Chikamu chakabva kuI See the Son of Man [Ndinoona Mwanakomana weMunhu], naWalter Rane

Nyamavhuvhu 25–31: “Gamuchirai Kuzara Kwavo”

Dzidziso neZvibvumirano 93

“Apo paunokwira manera,” Joseph Smith akadzidzisa, “unofanira kutanga nepazasi, uye wokwira danho nedanho, kusvikira wasvika kumusoro; uye ndizvo zvazviri nemisimboti yevhangeri—unofanira kutanga newokutanga, uye woenderera kusvikira wadzidza misimboti yose yekusimudzirwa kumusoro-soro” (Teachings of Presidents of the Church: Joseph Smith [2007], 268).

Dzimwe nguva manera ekusimudzirwa kumusoro-soro iwayo anoratidzika sokunge akakwiririsa zvisingasvikirike kumusoro, asi takazvarirwa kukwira kusvika kumusoro nerubatsiro rweMuponesi rwenguva dzose. Huri hupi nehupi utera hwatingaona matiri, Baba Vokudenga neMwanakomana Wavo vanoona chimwe chinhu chinoshamisa zvikuru matiri, chimwe chinhu chakaita sehumwari. Saizvozvo kuti Jesu Kristu “aiva naBaba pakutanga,” naizvozvo “newe waivawo Navo pakutanga” (Dzidziso neZvibvumirano 93:21, 23). Sezvo Iye “akaramba achienderera mberi kubva munyasha kuenda munyasha kusvikira agamuchira kuzara,” saizvozvowo “muchagamuchira nyasha pamusoro penyasha” (ndima 13, 20). Vhangeri rakadzorerwa rinodzidzisa pamusoro pehunhu hwechokwadi hwaMwari, uye nokudaro rinodzidzisawo pamusoro pehunhu nemugumisiro wechokwadi wako. Uri mwana chaiye waMwari ane kwaniso yekuti “nenguva yakafanira unogamuchira kuzara kwavo” (ndima 19).

Mazano eKudzidza Kumba uye kuChechi

Dzidziso neZvibvumirano 93

SaJesu Kristu, ndinokwanisa kubwinyiswa nekugamuchira “kuzara” kwaMwari.

Muporofita Joseph Smith akadzidzisa kuti, “Kana vanhu vasinganzwisisi hunhu hwaMwari, havazvinzwisisi ivo pachavo” (Teachings: Joseph Smith, 40). Apo paunodzidza pamusoro peMuponesi kuburikidza nekunzvera Dzidziso neZvibvumirano 93, tsvaka izvo zvaunodzidzawo pamusoro pako pachako. Semuenzaniso, chii chaunodzidza pamusoro Pake kubva mundima 3, 12–13, 21, ne26? Ndezvipi zvokwadi zvimwechetezvo zvaunowana pamusoro pako iwe pachako mundima 20, 23, uye 28–29? (onawo 1 Johane 3:2; 3 Nifai 27:27). Mibvunzo inotevera inogona kukubatsira kunzwisisa uye kushandisa zvokwadi zviri muchikamu chino:

• Chii chaunonzwa kuti kugamuchira “nyasha pamusoro penyasha” uye kuenderera mberi “kubva munyasha kuenda munyasha” kunoreva? (ndima 12–13). Kana zvichibatsira, unokwanisa kuverenga “Nyasha” muNhungamiro kuMagwaro Matsvene (Raibhurari yeVhangeri).

• Chii chaunowana kubva muzvakazarurwa zvino pamusoro pemabatsirirwo aunoitwa naMwari kukura nokudzidza? Kuziva izvi kunoshandura sei nzira yaunobata nayo vamwe—uye yaunozvibata nayo iwe pachako?

• Chii chaunodzidza pamusoro “pemanamatiro ekuita, uye … izvo zvaunonamata”? (ndima 19; onawo Nhungamiro kuMagwaro Matsvene, “Kunamata,” Raibhurari yeVhangeri ).

Dzidziso neZvibvumirano 93:1–39

Kubwinya kwaMwari chiedza nechokwadi.

Ungangocherechedza kuti mashoko akaita sakubwinya, chiedza, uye chokwadi anouya kakawanda muzvakazarurwa zvino. Apo paunonzvera ndima 20–39 kunyanya, ita mudongorodzwa wezvokwadi zvaunodzidza pamusoro pedzidziso idzi. Kugadzira chati yakaita seiyi kungangobatsira:

Ndima	Izvo zvandinodzidza	Mibvunzo yekufungisisa
Ndima 24	Izvo zvandinodzidza	Mibvunzo yekufungisisa Kune hunyengeri huzhinji munyika. Ndingaziva sei chokwadi? (onawo Jakobo 4:13).
Ndima 28	Izvo zvandinodzidza	Mibvunzo yekufungisisa
Ndima 36	Izvo zvandinodzidza Mwari munhu wechiedza nechokwadi.	Mibvunzo yekufungisisa
Ndima 37	Izvo zvandinodzidza	Mibvunzo yekufungisisa Ndiani wandinoziva anoratidzika seanokwanisa kudzivirira pesvedzero dzakaipa? Sei vachikwanisa kuita izvi?
Ndima	Izvo zvandinodzidza	Mibvunzo yekufungisisa
Ndima	Izvo zvandinodzidza	Mibvunzo yekufungisisa
Ndima Onawo: Dzidziso neZvibvumirano 50:24	Izvo zvandinodzidza	Mibvunzo yekufungisisa

