Kirtland Tɛmpol, ɛfiri Al Rounds hɔ

Ɛbɔ 1–7: “Sion Nkwagyeɛ nti”

Nkyerɛkyerɛ ne Apam 94–97

Tete no, Awuradehyɛɛ Mose sɛɔnsi ntomadan “nsususoɔ a wɔkyerɛɛ [no] bepɔ no so no teɛ” (Hebrifoɔ 8:5; san hwɛ Eksodɔs 25:8–9). Na ɛwɔ sɛ ntomadan no yɛ adeɛ a ɛho hia yie ma Israelfoɔ serɛ so nsraban no (hwɛ Numbers 2:1–2).

Wɔ 1833 mu, Awurade hyɛɛ Joseph Smith sɛ ɔnsi tɛmpol “nyɛ wiase yɔbea so” na mmom “wɔ yɔbea a mɛkyerɛ so” (Nkyerɛkyerɛ ne Apam 95:13–14; san hwɛ 97:10). Te sɛ nsraban a na ɛwɔ ɛserɛ no so no, na ɛwɔ sɛ tɛmpol no yɛ adeɛ a ɛho hia yie wɔ Kirtland (hwɛ Nkyerɛkyerɛ ne Apam 94:1).

Ɛnnɛ, tɛmpol wɔ wiase baabiara. Mpo sɛ ɛnyɛ adeɛ a ɛho hia yie wɔ yɛn nkuropɔn mu a, ɛde yɛn kɔ Kristo nkyɛn, ɔno na ɛwɔ sɛ ne ɛho hia yie wɔ yɛn abrabɔ mu. Ɛwom sɛ tɛmpol biara yɛ sononko wɔ hwɛbea mu, nanso ɛmu no yɛsua ɔsoro nhyehyɛeɛ korɔ no ara—ɔsoro nhyehyɛeɛ a ɛde yɛn bɛsan aba Onyankopɔn anim. Ayɛyɛdeɛ kronkron ne apam de yɛn kɔ Kristo nkyɛn na ɛhyɛ yɛn mmusua den “nyɛ wiase yɔbea so” na mmom nhyehyɛeɛ a Onyankopɔn kyerɛ so.

Hwɛ Ahotefoɔ, 1:169–70; “Yɛn Nyankopɔn Fie,” wɔ Adiyisɛm Nteaseɛ mu, 165–73.

Nsusuiɛ de ma Adesua wɔ Efie ne Asɔre

Nkyerɛkyerɛ ne Apam 94; 97:10–17

Mɛtumi ayɛ “kronkron yie ama Awurade.”

Wɔ Nkyerɛkyerɛ ne Apam 94, Awurade ma akwankyerɛ fa adwumayɛ adan sie ho wɔ Kirtland—ɔfese ne nwomatintim fie. Deɛn na w’ani gye ho wɔ deɛ Awurade ka fa saa adan yi ho wɔ Nkyerɛkyerɛ ne Apam 94:2–12? Sɛn na ɛde toto ho wɔ deɛ Ɔka fa tɛmpol a ɛwɔ 97:10–17?

Wote aseɛ sɛn, sɛ wobɛyɛ “kronkron yie ama Awurade”?

Nkyerɛkyerɛ ne Apam 95

Awurade tea wɔn a Ɔdɔ wɔn

Berɛ a wɔgyee adiyisɛm a ɛwɔ ɔfa 95 no, na bɛyɛ sɛ abosome num atwam firi berɛ a Awurade hyɛɛ Ahotefoɔ no sɛ wɔnsi Onyankopɔn fie (hwɛ Nkyerɛkyerɛ ne Apam 88:117–19)—na na wɔnhyɛɛ aseɛ mpo. Hyɛ sɛdeɛ Awurade tenetenee wɔn wɔ saa adiyisɛm yi mu no nso. Wobɛtumi mpo ayɛ nnyinasosɛm a wɔde yɛ nkanyan atenetene a wohunu mmoano. Deɛn na wosua fa Awurade ho firi kwan a Ɔfaa so tenetenee N’Ahotefoɔ mu?

San hwɛ Nkyerɛkyerɛ ne Apam 121:43–44; D. Todd Christofferson, “Dodoɔ a Medɔ Wɔn no, Meka Wɔn Anim na Metea Wɔn,” Liahona, Kɔtɔnimma 2011, 97–100.

God Loves His Children

Elder Wakolo testifies of God’s love and describes how He shows that love to His children.

Nkyerɛkyerɛ ne Apam 95:8, 11–17; 97:10–17

Tɛmpol yɛ Awurade fie.

