Chikoro cheMaporofita chaiitirwa mumupanda uyu.

Nyamavhuvhu 11–17: “Misai … Imba yaMwari”

Dzidziso neZvibvumirano 88

Nguva nenguva, Ishe vanotiratidza zvishoma “hukuru nesimba” Ravo zvisina muganhu (Dzidziso neZvibvumirano 88:47) kuburikidza nezvakazarurwa zvinoshamisa. Dzidziso neZvibvumirano 88 irudzi irworwo rwezvakazarurwa—izvo zviri pamusoro pechiedza nekubwinya nehumambo zvinokwanisa kuita kuti matambudziko edu epasi aratidzike semadiki kana zvoenzaniswa. Kunyange tisingakwanise kuzvinzwisisa zvose, tinokwanisa kunzwa kuti pane zvakawandisa zviri maererano nekusingaperi kupfuura zvataifunga kuti tinoziva. Hongu, Ishe havagovere zvokwadi zvikuru izvi kuti vatityisidzire kana kuti vatiite kuti tinzwe kuva vadiki. Chokwadi ndechekuti, Vakavimbisa kuti, “Zuva richauya apo pamuchanzwisisa kunyangwe Mwari” (ndima 49; kusimbiswa kwakawedzerwa). Pamwe zvaiva zviri kuchinangwa chakanakisisa ichocho zvakaita kuti Ishe varaire Vatendi Vavo muKirtland kuti vamise Chikoro cheVaporofita. “Ronganai pachenyu,” Vakadaro “Gadzirirai chose chingadikanwa; uye mumise … imba yaMwari (”ndima 119). Kupfuura kumwe kupi zvako, mukati meimba tsvene yaMwari—uye nemudzimba dzedu—ndimo umo maVanokwanisa kusimudza maonero edu kupfuurira nyika yenyama, “vachifugura huso hwavo [kwatiri]” uye vachitigadzirira “kugara mukubwinya kweseresitiyaro” (ndima 68, 22).

Ona Saints, 1:164–66.

Mazano eKudzidza Kumba uye kuChechi

Dzidziso neZvibvumirano 88

Jesu Kristu anondipa runyararo.

Mumazuva mashoma mushure mekuyambira kuti hondo “yaizodirwa pamarudzi ose” (Dzidziso neZvibvumirano 87:2), Ishe vakapa zvakazarurwa izvo zvakadaidzwa naJoseph Smith kunzi “shizha remuorivhi,” inova tsika yechiratidzo cherunayararo (Dzidziso neZvibvumirano 88, musoro wenyaya wechikamu; onawo Genesi 8:11). Mukunzvera kwako kwose chikamu 88 vhiki rino, tsvaka mashoko aIshe erunyararo kwauri.

Dzidziso neZvibvumirano 88:6–67

Chiedza nemutemo zvinobva kuna Jesu Kristu.

Mashoko anoti chiedza uye mutemo anodzokororwa nguva dzakawanda muchikamu 88. Maka kana kunyora pasi ndima idzo dzaunowana mashoko aya mundima 6–67, uye wonyora pasi izvo zvaunodzidza pamusoro pechiedza nemutemo—uye pamusoro paJesu Kristu. Chii chaunonzwa kukurudzirwa kuita kuti ugamuchire chiedza ugorarama “mutemo waKristu”? (ndima 21).

Onawo Muporofita Isaya 60:19; Johane 1:1–9; 3 Nifai 15:9; Timothy J. Dyches, “Light Cleaveth unto Light,” Liahona, Chivabvu 2021, 112–15; Sharon Eubank, “Christ: The Light That Shines in Darkness,” Liahona, Chivabvu 2019, 73–76.

Magwaro matsvene ane mutemo waKristu.

Dzidziso neZvibvumirano 88:62–64

“Swederai pedyo Neni.”

