“Jeptōm̧ba 15–21: ‘Ālikin Eļap En̄taan … Ej Itok Kōjeraam̧m̧an eo’: Katak im Bujen Ko 102–105,” Itok, Ļoor Eō—N̄an M̧weeo im Kabun̄ in: Katak im Bujen Ko 2025 (2025)
“Katak im Bujen Ko 102–105,” Itok, Ļoor Eō—N̄an M̧weeo im Kabun̄ in: 2025
C.C.A. Christensen (1831–1912), Zion’s Camp, c. 1878, tempera ilo muslin, 78 × 114 iniij. Brigham Young University Museum of Art, gift of the grandchildren of C.C.A. Christensen, 1970
Jeptōm̧ba 15–21: “Ālikin Eļap En̄taan … Ej Itok Kōjeraam̧m̧an eo”
Katak im Bujen Ko 102–105
Armej ro Rekwojarjar ilo Kirtland rekar rub būruweer ke rej ron̄ bwe brother ro im sister ro aer ilo Jackson County, Missouri, kar kadiwōjļo̧k er jān m̧ōko m̧weer. Emaron̄ kar lukkuun juon menin kōketak, innām, ke Irooj ekar kwaļo̧k bwe “lo̧m̧o̧o̧r eo an Zaion” enaaj “itok jān kajoor” (Katak im Bujen Ko 103:15). Kōn kallim̧ur in ilo būruweer, elōn̄ļo̧k jān 200 em̧m̧aan, ekoba tarin 25 kōrā im ajri ro, deļo̧n̄eļo̧k men eo rej ņa etan Kamp eo an Israel, tokālik kar ņa etan Kāām eo an Zaion. Kōttōbar eo ej kar n̄an m̧aaj n̄an Missouri im lo̧mo̧o̧ren Zaion.
N̄an membōr ro an kāām eo, lo̧mo̧o̧ren Zaion meļeļein kōjepļaaktok Armej ro Rekwojarjar n̄an āne ko aer. Ak m̧okta jān aer tōprak ilo Jackson County, Irooj ekar ba n̄an Josep Smith n̄an kabōjrak im joļo̧k doulul eo etan Kamp eo an Zaion. Jet ro uwaan kamp eo raar pok im inepata; āinwōt n̄e jibadbad eo ekar likjab im kallim̧ur ko an Irooj raar jab kūrm̧ool. Ro jet, mekarta, ekar oktak meļeļe eo aer. Ke Armej ro Rekwojarjar ro rekar pād jikin ko rettoļo̧k jān kabijuknen rekar jan̄in jepļaak n̄an Jackson County, menin ekar boktok “lọmọọren” n̄an Zaion, im ekar “itok jān kajoor.” Membōr ro retiljek an Kāām eo an Zaion, elōn̄ ro jet me tokālik rekar erom̧ ritōl ro an Kabun̄ in, kar kam̧ool bwe en̄jake eo ekar kōkajoorļo̧k tōmak eo aer ilo kajoor eo an Anij, ilo kūr eo ekwojarjar an Josep Smith, im ilo Zaion—ejjab Zaion jikin wōt ak Zaion ej armej eo an Anij. Ijelo̧kin kajjitōkin aorōk in jerbal ko me ilo kalimjōki ejjeļo̧k tōprakier, rekar ekkatak bwe jerbal eo em̧ool ej n̄an ļoor Rilo̧mo̧o̧r, men̄e jejjab meļeļe aolep men. En̄in wāween an Zaion, kar āliktata, naaj bōk lo̧mo̧o̧r.
Lale Armej ro Rekwojarjar, 1:194–206; “The Acceptable Offering of Zion’s Camp,” ilo Revelations in Context, 213–18.
Ļōmnak ko n̄an Ekkatak ilo M̧weeo im ilo Kabun̄ in
Ta jibadbad eo an ro uwaan ko̧o̧njeļ ro?
Jekjen 102 epād ie dipdikin meļeļe in kweilo̧k eo ilo Kirtland, Ohio, ijo high ko̧o̧njeļ eo jinoin an Kabun̄ in ekar ejaak. Ilo eoon 12–23, Irooj ej kōmeļeļeik jekjek ko me ko̧o̧njeļ eo eutiej ej aikuj ļo̧o̧re n̄e rej kōm̧m̧ane kweilo̧k an koonjeļ n̄an ro raar jerawiwi eļap.
