « Journals: ‹ Of Far More Worth than Gold › » Teachings of Presidents of the Church: Wilford Woodruff ( ឆ្នាំ ២០១១ ) ទំព័រ ១២៥–១៣៣ « Turning Hearts » ( វីដេអូ ) នៅលើគេហទំព័រ ChurchofJesusChrist.org ។

គោលលទ្ធិ និងសេចក្ដីសញ្ញា ៨៥:៦

ព្រះវិញ្ញាណមានបន្ទូលដោយ « សំឡេងតូចរហៀង » ។

សូមជញ្ជឹងគិតអំពីពាក្យដែល យ៉ូសែប ស្ម៊ីធ បានប្រើដើម្បីរៀបរាប់អំពីព្រះវិញ្ញាណនៅក្នុង គោលលទ្ធិ និងសេចក្ដីសញ្ញា ៨៥:៦ ។ តើសំឡេងរបស់ព្រះវិញ្ញាណ « តូច » និង « រហៀង » មានន័យយ៉ាងណា ? សូមពិចារណាអំពីការពិពណ៌នាបន្ថែមទាំងនេះដែលបានផ្តល់ឲ្យតាមរយៈ យ៉ូសែប ស្ម៊ីធ ៖ គោលលទ្ធិ និងសេចក្តីសញ្ញា ៦:២២–២៤; ៨:២–៣; ៩:៧–៩; ១១:១២–១៣; ១២៨:១ ។ តើព្រះវិញ្ញាណថ្លែងមកកាន់បងប្អូនតាមរបៀបណា ?

សូមមើលផងដែរ លូកា ២៤:៣២; ម៉ូសាយ ៥:២; អាលម៉ា ៣២:២៨; ហេលេមិន ៥:៣០; គោលលទ្ធិ និងសេចក្តីសញ្ញា ៦:២២–២៣; ១១:១២–១៣ ។

សូមបង្រៀនមេរៀនដោយប្រើវត្ថុ ។ មនុស្សចងចាំមេរៀនដំណឹងល្អមួយកាន់តែប្រសើរ នៅពេលពួកគេឃើញ ឬចូលរួមនៅក្នុងមេរៀនដោយប្រើវត្ថុដែលទាក់ទងទៅនឹងអ្វីដែលពួកគេកំពុងរៀន ។ ឧទាហរណ៍ នៅពេលបង្រៀនអំពីសំឡេងតូចរហៀងរបស់ព្រះវិញ្ញាណ ប្រហែលជាបងប្អូនអាចចាក់ភ្លេងតន្រ្តីស្រទន់ៗ ពិសិដ្ឋ ហើយអ្នកសិក្សាអាចនិយាយអំពីរបៀបដែលតន្ត្រីធ្វើឲ្យពួកគេមានអារម្មណ៍ និងថាតើវាពិបាកស្តាប់ប៉ុនណា ប្រសិនបើមានសំឡេងរំខាននោះ ។ ការណ៍នេះនឹងដឹកនាំទៅរកការពិភាក្សាអំពីការរំខាននៅក្នុងជីវិតរបស់យើងដែលរុញយើងចេញពីការឮសំឡេងដ៏តូចរហៀងនោះ ។

ស្រ្តីម្នាក់កំពុងអានព្រះគម្ពីរ — បទគម្ពីរពិពណ៌នាអំពីសំឡេងរបស់ព្រះវិញ្ញាណថាជាសំឡេងដ៏តូចរហៀង។

គោលលទ្ធិ និងសេចក្តីសញ្ញា ៨៦

ពួកសុចរិត គឺត្រូវបានប្រមូលផ្តុំទៅរកព្រះគ្រីស្ទនៅថ្ងៃចុងក្រោយ ។

គោលលទ្ធិ និងសេចក្តីសញ្ញា ៨៦ មាននូវការបកស្រាយនៃរឿងប្រៀបប្រដូចនៃស្រូវសាលី និងស្រងែ ដែលមាននៅក្នុង ម៉ាថាយ ១៣:២៤–៣០, ៣៧–៤៣ ។ ពេលបងប្អូនរៀនអំពីអត្ថន័យនៃរឿងប្រៀបប្រដូចនេះ សូមពិចារណាការបំពេញតារាងមួយដូចនេះ ៖

