Kirtland Temple [Temberi yeKirtland], naAl Rounds

Gunyana 1–7; “Kuitira Ruponeso rweZioni”

Dzidziso neZvibvumirano 94–97

Chinyakare, Ishe vakaraira Mosesi kuvaka tabernakeri, “nomufananidzo wakaratidzwa [kwaari] mugomo” (VaHeberu 8:5; onawo Eksodo 25:8–9). Tabernakeri yaifanira kuva pakati pemusasa wemurenje weIsraeri (ona Numeri 2:1–2).

Muna 1833, Ishe vakaraira Joseph Smith kuvaka matemberi “kwete maererano nemutoo wenyika ” asi “maererano nemutoo wandicharatidza” (Dzidziso neZvibvumirano 95:13–14; onawo 97:10). Kuita setabernakeri yemurenje, temberi yaiva yakafanira kuva chinhu chakakoshesesa muKirtland (ona Dzidziso neZvibvumirano 94:1).

Nhasi, matemberi anowanikwa nepanyika pose. Kunyangwe dzikange dzisiri pakati pemaguta edu, dzinotinongedzera kuna Kristu, uyo anofanira kuva chinhu chakakoshesesa muupenyu hwedu. Kunyangwe zvazvo temberi yoga yoga yakasiyana mumataridziko, mukati madzo tinodzidza mutoo wehumwari mumwechetewo—chirongwa chekudenga chokutiunza zvakare pamberi paMwari. Zvisungo nezvibvumirano zvinoera zvinotibatanidza kuna Kristu uye zvinosimbisa mhuri dzedu “kwete maererano nemutoo wenyika” asi maererano nemutoo uyo Mwari wavanotiratidza.

Ona Saints, 1:169–70; “A House for Our God,” muRevelations in Context, 165–73.

Mazano eKudzidza Kumba uye kuChechi

Dzidziso neZvibvumirano 94; 97:10–17

Ndinokwanisa “kuzvipira zvakazara kuna Ishe.”

MuDzidziso neZvibvumirano 94, Ishe vanopa mirairidzo pamusoro pokuvaka zvivako zvokushandira muKirtland—hofisi neimba yokudhindira. Chii chinokufadza pamusoro peizvo Ishe zvavanotaura pamusoro pezvivako izvi muDzidziso neZvibvumirano 94:2-12? Zvakaenzana sei neizvo zvaVanotaura pamusoro petemberi muna 97:10–17?

Zvinorevei kwauri kuva “wakazvipira zvakazara kuna Ishe”?

Dzidziso neZvibvumirano 95

Ishe vanotsiura avo Vavanoda.

Apo zvakazarurwa zviri muchikamu 95 pazvakagamuchirwa, mwedzi ingangoita mishanu yakanga yapfuura kubvira apo Ishe pavakanga varaira Vatendi kuvaka imba yaMwari (ona Dzidziso neZvibvumirano 88:117–19)—uye vakanga vasati vatanga. Cherechedza kuti Ishe vakavaruramisa sei muzvakazarurwa izvi. Ungangoitawo mudorongodzwa wemisimboti yaunowana yokupa ruramiso yakafemerwa. Chii chaunodzidza pamusoro paIshe kubva munzira yaVakaruramisa Vatendi Vavo?

Onawo Dzidziso neZvibvumirano 121:43–44; D. Todd Christofferson, “As Many as I Love, I Rebuke and Chasten,” Liahona, Chivabvu 2011, 97–100.

God Loves His Children

Elder Wakolo testifies of God’s love and describes how He shows that love to His children.

Dzidziso neZvibvumirano 95:8, 11–17; 97:10–17

Temberi imba yaIshe.