Būreejtōn M. Russell Ballard ekar katakin, “Membōr ro jet iien rej kajjitōk etke ko̧o̧njeļ in [membership] ko an Kabun̄ rej kōm̧m̧an. Un eo ej ļapļo̧k jilu kōttan: n̄an lo̧mo̧o̧ren jetōb eo an eo ekar kōm̧m̧an bōd, n̄an kōjparok ro ejjeļo̧k ruōer, im n̄an bōbrae erreo, m̧ool, im kōm̧anm̧an etan Kabun̄ in.” (“A Chance to Start Over: Church Disciplinary Councils and the Restoration of Blessings,” Ensign,, Sept. 1990, 15).
Bar lale Topics and Questions, “Membership Councils,” Gospel Library
Katak im Bujen Ko 103:1–12, 36; 105:1–19
Zaion emaron̄ bar ekkaļ ioon wōt pedped ko an wānōk.
Etke Armej ro Rekwojarjar rekar luuji āneen kallim̧ur eo aer ilo Missouri? Elōn̄ un ko—juon iaer, Irooj eaar ba, kar “nana ko an armej ro Aō.” N̄e enkar jab menin, Zaion “emaron̄ kar bōk lo̧mo̧o̧ren” (Katak im Bujen Ko 105:2). Ilo am̧ riiti Katak im Bujen Ko 103:1–12, 36; 105:1–19, kwomaron̄ kile jet men ko me ekar bōbrae ejaak eo an Zaion ilo Missouri im ro jet bwe remaron̄ bar bōk jipan̄. Ta ko kwoj ekkatak me emaron̄ jipan̄ eok kajutak Zaion ilo būruōm̧, m̧weeo, im jukjuk in pād eo?
Katak im Bujen Ko 103:12–13, 36; 105:1–6, 9–19
Kōjeraam̧m̧an ko rej itok ālkin melejon̄ in tōmak.
Ilo elōn̄ wāween ko, bōk koņaam̧ ilo Kamp eo an Zaion ekar juon idajon̄jon̄ eo in tōmak. Iaļ eo ekar aitok, ekar lukkun bwil mejatoto, im m̧ōn̄ā im dān rekar jet iien jabwe. Im ālkin aolep aer en̄taan, Kāām eo an Zaion elakkar likjab wōt jān kōro̧o̧lļo̧k bwidej eo an Armej ro Rekwojarjar. Ļōmņak n̄e en kar lōn̄ am̧ iien em̧m̧an n̄an je juon leta n̄an juon iaan ro uwaan Kāām eo an Zaion eo tōmak eo an ilo Irooj eaar jab pen kōnke kōn men ko raar en̄jaki. Ta eo kwomaron̄ kar ba n̄an kōketak armej in? Ta m̧ool ko kwoj loi ilo Katak im Bujen Ko 103:5–7, 12–13, 36; 105:1–6, 9–19 me remaron̄ jipan̄?
Innām kwomaron̄ ļōmņak kōn waanjon̄ak ko rekāāl n̄an raan kein kōn juon melejon̄ āinwōt ko an Kāām eo an Zaion—āinwōt mijenede ro me rej lukkuun jerbal, ak ejjeļo̧k juon ej kobatok ilo Kabun̄ in kōņ kijejeto ko an. Pedped ioon ta eo kwaar ekkatak, ekōjkan am̧ jipan̄ mijenede eo loe bwe mijen eo an ekar em̧m̧an?
Ekōjkan an kar Irooj kōjeraam̧m̧an eok “ālkin eļap en̄taan”? (Katak im Bujen Ko 103:12).
Bar lale 1 Nipai 11:16–17; Alma 7:11–12; Katak im Bujen Ko 6:33–36; 84:88; 101:35–36; David A. Bednar, “On the Lord’s Side: Lessons from Zion’s Camp,” Ensign, July 2017, 26–35, or Liahona, July 2017, 14–23; Topics and Questions, “Endure to the End,” Gospel Library; “Bedbed Eo E Bin,” Al Ko Al in Ajri, nō. 5.