និមិត្តរូប	អត្ថន័យដែលអាចមាន	សំណួរត្រិះរិះ
និមិត្តរូប អ្នកសាបព្រោះគ្រាប់ពូជ	អត្ថន័យដែលអាចមាន ពួកព្យាការី និងពួកសាវក	សំណួរត្រិះរិះ តើ « ពូជ » ប្រភេទណាដែលពួកព្យាការី និងពួកសាវកបានដាំ ?
និមិត្តរូប មារសត្រូវ	អត្ថន័យដែលអាចមាន សាតាំង	សំណួរត្រិះរិះ តើមារសត្រូវព្យាយាមបញ្ឈប់កិច្ចការរបស់ព្រះអម្ចាស់ដោយរបៀបណា ?
និមិត្តរូប	អត្ថន័យដែលអាចមាន	សំណួរត្រិះរិះ
និមិត្តរូប	អត្ថន័យដែលអាចមាន	សំណួរត្រិះរិះ

នេះគឺជាសំណួរពីរបីបន្ថែមដើម្បីត្រិះរិះ ៖

បន្ទាប់ពីបានបកស្រាយរឿងប្រៀបប្រដូចនោះ ព្រះអម្ចាស់បានមានព្រះបន្ទូលអំពីបព្វជិតភាព ការស្ដារឡើងវិញ និងការសង្គ្រោះនៃរាស្ដ្រទ្រង់ ( សូមមើល ខទី ៨–១១ ) ។ តើបងប្អូនឃើញភាពទាក់ទងគ្នាអ្វីខ្លះរវាងបាវចនាទាំងនេះ និងរឿងប្រៀបប្រដូចនៃស្រូវសាលី និងស្រងែ ?
តើតួនាទីរបស់បងប្អូននៅក្នុងការ « បំភ្លឺដល់សាសន៍ដទៃ » និង « អ្នកសង្រ្គោះដល់រាស្រ្ត [ របស់ព្រះអម្ចាស់ ] មានអ្វីខ្លះ » ? ( ខទី ១១ ) ។

គោលលទ្ធិ និងសេចក្តីសញ្ញា ៨៧

សេចក្តីសុខសាន្តរកឃើញនៅក្នុង « ទីបរិសុទ្ធទាំងឡាយ » ។

ការព្យាករណ៍នៅក្នុង កណ្ឌទី ៨៧ ព្រមានអំពីគ្រោះថ្នាក់ខាងរាងកាយដែលទាក់ទងនឹងសង្គ្រាមនៅថ្ងៃចុងក្រោយ ។ ប៉ុន្តែការប្រឹក្សានៅក្នុងវិវរណៈនេះក៏អនុវត្តចំពោះគ្រោះថ្នាក់ខាងវិញ្ញាណផងដែរ ។ សូមពិចារណាសំណួរដូចខាងក្រោមនេះ ៖

ការព្យាករណ៍មួយគឺជាវិវរណៈមកពីព្រះទៅដល់ព្យាការី ដែលជាញឹកញាប់អំពីអនាគតកាល ។ តើមានឧទាហរណ៍អ្វីខ្លះនៃការព្យាករណ៍ដែលពួកព្យាការីពីបុរាណ និងសម័យទំនើបបានផ្ដល់ឲ្យ ? ( សូមមើល យ៉ូហាន ៣:១៤; ម៉ូសាយ ៣:៥; ហេលេមិន ១៤:២–៦ ) ។ តើវិវរណៈបានត្រូវបំពេញដោយរបៀបណា ? ( សូមមើល លូកា ២៣:៣៣; ម៉ាថាយ ១៥:៣០–៣១; នីហ្វៃទី៣ ១:១៥–២១ ) ។
តើពរជ័យនៃការទទួលយកការព្យាករណ៍របស់ព្យាការីរបស់ព្រះមានពរជ័យអ្វីខ្លះ ?

ដោយមានគំនិតនោះនៅក្នុងចិត្ត សូមអាន កណ្ឌទី ៨៧ ។ ( សម្រាប់បរិបទប្រវត្តិសាស្ត្រខ្លះៗ បងប្អូនក៏អាចនឹងចង់អានសេចក្តីណែនាំអំពីមេរៀននេះផងដែរ ) ។ តើបងប្អូនរៀនអ្វីខ្លះអំពីការព្យាករណ៍ចេញពីវិវរណៈនេះ និងរបៀបដែលវាត្រូវបានបំពេញ ? តើបងប្អូននឹងនិយាយអ្វីខ្លះទៅកាន់នរណាម្នាក់ ដែលសង្ស័យលើការព្យាករណ៍មួយដោយសារវាមិនបានបំពេញភ្លាមៗ ?

