“Oktoba 13–19: ‘Katok eo An Naaj Ekwōjarjarļo̧k n̄an Eō Jān Ļapļo̧k eo An’: Katak im Bujen Ko 115–120,” Itok, Ļoor Eō—N̄an M̧weeo im Kabun̄ in: Katak im Bujen Ko 2025 (2025)
“Katak im Bujen Ko 115–120,” Itok, Ļoor Eō—N̄an M̧weeo im Kabun̄ in: 2025
Far West, Missouri, jān Al Rounds
Oktoba 13–19: “Katok eo An Naaj Ekwōjarjarļo̧k n̄an Eō jān ļapļo̧k eo An”
Katak im Bujen Ko 115–120
Ekar wōr unin bwe Armej ro Rekwojarjar ren m̧ōņōņō kōn jikin aindoon eo aer ekāāltata, Far West, Missouri. Bukwōn eo ekar m̧ōkaj an eddōk, bwidej eo em̧m̧an, im iturin epād Adam-ondi-Ahman, juon jikin eļap aorōkin m̧o̧kta im ilju im jekļaj (lale Katak im Bujen Ko 107:53–56; 116). Jekdo̧o̧n, jon̄an ņe ekar lukkuun pen n̄an Armej ro Rekwojarjar n̄an jab ļōmņake ta eo rekar luuji. Ijelo̧kin aer kar kadiwōjļo̧k er jān Independence, jikin eo eļap an Zaion, Armej ro Rekwojarjar raar bar aikuj em̧akūt jān Kirkland, em̧akūt jān tampeļ eo aer raar iakwe ālkin ruo wōt iiō. Im ilo iien in ekar jab rinana ro wōt me rejjab Kabun̄ in rekar kōm̧m̧an jorrāān—elōn̄ membōr raar bar jum̧ae Josep Smith, ekoba emān membōr in Doulul an Jon̄oulruo Rijilōk ro.
Ijelo̧kin mije ta ko kar buki jān er, ritōmak ro raar wōnm̧aanļo̧k wōt im kalōk Zaion, iien in ilo Far West. Rekar pepe n̄an kalōk juon tampeļ kāāl. Kar kūr emān Rijilōk kāāl. Raar meļeļe bwe n̄an kōm̧m̧ane jerbal eo an Irooj ejjab meļeļein bwe jejamin likjab; meļeļein ke kwon “bar jerkak.” Im men̄e kwonaaj aikuj kaarmejje jet men ko, kaarmejje kein renaaj kwojarjar n̄an Anij, barāinwōt “naaj ekwojarjarļo̧k … jān ļapļo̧k eo [am̧]” (Katak im Bujen Ko 117:13).
Lale Armej ro Rekwojarjar, 1:296–99.
Ļōmņak ko n̄an Ekkatak ilo M̧weeo im ilo Kabun̄ in
Et eo etan Kabun̄ eaorōk ippān Irooj.
Būreejtōn Russell M. Nelson ekar ba bwe etan Kabun̄ in ej “kōn juon un eļap an aorōk” (“Jim̧we in Etan Kabun̄ in,” Liaona, Nob. 2018, 87). Ļōmņak etke eaorōk etan Kabun̄ in ilo am̧ riiti Katak im Bujen Ko 115:4–6. Ta jerbal eo an etan Kabun̄ in ilo jerbal im mijen eo an?
Barāinwōt lale 3 Nipai 27:1–11.
Zaion im stake ko an rej letok “juon likōpejn̄ak jān lan̄ eo.”
Ilo am̧ ekkatak pija ko rekajoor ilo Katak im Bujen Ko 115: 5–6, ļōmņak kōn jerbal eo Irooj ekōņaaņ bwe kwōn kakūrm̧oole, āinwōt juon membōr in Kabun̄ in An. N̄an waanjon̄ak, ta eo kwomaron̄ kōm̧m̧ane n̄an “jerkak im erromaakļo̧k” ak “juon jon̄ak n̄an lal ko”? (eoon 5). Ta jetōb in lan̄ ko kwoj iooni ipeļaakum̧? Ekōjkan am̧ lo “likōpejn̄ak” ilo aindoon? (eoon 6).
Bar lale “Brightly Beams Our Father’s Mercy,” Hymns, no. 335.
Kabun̄ eo an Rilo̧mo̧o̧r ej juon meram̧ im juon likōpejn̄ak jān ļan̄ eo.
Kaarmejete ko aō n̄an Irooj rekwojarjar.
Ļōmņake n̄e en kar kwe Newel K. Whitney ak lio pāleen, Elizabeth, ro rekar pād ilo mour kō jeraam̧m̧an im kar kajjitōk bwe kwōn em̧m̧akūt. Ta eo kwoj loe ilo Katak im Bujen Ko 117:1–11 me emaron̄ kar jipan̄ eok kōm̧m̧ani kaarmejete in? Ta kaarmijete ko jej kōm̧m̧ani n̄an Anij? Ta eo eoon kein rej katakin eok kōn wōn Anij im ta eo Ej kōm̧m̧ane?