Chii chaunowana mundima idzi chinokukurudzira kuti utsvake chiedza chikurusa nechokwadi? Sei chiedza uye chokwadi ari mazita akanaka aJesu Kristu? (ona Johane 8:12; 14:6). Zvokwadi izvi zvinoshandura sei upenyu hwako?

Ungangonyorawo pasi vimbiso dziri pamusoro pemagumo okusingaperi ako dziri mundima 20, 22, 28, 33–35. Hukama hupi huri pakati pevimbiso idzi nekuwana chiedza?

Funga pamusoro pekutsvagurudza “Walk in God’s light” (muFor the Strength of Youth: A Guide for Making Choices, 18–21) kuti uone zvaungakwanisa kuita kuti uwane chiedza uye mavimbisiro anoita Ishe kukuropafadza. Mavhidhiyo okuti “Light and Truth, Part 1” uye “Part 2” (Gospel Library) anogona kupa mamwe mazano.

Onawo “Teach Me to Walk in the Light,” Hymns, nhamba 304; Topics and Questions, “Holy Ghost,” Gospel Library.

Light and Truth, Part 1

(D&C 88:6-13) This video examines God's attributes of light and truth as explained in section 88 of the Doctrine and Covenants.

Light and Truth, Part 2

(D&C 93:28,36-40) This video examines God's attributes of light and truth as explained in section 88 of the Doctrine and Covenants.

“Kubwinya kwaMwari … chiedza nechokwadi.”

Dzidziso neZvibvumirano 93:40–50

“Gadzirisa imba yako pachako.”

Rairo yokuti “gadzirisa imba yako pachako” (ndima 43) haisi pamusoro pokuronga makabati nemawadhiropu asi iri pamusoro pekudzidzisa—nekudzidza—“chiedza nechokwadi” (ndima 42). Funga pamusoro pemaedzero aurikuita kutevera rairo iyi. Ndezvipi zvinetso zvaunotarisana nazvo? Ndezvipi zvokwadi zviri muDzidziso neZvibvumirano 93 zvinokwanisa kubatsira?

Inzwisiso dzipi dzaunowana kubva mudzidziso idzi naGosa David A. Bednar?

“Muofisi yangu mune mufananidzo wakanaka wemunda wegorosi. Mufananidzo wacho muunganidzwa wakakura wemitsara yekupenda kwebhurasho mumwe nemumwe—mitsara iyoyo kana ichinge yakamira iriyega hainakidzi kana kushamisa. Chokwadi ndechekuti, kana ukamira pedyo nejira rekanivhasi remufananidzo wacho, chaunongoona chete huwandu hwemitsara inoratidzika seisingaenderani uye isinakunaka yeruvara rweyero negoridhe, nebhurauni. Zvisinei, apo paunosuduruka zvishoma nezvishoma kubva pajira rekanivhasi remufananidzo wacho, mitsara yekupenda kwebhurasho yose mumwe nemumwe inobatana pamwechete uye yoburitsa nzvimbo yakanakisa yemunda wegorosi. Mitsara yakareruka yekupenda kwebhurasho mizhinji, mumwe nemumwe inoshanda pamwechete kugadzira mufananidzo unoyevedza uye wakanakisa zvikuru.

“Munamato woga woga wemhuri, nguva yoga yoga yekunzvera magwaro matsvene kwemhuri, uye manheru pamba emhuri oga oga ndiwo mutsara wekupenda kwebhurasho pakanivhasi remweya yedu. Hapana chiitiko chimwechete chingaratidzike kuva chinofadza kana chisingakanganwike. Asi sekungopindirana kunoita mitsara yependi yeyero negoridhe nebhurauni uye zvoburitsa mufananidzo unoyevedza, saizvozvowo kuramba takashinga kwedu mukuita zvinhu zvinoratidzika sezvidiki kunokwanisa kutungamirira kumhedzisiro huru dzezvepamweya”. ‘Naizvozvo, musanete mukuita zvakanaka, nokuti muri kuhwarika hwaro hwebasa guru. Uye muzvinhu zvidiki ndimo munobva izvo zvikuru’ [Dzidziso neZvibvumirano 64:33]. Kuramba takashinga mukuita chinhu ndiwo musimboti wakakosha apo patinohwarika hwaro hwebasa guru muupenyu hwedu pachedu uye apo patinonyanya kushingaira uye nekuva nehanya mudzimba dzedu pachedu” (“More Diligent and Concerned at Home,” Liahona, Mbudzi 2009, 19–20).

