“Nyamavhuvhu 4–10: ‘Mirai Imi muNzvimbo Tsvene’: Dzidziso neZvibvumirano 85–87,” Huyai, Munditevere—Bhuku reKumba uye kuChechi: Dzidziso neZvibvumirano 2025 (2025)
“Dzidziso neZvibvumirano 85–87,” Huyai, Munditevere—Bhuku reKumba uye kuChechi: 2025
Nyamavhuvhu 4-10: “Mirai Imi muNzvimbo Tsvene”
Dzidziso neZvibvumirano 85–87
Zuva reKirisimasi kazhinji inguva yokufungisisa mashoko akaita seanoti “runyararo panyika” (ona Ruka 2:14). Asi musi waZvita 25, 1832, pfungwa dzaJoseph Smith dzakanga dziri pahondo yaitaridzika kuuya. Nyika yeSouth Carolina muUnited States yakanga ichangoramba kuteerera hurumende uye yakanga yogadzirira hondo. Uye Ishe vakazarura kuti aya akanga ari mavambo chete: “Hondo,” Vakataura pachena, “inozodururwa pamusoro pendudzi dzose” (Dzidziso neZvibvumirano 87:2). Zvaitaridzika sekuti huporofita uhwu hwaizozadzikiswa nenguva iripedyosa.
Asi zvino hahwuna. Nemunguva yemavhiki mashomanana, South Carolina nehurumende yeUnitedStates dzakasvika pabvumirano, uye hondo ikadzivirirwa. Huporofita, zvisinei, hahwuzadzikiswi nguva dzose panguva kana nemunzira yatinotarisira. Mushure memakore angangoita makumi matatu pashure, nguva yakareba yapfuura Joseph Smith auraiwa, South Carolina yakapanduka uye hondo yepakati pevagari vemunyika ikatevera. Nhasi, hondo panyika poseinoenderera mberi nekukonzera “nyika [ku]chema” (Dzidziso neZvibvumirano 87:6). Kukosha kwezvakazarurwa izvi kudiki mukufanotaura apo njodzi huru painozouya uye kukuru mukudzidzisa zvokuita apo painenge yauya. Rairo imwecheteyo muna 1831, 1861, uye 2025: “Mirai imi munzvimbo tsvene, uye musasudurutswa” (ndima 8).
Mazano eKudzidza Kumba uye kuChechi
Dzidziso neZvibvumirano 85:1–2
Ishe vanoda kuti “ndichengete nhoroondo.”
Cherechedza izvo Ishe zvavaida kuti zvisanganisirwe “munhoroondo” yakatsanangurwa muDzidziso neZvibvumirano 85:1–2. Sei uchifunga kuti Vanoda kuti Vatendi Vavo vachengete nhoroondo? Chii chaunganyora pasi pamusoro “pemutoo weupenyu hwako, rutendo [rwako], uye mabasa [ako]” izvo zvingangova ropafadzo kwauri nekuzvizvarwa zvinotevera? Kuchengeta nhoroondo yako pachako kungakubatsira sei kuuya kuna Kristu?
Onawo “Journals: ‘Of Far More Worth than Gold,’” Teachings of Presidents of the Church: Wilford Woodruff (2011), 125–33; “Turning Hearts” (vhidhiyo), ChurchofJesusChrist.org.
Turning Hearts
A Great-Grandfather's journal helps a young man gain direction in his life and appreciation for his ancestors.
Mweya unotaura “nenzwi diki, rakapfava.”
Fungisisa mashoko akashandiswa naJoseph Smith kutsanangura Mweya muDzidziso neZvibvumirano 85:6. Inzwi reMweya “rakapfava” uye “idiki” nenzira ipi? Funga pamusoro pedzimwe tsananguro dzakapuwa kuburikidza naJoseph Smith: Dzidziso neZvibvumirano 6:22–24; 8:2–3; 9:7–9; 11:12–13; 128:1. Mweya unotaura kwauri sei?
Onawo Ruka 24:32; Mosaya 5:2; Aruma 32:28; Hiramani 5:30; Dzidziso neZvibvumirano 6:22–23; 11:12–13.
