“Lwetse 29–Phalane 5: ‘Ke Ntlo ya Gago, Lefelo la Boitshepo jwa Gago’: Dithuto le Dikgolagano 109–110,” Tlayang, Ntshalang Morago—Ya Legae le Kereke: Dithuto le Dikgolagano 2025 (2025)
“Dithuto le Dikgolagano 109–110,” Tlayang, Ntshalang Morago—Ya Legae le Kereke: 2025
A Glorious Light—Kirtland Temple, by Glen S. Hopkinson
Lwetse 29–Phalane 5: “Ke Ntlo ya Gago, Lefelo la Boitshepo jwa Gago”
Dithuto le Dikgolagano 109–110
Dikgoro tsa Tempele ya Kirtland di ne di sa tshwanela go bulwa go fitlhelela ka nako ya borobabobedi maphakela wa Mopitlo 27, 1836. Mme Baitshepi ba ba neng ba solofetse go tsenelela tirelo ya tshwaelo ba simolola go dira mola go sale gale ka nako ya bosupa. Lefelo la fa go tletse le gone tirelo ya bobedi di ne di tlhokega go letlelela mongwe le mongwe. Mme e ne e se fela ba ba tshelang ba ba neng ba gwetlhega go nna teng. Basupi ba bantsi ba bone baengele mo tempeleng le gone mo borulelong, ka nako ya tshwaelo le morago ga yone. Go ne go lebega thata ekete ”batlhabani ba legodimo” ba ne ba tlile go “opela le [go] goeletsa” le Baitshepi ba Malatsi a Bofelo (“The Spirit of God,” Hymns, no. 2).
Ka goreng boitumelo jo bogolo jaana—mo matlhakore otlhe a sesiro? Morago ga dingwaga tse di makgolo, gone go na le ntlo ya Morena gape mo lefatsheng. Morena o ne a diragatsa tsholofetso ya Gagwe go apesa Baitshepi ba Gagwe “ka thata e e tswang kwa godimo” (Dithuto le Dikgolagano 38:32). Mme se, O ne a bua, ene e le fela “tshimologo ya tshegofatso” (Dithuto le Dikgolagano 110:10). Nako e jaanong re tshelang mo go yone—ka go gatelapele ga tiro ya tempele le ditao tse di leng teng go didikadike tsa batshedi le baswi—e simolotse kwa Kirtland, fa “sesiro mo godimo ga lefatshe se simolola go kgagoga” (“The Spirit of God”).
Bona le gone Saints, 1:232–41; “A House for Our God,” mo Revelations in Context, 169–72.
Megopolo ya go Ithuta kwa Gae le kwa Kerekeng
Morena o nneela ditshegofatso tse dikgolo ka dikgolagano tsa tempele.
Tempele ya Kirtland e ne e farologanye le di tempele tse re di itseng gompieno. Ka sekai, go ne go sena dialetara le fonte ya kolobetso. Mme ditshegofatso tse di tlhalosiwang mo tsetlana 109, thapelo ya tshwaelo ya tempele ya Kirtland, le gone di teng mo ntlong ya Morena gompieno. Sekaseka ditemana tse di latelang go bona dingwe tsa masego, le go tlhatlhanya ka fa di ka go thusang le go go nonotsha mo botsalanong jwa gago le Rara wa Legodimo le Jeso Keresete.
Verses 5, 12–13 (bona le gone Dithuto le Dikgolagano 110:6–8): Mo ntlong ya Morena, O ka intshupegetsa, mme ke ka utlwa thata ya Gagwe.
Ditshegofatso tse dingwe:
Fa o kile wa ya kwa ntlong ya Morena, akanya ka fa ditsholofetso tse di diragaditsweng mo botshelong jwa gago.
Sefela “The Spirit of God” (Hymns, no. 2) se kwaletswe tshwaelo ya Tempele ya Kirtland—mme se ntse se opelwa e sale ka tshwaelo nngwe le nngwe ya tempele. Akanyetsa go se opela kgotsa go se reetsa jaaka karolo ya gago ya go ithutuntsha le go obama. Ke dife ditshegofatso tsa tempele tse o di bonang di tlhalosiwa mo sefeleng se?