Keppopo n̄an ekkatak bwebwenato in kōmeļeļe eo an revelesōn in. Jeļā bwe ijo kar bōk jikin ilo revelesōn in ilo Katak im Bujen Ko emaron̄ jipan̄ eok meļeļe im mour kōn pedped kein rej katakin. Itok, Ļoor Eō ej letok liin̄ ko n̄an elōn̄ iaan kein katak kein. N̄an Katak im Bujen Ko 102–5, lale Armej ro Rekwojarjar, 1:194–206; “The Acceptable Offering of Zion’s Camp,” ilo Revelations in Context, 213–18; im “Voices of the Restoration: Zion’s Camp.
Kāām eo an Israel ekar kōppād iturin juon dān ilo Little Fishing River.
Ta jibadbad eo an melejon̄ ko?
Ļōmņake kapilōk eo an Elder Orson F. Whitney kōn jibadbad eo an mālijjon̄ ko: “Ejjeļo̧k metak jej en̄taan kake, ejjeļo̧k mālijjon̄ me jej en̄jake ejjeļo̧k tokjen Ej jipan̄ jeļāļo̧kjeņ eo ad, n̄an kōkm̧anm̧anļo̧k kain m̧wiļ ko āinwōt kijenmej, tōmak, peran ilo metak im ettā. Aolep men ko jej en̄taan kaki im aolep men ko me jej niknik kaki, eļaptata n̄e jej niknik ilo kijenmej, kalōk paotok ko ad, karreoik būruōd, kōdepakpakļo̧k ad, im kōm̧m̧an bwe en ļapļo̧k an pidodo ad meanwōd im iakwe, ļapļo̧k ad erreo n̄an ņa etad ajri ro nejin Anij … im ej kōn būrom̧ōj im en̄taan, mōk ilo jerbal melijjon̄, me jej bōk jeļāļo̧kjeņ eo ke jej itok n̄an laļ in n̄an bōk im naaj kōm̧m̧an bwe jen erom̧ eļapļo̧k āinwōt Jemād im Jined ilo lan̄” (in Spencer W. Kimball, Faith Precedes the Miracle [1972], 98).
Katak im Bujen ko 104:11–18, 78–83
Irooj ekar kōm̧m̧an bwe in juon “ribōk eddo ioon kōjeraam̧m̧an ko an laļ.”
N̄an kakobaba n̄an melijjon̄ ko ilo Missouri, ilo 1834 Kabun̄ in ekar jelm̧ae apan̄ ikkijeen jāān, ekoba m̧ūri ko reļļap im jāān n̄an aikuj ko aer. Ilo jekjen 104 Irooj ekar kapilōk ikkijeen jekjek eo an jāān ko an Kabun̄ in. Ewi wāween am̧ kōjerbal pedped in katak ko ilo eoon ko 11–18 im 78–83 n̄an kālet ko am̧ make ikkijeen jāān?
Bar lale “Treasure in Heaven: The John Tanner Story” im “The Labor of His Hands” (pija in alooj), Gospel Library.
Treasure in Heaven: The John Tanner Story
John Tanner freely gave all he had, giving us an example of generosity and consecration in serving the Lord.
The Labor of His Hands
Church members around the world volunteer both time and money to serve others-- members and nonmembers alike--as Christ would serve.
N̄an ļōmņak ko reļļapļo̧k, lale ennaan eo an allōn̄ in ilo Liaona im N̄an Kōkajoorļo̧k Jodikdik ro māākjiin.
Ļōmņak ko n̄an Katakin Ajri ro
Imaron̄ “juon meram n̄an laļ” ilo ļo̧o̧re Jisōs.
-
Kwomaron̄ karuwaineneik ajri ro nejūm̧ n̄an jibwe pijain juon tōm̧a, juon keentōļ, ak bar juon men ej kwaļo̧k meram ilo am̧ riiti Katak im Bujen Ko 103:9. Ekōjkan ad maron̄ erom̧ meram n̄an ro jet n̄e jej ļoor Jisōs Kraist? Bar lale “Jesus Wants Me for a Sunbeam” (Children’s Songbook, 60–61).
