C.C.A. Christensen (1831–1912), Saints Driven from Jackson County Missouri [Abangcwele Abaxoshwa besuka eJackson County Missouri], cishe. 1878, tempera ku-muslin, cishe amasentimitha ayi-196 x 287. INdlu yemiBukiso yezoBuciko yaseNyuvesi iBrigham Young, umdwebo waba yisipho sabazukulu baka C.C.A. Christensen, ngonyaka ka-1970.

NgoSepthemba 8–14: “Thula futhi Wazi Ukuthi nginguNkulunkulu”

IMfundiso neziVumelwano 98–101

KwabaNgcwele ababephila eminyakeni esondelene nama-1830, i-Independence yaseMissouri kwakuyizwe lesethembiso okwangempela. Kwakuyindawo “ephakathi nendawo” yaseSiyoni (IMfundiso neziVumelwano 57:3)—idolobha likaNkulunkulu emhlabeni—futhi ukuqoqwa kwabaNgcwele kwaba nesandulela esijabulisayo soKuza kwesiBili. Kodwa ababakhelene nabo endaweni babezibona ngendlela eyehlukile izinto. Babengavumelani nokwakushiwo ukuthi uNkulunkulu wayenike abaNgcwele lowo mhlaba, futhi babengayithandisisi kahle imiphumela eyayithinta ezombangazwe, ezomnotho, nokuhlalisana eyayizolandela ngenxa yabantu ababebaningi kangaka ababesuka endaweni eyayingaziwa bezongena kulendawo masinya kangaka. Ngokushesha ukungakhululeki kwaphenduka ushushiso nobudlova. Ngo-1833, ihhovisi lokugaya amaphepha leBandla labhujiswa, kwathi futhi abaNgcwele baphoqeleka ukuba bayishiye imizi yabo.

UJoseph Smith wayekude ngaphezu kwamakhilomitha ayichishe abe-1300 endaweni yaseKirtland, futhi kwathatha amasonto ukuba lezizindaba zifike kuye. Kodwa iNkosi yayazi ukuthi kwenzekani, futhi yembulela uMprofethi Wayo imigomo yokuthula nenkuthazo ukuze kududuzeke abaNgcwele—imigomo nathi engasisiza uma sibhekene nokuhlushwa, uma izifiso zethu ezilungile zingafezeki, noma uma kudingeka sikhumbule ukuthi ubunzima bethu bansuku zonke ekugcineni, ngandlela thize, “buyosebenzelana ukuze [si] zuze” (IMfundiso neziVumelwano 98:3).

Bheka Saints, 1:171–93; “Waiting for the Word of the Lord,” kwiRevelations in Context, 196–201.

Amasu okuFunda Ekhaya naseBandleni

IMfundiso neziVumelwano 98:1–3, 11–14, 22; 101:1–16, 22–31, 36

Izivivinyo zami zingasebenzelana ukuze kube kuhle kimi.

Obunye ubunzima esibhekana nabo empilweni budalwa yithi. Obunye budalwa yizenzo zabanye. Futhi ngezinye izikhathi izinto ziyazenzakalela ngenxa yempilo nje. Noma ngabe buvela kanjani, ubunzima bungasiza ukuze kufezeke izinhloso ezingcwele njengoba siphendukela kuNkulunkulu.

Lokhu kwakuyiqiniso kwabaNgcwele eMissouri ngo-1833, futhi kuyiqiniso kithina namuhla. Ngesikhathi ufunda ukuthi iNkosi itheni kubaNgcwele kwiMfundiso neziVumelwano 98 futhi 101, zindla ngokuthi umlayezo Wakhe uhlangana kanjani nezingqinamba onazo. Nansi eminye imibuzo nezinsiza ezingakusiza.

Uma ingqinamba ingenxa:

• Izinqumo zami: Yiziphi izeluleko—nezithembiso—ozithola kwi Mfundiso neziVumelwano 98:11–12; 101:1–9? Yikuphi okufundayo kulamavesi ngoBaba oseZulwini noJesu Kristu na? Yini oyizwayo ukuthi uNkulunkulu uyayifuna ukuba uyenze na?