Shandisa zvidzidzo zvinoshandisa zvinhu zvinobatwa. Vanhu vanorangarira chidzidzo chevhangeri zvirinani apo pavanoona kana kutora chinhanho muchidzidzo chinoshandisa zvinhu zvinobatwa chinoenderana neizvo zvavairi kudzidza. Semuenzaniso, apo paunodzidzisa pamusoro peinzwi diki, rakapfava, reMweya, pamwe unokwanisa kuridza mumhanzi unoera, munyoro, uye vadzidzi vanokwanisa kutaura pamusoro pokuti mumhanzi unoita kuti vanzwe sei uye kuti zvinozova zvakanyanya kuoma zvakadii kunzwa kana paiva neruzha runokangaidza. Izvi zvinokwanisa kutungamirira kuhurukuro pamusoro pezvikangaidzo muupenyu hwedu izvo zvinotidzivirira kubva mukunzwa inzwi diki, rakapfava.
Magwaro matsvene anotsanangura inzwi reMweya seinzwi diki, rakapfava.
Vakarurama vanounganidzwa kuna Kristu mumazuva ekupedzisira.
Dzidziso neZvibvumirano 86 ine dudziro yerungano rwemufananidzo wegorosi nemashawi, runowanikwa muna Mateo 13:24–30, 37–43. Apo paunodzidza pamusoro perungano rwemufananidzo urwu, funga pamusoro pekuzadzisa chati rakaita serino iri:
|
Zviratidzo |
Zvazvingangoreva |
Mibvunzo yekufungisisa |
|---|---|---|
Zviratidzo Vadyari vembeu | Zvazvingangoreva Vaporofita nevaapositora | Mibvunzo yekufungisisa Rudzi rwupi “rwembeu” urwo vaporofita nevaapositora rwavanodyara. |
Zviratidzo Muvengi | Zvazvingangoreva Satani | Mibvunzo yekufungisisa Muvengi anoedza sei kumisa basa raIshe? |
Zviratidzo | Zvazvingangoreva | Mibvunzo yekufungisisa |
Zviratidzo | Zvazvingangoreva | Mibvunzo yekufungisisa |
Heino mimwe mibvunzo mishoma yekufunga pamusoro payo:
-
Mushure mokududzira rungano rwemufananidzo rwacho, Ishe vakataura nezve hupirisita, uye ruponeso rwevanhu Vavo (ona ndima 8–11). Ndezvipi zvinoenderana zvaunoona pakati pendima idzi nerungano rwemufananidzo wegorosi nemashawi?
-
Basa rako nderei mukuva “chiedza kuvaJentairi uye “muponesi kuvanhu [vaIshe]”? (ndima 11).
Runyararo runowanikwa “munzvimbo tsvene.”
Huporofita muchikamu 87 hwunoyambira pamusoro penjodzi dzepanyama dziri maererano nehondo mumazuva ekupedzisira. Asi rairo iri muzvakazarurwa izvi inoshandawo kunjodzi dzezvepamweya. Fungisisa mibvunzo yakaita seinotevera:
-
Huporofita ndiwo zvakazarurwa kubva kuna Mwari kumuporofita, kazhinji pamusoro peramagwana. Ndeipi mimwe mienzaniso yehuporofita iyo vaporofita vechinyakare nevamazuva ano yavakapa? (ona Johane 3:14; Mosaya 3:5; Hiramani 14:2–6). Hwakazadzikiswa sei? Ruka 23:33; Mateo 15:30–31; 3 Nifai 1:15–21).
-
Ndeapi maropafadzo okutambira huporofita hwevaporofita vaMwari?
Nepfunga idzi mundangariro, verenga chikamu 87. (Kuti uwane rumwe ruzivo rwezve nguva iyi munhoroondo, ungangodawo kuverenga chisumo kuchidzidzo chino.) Chii chaunodzidza pamusoro pehuporofita kubva kuzvakazarurwa izvi uye nzira iyo yazvakazadzikiswa nayo? Chii chaungataura kune mumwe munhu asina chokwadi nehuporofita nokuti hahwusati hwazadzikiswa?
Irairo ipi Ishe yavanopa mundima 8? Ndedzipi “nzvimbo tsvene” idzo dzaunowana runyararo neruchengeteko? Chii chinoita kuti nzvimbo ive tsvene? Pamusoro penzvimbo dzinoonekwa, pamwe kune nguva tsvene, tsika tsvene, kana pfungwa tsvene dzinokwanisa kupa runyararo. Semuenzaniso, mashoko avaporofita vaMwari anokwanisa kuva nzvimbo tsvene kwauri sei? Zvinorevei “kumira” uye “usingasudurutswi” kubva munzvimbo idzi?
