Gunyana 22–28: “Hurongwa hweMwanakomana waMwari”

Dzidziso neZvibvumirano 106–108

Paunoverenga kekutanga, Dzidziso neZvibvumirano 107 inoratidzika kuva chete pamusoro pekurongwa kwezvigaro zvehupirisita kuzviisa muhurongwa hwevatungamiri hweChechi yaIshe. Panguva iyo chakazarurwa ichi pachakashambadzwa, hunhengo hweChechi hwakanga hwuchikura kupfuura kwaniso yevatungamiri vashoma vayakanga iinavo. Kutsanangura zvinzvimbo nemabasa eVatungamiri Vokutanga, Chikwata chevane Gumi neVaviri, Makumi Manomwe, mabhishopi, uye vatungamiri vezvikwata zvechokwadi kwaidikanwa uye kwaibatsira. Asi kune zvakanyanya kuwanda kurairidzo yehumwari iri muchikamu 107 kupfuura kungoraira marongerwo anofanira kuitwa hutungamiri hweChechi. Muno Ishe vanotidzidzisa pamusoro pesimba Ravo nehutungamiri, “Hupirisita Hutsvene, maererano neHurongwa hweMwanakomana waMwari” (ndima 3). Chinangwa chehupirisita ndechekuzarura “maropafadzo ose ezvepamweya echechi” kuitira kuti vose vana vaMwari vagokwanisa “kuva vanozarurirwa matenga” uye “nokunakirwa nehufambidzani uye huvepo hwaMwari Baba, naJesu muyananisi wechibvumirano chitsva” (ndima 18–19). Mukutidzidzisa pamusoro pehupirisita Hwake, Muponesi arikutidzidzisa pamusoro Pake Iye nemakwanisiro atingaita kuuya kwaAri.

Ona “Restoring the Ancient Order,” muRevelations in Context, 208–12.

Mazano eKudzidza Kumba uye kuChechi

Dzidziso neZvibvumirano 106; 108

Ishe vanonditsigira apo paVanondidaidza kuti ndishandire.

MuDzidziso neZvibvumirano 106 uye 108, Ishe vakapa rairo nevimbiso kunhengo mbiri dzakadaidzwa kuti dzishandire muChechi Yavo. Apo paunonzvera rairo Yavo, ungangofunga pamusoro pemikana yako pachako yekuti ushandire Ishe—pamwe basa rekushumira, daidzo yemuChechi, mabasa mumhuri yako, kana kurudziro dzezvemweya dzekuita zvakanaka.

Chii chaunonzwa kuti shoko raIshe kwauri ringangova muzvakazarurwa izvi? Ndedzipi ndevo dzinoratidzika kuva dzakanyanya kukosha kwauri? Hedzino dzimwe shoma dzekufunga pamusoro padzo:

• Ndepapi apo Ishe pavakambokupa “nyasha [kana rubastiro rwehumwari] nerusimbiso” zvokuti ugokwanisa kuVashandira? (Dzidziso neZvibvumirano 106:8).

• Unofunga kuti zvinorevei kusimbisa vamwe “mune zvose zvaunoita”? (Dzidziso neZvibvumirano 108:7).

Apo Gosa Carl B. Cook pavakagashira basa reChechi raiva rakaoma, vakawana simba kubva kuchiitiko chateteguru. Verenga nezvazvo mushoko ravo “Serve” (Liahona, Mbudzi 2016, 110–12). Funga pamusoro pekunyora tsamba yekukurudzira zvizvarwa zvako—kana iwe pachako wemuneramangwana—kutambira mikana yekushandira Ishe. Mutsamba yako sanganisira zvokwadi zvaunodzidza kubva mushoko raGosa Cook, muDzidziso neZvibvumirano 106 uye 108, uye zviitiko zvako pachako.

Onawo Henry B. Eyring, “Walk with Me,” Liahona, Chivabvu 2017, 82–85; Topics and Questions, “Serving in Church Callings,” Gospel Library; “Warren Cowdery” uye “‘Wrought Upon’ to Seek a Revelation,” muRevelations in Context, 219–23, 224–28.

