“Phalane13–19: ‘Setlhabelo sa Gagwe se Tlaa Nna Boitshepo Thata mo go Nna Bogolo go Katlego ya Gagwe’: Dithuto le Dikgolagano 115–120,” Tlayang, Ntshalang Morago—Ya Legae le Kereke: Dithuto le Dikgolagano 2025 (2025)
“Dithuto le Dikgolagano 115–120,” Tlayang, Ntshalang Morago—Ya Legae le Kereke: 2025
Far West, Missouri, ka Al Rounds
Phalane 13–19: “Setlhabelo sa Gagwe se Tlaa Nna Boitshepo Thata mo go Nna Bogolo go Katlego ya Gagwe”
Dithuto le Dikgolagano 115–120
Go ne go na le lebaka la gore Baitshepi ba nne le tshepo mabapi le lefelo la bone le lesha la bo phuthegelo, Far West, Missouri. Toropo kgolo e ne e gola ka bofefo, lefatshe le ne le bonala le le lentle, mme gaufi le foo go ne go na le Adam-ondi-Ahman, lefelo la bokao jo bogolo jwa semowa mo nakong e e fetileng le lobaka le le tlaa tlang (bona Dithuto le Dikgolagano 107:53–56; 116). Le fa gontse jalo, go tshwanetse go bo go ne go le thata mo Baitsheping gore ba se ka ba akanya ka se ba se latlhileng. Kwantle ga go lelekwa go tswa mo Independence,, lefelo la bogare jwa Sione, Baitshepi le bone ba ne ba tshwanela go tshabela kwa Kirtland, ba tlogela tempele ya bone e e ratiwang morago ga dingwaga tse pedi fela. Mme mo nakong ena e ne e se baba fela ba ba kwantle ga Kereke ba ba neng ba dira mathata—maloko a mantsi a a itsegeng a ne a fetogetse Joseph Smith, go akaretsa le maloko a mane a Khoramo ya Baaposetole ba ba Lesome le Bobedi.
Go na le gore ba tsepamise maikutlo mo go seo ba se latlhileng, ba ba boikanyego ba ne fela ba tswelela pele go aga Sione, ka nako ena mo Far West. Ba ne ba dira mananeo a tempele e ntsha. Baaposetole ba bane ba basha ba ne ba bidiwa. Ba ne ba tlhaloganya gore go dira tiro ya Modimo ga go reye gore ga o kitla o wa; go raya gore o “tsoga gape.” Mme le fa o tshwanetse go ntsha ditlhabelo, ditlhabelo tseo di boitshepo mo Modimong, le e leng “boitshepo thata … go na le katlego ya [gago]” (Dithuto le Dikgolagano 117:13).
Bona gape Saints, 1:296–99.
Megopolo ya go Ithuta kwa Gae le kwa Kerekeng
Dithuto le Dikgolagano 115:3–6
Leina la Kereke le botlhakwa mo Moreneng.
Poresidente Russell M. Nelson o rile leina la Kereke ke “selo sa botlhokwa jo bo bogolo” (“The Correct Name of the Church,” Liahona, Nov. 2018, 87). Akanya gore sena ke eng se le boammaaruri fa o ntse o bala Dithuto le Dikgolagano 115:4–6. Leina la Kereke le amana jang le tiro le thomo ya yone?
Bona gape 3 Nefi 27:1–11.
Dithuto le Dikgolagano 115:5–6
Sione le dimapo tsa gagwe di neela “botshabelo go tswa mo matsubutsubung.”
Fa o ntse o ithuta setshwantsho se se maatla mo Dithuto le Dikgolagano 115:5–6, akanya ka tiro e Morena a batlang wena, jaaka leloko la Kereke ya Gagwe, o e diragatsa. Sekai, o ka dira eng go “tsoga o phatsima go ya pele” kgotsa “nna mokgele wa ditšhaba”? (temana 5). Ke matsubutsubu afe a semowa a o a bonang a go dikologile? O bona “botshabelo” jang ka phuthego? (temana 6).
Bona gape “Brightly Beams Our Father’s Mercy,” Hymns, no. 335.
Kereke ya Mmoloki e ka nna lesedi le botshabelo mo matsubutsubung.
Ditlhabelo tsa me di boitshepo mo go Morena.
