Kōmeļeļe jān I See the Son of Man, jān Walter Rane

O̧kwōj 25–31: “Bōk Tarlep eo An”

Katak im Bujen Ko 93

“N̄e kwoj tallōn̄e juon jikinwe,” Josep ekar katakin, “kwoj aikuj jino jān laļtata, im wanlōn̄ļo̧k bun̄tōn kōn bun̄tōn, m̧ae kwoj tōpar ilōn̄tata; im kōn menin ejjeļo̧k oktak jān pedped ko an gospel—kwoj aikuj jino jān jinoin, im etal wōt m̧ae iien kwoj ekkatak aolep pedped ko an mour eo eutiej tata” (Teachings of Presidents of the Church: Joseph Smith [2007], 268).

Jet iien jikin uwe eo n̄an mour indeeo ilo kalimjōke epen im eutiej, ak jekar ļotak tok n̄an tallōn̄e n̄an ijo ilōn̄tata kōn jipan̄ eo ekutkut an Rilo̧mo̧o̧r. Jekdo̧o̧n jon̄an ko jemaron̄ loi ilo kōj make, Jemedwōj Ilan̄ im Eo Nejin rej lo juon men eaiboojoj ilo kōj, juon men āinwōt ļo̧k anij. Ejja ilo wāween in wōt Jisōs Kraist ekar “pād ilo jinoin ippān Jemān,” kōn menin “kom̧ ar barāinwōt” (Katak im Bujen ko 93:21, 23). Āinwōt kar E “ar wōnm̧aanļo̧k jān jouj n̄an jouj, m̧ae An kar bōk tarlep eo,” kōn menin barāinwōt “kom̧ naaj bōk jouj kōn jouj” (eoon 13, 20). Gospel eo me em̧ōj an bar jepļaaktok ej katakin kōj kōn piktok eo em̧ool an Anij, im kōn menin ej barāinwōt katakin kōj kōn kōj make im ta eo jemaron̄ erom̧. Kwoj lukkuun ajri nejin Anij kōn kōtmene eo n̄an “ilo iien eo ejim̧we bōk tarlep eo An.” (eoon 19).

Ļōmnak ko n̄an Ekkatak ilo M̧weeo im ilo Kabun̄ in

Katak im Bujen Ko 93

Āinwōt Jisōs Kraist, imaron̄ aiboojoj im bōk “tarlep” eo an Anij.

Rikanaan Josep Smith ekar katakin, “Eļan̄n̄e armej rejjab meļeļe kadkad eo an Anij, rejjab maron̄ meļeļe kadkad eo aer make” (Teachings: Joseph Smith, 40). Ilo am̧ ekkatak kōn Rilo̧mo̧o̧r ilo am̧ katak Katak im Bujen Ko 93, kappukot ta eo kwoj bar ekkatak kōn kwe make. N̄an waanjon̄ak, ta eo kwoj ekkatak kōn E jān eoon 3, 12–13, 21, im 26? Ta m̧ool ko reinļo̧k wōt kwoj loe ippam̧ make ilo eoon 20, 23, im 28–29? (bar lale 1 Jon 3:2; 3 Nipai 27:27). Kajjitōk kein ilaļ remaron̄ jipan̄ eok meļeļe im mour kake m̧ool ko ilo jekjōn in:

• Ta eo kwoj en̄jake m̧eļeļein n̄an bōk “jouj kōn jouj” im n̄an wōnm̧aanļo̧k wōt “jān jouj n̄an jouj”? (eoon 12–13). N̄e ejipan̄, kwomaron̄ riiti “Grace” ilo Unin Tōl eo n̄an Jeje ko Rekwojarjar (Gospel Library).

• Ta eo kwoj loe ilo revelesōn in kōn ekōjkan an Anij jipan̄ eok eddōkļo̧k im ekkatak? Ekōjkan an jeļā menin jelet wāween am̧ kōm̧m̧an n̄an ro jet—im kwe make?

• Ta eo kwōj ekkatak kake kōn “wāween kabun̄jar, im … ta eo kwoj kabun̄jar n̄ane”? (eoon 19; bar lale Unin Tōl eo an Jeje ko Rekwojarjar, “Kabun̄-jar,” Gospel Library).