Dzidziso neZvibvumirano 107:1–4, 18–20

Hupirisita huri “maererano nehurongwa hweMwanakomana waMwari.”

Ishe vanotanga “zvakazarurwa Zvavo zviri maererano nehupirisita” (Dzidziso neZvibvumirano 107, musoro wenyaya wechikamu) kuburikidza nekutidzidzisa zita rekutanga reHupirisita hwaMerkizedeki (ona ndima 1–4). Sei uchifunga kuti zvakakosha kuziva izvi? Zita iri rinoshandura sei mafungiro aunoita pamusoro pehupirisita?

Chengeta ndangariro idzi mupfungwa apo paunoverenga pamusoro pehupirisita, kunyanya mundima 18–20. Zvinorevei “kuzarurirwa matenga”? Zvinorevei “kunakirwa nehufambidzani nehuvepo hwaMwari Baba, naJesu”? Simba nemvumo zvehupirisita hweMuponesi zvinoita kuti zvose izvi zvive zvinowanikwa kwauri sei?

Onawo Aruma 13:2, 16; Dzidziso neZvibvumirano 84:19–27.

Nangisa pfungwa panaJesu Kristu. “Pane zvinhu zvizhinji zvekudzidzisa pamusoro pazvo muvhangeri raJesu Kristu rakadzorerwa—misimboti, mirairo, huporofita, uye nyaya dzemagwaro matsvene. Asi zvose izvi mapazi emuti mumwechetewo, nokuti zvose zvine chinangwa chimwechete: kubatsira vanhu vose kuuya kuna Kristu uye vagoruramiswa maAri (ona Jaromu 1:11; Moronai 10:32 Naizvozvo zvisinei nokuti uri kudzidzisa chii, rangarira kuti uri kudzidzisa chaizvo izvo pamusoro paJesu Kristu uye kuti tingava saIye sei” (Kudzidzisa nemuNzira yeMuponesi, 6). Semuenzaniso, apo paunodzidzisa —nekudzidza—pamusoro pehupirisita muDzidziso neZvibvumirano 107, bvunza nguva nenguva kuti , “Tirikudzidza chii pamusoro peMuponesi?”

Dzidziso neZvibvumirano 107:22

Varanda vaIshe “vanotsigirwa nevimbo, rutendo, nemunamato weChechi.”

Unofunga kuti zvinorevei kutsigira varanda vaIshe nevimbo yako? nerutendo rwako? nemunamato wako?

Onawo “God Bless Our Prophet Dear,” Hymns, nhamba 24.

Dzidziso neZvibvumirano 107:23–24, 33–35, 38, 91–92

Vaporofita neVaApositora vanopupura nezva Jesu Kristu.

Joseph Smith akagoverana chikamu 107 muna 1835 nevaApositora veChikwata chavane Gumi naVaviri vakanga vachangobva mukudaidzwa (ona musoro wenyaya wechikamu). Ishe vakavadzidzisa chii pamusoro pedaidzo yavo ndima 23–24, 33–35, 38? Uchapupu hwako hwaJesu Kristu hwakasimbiswa sei nedzidziso nehushumiri hweVaApositora Vake vapenyu?

Mundima 91–92, Ishe vanodzidzisa pamusoro pemuApositora Wavo mukuru, Mutungamiri weChechi. Akafanana sei “naMosesi”? (ona Nhungamiro kuMagwaro Matsvene, “Mosesi,” Raibhurari yeVhangeri).

Onawo David A. Bednar, “Chosen to Bear Testimony of My Name,” Liahona, Mbudzi 2015, 128–31.

Dzidziso neZvibvumirano 107:27–31, 85–89

Ishe vanozadzikisa basa ravo kuburikidza nematare .

Cherechedza izvo Ishe zvavakadzidzisa pamusoro pematare muDzidziso neZvibvumirano 107:27–31, 85–89. Chii chinoita kuti dare rive rinobudirira? Ungashandise sei misimboti iyi mudaidzo yako yekuChechi, mumba mako, kana mamwe mabasa ako?

Onawo M. Russell Ballard, “Family Councils,” Liahona, Chivabvu 2016, 63–65; General Handbook, 4.3–4.4, Raibhurari yeVhangeri.

