“O̧kwōj 4–10: ‘Kom̧in Jutak ilo Jikin ko Rekwōjarjar’: Katak im Bujen Ko 85–87,” Itok, Ļoor Eō—N̄an M̧weeo im Kabun̄: Katak im Bujen Ko 2025 (2025)
“Katak im Bujen Ko 85–87,” Itok, Ļoor Eō—N̄an M̧weeo im Kabun̄: 2025
O̧kwōj 4– 10: “Kom̧in Jutak ilo Jikin ko Rekwōjarjar.”
Katak im Bujen Ko 85–87
Raan in Kūrijm̧ōj ej juon iien ekkā n̄an kōļmenļo̧kjeņ kōn ennaan ko āinwōt “aenōm̧m̧an ioon laļ” (lale Luk 2:14). Bōtaab ilo Tijemba 25, 1832, ļōmņak eo an Josep Smith ekar obrak kōn tariņae eo ekemetak. State eo South Carolina ilo United States ekar kōjekdoon kien eo im kar keppopo n̄an tariņae. Im Irooj ekar kwaļo̧k n̄an Josep bwe menin eaar wōt ijjino eo: “Tariņae,” Eaar kwaļo̧k, “enaaj lutōkleplepļo̧k ioon aolep laļ ko” (Katak im Bujen Ko 87:2). Eaar āinwōt kanaan in enaaj kar kūrm̧ool mōttan jiddik.
Bōtaap iien eo ekar jab. Iumin jejjo wiik, South Carolina im kien eo an United States raar tōpartok juon karōk, im kar bōbrae tariņae. Bōtaab, kanaan, ejjab aolep iein ej kūrm̧ool ilo juon iien ak ilo juon wāween eo jej kōtmene. Epaake 30 iiō tokelik, eto ālkin kar mane Josep Smith, South Carolina eaar bar jum̧ae im ekar wōr tariņae. Jān iien eo, tariņae ilo aolepān laļ in ekar kōm̧m̧an an “ro rej pād ilaļ [n̄an] būrom̧ōj” (Katak im Bujen Ko 87:6). Aorōk in kanaan in edikļo̧k ilo kōtmane n̄e jōrrāān enaaj itok im eļapļo̧k ilo katakin ta eo jej kōm̧m̧ane n̄e ej itok. Kapilōk eo ejjab āinwōt ilo 1831, 1861, im 2025: “Kom̧in jutak ilo jikin ko rekwōjarjar.” (eoon 8).
Ļōmnak ko n̄an Ekkatak ilo M̧weeo im ilo Kabun̄
Irooj ekōņaan bwe jān “ļo̧o̧ke juon bwebwenato.”
Jeļā ta eo Irooj ekōņaan kobaik ilo “bwebwenato” eo kōmeļeļeik ilo Katak im Bujen Ko 85:1–2. Etke kwoj ļōm̧ņak E kōņaan bwe Armij ro Rekwōjarjar An ren ļo̧o̧ke juon bwebwenato? Ta eo komaron̄ ļo̧o̧ke kōn “jekjek in mour [am̧] tōmak, im jerbal” me emaron̄ juon kōjeraam̧m̧an n̄an kwe im epepen eo am̧ ilju im jekļaj? Ekōjkan an ļo̧o̧ke juon bwebwenato kōn kwe make maron̄ jipan̄ ro jet itok n̄an Kraist?
Bar lale “Journals: ‘Of Far More Worth than Gold,’” Teachings of Presidents of the Church: Wilford Woodruff (2011), 125–33; “Turning Hearts” (video), ChurchofJesusChrist.org.
Turning Hearts
A Great-Grandfather's journal helps a young man gain direction in his life and appreciation for his ancestors.
Jetōb eo ej kōnono kōn juon “ainikien elur im mera.”
Kōļmenļo̧kjeņ kōn naan ko Josep Smith ekar kōjerbali n̄an kōmeļeļeik Jetōb eo ilo Katak im Bujen Ko 85:6. Ilo jekjek ta ainikien Jetōb eo “elur” im “meral”? Ļōm̧ņak kōn kakobaba in kōmeļeļe kein jet kar letok n̄an kōj kōn Josep Smith: Katak im Bujen Ko 6:22–24; 8:2–3; 9:7–9; 11:12–13; 128:1. Elmen an Jetōb kōnono n̄an eok?
Bar lale Luke 24:32; Mosaia 5:2; Alma 32:28; Hiļam̧ōn 5:30; Katak im Bujen Ko 6:22–23; 11:12–13.