Imaron̄ erom̧ meram n̄an ro jet n̄e ij ļo̧o̧r Jisōs Kraist.
Irooj ekōņaan bwe in kwaļo̧k ta eo ewōr ippa n̄an armej ro rej aikuj.
-
Kwomaron̄ kōņaan leļo̧k jejjo minit n̄an ajri ro nejūm̧ n̄an kōm̧m̧ane juon laajrak in kōjeraam̧m̧an ko Anij ekar leļo̧k n̄an er (āinwōt m̧ōn̄ā, nuknuk, tōļan, tōmak, im juon em̧). Rojan̄ er n̄an kōlaajraki jon̄an wōt aer maron̄. Innām riiti ippān doon Katak im Bujen Ko 104:13–18, lale uwaak ko n̄an kajjitōk kein: Wōn eo ej lukkuun an aolep men? Ta eo Ej kōņaan bwe jen kōm̧m̧ani kōn men kein? Kwe im ajri ro nejūm̧ maron̄ kwaļo̧k en̄jake ko me juon armej eaar lewaj juon men kwaar aikuji (bar lale “The Coat” [pijaan alooj, Gospel Library).
2:7The Coat
The Coat is a children’s story that depicts a young boy giving selflessly to another child in need.
Irooj enaaj kōjeraam̧m̧an eō ilo aō kōjparok kien ko An.
-
Jejjo iien ilo jekjōn 104 Irooj ej kallim̧ur “juon wōrļo̧k in kōjeraam̧m̧an ko” n̄an armij ro rej tiljek ilo pokake kien ko An. N̄an jipan̄ ajri ro nejūm̧ meļeļe ta meļeļein “wōrļo̧k”, kwomaron̄ jin̄aik juon doulul im kajjitok ippān ajri ro nejūm̧ n̄an jipan̄ eok alen e num̧ba in doulul ko—jin̄aik ruo, innem emen, innem rualitōk, innem jon̄ouljilijino, im etal wōt. Kajjojo iien kwoj kobaki waj bar juon doulul, jipan̄ ajri ro nejūm̧ ļōmņak kōn juon kōjeraam̧m̧an Jemedwōj Ilan̄ eaar leļo̧k n̄an er.
Imaron̄ juon rikōm̧m̧an aenōm̧m̧an.
-
N̄an jipan̄ ajri ro nejūm̧ ekkatak bwebwenato in Kāām eo an Zaion, komaron̄ jeer “Jebta 36: Zion’s Camp” (ilo Bwebwenato Ko jen Katak im Bujen Ko, 135–39, ak pija in alooj eo ekkar ilo Gospel Library). Pōjrak jejjo iien n̄an kōnono kōn ta eo Irooj ekōņaan bwe jen ekkatak jān Kamp eo an Zaion—n̄an waanjon̄ak, bwe Irooj ekōņaan bwe jen aenōm̧m̧an im jerbal ippān doon ijelo̧kin akweel im ire (bar lale Russell M. Nelson, “Rikaenōm̧m̧an ro Jej Aikuji,” Liaona, Māe 2023, 98–101).
3:30Chapter 36: Zion’s Camp: February–June 1834
-
Kwomaron̄ bar riiti Katak im Bujen Ko 105:38–40 im kajjitōk ippān ajri ro bwe ren jutak kajjojo iien rej ron̄ naan in “aenōm̧m̧an.” Kōmeļeļeiki bwe Irooj ekar kōņaan bwe Armej ro Rekwojarjar ren kōm̧m̧an aenōm̧m̧an ippān armej ro rekar jab jouj. Jipan̄ ajri ro ļōm̧ņak kōn men ko me remaron̄ kōm̧m̧ane n̄an erom̧ rikaenōm̧m̧an ro, im kipel er n̄an kōm̧m̧an arin jet jekjek.
N̄an ļōmņak ko reļļapļo̧k, lale ennaan eo an allōn̄ in ilo eo Jera māākjin.
Zion’s Camp (Zion’s Camp at Fishing River), jān Judith A. Mehr