• Izinqumo zabanye: Iyiphi induduzo oyithola kwiMfundiso neziVumelwano 98:1–3, 22; 101:10–16, 22? INkosi ifuna sisabele kanjani ekuhlukunyezweni, ekuxhashazweni, noma udlame na? (Bheka Usizo lwempilo, “Abuse,” Umtapo Wolwazi Wevangeli; Izihloko nemibuzo, “Abuse,” Umtapo Wolwazi Wevangeli.) Lawa mavesi afundisani ngokubeka ithemba lakho eNkosini na?

• Ubunzima bempilo yasemhlabeni: Imuphi umbono owuzuzayo kwiMfundiso neziVumelwano 98:1–3; 101:22–31, 36? Ufundani ezilingweni zakho na? Yini oyenzayo ukuze umeme usizo lukaNkulunkulu na? Ukusiza kanjani na?

Ukuze ufunde okwengeziwe ngendlela uNkulunkulu angenza ngayo “konke enihlukuneyezwe ngakho kuyosebenzela ukuze nizuze” (IMfundiso neziVumelwano 98:3), cabanga ngokufunda umlayezo weGosa u-Anthony D. Perkins “Remember Thy Suffereing Saints, O Our God” (iLiyahona, ngoNov. 2021, 103–5). Ungabheka isiqephu emlayezweni wakhe esikusiza ukuthi uqonde ukuthi uMsindisi ukumema kanjani ukuthi ubuke izingqinamba zakho. Ngabe izivivinyo zakho zikusebenzela kanjani ngokuhle kuwe noma ukuba zifeze izinhloso zikaNkulunkulu na?

Bheka futhi AbaseRoma 8:28; 2 Nephi 2:2; IMfundiso neziVumelwano 90:24; D. Todd Christofferson, “Come to Zion,” Liahona, Nov. 2008, 37–40; “Trial of Adversity,” “Feeling the Lord’s Love and Goodness in Trials,” “The Refiner’s Fire” (videos), ChurchofJesusChrist.org.

Trial of Adversity

Feeling the Lord's Love and Goodness in Trials

The Refiner's Fire

IMfundiso neziVumelwano 98:23–48

INkosi ifuna ngifune ukuthula ngendlela Yayo.

Umongameli uRussell M. Nelson wafundisa: “Abalandeli baJesu Kristu kufanele babeke isibonelo ukuze umhlaba wonke usilandele. Ngiyaninxusa ukuba nenze konke eningakwenza ukuqeda ukungqubuzana komuntu siqu okugcwele ezinhliziyweni zenu kanye nasezimpilweni zenu” (“The Power of Spiritual Momentum,” iLiyahona, ngoMeyi 2022, 97).

Nakuba kungekona konke kwiMfundiso neziVumelwano 98:23–48 ongakwenza kubudlelwano onabo nabanye empilweni yakho, ngabe yimiphi imigomo oyitholayo engakukhombisa indlela uma kwenzeka woniwa ngabanye na? Ningathola amanye amaqiniso eculweni elimayelana nokuthula noma ukuxolela, njengaleli elithi “Truth Reflects upon Our Senses” (Hymns, no. 273).

Umdwebo osuselwe kwiChrist and the Rich Young Ruler [Kristu noMbusi Osemusha oNothileyo], nguHeinrich Hofmann

IMfundiso neziVumelwano 99–100

INkosi iyabanakekela labo abayisebenzelayo.

Izambulo ezikwisigaba 99 nesi 100 zanikezwa abantu ababenemithwalo yemfanelo ebalulekile yeBandla kodwa futhi ababekhathazeke ngemindeni yabo. Yikuphi okutholayo kulezizambulo obekungabasiza na? Ngabe yimuphi umyalezo iNkosi ekuphathele wona kulezizambulo na?

Bheka futhi “John Murdock’s Missions To Missouri” kwi-“‘I Quit Other Business’: Early Missionaries” futhi “A Mission to Canada,” kwiRevelations in Context, 87–89, 202–7.

IMfundiso neziVumelwano 101:43–65

Ukulandela izeluleko zeNkosi kuyangisiza ngihlale ngiphephile.

Umfanekiso otholakala kwiMfundiso neziVumelwano 101:43–62 wanikwa ngenhloso yokuchaza ukuthi kungani iNkosi yavumela ukuba abaNgcwele baxoshwe eSiyoni. Ngesikhathi uwafunda lamavesi, ngabe kukhona yini okufanayo phakathi kwakho nezinceku ezikulomfanekiso na? Umkhombisa kanjani uNkulunkulu ukuthi wena “[uya]thanda ukuholwa ngendlela eqondile futhi nefanele ukufeza ukusindiswa [kwakho]” na? (bheka amavesi 63–65).

