Nkyerɛmu a ɛfiri I See the Son of Man, ɛfiri Walter Rane hɔ

Ɔsannaa 25–31: “Nya Ne Mayɛ”

Nkyerɛkyerɛ ne Apam 93

“Sɛ woforo atwedeɛ a,” Joseph Smith kyerɛkyerɛɛe, “ɛsɛ wohyɛ aseɛ firi aseɛ, na woforo no baako baako, kɔsi sɛ wobɛduru soro; na saa ara nso na asɛmpa no nnyinasonsɛm teɛ—ɛsɛ sɛ wode deɛ ɛdi kan hyɛ aseɛ, na wokɔ so kɔsi sɛ wobɛsua mpagya nnyinasonsɛm no nyinaa” (Asɔre no Titenafoɔ Nkyerɛkyerɛ: Joseph Smith [2007], 268).

Ɛtɔ da bi a, na ayɛ sɛ saa mpagya atwedeɛ no wɔ soro boro so, nanso wɔwoo yɛn sɛ yɛmfa Agyenkwa no daadaa mmoa mforo nkɔ soro. Akwansideɛ biara a yɛbɛhunu wɔ yɛn ankasa mu no, Ɔsoro Agya ne Ne Ba no hunu animuonyam bi wɔ yɛn mu, nyamesu bi. Sɛdeɛ na Yesu Kristo “ne Agya no wɔ hɔ mfitiaseɛ no,” saa ara na na “mo nso mowɔ hɔ” (Nkyerɛkyerɛ ne Apam 93:21, 23). Sɛdeɛ “Ɔkɔɔ so firii adom mu kɔɔ adom mu, kɔsii sɛ ɔnyaa mayɛ no,” saa ara nso na “wobɛnya adom ato adom so” (verses 13, 20). Asɛmpa a wɔasan de aba no kyerɛkyerɛ fa Onyankopɔn nokorɛ su ho, enti ɛsan kyerɛkyerɛ fa wo nokorɛ su ne hyɛberɛ ho. Woyɛ Onyankopɔn ba ankasa a wowɔ tumi sɛ “berɛ a ɛsɛ mu no wobɛnya ne mayɛ” (nkyekyɛmu 19).

Nsusuiɛ de ma Adesua wɔ Efie ne Asɔre

Nkyerɛkyerɛ ne Apam 93

Wɔbɛtumi ahyɛ me animuonyam na manya Onyankopɔn “mayɛ” te sɛ Yesu Kristo.

Nkɔmhyɛni Joseph Smith kyerɛkyerɛɛ sɛ, “Sɛ nnipa nte Onyankopɔn su ase a, wɔnte wɔn ankasa ho ase” (Nkyerɛkyerɛ: Joseph Smith, 40). Berɛ a wosua fa Agyenkwa no ho wɔ berɛ a wosua Nkyerɛkyerɛ ne Apam 93, hwehwɛ deɛ wosua fa w’ankasa nso ho. Nhwɛsoɔ, deɛn na wosua fa Ne ho firi nkyekyɛmu 3, 12–13, 21, ne 26? Nokorɛ a ɛte sɛ ɛno bɛn na wohunu fa w’ankasa ho wɔ nkyekyɛmu 20, 23, ne 28–29? (san hwɛ 1 Yohane 3:2; 3 Nephi 27:27). Nsɛmmisa a ɛdidi soɔ yi bɛtumi aboa ma woate aseɛ na wode nokorɛ a ɛwɔ saa ɔfa yi mu ayɛ adwuma:

• Deɛn na wote nka sɛ ɛyɛ asekyerɛ ma “adom ato adom so” ne ɛbɛkɔ so “afiri adom mu akɔ adom mu”? (nkyekyɛmu 12–13). Sɛ aboa a, wobɛtumi akenkan “Grace” wɔ Twerɛnsɛm no mu Akwankyerɛ (Asɛmpa nwoma Akoraeɛ).

• Deɛn na wohunu wɔ saa adiyisɛm yi mu fa sɛdeɛ Onyankopɔn boa ma wonyini na wosua ho? Sɛn na yei a wonim nya nkɛntɛnnsoɔ wɔ sɛdeɛ woyɛ afoforɔ—ne w’ankasa so?

• Deɛn na wosua fa “sɛdeɛ wosom, ne deɛ wosom” ho? (nkyekyɛmu 19; san hwɛ Twerɛnsɛm mu Akwankyerɛ, “Worship,” Asɛmpa nwoma Akoraeɛ).