Katak im Bujen Ko 93:1–39

Aiboojoj eo an Anij ej meram im m̧ool.

Kwomaron̄ kile bwe naan ko āinwōt aiboojoj, meram, im m̧ool ekutkut aer waļo̧k ilo revelesōn in. Ilo am̧ ekkatak eoon 20–39 wōt, kalaajraki m̧ool ko kwoj ekkatak kake kōn katak kein. Kōm̧m̧ane juon tebōļ āinwōt in emaron̄ jipan̄:

Eoon	Ta eo ij ekkatak	Kajjitōk ko n̄an kōļmenļo̧kjeņ
Eoon 24	Ta eo ij ekkatak	Kajjitōk ko n̄an kōļmenļo̧kjeņ Elōn̄ mennin m̧ōņ ko ilo laļin. Ekōjkan aō maron̄ jeļā m̧ool eo? (bar lale Jekab 4:13).
Eoon 28	Ta eo ij ekkatak	Kajjitōk ko n̄an kōļmenļo̧kjeņ
Eoon 36	Ta eo ij ekkatak Anij ej juon anij in meram im m̧ool.	Kajjitōk ko n̄an kōļmenļo̧kjeņ
Eoon 37	Ta eo ij ekkatak	Kajjitōk ko n̄an kōļmenļo̧kjeņ Wōn eo ijeļā kajeen me āinwōt emaron̄ eļļo̧k jān im̧we ko renana. Etke remaron̄ kōm̧m̧ane menin?
Eoon	Ta eo ij ekkatak	Kajjitōk ko n̄an kōļmenļo̧kjeņ
Eoon	Ta eo ij ekkatak	Kajjitōk ko n̄an kōļmenļo̧kjeņ
Eoon Bar lale: Katak im Bujen Ko 50:24	Ta eo ij ekkatak	Kajjitōk ko n̄an kōļmenļo̧kjeņ

Ta eo kwoj loe ilo eoon kein me ej im̧we eok n̄an kappukot meram im m̧ool ko reļapļo̧k? Etke meram im m̧ool rej taitōļ ko rem̧m̧an n̄an Jisōs Kraist (lale Jon 8:12; 14:6). Ewi wāween an m̧ool kein jelet mour eo am̧?

Komaron̄ bar kōm̧m̧ane kakeememej ko an kallim̧ur ko kōn mejān kajjik eo am̧ ilo eoon 20, 22, 28, 33–35. Ta kadkad eo ikōtaan kallim̧ur kein im bōk meram?

Ļōmņak in lale “Etetal ilo Meram an Anij” (N̄an Kōkajoorļo̧k Jodikdik Ro: Juon Tōl n̄an Kōm̧m̧ani Kālet Ko, 18–21) n̄an jeļā ta eo komaron̄ kōm̧m̧ane n̄an bōk meram im an Irooj kallim̧ur n̄an kōjeraam̧m̧an eok. Pija in alooj ko “Light and Truth, Part 1” im “Part 2” (Gospel Library) remaron̄ lewaj bar jet ļōm̧ņak ko.

Bar lale “Katakin Iō Etetal Lo Meram,” Al Ko Al in Ajri, no. ; Topics and Questions, “Holy Ghost,” Gospel Library.

Light and Truth, Part 1

(D&C 88:6-13) This video examines God's attributes of light and truth as explained in section 88 of the Doctrine and Covenants.

Light and Truth, Part 2

(D&C 93:28,36-40) This video examines God's attributes of light and truth as explained in section 88 of the Doctrine and Covenants.

“Aiboojoj eo an Anij ej … meram im m̧ool.”

Katak im Bujen Ko 93:40–50

“Ko̧koņe m̧weo im̧ōm make.”

Kakien eo n̄an “ko̧koņe m̧weo im̧ōm make” (eoon 43ejjab kōn kakoņ kōbat ko im kūļo̧jet ko bōtaab kōn katakin—im ekkatak—“meram im m̧ool” (eoon 42 Ļōmņak ekōjkan am̧ kajjieon̄ ļo̧o̧r kapilōklōk in. Ta apan̄ ko kwōj jelm̧ai? Ewi wōt m̧ool kein ilo Katak im Bujen Ko 93 remaron̄ jipan̄?