តើដំបូន្មានអ្វីដែលព្រះអម្ចាស់ឲ្យនៅក្នុង ខទី ៨ ? តើកន្លែងណាជា « ទីបរិសុទ្ធទាំងឡាយ » ដែលជាកន្លែងបងប្អូនរកឃើញសេចក្ដីសុខសាន្ដ និងសុវត្ថិភាព ? តើអ្វីដែលធ្វើឲ្យកន្លែងមួយបរិសុទ្ធ ? លើសពីទីតាំងពិតប្រាកដ ប្រហែលមានពេលដ៏បរិសុទ្ធ ការអនុវត្តដ៏បរិសុទ្ធ ឬគំនិតដ៏បរិសុទ្ធដែលអាចផ្ដល់នូវសេចក្ដីសុខសាន្ដបាន ។ ឧទាហរណ៍ តើប្រសាសន៍របស់ព្យាការីរបស់ព្រះអាចជាទីបរិសុទ្ធសម្រាប់បងប្អូនយ៉ាងដូចម្ដេច ? តើវាមានអត្ថន័យយ៉ាងណាក្នុងការ « ឈរ » ហើយ « កុំរើ » ចេញពីកន្លែងទាំងនេះ ?

សូមមើលផងដែរ « ទីក្ដីស្នេហ៍ » សៀវភៅចម្រៀងកុមារ ទំព័រ ៧៦–៧៨; Saints ១:១៦៣–១៦៤; « Peace and War » នៅក្នុង Revelations in Context ទំព័រ ១៥៨–១៦៤ ។

សម្រាប់គំនិតបន្ថែម សូមមើលទស្សនាវដ្តី លីអាហូណា និង ដើម្បីកម្លាំងនៃយុវជន ប្រចាំខែនេះ ។

គំនិតសម្រាប់បង្រៀនកុមារ

គោលលទ្ធិ និងសេចក្ដីសញ្ញា ៨៥:៦

ព្រះវិញ្ញាណមានបន្ទូលដោយ « សំឡេងតូចរហៀង » ។

តើកូនៗរបស់បងប្អូននឹងនិយាយអ្វី ប្រសិនបើនរណាម្នាក់សួរពួកគេថាតើពួកគេដឹងថាព្រះវិញ្ញាណមានបន្ទូលមកកាន់ពួកគេដោយរបៀបណា ? សូមឲ្យពួកគេអានអំពីវិធីមួយដែល យ៉ូសែប ស្ម៉ីធ បានពិពណ៌នាពីសំឡេងរបស់ព្រះវិញ្ញាណនៅក្នុង គោលលទ្ធិ និងសេចក្ដីសញ្ញា ៨៥:៦ ។ បន្ទាប់មក ពួកគេអាចអនុវត្តការស្តាប់ និងនិយាយជាសំឡេងតូចរហៀងនោះ ។ បងប្អូនក៏អាចចែកចាយបទពិសោធន៍ នៅពេលព្រះវិញ្ញាណបានមានព្រះបន្ទូលមកកាន់បងប្អូនជាសំឡេងដ៏តូចរហៀងផងដែរ ។
ដើម្បីជួយកូនៗរបស់បងប្អូនយល់ពីឃ្លា « សំឡេងតូចរហៀង » បងប្អូនអាចចាក់បទចម្រៀងកុមារតិចៗ ដូចជាបទ « ព្រះវិញ្ញាណបរិសុទ្ធ » ( សៀវភៅចម្រៀងកុមារ ទំព័រ ៥៦ ) ។ សូមសុំឲ្យកូនម្នាក់ទាយថាតើវាជាបទចម្រៀងអ្វី ខណៈដែលកូនផ្សេងទៀតធ្វើសំឡេងរំខាន ។ បន្ទាប់មក បងប្អូនអាចច្រៀងឡើងវិញដោយមិនមានការរំខាន ។ តើការរំខានអ្វីខ្លះដែលយើងអាចដកចេញពីជីវិតរបស់យើង ដើម្បីទទួលអារម្មណ៍ពីព្រះវិញ្ញាណកាន់តែញឹកញាប់ជាងនេះ ?