Nkyerɛkyerɛ ne Apam 93:1–39

Onyankopɔn animuonyam yɛ hann ne nokorɛ.

Wobɛtumi ahunu sɛ nsɛmfua te sɛ animuonyam, hann, ne nokorɛ taa pue wɔ saa adiyisɛm yi mu. Berɛ a wosua nkanka nkyekyɛmu 20–39 no, yɛ nokorɛ a wosua fa saa nsusuiɛ yi ho mmoano. Woreyɛ pono bi te sɛ yei bɛtumi aboa:

Nkyekyɛmu	Deɛ mesua	Asɛmmisa a mɛdwene ho
Nkyekyɛmu 24	Deɛ mesua	Asɛmmisa a mɛdwene ho Nnaadaa bebree na ɛwɔ wiase. Mɛyɛ dɛn ahunu nokorɛ no? (san hwɛ Jacob 4:13).
Nkyekyɛmu 28	Deɛ mesua	Asɛmmisa a mɛdwene ho
Nkyekyɛmu 36	Deɛ mesua Onyankopɔn yɛ hann ne nokorɛ onipa.	Asɛmmisa a mɛdwene ho
Nkyekyɛmu 37	Deɛ mesua	Asɛmmisa a mɛdwene ho Hwan na menim no a ayɛ sɔ ɔtumi gyina bɔne nkɛntɛnsoɔ ano? Adɛn nti na wɔtumi yɛ yei?
Nkyekyɛmu	Deɛ mesua	Asɛmmisa a mɛdwene ho
Nkyekyɛmu	Deɛ mesua	Asɛmmisa a mɛdwene ho
Nkyekyɛmu San hwɛ: Nkyerɛkyerɛ ne Apam 50:24	Deɛ mesua	Asɛmmisa a mɛdwene ho

Deɛn na wohunu wɔ saa nkyekyɛmu yeinom mu a ɛkanyan wo sɛ hwehwɛ hann ne nokorɛ kɛseɛ? Adɛn nti na hann ne nokorɛ yɛ abodin papa ma Yesu Kristo? (hwɛ Yohane 8:12; 14:6). Sɛn na saa nokorɛ yi nya nsunsuansoɔ wɔ w’abrabɔ so?

Wobɛtumi nso ahyɛ bɔhyɛ a ɛfa wo daapem hyɛberɛ ho nso nkyekyɛmu 20, 22, 28, 33–35. Abusuabɔ bɛn na ɛda saa bɔhyɛ yeinom ne worenya hann ntam?

Dwene ho sɛ wobɛkenkan “Walk in God’s light” (De ma Mmabunu Ahoɔden: Woreyi Ɔpɛ ho Akwankyerɛ, 18–21) de ahwehwɛ deɛ wobɛtumi ayɛ de anya hann ne sɛdeɛ Awurade hyɛ bɔ sɛ ɔbɛhyira wo. Sini “Light and Truth, Part 1” ne “Part 2” (Asɛmpa nwoma Akoraeɛ) bɛtumi ama nsusuiɛ aka ho.

San hwɛ “Teach Me to Walk in the Light,” Nnwom, ɛtɔ so 304; Tinsɛm ne Nsɛmmisa, “Holy Ghost,” Asɛmpa nwoma Akoraeɛ.

Light and Truth, Part 1

(D&C 88:6-13) This video examines God's attributes of light and truth as explained in section 88 of the Doctrine and Covenants.

Light and Truth, Part 2

(D&C 93:28,36-40) This video examines God's attributes of light and truth as explained in section 88 of the Doctrine and Covenants.

“Onyankopɔn animuonyam yɛ hann ne nokorɛ.”

Nkyerɛkyerɛ ne Apam 93:40–50

“Siesie wo ara wo fie yie.”

Ahyɛdeɛ sɛ “siesie wo ara wo fie yie” (nkyekyɛmu 43) nkyerɛ sɛ worehyehyɛ nnaka ne adekoradan na mmom ɛyɛ worekyerɛkyerɛ—ne woresua—“hann ne nokorɛ” (nkyekyɛmu 42). Dwene sɛdeɛ worebɔ mmɔden sɛ wobɛdi n’afotuo no so ho. Ɔhaw bɛn na wohyia? Nokorɛ bɛn na ɛwɔ Nkyerɛkyerɛ ne Apam 93 a ɛbɛtumi aboa?

Nhunumu bɛn na wonya firi saa nkyerɛkyerɛ a ɛfiri Elder David A. Bednar hɔ yi mu?