Onawo “Where Love Is,” Children’s Songbook, 138–39; Saints, 1:163–64; “Peace and War,” in Revelations in Context, 158–64.
Mazano eKudzidzisa Vana
Mweya unotaura “nenzwi diki, rakapfava.”
-
Chii chinozotaurwa navana kana mumwe munhu akavabvunza maziviro avanoita apo Mweya Mutsvene paunotaura kwavari? Vakoke kuverenga pamusoro penzira imwechete iyo Joseph Smith yaakatsanangura inzwi reMweya muDzidziso neZvibvumirano 85:6. Vanokwanisa zvino kudzidzira kuteerera uye kutaura neinzwi diki. Ungangogoverawo zviitiko apo Mweya pawakataura kwauri neinzwi diki, rakapfava.
-
Kubatsira vana vako kunzwisisa ndevo yokuti “inzwi diki rakapfava,” munokwanisa kuridza rumbo rwevana zvinyoronyoro, sezvakaita “The Holy Ghost” (Children’s, Songbook, 105). Kumbira mumwe wevana kufembera kuti rumbo urwu nderwupi apo vamwe vana pavanenge vachiita ruzha runokangaidza. Zvino unokwanisa kudzokorora kuridza rumbo rwacho pasina zvikangaidzo. Ndezvipi zvikangaidzo zvatinokwanisa kubvisa kubva kuupenyu hwedu kuitira kuti tinzwe Mweya nguva zhinjisa?
Ndinokwanisa kubatsira kuunganidza vanhu vaMwari.
-
Kubatsira vana vako kuti vanzwisise rungano rwemufananidzo rwakatsanangurwa muchikamu 86, unokwanisa kugadzira mifananidzo midiki yakati wandei kana mifananidzo yakadhirowewa yegorosi uye woiviga nemumupanda mose. Tsanangura kuvana vako rungano rwemufananidzo wegorosi uye mashawi (ona Mateo 13:24–30), uye moverenga pamwechete mashoko aIshe muDzidziso neZvibvumirano 86:1–7. Vana vako vanokwanisa zvino kuunganidza mifananidzo yakavigwa yegorosi uye vonyora pairi zita remumwe munhu wavanokwanisa “kuunganidza” kuna Jesu Kristu. Zvinorevei kuunganidza vanhu kuna Jesu Kristu? Ndedzipi dzimwe nzira dzatinokwanisa kuita izvi?
Ndinokwanisa Kuva seChiedza kuna Vamwe.
-
Heino mimwe mibvunzo yaunokwanisa kubvunza vana vako apo pamunokurukura Dzidziso neZvibvumirano 86:11: Zvinenge zvakaita sei apo patinenge tisina chiedza? Tinokwanisa kuva chiedza kuna vamwe sei? Batsira vana vako kufunga nezve nzira dzatinokwanisa “kuenderera mberi murunako [rwaJesu]” uye torugoverana navamwe.
Dzidziso neZvibvumirano 87:6, 8
Ndinokwanisa “kumira … munzvimbo tsvene.”
-
Verengai pamwechete Dzidziso neZvibvumirano 87:6 kuti mudzidze pamusoro pezvinhu izvo Ishe zvavakati zvinozoitika mumazuva ekupedzisira. Zvino munokwanisa kutaura pamusoro pezvimwe zvinetso izvo iwe nevana vako zvamunotarisana nazvo. Mundima 8, chii icho Ishe chavakati tinokwanisa kuita munguva dzakaoma?
-
Batsira vana vako kuita mudorongodzwa wenzvimbo tsvene, pfungwa tsvene, uye zviito zvitsvene izvo zvinokwanisa kuvabatsira kutarisana nenjodzi dzezvepamweya. Kuti uwane mazano, ona mavhidiyo “Standing in Holy Places” and “Stand Ye in Holy Places—Bloom Where You’re Planted” (Gospel Library).
5:36Standing in Holy Places
A young woman reflects on the blessings of walking the covenant path as she makes her journey to the temple.
4:36Stand Ye in Holy Places - Bloom Where You’re Planted
Three hundred youth in Las Vegas come together to share their testimony of Jesus Christ.
Temberi inzvimbo tsvene.
Ishe vanounganidza vanhu Vavo segorosi.