Kaarmijjete eo kar kajjitōk jān Oliver Granger ekar oktak: Irooj ekar jitōn̄ e n̄an pād wōt ilo Kirtland im lolorjake jāān ko an Kabun̄ in. Ke ļein ekar jutak āinwōt juon membōr Kabun̄ in ilo jim̧we, e kar jab lukkuun tōprak. Ļōmņak elmen an naan ko an Irooj ilo Katak im Bujen Ko 117:12–15 buki men ko Ekar kajjitōk ippām̧.
Bar lale “Far West im Adam-ondi-Ahman,” ilo Revelations in Context, 239–40
Juon m̧ōttan jon̄oul eo aō ej jipan̄ kalek aelōn̄ eo an Anij.
Kōmeļeļe ko ilo jekjōn 119 im 120 rej kalikkar ta in juon m̧ōttan jon̄oul: jej leļo̧k “juon m̧ōttan jon̄oul” jān ļapļo̧k (ak kōļļā) kajjojo iiō (lale Katak im Bujen Ko 119:4). Ak revelesōn kein rej kōm̧m̧an n̄an letok eļapļo̧k meļeļe. Irooj ekar jiron̄ Armej ro Rekwojarjar.bwe juōn m̧ōttan jon̄oul emaron̄ “kokwojarjar āneen Zaion.” Im ijelo̧kin kakien in, E kar ba, “e ban naaj juon … Zaion n̄an kom̧” (eoon 6). Konan̄in ke ļōmņak kōn juon m̧ōttan jon̄oul ilo wāween in? Elmen an kōļļā juon m̧ōttan jon̄oul jipan̄ eok ekwojarjarļo̧k, im pojak n̄an Zaion?
Ta eo kwoj ekkatak jān revelesōn kein kōn wāween an rijerbal ro an Irooj kōjerbal jāān in juon m̧ōttan jon̄oul ko? Ta eo eaorōk n̄an kwe kōn naan in “jān ainikiō make n̄an er” ilo Katak im Bujen Ko 120
Elder David A. Bednar ekar letok juon kōmeļeļe ejipan̄ kōn wāween an juon m̧ōttan jon̄oul jerbal im kōjeraam̧m̧an ko rej itok jān pokake kakien in “Wintō Ko An Lan̄” (Liahona, Nov. 2013, 19–20). Kajjitōk ko rej elaajrak remaron̄ jipan̄ ilo am̧ ekkatak enaan in an:
The Windows of Heaven
Spiritual and temporal blessings come into our lives as we live the law of tithing.
-
Wōn ej kōjeikiik ekōjkan an joun m̧ōttan jon̄oul jerbal n̄e em̧ōj kōļļāik n̄an Kabun̄ in?
-
Ta eo juon m̧ōttan jon̄oul ej jerbal n̄ane?
-
Ta kōjeram̧m̧an ko rej itok jān kōļļā juon m̧ōttan jon̄oul? N̄an waanjon̄ak, ilo wāween ta kōļļā juon m̧ōttan jon̄oul ej kōkajoorļo̧k jemjerā eo am̧ ippān Jemedwōj Ilan̄ im Jisōs Kraist?
-
Ta eo kwomaron̄ ekkatak jān kūr eo an Elder Bednar?
-
Elmen ad maron̄ jipan̄ ro jet kōļapļo̧k aer tōmak ilo kien juon m̧ōttan jon̄oul eo an Irooj?
Bar lale Malakai 3:8–12; “The Tithing of My People,” ilo Revelations in Context, 250–55.
Jipan̄ ro jet mour kōn ta eo rej ekkatak. Jekdoon n̄e juon armij ekōņaaņ kōļļā juon m̧ōttan jon̄oul, jet iien remaron̄ jab jeļā elmen. N̄e kwoj katakin baam̧le eo am̧ ak kūlaaj eo am̧, ļōmņak in bōk jidik iien n̄an kōmeļeļeik kilen kōļļā juon m̧ōttan jon̄oul, emaron̄ online ako jiļōp in Joun Mōttan Jon̄oul im Joortak ko Jet. (Lale Katakin ilo Wāween eo an Rilo̧mo̧o̧r, 27.)
N̄an ļōmņak ko reļļapļo̧k, lale ennaan eo an allōn̄ in ilo Liaona im N̄an Kōkajoorļo̧k Jodikdik ro māākjiin.
Ļōmņak ko n̄an Katakin Ajri ro
Ij membōr in Kabun̄ eo an Jisōs Kraist im Armej ro Rekwojarjar ilo Raan Ko Āliktata.