Onawo Henry B. Eyring, “A Home Where the Spirit of the Lord Dwells,” Liahona, May 2019, 22–25.

Ishe vanoraira vabereki kuti vakudze vana [vavo] “muchiedza nechokwadi.”

­

Mazano eKudzidzisa Vana

Dzidziso neZvibvumirano 93:2–21

Jesu Kristu ndiye Chiedza neUpenyu hweNyika.

• Funga pamusoro pekuratidza mufananidzo weMuponesi nekubvunza vana vako kuti sei zvakakosha kudzidza nekutevera Jesu Kristu. Zvino munokwanisa kuverenga pamwechete Dzidziso neZvibvumirano 93:19 kuti muwane chikonzero chimwechete chakakosha.

• Ungangoda kusarudza zvokwadi zvakatiwandei pamusoro paKristu muchikamu 93 zvinokurudzira kwauri uye wobatsira vana vako kuzviwana nokuzvinzwisisa. Pachokwadi choga choga chaunosarudza, unokwanisa kupa vana vako shoko kana ndevo yokuteerera kuti vanzwe apo pamunenge uchiverenga ndima yacho pamwechete. Semuenzaniso, Jesu Kristu:

  • Akaita mabasa aBaba (ndima 5).

  • Ndiye Chiedza cheNyika (ndima 9).

  • Ndiye Musiki wenyika (ndima 10).

  • Akagamuchira simba rose kudenga uye napanyika (ndima 17).

  • Aiva naMwari pakutanga (ndima 21).

  Chapter 33: A Revelation about Jesus Christ: May 1833

Chikamu chakabva kuLight of the World [Chiedza cheNyika], naHoward Lyon

Dzidziso neZvibvumirano 93:23, 29, 38

Ndaigara naBaba Vokudenga ndisati ndauya panyika?

• Muponesi akasimbisa katatu muchikamu 93 kuti taigara naMwari “pakutanga” (ndima 23, 29, 38). Kuti ubatsire vana vako kuwana izvi, unokwanisa kuvakoka kuti vaverenge Dzidziso neZvibvumirano 93:23, 29, 38 uye votsvaka chokwadi pamusoro paivo pachavo chakadzokororwa mundima idzi. Sei Baba Vokudenga vachida kuti tizive chokwadi ichi? Ungangobvunzawo vana vako zvavanoziva pamusoro peupenyu hwedu naBaba Vokudenga tisati tazvarwa. Kuti uvabatsire kudzidza zvakawanda, verenga navo imwechete kana kupfuura yendima dzemagwaro matsvene dzinotevera: Jeremia 1:5; Dzidziso neZvibvumirano 138:53–56; Mosesi 3:5; Abrahama 3:22–26.

• Munokwanisawo kuimba pamwechete “Ndiri Mwana waMwari” kana “I Lived in Heaven” (Nziyo neDzevana Vadiki 112 uye Children’s Songbook, 4) uye mokurukura zvokwadi zvatinodzidza kubva mudzimbo idzi pamusoro pechinangwa chedu chekuuya panyika.

Dzidziso neZvibvumirano 93:24–39

Ndinogamuchira chiedza nechokwadi apo pandinoteerera Mwari.

• Kuti ubatsire vana vako kushandisa zvokwadi pamusoro pekuteerera muDzidziso neZvibvumirano 93, funga pamusoro pekunyora pamapepa majerero mashomanana emagwaro matsvene kubva muchikamu chino. Pazvidimbu zvemapepa zvakasiyana, nyora zvokwadi izvo zvinodzidziswa neimwe neimwe yendima idzi. Vana vako vanokwanisa kushanda pamwechete kuverenga ndima idzi uye vofananisa zvokwadi zvacho kumajerero emagwaro matsvene. Mienzaniso inokwanisa kusanganisira:

  • Ndima 24: Chokwadi kuziva zvinhu zviri zvechokwadi munguva dzekare, nguva ino, uye nemune ramangwa.

  • Ndima 28: Ndinokwanisa kugamuchira chiedza nechokwadi apo pandinochengeta mirairo.

  • Ndima 37: Pandinenge ndiine chiedza nechokwadi, ndinokwanisa kudzivirira huipi.

  • Ndima 39: Ndinorasikirwa nechiedza nechokwadi apo pandinge ndisingateereri.

  Ungangoda kugovera mienzaniso yezvokwadi zvawakasvika pakuziva apo pawakachengeta mirairo yaIshe.

Chinja kuti zvikodzere kumazera evana vako. Unoziva zvidikanwi nekwaniso dzevana vako; inzwa wakasununguka kuchinja mazano echiitwa kuti zvikodzerane nezvidikanwi zvavo. Semuenzaniso, muchiitwa ichi, kana uri kudzidzisa vana vadiki, zvingava nani kunangisa pfungwa pachokwadi chimwechete chiri nyore kubva muchikamu 93.

­

Light and Truth, [Chiedza neChokwadi], naSimon Dewey