គោលលទ្ធិ និងសេចក្តីសញ្ញា ៨៦

ខ្ញុំអាចជួយប្រមូលផ្ដុំរាស្ត្ររបស់ព្រះ ។

ដើម្បីជួយកូនៗរបស់បងប្អូនយល់អំពីរឿងប្រៀបធៀបដែលបានពិពណ៌នានៅក្នុង កណ្ឌទី ៨៦ បងប្អូនអាចរៀបចំរូបភាព ឬគំនូរស្រូវសាលីតូចៗមួយចំនួន ហើយលាក់វានៅជុំវិញបន្ទប់ ។ សូមពន្យល់កូនៗរបស់បងប្អូនអំពីរឿងប្រៀបប្រដូចអំពីស្រូវសាលី និងស្រងែ ( សូមមើល ម៉ាថាយ ១៣:២៤–៣០ ) និងអានជាមួយគ្នានូវវិចារណកថារបស់ព្រះអម្ចាស់នៅក្នុង គោលលទ្ធិ និងសេចក្តីសញ្ញា ៨៦:១–៧ ។ បន្ទាប់មក កូនៗរបស់បងប្អូនអាចប្រមូលរូបភាពស្រូវសាលីដែលលាក់ទុក ហើយសរសេរលើវានូវឈ្មោះនរណាម្នាក់ដែលពួកគេអាច « ប្រមូល » ថ្វាយដល់ព្រះយេស៊ូវគ្រីស្ទ ។ តើការប្រមូលមនុស្សមករកព្រះយេស៊ូវគ្រីស្ទមានន័យយ៉ាងណា ? តើវិធីមួយចំនួនដែលយើងអាចធ្វើកិច្ចការនេះមានអ្វីខ្លះ ?

គោលលទ្ធិ និងសេចក្ដីសញ្ញា ៨៦:១១

ខ្ញុំអាចដូចជាពន្លឺមួយបំភ្លឺដល់មនុស្សដទៃ ។

នេះគឺជាសំណួរមួយចំនួនដែលបងប្អូនអាចសួរកូនៗរបស់បងប្អូននៅពេលបងប្អូនពិភាក្សា គោលលទ្ធិ និងសេចក្តីសញ្ញា ៨៦:១១ ៖ តើពន្លឺផ្ដល់ពរដល់យើងដោយរបៀបណា ? តើពេលដែលគ្មានពន្លឺ វាមានសភាពបែបណា ? តើយើងអាចធ្វើជាពន្លឺដល់អ្នកដទៃដោយរបៀបណា ? សូមជួយកូនៗរបស់បងប្អូនគិតអំពីរបៀបដែលយើងអាច « បន្តក្នុងសេចក្តីសប្បុរស [ របស់ព្រះយេស៊ូវ ] » និងចែកចាយវាជាមួយអ្នកដទៃ ។

គោលលទ្ធិ និងសេចក្តីសញ្ញា ៨៧:៦, ៨

ខ្ញុំអាច « ឈរនៅក្នុងទីបរិសុទ្ធ » ។

សូមអាន គោលលទ្ធិ និងសេចក្តីសញ្ញា ៨៧:៦ ជាមួយគ្នា ដើម្បីរៀនអំពីរឿងដែលព្រះអម្ចាស់បានមានបន្ទូលថានឹងកើតឡើងនៅថ្ងៃចុងក្រោយបង្អស់ ។ បន្ទាប់មក បងប្អូនអាចនិយាយអំពីបញ្ហាមួយចំនួនដែលបងប្អូន និងកូនៗរបស់បង្អូនប្រឈមមុខ ។ នៅក្នុង ខទី ៨ តើព្រះអម្ចាស់បានមានព្រះបន្ទូលថាយើងអាចធ្វើអ្វីខ្លះក្នុងគ្រាលំបាក ?
សូមជួយកូនៗរបស់បងប្អូនធ្វើបញ្ជីអំពីទីបរិសុទ្ធ គំនិតបរិសុទ្ធ និងសកម្មភាពបរិសុទ្ធ ដែលអាចជួយពួកគេប្រឈមមុខនឹងគ្រោះថ្នាក់ខាងវិញ្ញាណ ។ សម្រាប់ជាគំនិត សូមមើលវីដេអូ « Standing in Holy Places » និង « Stand Ye in Holy Places—Bloom Where You’re Planted » ( នៅលើបណ្ណាល័យដំណឹង ) ។

5:36
Standing in Holy Places

4:36
Stand Ye in Holy Places - Bloom Where You’re Planted

ម្តាយកំពុងបង្ហាញរូបព្រះវិហារបរិសុទ្ធទៅទារករបស់គាត់ — ព្រះវិហារបរិសុទ្ធ គឺជាទីកន្លែងមួយដ៏បរិសុទ្ធ ។

សម្រាប់គំនិតបន្ថែម សូមមើលទស្សនាវដ្តី ប្រិយមិត្ត ប្រចាំខែនេះ ។

ស្រូវនៅក្នុងស្រែ — ព្រះអម្ចាស់ប្រមូលរាស្រ្តរបស់ទ្រង់ដូចជាស្រូវសាលី