-
N̄an jipan̄ ajri ro nejum̧ jeļā etan Kabun̄ in im meļeļe etke eaorōk, ļōmņak in kajjitōk jabdewōt iaer eļan̄n̄e remaron̄ ba likio in etan Kabun̄ in. Innām kwomaron̄ kwaļo̧k n̄an er et eo jān Katak im Bujen Ko 115:4 im kōtļo̧k bwe ren āliji ippam̧. Ilo am̧ naaj, ļōmņak in jitōne naan ko reļļap im etke raorōk. Kwomaron̄ bar etale “Jepta 43: Jisōs Kraist Ear ņa Etan Kabun̄ in an” (ilo Bwebwenato Ko Jen Katak im Bujen Ko, 164, ak juon pijaan alooj ekkar ilo (Gospel Libraray) ak al “The Church of Jesus Christ” (Children’s Songbook, 77).
Chapter 43: Jesus Christ Names His Church: April 1838
Waanjon̄ok eo aō emaron̄ jipan̄ ro jet itok n̄an Kraist im lo aenōm̧m̧an.
-
Ajri ro remaron̄ jeļā kajjien armej ro rej en̄taan im aikuj “likōpejn̄ak” jān “ļan̄ ko an mour” (eoon 6). Ekōjkan aer maron̄ jipan̄ armij rein? Ļōmņak in kajjitōk bwe ajri ro ren jutak n̄e kwoj riiti naan eo jerkak ilo Katak im Bujen Ko 115:5 Remaron̄ erļo̧ke addiin peier āinwōt tam̧tam̧ in meram̧ in al n̄e kwoj riiti erromaakļo̧k. Kakeememej ajri ro nejum̧ bwe ad meram ej itok jān Jisōs Kraist, im jipan̄ er keememej wāween ko remaron̄ “erromaakļo̧k” āinwōt E.
-
Ajri ro remaron̄ jin̄aik juon pija ej kōmeļeļeik Katak im Bujen Ko 115:6. N̄an waanjon̄ak, remaron̄ jipan̄ juon ļan̄ me armej ro ie rej likōpejn̄ak ilo juon m̧ōnjar an Kabun̄ in. Ta eo ļan̄ eo ej pinej jenkwan? Ekōjkan an Rilo̧mo̧o̧r eo letok jipan̄? Jipan̄ ajri ro nejum̧ ļōmņake juon m̧ōttaer, juon eo uwaan baam̧le, ak juon riturier eo epād ilo aikuj. Elmen ad maron̄ karuwaineneik er n̄an pukot jipan̄ ilo Kabun̄ eo an Jisōs Kraist?
Wūjļepļo̧k ko aō n̄an Irooj ekwojarjar.
-
Karuwaineneik ajri ro nejum̧ bwe ren ļōmņak kōtanke er Newel K. Whitney. Elmen aer naaj kar en̄jake eļan̄n̄e Irooj ekar kajjitōk bwe ren em̧m̧akūt jān jerbal ko aer rem̧m̧an im etal n̄an juon jikin ekāāl? (Emaron̄ jipan̄ n̄an etale “Jepta 41: Jorren eo ilo Kirkland,” ilo Bwebwenato Ko Jen Katak im Kalimur Ko, 158–60, ak pijaan alooj eo ekkar ilo Gospel Library.) Ilo am̧ riit ippān doon Katak im Bujen Ko 117:1–11, im kajjitōk ippān ajri ro nejum̧ n̄an kabōjrak eok n̄e rej ron̄ jet men me ejipan̄ er bōk tōmak n̄an pokake Irooj. Ta kaarmejjete ko jej kōm̧m̧ane n̄an pokake Irooj? Elmen An kōjeraam̧m̧an kōj?
Chapter 41: Trouble in Kirtland: 1837–1838
Jemedwōj Ilan̄ ej kōjerbal juon m̧ōttan jon̄oul n̄an kōjeraam̧m̧an ajri ro Nejin.
-
Elōn̄ ajri ro kwoj katakin bōlen reddik n̄an bōk jāān im kōļļā, ak em̧m̧an n̄an er n̄an meļeļe elmen an juon m̧ōttan jon̄oul jerbal n̄an jerbal eo an Irooj peļaakin laļin. Ļōmņak in kōjerbal pija ko im peij in m̧akūtkūt eo ilo jemļo̧kin elmakot in n̄an jipan̄ er meļeļe ta in juon m̧ōttan jon̄oul. (Bar lale “Jepta 44: Jortak,” ilo Bwebwenato Ko Jen Katak im Kalimur Ko, 165–66, ak pijaan alooj eo kkar ilo Gospel Library.) Ekōjkan an Jemedwōj Ilan̄ kōjerbal juon m̧ōttan jon̄oul n̄an kōjeraam̧m̧an ajri ro Nejin? Kwaļo̧k en̄jake ko am̧ kōn kien joun m̧ōttan jon̄oul im elmen an kar kōjeraam̧m̧an eok.
Chapter 44: Tithing: July 1838
N̄e jej kōļļā juon m̧ōttan jon̄oul, jej kwaļo̧k ad tōmak ilo Jisōs Kraist.
N̄an ļōmņak ko reļļapļo̧k, lale ennaan eo an allōn̄ in ilo eo Jera māākjin.