IThempeli laseKirtland, ngu-Al Rounds

NgoSepthemba 1–7: “Ukuze Kusindiswe iSiyoni”

IMfundiso neziVumelwano 94–97

Emandulo, iNkosi eyayala uMose ukuba akhe ithabanakeli “enze konke ngesifanekiso salokho [akuboniswa] entabeni” (KumaHebheru 8:5; bheka futhi U-Eksodusi 25:8–9). Ithabanakeli kwakumele ibe maphakathi nendawo kwama-Israyeli ehlane (bheka UNumeri 2:1–2).

Ngo-1833, iNkosi yayala uJoseph Smith ukuba akhe amathempeli “hhayi ngendlela yomhlaba” kodwa “ngendlela engiyoyitshengisa” (IMfundiso neziVumelwano 95:13–14; bheka futhi 97:10). Njengethabanakeli ehlane, ithempeli kwakumele libe maphakathi neKirtland (bheka IMfundiso neziVumelwano 94:1).

Namuhla, amathempeli atholakala emhlabeni jikelele. Noma ngabe engekho maphakathi namadolobha ethu, asikhomba kuKristu, omele ngabe umaphakathi nezimpilo zethu. Noma ngabe amathempeli ayahluka ngokubukeka, ngaphakathi sifunda indlela engcwele efanayo—uhlelo olungcwele lokusibuyisela kuNkulunkulu. Izimiso nezivumelwano ezingcwele zisixhumanisa noKristu futhi ziqinisa imindeni yethu “hhayi ngendlela yomhlaba” kepha ngendlela uNkulunkulu asikhombisa yona.

Bheka Saints, 1:169–70; “A House for Our God,” kwiRevelations in Context, 165-73.

Amasu okuFunda Ekhaya naseBandleni

IMfundiso neziVumelwano 94; 97:10–17

Ngingaba “ozinikele eNkosini.”

KwiMfundiso neziVumelwano 94, iNkosi inikeza imiyalelo mayelana nokwakhiwa kwezakhiwo zokuphatha eKirtland—ihhovisi kanye nendlu yokunyathelisa. Yini ekuhlaba umxhwele ngokushiwo yiNkosi ngalezi zakhiwo kwiMfundiso neziVumelwano 94:2–12? Iqhathaniseka kanjani nalokhu Akushoyo ngethempeli ku-97:10–17?

Kusho ukuthini kuwe ukuba “ungcweliselwe eNkosini” na?

IMfundiso neziVumelwano 95

INkosi ijezisa labo ebathandayo.

Ngesikhathi isambulo esiyisigaba 95 satholwa, cishe kwase kudlule izinyanga ezinhlanu iNkosi yayala abaNgcwele ukuthi bakhe indlu kaNkulunkulu (bheka IMfundiso neziVumelwano 88:117–19—futhi babengakaqali. Qaphela ukuthi iNkosi yabaqondisa kanjani kulesi sambulo. Ungase futhi wakhe uhla lemigomo oyitholayo ngokunikeza ukuqonda obuphefumulelwe. Yikuphi esikufundayo ngeNkosi ngalendlela Eqondisa ngayo Abangcwele Bayo na?

Bheka futhi IMfundiso neziVumelwano 121:43–44; nguD. Todd Christofferson, “As Many as I Love, I Rebuke and Chasten,” iLiyahona, ngoMeyi 2011, 97–100.

God Loves His Children

IMfundiso neziVumelwano 95:8, 11–17; 97:10–17

Ithempeli liyindlu yeNkosi.

Emuva kokujeziswa ngokuthi abayakhanga indlu yeNkosi eKirtland, abaholi beBandla bakhetha indawo esensimini yokolo lapho bengakha khona. UHyrum Smith, umfowabo kaMprofethi, wagijima mathupha wayothatha isikela futhi waqala wavula insimu. “Silungiselela ukwakha indlu yeNkosi,” washo, “futhi ngizimisele ukuba ngowokuqala emsebenzini” (ku-Teachings of Presidents of the Church: Joseph Smith [2007], 271, 273). Ngabe ucabanga ukuthi kungani uHyrum wayelangazelela kangaka ukwakha ithempeli na? Ake udlinze ngalokhu ngesikhathi ufunda IMfundiso neziVumelwano 95:8, 11–17; 97:10–17.

Ezinsukwini zethu, iNkosi “isheshisa isivinini thina esakha ngaso amathempeli” (uRussell M. Nelson, “Focus on the Temple,” iLiyahona, ngoNov. 2022, 121). Uma kukhona ongakubuza ukuthi kungani iBandla likaJesu Kristu lakha amathempeli amaningi kangaka, ungathini? Bheka izimpendulo:

• Imiyalezo kaMongameli uRussell M. Nelson ememezela amathempeli amasha (njenge “Now Is the Time,” iLiyahona, ngoMeyi 2022, 126).

• “Why Latter-day Saints Build Temples” (temples.ChurchofJesusChrist.org).

• Ividiyo ethi “Temples (Amathempeli)” (Umtapo Wolwazi Wevangeli).

What Is a Temple?

Ungaqhathanisa imizamo yabaNgcwele yokuwakha iThempeli laseKirtland nemizamo yakho yokuzilungiselala isikhathi esinenjongo neNkosi ethempelini. Wena ungawukhombisa kanjani umuzwa wokuphuthuma uHyrum Smith awuzwa ngendlu engcwele yeNkosi na? Isibonelo, ngabe yini ongayenza engafana nokuvula insimu, njengokwenza uHyrum na? Uzizwa sengathi imiphi iminikelo iNkosi efuna ukuba uyenze na? (bheka IMfundiso neziVumelwano 97:12).