Ta kōļmenļo̧kjeņ ko kwoj būki jān ekkatak kein jān Elder David A. Bednar?

“Ilo opiij eo aō ewōr juon pija jin̄n̄a in juon m̧eļaaj in wiit. Pija in ej juon kōro̧ro in annan̄ in bōran būraaj uno—annan̄ in juon bōran būraaj uno me emakeļo̧k ejjab eaiboojoj im aenōknōk. Ilo m̧ool, eļan̄n̄e kwoj jutak epaakeļo̧k pija eo, men eo kwoj loe ej juon dipio in ļain jiddik ko rejjab ekkeijel im ejjeļo̧k ļōmeer aer uno iaļo im gold im m̧ōņakņak. Mekarta, ilo am̧ jidik jidik kattoļo̧k eok jān pija eo, aolepān kajjojo annan̄ in bōran būraj ko rej koba ippān doon im kwaļo̧k juon meļaaj in juon meļan wiit eaibojooj. Elōn̄ kajjojo bōran būraj ko reaibojooj rej ippān doon n̄an ejaake juon pija eo emejādik im aiboojoj.

“Kajjojo jar an baam̧le, kajjojo iien an baam̧le ekkatak jeje ko rekwojarjar, im kajjojo nokon in jota an baam̧le ej juon bōran būraj ioon juon kappa ilo jetōb ko ad. Juon makūtkūt ej makeļo̧k ejjab kabwūlōn̄lōn̄ im ejjab kein ememļo̧kjeņ. Ak āinwōt ilo an iaļo im gold im m̧ōņakņak annan̄ in bōran būraaj uno ko koba ippān doon im kwaļo̧k juon tōprak, āindein an emakijkij ad kōm̧m̧ane men ko reddik me remaron̄ tōl ļo̧k n̄an tōprak ko raorōk an jetōb. ‘Kōn menin, jab mōk ilo kōm̧m̧an em̧m̧an, bwe kom̧ij likūt pedped in juon jerbal eļap. Im jān men ko reddik ej jebarļo̧k men eo eļap’ [Katak im Bujen Ko 64:33]. Jokkun wōt juon eo ej juon pedped in katak eo aorōk ilo ad likūt pedped eo an jerbal eo eļap ilo mour ko ad kajjojo im ilo an ļapļo̧k ad tiljek im bōk eddo ilo im̧ōko im̧ōd make” (“More Diligent and Concerned at Home,” Liahona, Nov. 2009, 19–20).

Bar lale Henry B. Eyring, “M̧weo Ijo Jetōb eo an Irooj ej Jokwe ie,” Liaona, Māe 2019, 22–25.

Irooj ej kakien pāāren ro n̄an “kōkaajririk ro [nejier] ilo meram im m̧ool.”

N̄an ļōmņak ko reļļapļo̧k, lale ennaan eo an allōn̄ in ilo Liaona im N̄an Kōkajoorļo̧k Jodikdik ro māākjiin.

Ļōmņak ko n̄an Katakin Ajri ro

Katak im Bujen Ko 93:2–21

Jisōs Kraist ej Meram im Mour eo an Laļin.

• Kwaļo̧k juon pijain Rilo̧mo̧o̧r eo im kajjitōk ippān ajri ro etke eaorōk n̄an ekkatak im kōn im ļo̧o̧r Jisōs Kraist. Innām riiti ippān doon Katak im Bujen Ko 93:19 n̄an kappukot juon un eaorōk.

• Kwomaron̄ bar kōņaan kāālet jet m̧ool ko kōn Jisōs Kraist ilo jekjōn 93 me re kaim̧we n̄an eok im jipan̄ ajri ro kappukot im meļeļe kaki (bar lale “Chapter 33: A Revelation about Jesus Christ,” ilo Bwebwenato ko jān Katak im Bujen Ko, 126–27, ak pijaan alooje eo ekkar ilo Gospel Library). N̄an kajjojo m̧ool kwoj kāālet, kwomaron̄ leļo̧k juon naan ak eoon n̄an ajri eo nejūm̧ n̄an ron̄jake ilo am̧ ritti eoon ko ippān doon. N̄an waanjon̄ak, Jisōs Kraist:

  • Ekar kōm̧m̧ane jerbal ko an Jemān (eoon 5).