Lingisa izenzakalo noma imizekeliso. Kwesinye isikhathi kulula ukufunda nokuhlobanisa nezindaba kanye nemifanekiso emibhalweni engcwele uma sizibeka endaweni yabantu ababachazayo. Mawufundisa IMfundiso neziVumelwano 101:43–62, ungase umeme abafundi ukuba balingise lo mfanekiso njengoba othile ewufunda ngokuzwakalayo. Yikuphi ukuqonda okutholayo ngokubeka izenzo emazwini na?

Ukuze uthole amanye amasu, bheka amaphephabhuku alenyanga eLiyahona kanye neFor the Strength of Youth (Okwakha Intsha).

Amasu okuFundisa Abantwana

IMfundiso neziVumelwano 98:1–3

UJesu Kristu angaguqula ukuvivinywa kwami kube yizibusiso.

• Ungase uqale ingxoxo ngokubuza izingane zakho ngezinye zezinselele izingane ezilingana nazo ezibhekana nazo. Bese ningafunda ndawonye IMfundiso neziVumelwano 98:1–3 nixoxe ngokuthi uJesu Kristu angaguqula kanjani izilingo kube izibusiso. Ungabelana nezingane zakho ngezibonelo zokuthi Uguqule izilingo zakho zaba yizibusiso.

IMfundiso neziVumelwano 98:39–40

UMsindisi uyangisiza ukuba ngithethelele.

Qaphela: Njengoba ufundisa izingane zakho ukubaluleka kokuthethelela, qiniseka ukuthi nazo ziyakuqonda ukuthi uma othile ezilimaza, kufanele zihlale zitshela umuntu omdala ezimuthembayo.

• Isahluko 34 kanye no-35 kwiDoctrine and Covenants Stories (128–34) ingakusiza ukuthi ufundise ngendlela abaNgcwele ababephathwa ngayo eMissouri ngo-1833. Wena kanye nezingane zakho beningakhuluma ngokuthi laba baNgcwele bazizwa kanjani. Bese ningafunda ndawonye IMfundiso neziVumelwano 98:23, 39–40 ukuthola ukuthi iNkosi yayifuna benzeni. Wena kanye nezingane zakho ningakhuluma ngezikhathi lapho nadinga ukuthethelela othile nokuthi uMsindisi wakusiza kanjani.

• Ungase futhi ubonise izingane zakho izithombe zobuso obujabulile kanye nobuso obudangele. Khuluma ngezimo lapho othile engenamusa, futhi usikisele izindlela zokuphendula. Siza izingane zakho zikhethe ukuthi impendulo ngayinye izozijabulisa yini noma zizodabuka ngokukhomba ubuso obuhambisanayo. Kungani uJesu efuna sithethelele abantu, ngisho nalabo abangasiphathi kahle na?

Chapter 34: God Warns the People of Zion: July–August 1833

Chapter 35: The Saints Leave Jackson County, Missouri: September–December 1833

IMfundiso neziVumelwano 101:16, 23–32

UJesu Kristu angangilethela ukuthula.

• Emva kokufunda IMfundiso neziVumelwano 101:16, siza izingane zakho zibone imizwa enokuthula efika lapho sithule futhi sicabanga ngoJesu—ngokwesibonelo, lapho sikhuleka noma sithatha isidlo esingcwele. Ningaphinde nicule ndawonye iculo elimayelana nenhlonipho, njengo “Reverently, Quietly” noma “To Think about Jesus” (Children’s Songbook, 26, 71). Singakuzwa kanjani ukuthula Kwakhe ekhaya lethu na?

• Izingane zakho zingase zibe nesithakazelo sokufunda ngokuthi ukuphila kuyoba njani lapho uJesu Kristu ebuya futhi. Fundani IMfundiso neziVumelwano 101:23–32 ndawonye, futhi nixoxe ngezinto ezizitholayo kulamavesi ezizosilethela intokozo masEbuya. Kungani kuwusizo ukwazi ngalezi zinto lapho sibhekene nobunzima na?

UJesu Kristu uzoletha ukuthula nenjabulo lapho Ebuya futhi.

Ukuze uthole amanye amasu, bheka iphephabhuku lalenyanga leFriend (Umngani).

IMissouri Isha, nguGlen S. Hopkinson