Kōjerbal men ko kein katakin. Em̧m̧anļo̧k an armij keememej katak in gospel ko n̄e rej loe ak bōk ko̧ņaer ilo juon kein katak me ekkeijel ippān ta eo rej katak. N̄an waanjon̄ak, n̄e kwoj katakin kōn ainiekien eo lur, meraan Jetōb eo, bōlen komaron̄ kōjjo juon rekoot in al in jar ko remera, al ko rekwojarjar, im rikatak ro remaro̧n̄ kōnono kōn en̄jake ko aer jān aer ron̄jake al eo im an naaj kar pen ron̄jake n̄e enkar lōn̄ ainikien ko rej kappok kōj. Menin emaron̄ tōl n̄an juon kōmeļeļe eo kōn menin kapokpok ko ilo mour ko ad me rej dāpij kōj jān ad ron̄jake ainikien eo edik im emera.
Jeje ko rekwojarjar ej kōm̧eļeļeik ainikien Jetōb āinwōt juon ainikien elur im mera.
Ro retiljek kar kobaiktok er ilo Kraist ilo raan ko eliktata.
Katak im Bujen Ko 86 epād ie ukook eo an būrabōļ eo an wit im tāō ko, epād ilo Matu 13:24–30, 37–43. Ilo am̧ ekkatak kōn meļeļein būrabōļ in, lōm̧ņak in kanne juon jon̄ak āinwōt in:
|
Kakōļļe ko |
Emaron̄ Meļeļeir |
Kajjitōk ko n̄an kōļmenļo̧kjeņ |
|---|---|---|
Kakōļļe ko Rikkat ine ro | Emaron̄ Meļeļeir Rikanaan ro im Rijilōk ro | Kajjitōk ko n̄an kōļmenļo̧kjeņ Kain “ine” rōt ko rikaanan im rijilōk rej ekkat? |
Kakōļļe ko Rikōjdat eo | Emaron̄ Meļeļeir Setan | Kajjitōk ko n̄an kōļmenļo̧kjeņ Elemen an rikōjdat eo kajjieon̄ kabōjrak jerbal eo an Irooj? |
Kakōļļe ko | Emaron̄ Meļeļeir | Kajjitōk ko n̄an kōļmenļo̧kjeņ |
Kakōļļe ko | Emaron̄ Meļeļeir | Kajjitōk ko n̄an kōļmenļo̧kjeņ |
Jet kein bar kajjitōk n̄an kōļmenļo̧kjen kaki:
-
Ālkin an kōm̧eļeļeik būrabōļ eo, Irooj eaar kōnono kōn priesthood, jepļaaktok eo, im lo̧mo̧o̧r an armij ro An (lale eoon 8–11). Ta kajjim̧we ko kwoj loe ikōtaan elmakot kein im būrabōļ eo an wit im tāō ko?
-
Ta jerbal eo am̧ ilo am̧ juon “meram n̄an ro riAelōn̄ ko” im “juon rilo̧mo̧o̧r n̄an armij ro an [Irooj]”? (eoon 11).
Aenōm̧m̧an epād ilo “jikin ko rekwōjarjar.”
Kanaan eo ilo jekjōn 87 ej kakkōl kōj kōn kauwatata ko ilo kanniek ilo ekkeijel ilo pata ko an raan ko eliktata. Bōtaap kapilōk in ilo revelesōn in ej bar jerbal n̄an kauwatata ko ilo jetōb. Lōm̧ņak kōn kajjitōk ko āinwōt kein:
-
Kanaan ej juon revelesōn jān Anij n̄an juon rikanaan, ekkā an kōn ilju im jekļaj. Ta jet waanjon̄ak in kanaan ko me rikanaan ro etto im raan kein rekar letok? (lale Jon 3:14; Mosaia 3:5; Hiļam̧ōn 14:2–6). Ilo wāween rōt raar kūrm̧ool? (lale Luk 23:33; Matu 15:30–31; 3 Nipai 1:15–21).
-
Ta kōjeraam̧m̧an ko n̄e jej bōk ippād kanaan ko an rikanaan ro an Anij?
Ilo am̧ lōm̧ņake men kein, riiti jekjōn 87. (N̄an meļeļe ko ikijeen ta ko raar waļo̧k etto, komaron̄ bar riiti kadkad in elmakot in.) Ta ko kwoj ekkatak kake kōn kanaan ko jān revelesōn in im wāween an kar kūrm̧ool? Ta eo kwōn kar ba n̄an juon eo ej jab tōmak juon kanaan kōnke ekar jab kūrm̧ool ilo wāween eo ejejjōt?
Ta kapilōk ko Irooj ej letok ilo eoon 8? Ia eo “jikin ko rekwojarjar” me kwoj lo aenōm̧m̧an im ineem̧m̧an ie? Ta eo ej kōm̧m̧ane bwe en juon jikin ekwojarjar? Kakobaba ilo jikin ko, bōlen ewōr iien ko rekwojarjar, m̧akūtkūt ko rekwojarjar, ak lōm̧ņak ko rekwojarjar remaron̄ letok aenōm̧m̧an. N̄an waanjon̄ak, elmen an naan ko an rikanaan ro an Anij āinwōt juon jikin eo ekwojarjar n̄an kwe? Ta meļeļein “jutak” im “jab m̧akūtkūt” jān jikin kein?