Zviitiko zvipi zvakakuratidza kuti zvivimbiso zviri mundima idzi ndezvechokwadi? Ndeipi nhanho yako inotevera yeku “swedera pedyo” naKristu? Funga kuita rwiyo rwokuti “Nearer My God to Thee” (Hymns, nhamba 100) chikamu chekunzvera nekunamata kwako.

Dzidziso neZvibvumirano 88:67–76

Ndinokwanisa kuva ndakachena kuburikidza neRudzikinuro rwaJesu Kristu.

Murairo waIshe wokuti “zvichenesei pachenyu” unowanikwa kaviri muchikamu 88 (ndima 68, 74). Unofunga kuti ndevo iyi inorevei? Unogona kuwongorora dzimwe dzendima dziri pasi pemusoro wenyaya unoti “Kushanangurwa” muNhungamiro kuMagwaro Matsvene (Raibhurari yeVhangeri). Tinova vakashanangurwa sei? Ita kuti mubvunzo uyu utungamire kunzvera kwako kweDzidziso neZvibvumirano 88:67–76, uye nyora pasi manzwiro emweya api zvawo aunowana.

Dzidziso neZvibvumirano 88:77–80, 118–26

“Tsvakai kudzidza, kunyangwe kuburikidza nekunzvera uyewo kuburikidza nerutendo.”

Ishe vakataurira Vatendi kuti vamise “chikoro chevaporofita” muKirtland (Dzidziso neZvibvumirano 88:137). Mirairidzo yakawanda iri muchikamu 88 yakavadzidzisa mazviitiro acho. Mirairidzo iyi unokwanisawo kukubatsira “kumisa … imba yekudzidza” (ndima 119) muupenyu hwako pachako. Chokwadi ndechekuti, unokwanisa kutarisa ndima 77–80 uye 118–26 sezvirongwa “zvekugadzirisazve imba yako [kana upenyu hwako] kuti zvive nzvimbo yekudzidza vhangeri” uye “utiziro hwerutendo” (Russell M. Nelson, “Becoming Exemplary Latter-day Saints,” Liahona, Mbudzi 2018, 113). Zvinokwanisa kunakidza kudhirowa maratidzikiro angaita “gadziriso” yako pachako, kusanganisira ndevo kubva mundima idzi dzaunonzwa kuti unofanira kushandisa.

Zvingabatsirawo kuongorora mibvunzo iyi: Sei kudzidza uye dzidzo zvakakosha kuna Ishe? Chii chaVanoda kuti ndinzvere? Vanoda kuti ndidzidze sei? Tsvaka mhinduro kumibvunzo iyi mundima 77–80 uye “muTruth will make you free” (For the Strength of Youth: A Guide for Making Choices, 30–33).

Unofunga kuti zvinorevei kudzidza “kuburikidza nokunzvera uyewo kuburikidza nerutendo”? (ndima118). Inzwisiso dzipi dzaunowana kubva mushoko raGosa Mathias Held “Seeking Knowledge by the Spirit”? (Liahona, Chivabvu 2019, 31–33).

Onawo Topics and Questions, “Seeking Truth and Avoiding Deception,” Gospel Library; “A School and an Endowment,” muRevelations in Context, 174–82.

­

Mazano eKudzidzisa Vana

Dzidziso neZvibvumirano 88:33

Baba Vokudenga vanopa zvipo zvakanaka.

• Unokwanisa kutanga hurukuro pamusoro peDzidziso neZvibvumirano 88:33 nekubvunza vana vako kuti vataure pamusoro pezvipo zvavakapuwa—zvose izvo zvavakagamuchira nemufaro nezvimwe zvavasina. Zvimwe vanokwanisa kuita mutambo wekugamuchira chipo nemufaro. Zvino unokwanisa kutaura pamusoro pezvipo zvatinopuwa naBaba Vokudenga (sezvakaita chipo cheMweya Mutsvene). Tinongamuchira zvipo izvi sei nemufaro?

Dzidziso neZvibvumirano 88:63

Kana ndikatsvaka Muponesi, ndinozomuwana.