Gopola gore o ne o le Newel K. Whitney kgotsa mosadi wa gagwe, Elizabeth, ba ba neng ba itemogela botshelo jo bo atlegileng mo Kirtland mme ke gone ba lopiwa go tloga. O bona eng mo Dithuto le Dikgolagano 117:1–11 se se ka bong se go thusitse go dira setlhabelo sena? Ke ditlhabelo dife tse o di direlang Modimo? Ditemana tsena di ruta eng ka ga gore Modimo ke mang le gore O dira eng?
Setlhabelo se se neng se batliwang mo go Oliver Granger se ne se farologanye le sa bo Whitney: Morena o mo rometse go nna mo Kirtland le go rarabolola madi a Kereke. Le fa a ne a emetse Kereke ka boammaaruri, o ne kwa pheletsong a sa atlega thata. Akanya ka fa mafoko a Morena mo Dithuto le Dikgolagano 117:12–15 a ka dirisiwang mo dilong tse A di lopileng mo go wena.
Bona gape “Far West and Adam-ondi-Ahman,” mo Revelations in Context, 239–40.
Ditsabolesome tsa me di thusa go aga bogosi jwa Modimo.
Ditaolo mo tsetlana 119 le 120 di tlhalosa gore ditsabolesome ke eng: re ntsha “bongwe mo lesomeng” jwa dipoelo tsa rona (kgotsa dituelo) ngwaga le ngwaga (bona Dithuto le Dikgolagano 119:4). Mme ditshenolo tsena di dira go feta go neela tlhaloso. Morena o boleletse Baitshepi gore ditsabolesome di tlaa “itshepisa lefatshe la Sione.” Mme kwantle ga molao ona, O rile, “ga e ka ke ya nna … Sione mo go lona” (temana 6). A o kile wa akanya ka ditsabolesome ka tsela ena? Go ntsha ditsabolesome go ka thusa jang go go dira gore o e itshepisiwe thata, o ipaakanyetse Sione thata?
O ithuta eng mo ditshenolong tsena mabapi le ka fa batlhanka ba Morena ba dirisang madi a ditsabolesome? Ke eng se se botlhokwa mo go wena ka seele “ka lentswe la me mo go bone” mo Dithuto le Dikgolagano 120.
Mogolwane David A. Bednar o neetse tlhaloso e e thusang ya ka fa ditsabolesome di dirisiwang ka teng le ditshegofatso tse di tswang mo go obameleng molao ona “The Windows of Heaven” (Liahona, Nov. 2013, 19–20). Dipotso tse di latelang di ka go thusa fa o ntse o ithuta molaetsa wa gagwe:
The Windows of Heaven
Spiritual and temporal blessings come into our lives as we live the law of tithing.
-
Ke mang yo o laolang gore ditsabolesome di dirisiwa jang morago ga di sena go ntshiwa mo Kerekeng?
-
Ditsabolesome di dirisediwa eng?
-
Ke ditshegofatso dife tse di tlang ka ntlha ya go ntsha ditsabolesome? Sekai, ke ka ditsela dife tse go ntsha ditsabolesome di thatafatsang kamano ya gago le Rara wa Legodimo le Jeso Keresete?
-
O ka ithuta eng go tswa mo taletsong ya ga Mogolwane Bednar?
-
O ka thusa ba bangwe jang go oketsa tumelo ya bone mo molaong wa Morena wa ditsabolesome?
Bona le gone Malaki 3:8–12; “The Tithing of My People,” mo Revelations in Context, 250–55.
Thusa ba bangwe go dirisa se ba se ithutang. Le fa motho a batla go ntsha ditsabolesome, dinako tse dingwe ga ba itse gore jang. Fa e le gore o ruta lelwapa la gago kgotsa tlelase, akanya go tsaya nako o tlhalosa ka fa go ka ntshiwang ditsabolesome, a ke ka inthanete kgotsa ka selipi sa Ditsabolesome le Ditshupelo tse Dingwe. (Bona Teaching in the Savior’s Way,, 27.)
Ka ga megopolo e mentsi, bona dikgatiso tsa kgwedi e tsa Liahona le Go Nonofo ya Banana dimakasine.
Megopolo ya go Ruta Bana
Dithuto le Dikgolagano 115:4–5
Ke leloko la Kereke ya ga Jeso Keresete ya Baitshepi ba Malatsi a Bofelo.