“Ayuo afuo mfonin fɛfɛ bi wɔ me ɔfese. Mfonin no yɛ ankorankoro praeɛ nsensaneɛ bebree a wɔaboa ano—ɛmu biara nni hɔ a sɛ ɛte ne ho a ɛyɛ anika anaasɛ ɛyɛ fɛ. Nokorɛ mu, sɛ wobɛn ntoma no a, deɛ wotumi hunu ara yɛ akokɔsradeɛ ne sikakɔkɔɔ ne dodoeɛ mfoniaduro nsensaneeɛ bebree a ɛnsesɛ na ɛnyɛ fɛ. Nanso, sɛ wokɔ akyire nkakrankakra firi ntoma no ho a, praeɛ nsensaneeɛ ankorankoro no nyinaa keka bɔ mu na ɛyɛ ayuo afuo asase fɛfɛɛfɛ bi. Daadaa praeɛ nsensaneeɛ ankorankoro bebree keka bɔ mu yɛ mfonin fɛfɛɛfɛ a ɛyɛ anigyeɛ.

“Abusua mpaebɔ biara, abusua twerɛsɛm sua baako biara, ne abusua fie annwumerɛ biara yɛ nsensaneeɛ wɔ yɛn kra ntoma so. Dwumadie baako biara nni hɔ a ɛbɛtumi ayi ne ho sɛ ɛyɛ fɛ pa ara anaa werɛ remfiri. Nanso sɛdeɛ akokɔsradeɛ ne sika kɔkɔɔ ne dodoeɛ mfoniaduro nsensaneeɛ keka bɔ mu yɛ mfonin a ɛyɛ fɛ yie no, saa ara na nneɛma nketewa a yɛkɔso yɛ no daa bɛtumi de honhom mu nsunsuansoɔ a ɛsombo aba. ‘Ɛno nti, mma mommrɛ wɔ papayɛ mu, ɛfiri sɛ moreto adwuma kɛseɛ bi fapem. Na wɔ nneɛma nketewa mu na akɛseɛ firi ba’ [Nkyerɛkyerɛ ne Apam 64:33]. Nneɛma a yɛyɛ no daa yɛ nnyinasoɔ titire berɛ a yɛto adwuma kɛseɛ bi fapem wɔ yɛn ankorankoro abrabɔ mu ne berɛ a yɛbɛyɛ nsiyɛ ne deɛ ɛhia kɛse wɔn yɛn ara afie mu” (“Nsiyɛ ne deɛ Ɛhia Kɛse wɔ Efie,” Liahona, Obubuo 2009, 19–20).

San hwɛ Henry B. Eyring, “Efie a Awurade Honhom Te mu,” Liahona, Kɔtɔnima 2019, 22–25.

Awurade hyɛ awofoɔ sɛ “wɔntete [wɔn] mma wɔ hann ne nokorɛ mu.”

Sɛ wopɛ nsusuiɛ bebree a, hwɛ bosome yi Liahona ne De ma Mmabunu Ahoɔden nsɛmma nwoma mu.

Nsusuiɛ de ma Nkwadaa Adekyerɛ

Nkyerɛkyerɛ ne Apam 93:2–21

Yesu Kristo ne Wiase Hann ne Nkwa.

• Dwene ho sɛ wode Agyenkwa no mfonin bɛkyerɛ na woabisa wo nkwadaa deɛ nti a ɛho hia sɛ yɛsua na yɛdi Yesu Kristo akyi. Afei mobɛtumi abɔ mu akenkan Nkyerɛkyerɛ ne Apam 93:19 de ahunu botaeɛ baako a ɛho hia.

• Wobɛtumi ayiyi nokorɛ pii a ɛfa Kristo ho wɔ ɔfa 93 a ɛyɛ nkanyan ma wo na ɛboa wo nkwadaa ma wɔhunu na wɔte aseɛ (san hwɛ “Ti 33: Adiyisɛm a ɛfa Yesu Kristo ho,” wɔ Nkyerɛkyerɛ ne Apam Abasɛm, 126–27, anaasɛ sini a ɛne no sɛ wɔ Asɛmpa nwoma Akoraeɛ). De ma nokorɛ biara a woyi no, wobɛtumi ama wo nkwadaa asɛmfua anaasɛ kasasin bi sɛ wɔntie berɛ a mobɔ mu kenkan nkyekyɛmu no. Nhwɛsoɔ, Yesu Kristo:

  • Yɛɛ Agya no nnwuma (nkyekyɛmu 5).

  • Ne Wiase Hann no (nkyekyɛmu 9).

  • Ne Wiase Yɛfoɔ (nkyekyɛmu 10).