Bheka futhi “Holy Temples on Mount Zion,” Hymns (Amaculo), no. 289; Izihloko nemibuzo , “Temples,” Umtapo Wolwazi Wevangeli.

UHyrum Smith evula umhlaba weThempeli laseKirtland.

IMfundiso neziVumelwano 97:8–9

“Bemukelekile kimi.”

Cabanga ngesikhathi wena wamukelwa—noma wayalwa—enhlanganweni noma eqenjini. Kuyafana noma kuhluke kanjani lokho kunalokho IMfundiso neziVumelwano 97:9 esifundisayo ngokuthi kusho ukuthini ukwamukelwa yiNkosi na? Ucabanga ukuthi iNkosi izama ukukufundisani ngalesingathekiso evesini 9?

Bheka futhi u-Erich W. Kopischke, “Being Accepted of the Lord,” iLiyahona, ngoMeyi 2013, 104–6.

Akha indawo engokomoya yokufunda nokufundisa. “UMoya oNgcwele,” kwathembisa uJesu, “uyakunifundisa konke” (NgokukaJohane 14:26). Ngakho ke noma uzifundela wedwa noma nabanye, qinisekisa ukuthi umema uMoya. Umculo ongcwele, umkhuleko, futhi nokubandakanya ngokothando kungasisiza ukwakha isimo esinokuthula, nangokomoya lapho uMoya oNgcwele ongakufundisa iqiniso.

IMfundiso neziVumelwano 97:18–28

ISiyoni “ngabacwebileyo enhliziyweni.”

KwabaNgcwele ngeminyaka yawo-1830, iSiyoni kwakuyindawo. Esambulweni kwisigaba 97, iNkosi yanweba incazelo yokuchaza abantu—“abacwebileyo ngenhliziyo” (ivesi 21). Ngesikhathi ufunda amavesi 18–28, ungafaka lencazelo esikhundleni mawufunda igama Siyoni. Kusho ukuthini kuwe ukuhlanzeka enhliziyweni na?

Bheka futhi uMose 7:18.

Ukuze uthole amanye amasu, bheka amaphephabhuku alenyanga eLiyahona kanye ne-For the Strength of Youth (Okwakha Intsha).

Amasu okuFundisa Abantwana

IMfundiso neziVumelwano 95:8; 97:10–17

Ithempeli liyindlu yeNkosi.

• Okwesizinda esithile ngesigaba 95 futhi 97, ungabelana nezingane zakho “The Kirtland Temple” kwiZindaba zeMfundiso neziVumelwano eyabafundi abancane (Umtapo Wolwazi Wevangeli; bheka futhi Saints, 1:210). Izingane zakho mhlawumbe zingakujabulela ukuzenzisa ukuba sengathi siyasiza ukwakha iThempeli laseKirtland (ukugawula, ukushaya izipikili, ukupenda izindonga, njalo njalo). Ungase futhi uzikhombise isithombe seThempeli laseKirtland, njengalezo ezikulolu hlaka, ngesikhathi ufunda IMfundiso neziVumelwano 95:8 ukufundisa izingane zakho ukuthi kungani iNkosi ifuna sakhe amathempeli.

The Kirtland Temple

• Emva kokufunda ndawonye IMfundiso neziVumelwano 97:15–16, wena nezingane zakho ningabelana ndawonye ngokuthi kungani ithempeli likhethekile kuwe. Ningabuye nicule ndawonye iculo lokusiza izingane zakho zizwe inhlonipho ngendlu yeNkosi, njenge “I Love to See the Temple” (Children’s Songbook, 95). Kungani ithempeli lingcwele na?

IMfundiso neziVumelwano 97:1–2, 8–9, 21

ISiyoni “abacwebileyo ngenhliziyo.”

• Ukusiza izingane zakho ukuba ziqonde ukuthi igama elithi cwebileyo lingachaza ukuthini kwiMfundiso neziVumelwano 97:21, ningabheka ingilazi yamanzi acwebileyo ndawonye futhi nifake into phakathi yokuwangcolisa (njengezibi). Kubaluleke ngani ukuba amanzi ahlanzeke na? Emva kwalokho izingane zakho zingafunda ivesi 21 futhi zibeke umunwe wazo phezu kwegama abacwebileyo. Kusho ukuthini ukuba izinhliziyo zethu zimsulwa na? Amavesi 1–2 kanye 8–9 kungase kukunikeze umqondo. Ngabe uMsindisi usisiza kanjani ukuwenza izinhliziyo zethu ezibemsulwa na?

UBaba oseZulwini ufuna ngibe ocwebileyo ngenhliziyo.

IMfundiso neziVumelwano 97:8–9

INkosi iyababusisa abantu abagcina izivumelwano zabo Naye.

• Ngabe ziyazi izingane zakho ukuthi yiziphi izevumelwano esizenza neNkosi ngesikhathi sibhabhadiswa noma ethempelini na? Cabangela ukubukeza lezo zivumelwano nabo ngokufunda uMosiya 18:9–10, 13 noma iGeneral Handbook, 27.2. Abelana omunye nomunye ngendlela enilwela ngayo “ukugcina izivumelwano [zakho] ngokunikela” (IMfundiso neziVumelwano 97:8).

• Ungamema izingane zakho ukuba zidwebe izithombe ezichaza incazelo ekwiMfundiso neziVumelwano 97:9. Njengoba babelana ngezithombe zabo, khulumani ngokuthi iNkosi ikubusise kanjani ngokugcina izivumelwano zakho. Lezo zibusiso zifana kanjani “nesihlahla esithela kakhulu esitshalwe … eduze nomthombo ocwebile” na?

Ukuze uthole amanye amasu, bheka iphephabhuku lalenyanga leFriend (Umngani).

Ukwakha iThempeli laseKirtland, nguWalter Rane