Bar lale “Where Love Is,” Children’s Songbook, 138–39; Saints, 1:163–64; “Peace and War,” ilo Revelations in Context, 158–64.
N̄an ļōmņak ko reļļapļo̧k, lale ennaan eo an allōn̄ in ilo Liaona im N̄an Kōkajoorļo̧k Jodikdik ro māākjiin.
Ļōmņak ko n̄an Katakin Ajri ro
Jetōb ej kōnono kōn juon “ainikien edik im emera.”
-
Ta eo ajri ro remaron̄ ba n̄e juon armij ej kajjitōkin er ekōjkan aer jeļā n̄e Jetōb Kwojarjar ej kōnono n̄an er? Kajjitōk ippāer n̄an riit kōn juon wāween Josep Smith ekar kōmeļeļeik ainikien Jetōb eo ilo Katak im Bujen Ko 85:6. Innem remaron̄ ekkatak ron̄jake im kōnono ilo juon ainikien edik. Komaron̄ bar kwaļo̧k en̄jake ko n̄e Jetōb ej kōnono n̄an kwe ilo ainikien edik im emera.
-
N̄an jipan̄ ajri ro meļeļe naan kein “ainikien edik elur,” komaron̄ kōjjo juon al an ajri ilo ainikien edik, āinwōt “The Holy Ghost” (Children’s Songbook, 105). Kajjitōk ippān juon ajri bwe en kajidede al ta eo ilo an ajri ro jet kōm̧m̧an ainikien ko jet rekapokpok. Innām kwonaaj bar āliji al eo ilo ejeļo̧k ainikien kapokpok. Ta mennin kōmad ko jemaron̄ joļo̧k jān mour ko ad bwe en ekūtkūtļo̧k ad en̄jake Jetōb.
Imaron̄ jipan̄ aintok armej ro an Anij.
-
N̄an jipan̄ ajri ro meļeļe kōn perabōļ eo kōmeļeļeiki ilo jekjōn 86, komaron̄ kepeej jet pija ak jin̄a in wit im ņooji ipeļaakin ruum̧ eo. Kōmeļeļe n̄an ajri ro kōn perabōļ eo an wit im tāō ko (lale Matu 13:24–30), im riit ippān doon ta eo Irooj ej ba ilo Katak im Bujen Ko 86:1–7. Innām ajri ro remaron̄ ain pija in wit ko kar ņooji im je iooer etan juon eo me remaron̄ “aintok” n̄an Jisōs Kraist. Ta meļeļe n̄an aini armej ro n̄an Jisōs Kraist? Ta jet iaan wāween ko jemaron̄ kōm̧m̧ane menin?
Imaron̄ juon meram n̄an ro jet.
-
Jet kein jet kajjitōk komaron̄ kajjitōk ippān ajri ro ilo am̧ kōnono kōn Katak im Bujen Ko 86:11: Elmen ad meram kōjeraam̧m̧an kōj. N̄e ejeļo̧k meram ta eo ej waļo̧k? Ekōjkan ad maron̄ juon meram n̄an armij ro jet? Jipan̄ ajri ro ļōm̧ņak kōn wāween ko jemaron̄ “pād wōt ilo [an Jisōs] jouj;” im kajedeed e n̄an ro jet.
Imaron̄ “jutak … ilo jikin ko rekwōjarjar.”
-
Riiti ippān doon Katak im Bujen Ko 87:6 n̄an ekkatak kōn men ko Irooj eaar ba naaj waļo̧k ilo raan ko āliktata. Innām komaron̄ kōnono kōn jet iaan apan̄ ko kwe im ajri ro kom̧wij jelm̧ae. Ilo eoon 8, ta ko Irooj ej ba jemaron̄ kōm̧m̧ane ilo iien ko reppen?
-
Jipan̄ ajri ro kōm̧m̧ane juon laajrak in jikin ko rekwojarjar, ļōm̧ņak ko rekwojarjar, kōm̧m̧an ko rekwojarjar me renaaj jipan̄ er jelm̧ae kauwatata ko ilo jetōb. N̄an ļōm̧ņak ko, lale pija in alooj o “Standing in Holy Places” im “Stand Ye in Holy Places—Bloom Where You’re Planted” (Gospel Library).
5:36Standing in Holy Places
A young woman reflects on the blessings of walking the covenant path as she makes her journey to the temple.
4:36Stand Ye in Holy Places - Bloom Where You’re Planted
Three hundred youth in Las Vegas come together to share their testimony of Jesus Christ.
Tampeļ eo ej juon jikin ekkwojarjar.
N̄an ļōmņak ko reļļapļo̧k, lale ennaan eo an allōn̄ in ilo eo Jera māākjin.
Irooj ej ain armij ro An āinwōt wit.