  • Nyaa tumi a ɛwɔ ɔsoro ne asase so nyinaa (nkyekyɛmu 17).

  • Na ɔne Onyankopɔn wɔ hɔ mfitiaseɛ no (nkyekyɛmu 21).

  Chapter 33: A Revelation about Jesus Christ: May 1833

Nkyerɛmu firi Wiase Hann, ɛfiri Howard Lyon hɔ

Nkyerɛkyerɛ ne Apam 93:23, 29, 38

Na me ne Ɔsoro Agya wɔ hɔ ansa na mereba asase so.

• Agyenkwa no sii so dua mprɛnsa wɔ ɔfa 93 sɛ na yɛne Onyankopɔn wɔ hɔ “mfitiaseɛ no” (nkyekyɛmu 23, 29, 38). Sɛdeɛ ɛbɛboa ma wo nkwadaa ahunu yei no, wobɛtumi ama wɔn akenkan Nkyerɛkyerɛ ne Apam 93:23, 29, 38 na wɔahwehwɛ nokorɛ bi a ɛfa wɔn ankasa ho a wɔti mu wɔ saa nkyekyɛmu yi mu. Adɛn nti na Ɔsoro Agya pɛ sɛ yɛhunu saa nokorɛ yi? Wobɛtumi nso abisa wo nkwadaa deɛ wɔnim fa yɛne Ɔsoro Agya asetena ansa na wɔrewo yɛn ho. Sɛdeɛ ɛbɛboa ma wɔasua bebree no, wo ne wɔn mmɔ mu nkenkan twerɛsɛm akenkansɛm a ɛdidi soɔ yi mu baako anaasɛ deɛ ɛboro saa: Yeremia 1:5; Nkyerɛkyerɛ ne Apam 138:53–56; Moses 3:5; Abraham 3:22–26.

• Mobɛtumi nso abɔ mu ato “Meyɛ Onyankopɔn Ba” anaasɛ “Mete Ɔsoro” (Nkwadaa Nnwomnwoma, 2–3, 4) na moakasa afa nokorɛ a yɛsua firi saa nnwom yi mu fa yɛn botaeɛ a yɛde baa asase so ho.

Nkyerɛkyerɛ ne Apam 93:24–39

Menya hann ne nokorɛ berɛ a meyɛ setie ma Onyankopɔn.

• Boa wo nkwadaa ma wɔmfa nokorɛ a ɛfa setie ho wɔ Nkyerɛkyerɛ ne Apam 93, no nyɛ adwuma, dwene ho sɛ wobɛtwerɛ twerɛnsɛm ntotoho kakra bi afiri saa ɔfa yi wɔ krataa nketewa so. Wɔ krataa nketewa afoforɔ so no, twerɛ nokorɛ a saa nkyekyɛmu yi mu biara kyerɛkyerɛ. Wo nkwadaa bɛtumi abɔ mu akenkan nkyekyɛmu no na wɔde nokorɛ no amema twerɛsɛm ntotoho no. Yeinom bɛtumi ayɛ nhwɛsoɔ:

  • Nkyekyɛmu 24: Nokorɛ ne sɛ worehunu nneɛma a ɛwɔ hɔ ankasa wɔ berɛ a atwam, seesei, ne daakye.

  • Nkyekyɛmu 28: Mɛtumi anya hann ne mokorɛ berɛ a mekora mmaransɛm no.

  • Nkyekyɛmu 37: Berɛ a mewɔ hann ne nokorɛ no, metumi si bɔne kwan.

  • Nkyekyɛmu 39: Mehwere hann ne nokorɛ berɛ a meyɛ asoɔden.

  Wobɛtumi akyɛ nokorɛ ho nhwɛsoɔ a woabɛhunu ɛnam sɛ woakora Awurade mmaransɛm no.

Sakra mu kɔ wo nkwadaa mfeɛ mu. Wonim wo nkwadaa ahiadeɛ ne deɛ wɔtumi yɛ; biribiara nsi kwan sɛ wobɛsakra dwumadie nsusuiɛ no ma ahyia wo nkwadaa ahiadeɛ. Nhwɛsoɔ, wɔ saa dwumadie yi mu, sɛ worekyerɛkyerɛ nkwadaa nketewa a, ɛbɛyɛ papa sɛ wode adwene bɛsi nokorɛ tiawa baako so wɔ ɔfa 93.

Sɛ wopɛ nsusiɛ bebree a, hwɛ bosome yi Adamfoɔ nsɛmma nwoma mu.

Hann ne Nokorɛ, ɛfiri Simon Dewey hɔ