Ishe vanokoka mhuri kuti dzirangane pamwechete.

­

Mazano eKudzidzisa Vana

Dzidziso neZvibvumirano 107:18–20

Jesu Kristu anondiropafadza kuburikidza nesimba Rake rehupirisita.

• Apo iwe nevana vako pamunenge muchiverenga Dzidziso neZvibvumirano 107:18–19, pamwechete, simbisa ndevo yekuti “ose maropafadzo ezvemweya.” Pamwe iwe nevana vako munokwanisa kudorongodza maropafadzo anouya kubva kuhupirisita. Munokwanisa kuita mutambo wazvo—kuona kuti ndiani anokwanisa kuita mudorongodzwa wakareba kupfuura vamwe. Vana vako vanokwanisawo kudhirowa kana kutsvaka mifananidzo inomiririra maropafadzo aya (ona peji yechiitwa yevhiki rino). Unokwanisa zvino kutaura pamusoro pemabatsirirwo atinoitwa nezvisungo zvehupirisita (serubhabhatidzo kana sakaramende) kugamuchira maropafadzo aMwari.

Dzidziso neZvibvumirano 107:21–26, 33–35, 91–92

Varanda vaIshe vakasarudzwa vanotungamira Chechi Yavo.

• Chishambadzwi chose chemusangano mukuru cheLiahona chinosanganisira peji yemifananidzo yeVatungamiri Vakuru. Funga pamusoro pekutarisa mifananidzo iyi nevana vako apo paunenge muchiverenga pamusoro pemabasa avo muDzidziso neZvibvumirano 107:21–26, 33–35, 91–92. Iwe navana vako munokwanisa kutaura pamusoro pekuti sei muchivonga kuti Ishe vakavapa mabasa aya.

• Vana vako vanokwanisa kudzidza zvakwanda pamusoro pevaranda vaIshe “paGeneral Church Leadership” pawebhusaiti inoti ChurchofJesusChrist.org. Zvimwe mumwe nemumwe wevana vako anokwanisa kudzidza pamusoro pemumwe wevatungamiriri ava uye vodzidzisana pamusoro pake. Goveranai maziviro amunoita kuti vatungamiriri ava varanda vechokwadi vaJesu Kristu.

• Mushure mekuverenga Dzidziso neZvibvumirano 107:22 pamwechete, iwe nevana vako munokwanisa kutora zvijana kubata makasimudza mudenga mufananidzo weVatungamiri Vekutanga uye nekugoverana nzira dzamunokwanisa kuvatsigira nadzo sevaranda vaIshe.

Vatungamiri Vokutanga

Dzidziso neZvibvumirano 108:3

Ndinokwanisa kuva ndakachenjerera mukurarama zvibumirano zvangu.

• Kuti mutange nhaurirano pamusoro pendima iyi, unokwanisa kukoka vana vako kuti vaite chimwe chinhu chinoda kunyatsochenjererwa, sekuzadza kapu pasina kudeura. Chii chinoitika kana tichinge tisina kuchenjerera? Zvino munokwanisa kuverenga Dzidziso neZvibvumirano 108:3 kuti muwane izvo Ishe zvavanoda kuti tiite takachenjerera. Ndezvipi “zvitsidzo” (vimbiso kana zvibvumirano) zvatinoita naMwari? Tinganyanya sei kuva takachenjerera pamusoro pekuzvichengeta? Ungangogovera zvikamu zveshoko raSister Becky Craven rinoti “Careful versus Casual” (Liahona, Chivabvu 2019, 9–11) zvaunonzwa kuti zvinokwanisa kukurudzira vana vako kuchengeta zvibvumirano zvavo, Munokwanisawo kuimba rumbo pamusoro pekuchengeta zvibvumirano sezvakaita “I Will Be Valiant” (Children’s Songbook, 162).

Kunyatsodira mvura kunokwanisa kufananidzwa nekunyatsochengeta zvibvumirano zvedu.

­

Melchizedek Blesses Abram, [Merkizedeki Anoropafadza Abramu], naWalter Rane