Wɔkaa wɔn anim sɛ wɔansi Awurade fie wɔ Kirtland akyire no, Asɔre akannifoɔ yii asase bi wɔ ayuo afuo bi mu a wɔbɛsi wɔ so. Hyrum Smith a ɔyɛ Nkɔmhyɛni no nuabarima, tuu mmirika amonom hɔ ara kɔpɛɛ kantankrakyi hyɛɛ aseɛ sɛ ɔredɔ afuo no. “Yɛresiesie yɛn ho asi efie ama Awurade,” ɔkaae, “na masi nkete sɛ me na mɛhyɛ adwuma no ase” (wɔ Asɛm no Titenafoɔ Nkyerɛkyerɛ: Joseph Smith [2007], 271, 273). Wodene sɛ deɛn nti na na Hyrum wɔ ahokeka yie sɛ ɔbɛsi tɛmpol no? Dwene yei ho berɛ a wokenkan Nkyerɛkyerɛ ne Apam 95:8, 11–17; 97:10–17.

Wɔ yɛn nna yi mu, Awurade “reyɛ sɛdeɛ yɛresi tɛmpol no ntɛmntɛm” (Russell M. Nelson, “Fa w’ani Si Tɛmpol so,” Liahona, Obubuo 2022, 121). Sɛ obi bisa wo sɛ adɛn nti na Yesu Kristo Asɔre sisi tɛmpol bebree a, deɛn na wobɛka? Hwehwɛ mmuaeɛ a wobɛtumi de ama wɔ:

• Titenani Russell M. Nelson nkrasɛm a ɔde reka tɛmpol afoforɔ (te sɛ “Seesei Ne Berɛ No,” Liahona, Kɔtɔnima 2022, 126).

• “Deɛ Nti a Nna a Ɛdi Akyire Ahotefoɔ Sisi Tɛmpol” (temples.ChurchofJesusChrist.org).

• Sini “Temples” (Asɛmpa nwoma Akoraeɛ).

What Is a Temple?

The difference between chapels, where Latter-day Saints meet for regular Sunday worship, and temples is also explained.

Wobɛtumi de Ahotefoɔ no mmɔdemmɔ sɛ wɔbɛsi Kirtland Tɛmpol atoto wo mmɔdemmɔ sɛ wobɛsiesie wo ho ama wo ne Awurade nkitahodie a ɛho hia wɔ tɛmpol ho. Sɛn na wobɛtumi akyerɛ ahokeka korɔ no ara a Hyrum Smith tee nka maa Awurade fie kronkron no? Nhwɛsoɔ, deɛn na wobɛtumi ayɛ a ɛbɛyɛ te sɛ woredɔ afuo, sɛdeɛ Hyrum yɛɛe no? Deɛn afɔrebɔ na wote nka sɛ Awurade pɛ sɛ woyɛ? (hwɛ Nkyerɛkyerɛ ne Apam 97:12).

San hwɛ “Holy Temples on Mount Zion,” nnwom, ɛtɔ so 289; Tinsɛm ne Nsɛmmisa, “Temples,” Asɛmpa nwoma Akoraeɛ.

Hyrum a Smith ɔredɔ ama Kirtland Tɛmpol

Nkyerɛkyerɛ ne Apam 97:8–9

“Megye wɔn to mu.”

Dwene berɛ bi a wɔgyee wo too mu—anaasɛ wɔannye wo—wɔ ekuo bi mu ho. Sɛn na ɛno sɛ anaasɛ ɛyɛ nsonoeɛ firi deɛ Nkyerɛkyerɛ ne Apam 97:8-9 kyerɛkyerɛ fa deɛ aseɛ kyerɛ sɛ Awurade bɛgye wo ato mu ho? Wodwene sɛ deɛn na Awurade pɛ sɛ ɔkyerɛkyerɛ wo wɔ nnyinahɔma a ɛwɔ nkyekyɛmu 9?

San hwɛ Erich W. Kopischke, “Awurade Regye Wo Ato Mu,” Liahona, Kɔtɔnimma 2013, 104–6.

Yɛ bea a adesua ne nkyerɛkyerɛ honhom wɔ hɔ. “Sunsum Kronkron no,” Yesu hyɛɛ bɔ, “bɛkyerɛkyerɛ mo nneɛma nyinaa” (Yohane 14:26). Enti sɛ wo ara na woresua anaasɛ wo ne afoforɔ no, ma ɛho nhia wo kane sɛ wobɛma Honhom no aba mu. Nnwom kronkron, mpaebɔ, ne nkitahodie wɔ ɔdɔ mu nyinaa bɛtumi aboa de asomdwoeɛ ne honhom no aba baabi a Sunsum Kronkron no bɛtumi akyerɛkyerɛ wo nokorɛ no.

Nkyerɛkyerɛ ne Apam 97:18–28

Sion yɛ “wɔn a wɔn akoma mu teɛ.”

Ahotefoɔ a na wɔwɔ 1830 berɛ so no, na Sion yɛ bea bi. Wɔ adiyisɛm a ɛwɔ ɔfa 97, Awurade trɛɛ nkyerɛaseɛ no mu de kyerɛkyerɛ nkorɔfoɔ bi—“wɔn a wɔn akoma mu teɛ” (nkyekyɛmu 21). Berɛ a wokenkan nkyekyɛmu 18–28, wobɛtumi de nkyerɛaseɛ foforɔ ahyɛ yei ananmu berɛ a wokan asɛmfua Sion. Sɛn na wote aseɛ, sɛ wo akoma mu bɛte?