  • Ej Meram in Laļ (eoon 9).

  • Ej Rikōm̧anm̧an in laļ (eoon 10).

  • Eaar bōk aolep kajoor in lan̄ im ioon laļ (eoon 17).

  • Eaar pād ippān Anij jen jinoin (eoon 21).

  Chapter 33: A Revelation about Jesus Christ: May 1833

Kōmeļeļe ko jān Light of the World [Meram in Laļ], jān Howard Lyon

Katak im Bujen Ko 93:23, 29, 38

Iaar mour ilan̄ ippān Jemed Ilan̄ mokta jān ad kar itok n̄an laļ in.

• Rilo̧mo̧o̧r eo ekar kwaļo̧k jilu katten ilo jākjōn 93 jekar pād ippān Anij “ilo kar jinoun” (eoon 23, 29, 38). N̄an jipan̄ ajri ro pukot menin, komaron̄ karuwaineneik er n̄an riiti Katak im Bujen Ko 93:23, 29, 38 im kappok m̧ool ko kōn er make me kar liji ilo eoon kein. Etke Jemedwōj Ilan̄ ej kōņaan bwe jen jeļā m̧ool eo? Kwomaron̄ bar kajjitōk ippān ajri ro nejūm̧ ta ko rejeļā kōn mour eo ad ippān Jemedwōj Ilan̄ m̧okta jān ad kar ļotak. N̄an jipan̄ er eļapļo̧k, riit ippāerjuon ak elōn̄ļo̧k jān eoon kein: Jeremaia 1:5; Katak im Bujen Ko 138:53–56; Moses 3:5; Ebream 3:22–26.

• Kwomaron̄ bar al ippān doon “I Am a Child of God” ak “I Lived in Heaven” (Children’s Songbook, 2–3, 4 im kōnono kōn m̧ool ko jej ekkatak jān al kein kōn jibadbad eo ad ke jaar itok n̄an laļin.

Katak im Bujen Ko 93:24–39

Ij bōk meram im m̧ool ilo aō pokake Anij.

• N̄an jipan̄ ajri ro nejūm̧ mour kōn m̧ool ko kōn pokake ilo Katak im Bujen Ko 93, ļōmņak in je jejjo eoon jān jekjōn in ilo juon pepa. Ioon juon bar pepa, je m̧ool ko me kajjojo eoon ej katakin. Ajri ro remaron̄ jerbal ippān doon ilo riiti eoon kein im kajjejōt m̧ool ko n̄an eoon ko repād ie. Waanjon̄ak ko remaron̄ koba:

  • Eoon 24: M̧ool ej n̄e jejeļā men ko rem̧ool m̧okta, kio, im jekļaj.

  • Eoon 28: Imaron̄ bōk meram im m̧ool ilo aō kōjparok kien ko.

  • Eoon 37: N̄e ewōr meram im m̧ool ippa, imaron̄ bōbrae nana.

  • Eoon 39: Ij jerwane meram im m̧ool eo n̄e ijjab pokake.

  Kwomaron̄ kōņaan kwaļo̧k jet waanjon̄ak in m̧ool ko em̧ōj am̧ jeļā ke rem̧ool jān wōt kōjparok kakien an Irooj.

Kōm̧m̧an ekkar n̄an iiō ko an ajri ro. Kojeļā aikuj im maron̄ ko an ajri ro, kwomaron̄ ukōt ļōmņak in m̧akūtkūt ko n̄an jipan̄ aikuj ko aer. N̄an waanjon̄ak, ilo m̧akūtkūt in, n̄e jej katakin ajri ro redik, enaaj em̧m̧anļo̧k n̄an mije juon m̧ool jān jekjōn 93.

N̄an ļōmņak ko reļļapļo̧k, lale ennaan eo an allōn̄ in ilo eo Jera māākjin.

Meram im M̧ool,, jān Simon Dewey