• Dzidziso neZvibvumirano 88:63 ine mashoko ezvokuita anogona kutungamirira kuzvimwe zviitwa zvinonakidza izvo zvinokurudzira vana vako kutsvaka huvepo hwaIshe muupenyu hwavo. Semuenzaniso, iwe nevana vako mungakwanisa here kufunga mutambo wekuti mukurukure ndevo inoti “nditsvakei nekushingaira uye imi muchandiwana” (kusimbisa kwakawedzerwa) kana kuti “gogodza, uchazarurirwa”?

Vana vanoda zvakasiyana-siyana. “Vana vakawanda vanodzidza zvakanyanyisa kunaka apo nhengo dzemuviri zhinji padzinoshandiswa. Wana nzira dzokubatsira nadzo vana kushandisa nhengo dzemuviri dzavo dzekuona, dzekunzwa, uye dzekubata apo pavanodzidza. Mune mamwe mamiriro ezvinhu, unogona kunyangwe kuwana nzira dzekusanganisira nhengo dzavo dzemuviri dzekunhuhwidza uye kuravira!” (Kudzidzisa nemuNzira yeMuponesi, 32).

• Kusimbisa kukoka kweMuponesi kuti “swederai pedyo neni,” unokwanisa kukumbira mwana mumwechete kuti abate mufananidzo waJesu (sezvakaita mufananidzo uri kumagumo kwechidzidzo chino) ari kune rimwe divi remupanda apo vamwe vana vamire kune rimwe divi. Apo vana vako pavanofunga nezvezvinhu zvavanokwanisa kuita kuti vaswedere pedyo neMuponesi, vanokwanisa kutora nhanho vakananga kumufananidzo, uye mwana akabata mufananidzo anokwanisa kutora nhanho akananga kune vamwe vana. Taura nevana vako pamusoro pemaswederero awungaita pedyo neMuponesi uye maswederero aAnoita pedyo newe. Unokwanisawo kuimba navo rumbo rwuri pamusoro pemusoro wenyaya uyu, rwakaita “saI Feel My Savior’s Love” (Children’s Songbook, 74–75).

Dzidziso neZvibvumirano 88:77–80, 118

Baba Vokudenga vanoda kuti ndidzidze.

• Kumbira vana vako kuti vakutaurire pamusoro peizvo zvavarikudzidza kuchikoro kana kuPuraimari. Ungangogoverawo zvimwe zvinhu zvauri kudzidza. Zvino unokwanisa kuratidza vana vako mashoko okuti chii, chikonzero chei, uye sei. Vabatsire kutsvakurudza muDzidziso neZvibvumirano 88:77–79 kuti vawane kuti chii icho Ishe chavanoda kuti tidzidze pamusoro pezvacho. Zvino motarisa pamwechete mundima 80 kuti muzive kuti sei Vachida kuti tidzidze uye mundima 118 kuti muzive madzidziro atinofanira kuita.

“Tsvakai kudzidza … kuburikidza nekunzvera uyewo kuburikidza nerutendo.”

Dzidziso neZvibvumirano 88:119

Imba yedu inokwanisa kuva tsvene sezvakaita temberi.

• Apo paunoverenga Dzidziso neZvibvumirano 88:119 kuvana vako, vanokwanisa kugadzira shongwe yetemberi nemaoko avo nguva yose yavanonzwa shoko rokuti “imba.” Tsanangura kuti Baba Vokudenga vaida kuti Joseph Smith neVatendi vavake temberi, kana kuti “imba yaMwari.”

• Unokwanisa kukumbira vana vako kuti vasarudze mashoko manomwe anotsanangura imba yavo. Zvino wovabatsira kutsvaka, muDzidziso neZvibvumirano 88:119, mashoko manomwe ayo Ishe avanoshandisa kutsanangura imba Yavo. Tingakwanise sei kuita imba yedu “imba yaMwari”?

­

Be Not Afraid [Usatya]naMichael Malm