-
Go thusa bana ba gago go ithuta leina la Kereke le go tlhaloganya gore ke eng go le botlhokwa, akanya go ba botsa fa mongwe wa bone a ka bua leina la Kereke ka botlalo. Ke gone o ka ba supegetsa leina go tswa mo Dithuto le Dikgolagano 115:4 mme o dire gore ba le boeletse le wena. Fa o ntse o dira, akanya go supa mafoko a botlhokwa le gore ke eng a le botlhokwa. Le ka sekaseka gape “Chapter 43: Jesus Christ Names His Church” (mo Doctrine and Covenants Stories, 164, kgotsa setshwantsho sa motshikenyego se se tsamaelanang mo Motlobo wa Efangele) kgotsa la opela “The Church of Jesus Christ” (Children’s Songbook, 77)
Chapter 43: Jesus Christ Names His Church: April 1838
Dithuto le Dikgolagano 115:4–6
Sekai sa me se ka thusa ba bangwe go tla mo go Keresete mme ba bona tshireletsego.
-
Bana ba gago ba ka itse batho ba ba sokolang mme ba tlhoka “botshabelo” go tswa mo “matsubutsubung a botshelo” (temana 6). Ba ka thusa batho ba jang? Akanya go laletsa bana ba gago go emelela fa o bala lefoko tsoga mo Dithuto le Dikgolagano 115:5. Ba ka otlolola menwana ya bone jaaka marang a letsatsi fa o bala phatsimela pele. Gakolola bana ba gago gore lesedi la rona le tswa mo go Jeso Keresete, mme ba thuse ka go akanya ka ditsela tse ba ka “phatsimelang pele” ka tsone jaaka A dira.
-
Bana ba gago ba ka dira setshwantsho ba supa Dithuto le Dikgolagano 115: 6. Sekai, ba ka tshwantsha matsubutsubu le batho ba tshabela mo kagong ya Kereke. Matsubutsubu a ka tswa a kaya eng? Kereke ya Mmoloki e neela thuso jang? Thusa bana ba gago go akanya ka tsala, leloko la lelwapa, kgotsa moagisanyi yo o tlhokang thuso. Re ka ba laletsa jang go bona thuso mo Kerekeng ya ga Jeso Keresete?
Ditlhabelo tsa me di boitshepo mo go Morena.
-
Laletsa bana ba gago go ipaya ekete ke Newel K. Whitney. Ba ne ba tlaa ikutlwa jang fa Morena a ne a ka ba lopa gore ba tlogele ditiro tsa bone tse di atlegileng mme ba fudugele mo lefelong lengwe le lesha? (Go ka thusa go sekaseka “Chapter 41: Trouble in Kirtland,” mo Doctrine and Covenants Stories, 158–60, kgotsa setshwantsho sa motshikinyego se se tsamaelanang mo Motlobo wa Efangele.) Fa lo ntse lo bala mmogo Dithuto le Dikgolagano 117:1–11, kopa bana ba gago go go emisa fa ba utlwa sengwe se se ka ba thusang go nna le tumelo go obamela Morena.” Ke ditlhabelo dife tse re di dirang go obamela Morena. O re segofatsa jang?
Chapter 41: Trouble in Kirtland: 1837–1838
Rara wa Legodimo o dirisa ditsabolesome go segofatsa bana ba Gagwe.
-
Bontsi jwa bana bao o ba rutang ba ka tswa ba le banyennyane thata go bona madi le go ntsha ditsabolesome, mme go molemo mo go bone go tlhaloganya ka fa ditsabolesome di tsenyang letsogo mo tirong ya Morena mo lefatsheng lotlhe. Akanya go dirisa ditshwantsho le tsebe ya tiragatso kwa bofelong jwa tshoboko ena go ba thusa go tlhaloganya gore ditsabolesome ke eng. (Bona gape “Chapter 44: Tithing,” mo Doctrine and Covenants Stories, 165–66, kgotsa setshwantsho sa motshikinyego se se tsamelanang mo Motlobo wa Efangele.) Rara wa Legodimo o dirisa ditsabolesome jang go segofatsa bana ba Gagwe? Abelana maikutlo a gago ka molao wa ditsabolesome le ka fa o go segofaditseng ka teng.
Chapter 44: Tithing: July 1838
Fa re duela ditsabolesome re supa tumelo mo go Jeso Keresete.
Ka ga megopolo e mentsi, bona kgatiso ya kgwedi e ya Friend makasine.