Mushure mekunge vatsiurwa nokuda kwekusavaka imba yaIshe muKirtland, vatungamiri veChechi vakasarudza nzvimbo mumunda wegorosi umo mavaizovaka. Hyrum Smith, mukoma weMuporofita, pakarepo akamhanya kunotora sekera kuti atange kucheka gorosi. “Tiri kugadzirira kuvaka imba yaIshe,” akadaro, “uye ndinotsunga kuva wokutanga pabasa racho” (muTeachings of Presidents of the Church: Joseph Smith [2007], 271, 273). Unofunga kuti sei Hyrum aiva nechido chikuru kudaro chokuvaka temberi? Fungisisa pamusoro peizvi apo paunoverenga Dzidziso neZvibvumirano 95:8, 11–17; 97:10–17.

Muzuva redu, Ishe “varikukurumidzisa nguva yazvinotora kuti tivake matemberi” (Russell M. Nelson, “Focus on the Temple,” Liahona, Mbudzi 2022, 121). Kana mumwe munhu akakubvunza kuti sei Chechi yaJesu Kristu ichivaka matemberi akawanda zvakadaro, unozoti chii?? Tsvaka mhinduro dzaungakwanisa kupa kubva:

• Mumashoko aMutungamiri Russell M. Nelson vachizivisa matemberi matsva (sezvakaita “Now Is the Time,” Liahona, Chivabvu 2022, 126).

• Why Latter day Saints Build Temples” (temples.ChurchofJesusChrist.org).

• Vhidhiyo “Temples” (Gospel Library).

What Is a Temple?

The difference between chapels, where Latter-day Saints meet for regular Sunday worship, and temples is also explained.

Ungangoenzanisa kuedza kweVatendi kuvaka Temberi yeKirtland nekuedza kwako kugadzirira zviitiko zvinoreva chinhu naIshe mutemberi. Unokwanisa kuratidza sei manzwiro ekurumidzo ayo Hyrum Smith aakanzwa maererano neimba tsvene yaIshe? Semuenzaniso, chii chaunokwanisa kuita icho chinozofanana nokubvisa zvirimwa mumunda, sezvakaita Hyrum? Ndekupi kuzvipira kwaunonzwa kuti Ishe vanoda kuti uite? (ona Dzidziso neZvibvumirano 97:12).

Onawo “Holy Temples on Mount Zion,” Hymns, nhamba 289; Topics and Questions, “Temples,” Gospel Library.

Hyrum Smith achibvisa zvirimwa mumunda kuitira Temberi yeKirtland.

Dzidziso neZvibvumirano 97:8–9

“Vanotambirwa neni.”

Funga pamusoro penguva iyo yawakatambirwa—kana yausina kutambirwa—muboka kana mutimu. Izvi zvakafanana sei kana kuti zvakasiyana sei neizvo Dzidziso neZvibvumirano 97:8–9 zvainodzidzisa pamusoro pezvazvinoreva kutambirwa naIshe? Chii chaunoufunga kuti Ishe varikuedza kukudzidzisa nedimikira riri mundima 9?

Onawo Erich W. Kopischke, “Being Accepted of the Lord,” Liahona, Chivabvu 2013, 104–6.

Umba mamiriro ezvinhu ezvepamweya okudzidza nokudzidzisa. “Mweya Mutsvene,” Jesu akavimbisa, “uchakudzidzisa zvinhu zvose” (Johane 14:26). Nokudaro kana uri kudzidza uri wega kana nevamwe, koshesesa kukoka Mweya. Mumhanzi unoera, munamato, uye hurukuro ine rudo zvinokwanisa zvose kubatsira kuumba mamiriro ezvepamweya erunyararo umo Mweya Mutsvene maunokwanisa kukudzidzisa chokwadi.

Dzidziso neZvibvumirano 97:18–28

Zioni ndiyo “vakachena mumwoyo.”