San hwɛ Moses 7:18.

Sɛ wopɛ nsusuiɛ bebree a, hwɛ bosome yi Liahona ne De ma Mmabunu Ahoɔden nsɛmma nwoma.

Nsusuiɛ de ma Nkwadaa Adekyerɛ

Nkyerɛkyerɛ ne Apam 95:8; 97:10–17

Tɛmpol yɛ Awurade fie.

• Sɛdeɛ wobɛnya nnyinasoɔ bi wɔ ɔfa 95 ne 97, wobɛtumi ne wo nkwadaa akyɛ “Kirtland Tɛmpol no” wɔ Nkyerɛkyerɛ ne Apam Abasɛm de ma Akenkanfoɔ Nketewa (Asɛmpa nwoma Akoraeɛ; san hwɛ Ahotefoɔ, 1:210). Wo nkwadaa bɛtumi apatu ayɛ sɛ deɛ wɔreboa asi Kirtland Tɛmpol (w]retwitwa nnua, wɔrebobɔ nnadewa so, reka ɛban ho, ne deɛ ɛkeka ho) Wobɛtumi nso de Kirtland Tɛmpol mfonin akyerɛ wɔn, te sɛ deɛ ɛwɔ saa nsɛsodeɛ yi mu no, berɛ a mokenkan Nkyerɛkyerɛ ne Apam 95:8 de kyerɛkyerɛ wo nkwadaa deɛ nti a Awurade pɛ sɛ yɛsi tɛmpol.

The Kirtland Temple

• Mobɔ mu kenkan Nkyerɛkyerɛ ne Apam 97:15-16, wie a, wo ne wo nkwadaa bɛtumi ne mo ho mo ho akyɛ deɛ nti a tɛmpol yɛ sononko ma mo. Mobɛtumi nso abɔ mu ato dwom a ɛbɛboa ma wo nkwadaa anya nidie atenka ama Awurade fie, te sɛ “I Love to See the Temple” (Nkwadaa Nnwomnwoma, 95). Adɛn nti na tɛmpol yɛ kronkron?

Nkyerɛkyerɛ ne Apam 97:1–2, 8–9, 21

Sion yɛ “wɔn a wɔn akoma mu teɛ.”

• Sɛdeɛ ɛbɛboa ma wo nkwadaa ate deɛ asɛmfua teɛ ase bɛtumi akyerɛ wɔ Nkyerɛkyerɛ ne Apam 97:21, mobɛtumi abɔ mu ahwɛ nsuo a ɛwɔ kuruwa mu a ani teɛ na mode biribi aka nsuo no ho ma ayɛ no fi (te sɛ dɔteɛ anaasɛ mako). Adɛn nti na ɛho hia sɛ nsuo ani teɛ? Afei wo nkwadaa bɛtumi akenkan ɔfa 21 na wɔde wɔn nsa akyerɛ asɛmfua teɛ Asekyerɛ ne sɛn, sɛ yɛn akoma mu bɛteɛ? Nkyekyɛmu 1–2 ne 8–9 bɛtumi ma nsusuiɛ bi. Sɛn na Agyenkwa no boa ma yɛn akoma mu teɛ?

Ɔsoro Agya pɛ sɛ m’akoma mu teɛ.

Nkyerɛkyerɛ ne Apam 97:8–9

Awurade hyira nkorɔfoɔ a wɔkora apam a wɔne No wɔ.

• Wo nkwadaa nim apam a yɛne Awurade yɛ berɛ a wɔbɔ yɛn asu anaasɛ wɔ tɛmpol mu anaa? Dwene ho sɛ wobɛsan ne wɔn ahwɛ saa apam no berɛ a mokenkan Mosiah 18:9–10, 13 anaasɛ Amansan Akwankyerɛ nwoma, 27.2. Mo ne mo ho mo ho nkyɛ sɛdeɛ morebɔ mmɔden sɛ “mobɛfa afɔrebɔ so adi [mo] apam so” (Nkyerɛkyerɛ ne Apam 97:8).

• Wobɛtumi ama wo nkwadaa ayɛ deɛ Nkyerɛkyerɛ ne Apam 97:9 kyerɛkyerɛ no mfonin. Berɛ a wɔkyɛ wɔ mfonin no, monkasa mfa sɛdeɛ Awurade hyira mo berɛ a mokora mo apam ho. Sɛn na saa nhyira no te sɛ woreyɛ “dua a ɛso aba a wɔadua wɔ nsunoa”?

Sɛ wopɛ nsusuiɛ bebree a, hwɛ bosome yi Adamfoɔ nsɛmma nwoma mu.

Wɔresi Kirtland Tɛmpol no, ɛfiri Walter Rane hɔ