KuVatendi munana 1830, Zioni, yaiva nzvimbo. Muzvakazarurwa zviri muchikamu 97, Ishe vakawedzera patsananguro yezvinoreva vanhu —“vakachena mumwoyo” (ndima 21). Apo paunoverenga ndima 18–28, unokwanisa kutsiva tsananguro iyi apo paunoverenga shoko rinoti Zioni. Zvinorevei kwauri kuva wakachena mumwoyo?

(Onawo Mosesi 7:18.

­

Mazano eKudzidzisa Vana

Dziziso neZvibvumirano 95:8; 97:10–17

Temberi imba yaIshe.

• Kuitira imwe nhoroondo pazvikamu 95 uye 97, unokwanisa kugoverana nevana vako “The Kirtland Temple” muDoctrine and Covenants Stories for Young Readers (Gospel Library; onawo Saints, 1:210). Vana vako vangangonakidzwa nokunyepedzera kuti vari kubatsira kuvaka Temberi yeKirtland (kucheka matanda, kuroverera zvipikiri, kupenda madziro, uye zvichingodaro). Unokwanisa kuvaratidzawo mufananidzo weTemberi yeKirtland, sezvakaita uyo uri muchidzidzo chino, apo pamunoverenga Dzidziso neZvibvumirano 95:8 kuti udzidzise vana vako kuti sei Ishe vachida kuti tivake matemberi.

The Kirtland Temple

• Mushure mokunge maverenga pamwechete Dzidziso neZvibvumirano 97:15–16, iwe nevana vako munokwanisa kugoverena kuti sei temberi yakakosha kwamuri. Munokwanisawo kuimba pamwechete rumbo kuitira kubatsira vana vako kunzwa ruremekedzo kuimba yaIshe, sezvakaita, “I Love to See the Temple” (Children’s Songbook,95). Sei temberi ichiera?

Dzidziso neZvibvumirano 97:1–2, 8–9, 21

Zioni ndiyo “vakachena mumwoyo.”

• Kubatsira vana vako kunzwisisa izvo shoko rokuti vakachena zvarinokwanisa kureva muDzidziso neZvibvumirano 97:21, munokwanisa kutarisa girazi remvura yakachena pamwechete uye mowedzera chimwe chinhu kumvura yacho icho chinoita kuti ive isina kuchena (sezvakaita ivhu kana mhiripiri yakaitwa upfu). Sei zvakakosha kuti mvura ive yakachena? Zvino vana vako vanokwanisa kuverenga ndima 21 uye voisa munwe wavo pashoko rinoti vakachena. Zvinorevei kuti mwoyo yedu ive yakachena? Ndima 1–2 uye 8–9 dzinokwanisa kuva mamwe mazano. Muponesi anobatsira sei kuita kuti mwoyo yedu ive yakachena?

Baba Vokudenga vanoda kuti ndive ndakachena mumwoyo.

Dzidziso neZvibvumirano 97:8–9

Ishe vanoropafadza vanhu vanochengeta zvibvumirano Navo.

• Vana vako vanoziva here kuti ndezvipi zvibvumirano zvatinoita naIshe apo patinobhabhatidzwa kana mutemberi? Funga pamusoro pokuwongorora zvibvumirano izvozvo navo kuburikidza nekuverenga Mosaya 18:9–10, 13 kana General Handbook, 27.2. Goveranai maedzero nesimba amuri kuita “kucherechedza zvibvumirano [zvenyu] kuburikidza nekuzvipira” (Dzidziso neZvibvumirano 97:8).

• Unokwanisa kukoka vana vako kuti vadhirowe mifananidzo yeizvo Dzidziso neZvibvumirano 97:9 yazvinotsanangura. Apo pavanogovera mifananidzo yavo, taura pamusoro pemaropafadzirwo awakaitwa naIshe nokuda kwekuchengeta zvibvumirano zvako. Maropafadzo iwayo akafanana sei nokuva “muti unobereka michero wakasimwa … pedyo nerukova rwakachena”?

­

Building the Kirtland Temple [Kuvaka Temberi yeKirtland], naWalter Rane