Thapelo ke puisano le Rara wa Legodimo
Tsetlana 109 ke thapelo ya tshwaelo e e neetsweng go Moperofeti Joseph Smith ka tshenolo (bona setlhogo sa tsetlana). Ke eng se o se ithutang ka thapelo go tswa mo tsetlaneng e? Ka sekai, o ka kwala se Moperofeti a se lebogetseng le ditshegofatso tse a di lopileng. Ke eng gape se a se buileng mo thapelong e? Jaaka o ithutuntsha, o ka sekaseka puisanyo ya gago le Rara wa Legodimo. O ithuta eng ka ga Ene le Morwa wa Gagwe go tswa mo thapelong e?
Fa o batla go bala dithapelo tsa tshwaelo tsa ditempele tse dingwe, go akaretsa tempele e e gaufi le wena, etela tsebe ya ditempele kwa temples.ChurchofJesusChrist.org.
Dithuto le Dikgolagano 110:1–10
Morena o ka intshupegetsa mo ntlong ya Gagwe.
Jaaka o bala ditlhaloso tsa Mmoloki mo Dithuto le Dikgolagano 110:1–10, go akaretsa setlhogo sa tsetlana, tlhatlhanya ka se ditemana tse di se akanyetsang ka ga Ene.
Jeso Keresete o itshupa jang—kgotsa o ikitsise jang mo go wena—mo ntlong ya Gagwe? O go thusa jang go itse gore O amogela ditlhabelo tsa gago?
Mo teng ga Tempele ya Kirtland.
Dithuto le Dikgolagano 110:10–16
Mmoloki o kaela tiro ya Gagwe ka dilotlele tsa boperesiti.
Fela pela ga Moshe, Eliase, le Elija ba iponatsa mo tempeleng go buseletsa dilotlele tsa boperesiti, Jeso Keresete a re, “Se ke tshimologo ya tshegofatso e e tlaa goromelediwang mo ditlhogong tsa batho ba me” (Dithuto le Dikgolagano 110:10). Jaaka o bala ditemana 11–16, akanya ka ga ditshegofatso tse Mmoloki a di goromeletsang mo go wena mo tirong e e kaelwang ke dilotlele tse. Ka sekai:
-
Temana 11: Moshe le dilotlele tsa go phuthega ga Iseraele (kgotsa tiro ya boanamisa efangele). Morena o go segofaditse jang wena le lelwapa la gago ka matsapa a boanamisa efangele jwa Kereke ya Gagwe?
-
Temana 12: Eliase le dilotlele tsa efangele ya ga Aberahame, go akaretsa kgolagano ya ga Aberahame. Morena o ka go segofatsa jang le “masika morago ga [wena]” ka ntlha ya dikgolagano tsa gago? (Bona Russell M. Nelson, “The Everlasting Covenant,” Liahona, Oct. 2022, 4–11; Guide to the Scriptures, “Elias,” Gospel Library.)
-
Ditemana 13–16: Elija le thata ya go kana, e itshupa mo tempeleng le tiro ya ditso tsa lelwapa. Ke eng o akanya gore Rara wa Legodimo o batla o ikgolaganya le bagologolo ba gago ka ditao tsa tempele? (Bona Gerrit W. Gong, “Happy and Forever,” Liahona, Nov. 2022, 83–86.)
O bona dikopano dife magareng ga dilotlele tse le maikaelelo a rona mo tirong ya Modimo ya poloko le ya kgalalelo ya bosakhutleng (go tshela efangele, go tlamela batlhoki, go laletsa botlhe go amogela efangele, le go kopanya malwapa go ya ka bosakhutleng)?
Ke maitemogelo a fe a o nnileng le o ne mo tirong ya Modimo ya poloko le ya kgalalelo ya bosakhutleng? Maitemogolo ao a go ruta eng ka ga Mmoloki, Kereke ya Gagwe, le tiro ya Gagwe?
Batla ditsela tsa go akaretsa ba bangwe. Fa o ruta ka ga Dithuto le Dikgolagano 110:11–16, o ka akanya ka go neela moithuti mongwe le mongwe go ithutuntsha ka ga Moshe, Eliase, kgotsa Elija le dilotlele tse a di buseleditseng. Ke gone baithuti ba ka abelana le mongwe le mongwe ka ga se ba se ithutileng. Tsela e e akaretsa mongwe le mongwe mo go ithuteng le go ruta. (Bona Teaching in the Savior’s Way,, 24–27).
Ka ga megopolo e mentsi, bona dikgatiso tsa kgwedi e tsa Liahona le Go Nonofo ya Banana dimakasine.
Megopolo ya Go Ruta Bana
Dithuto le Dikgolagano 109:12–13; 110:1–7
Tempele ke ntlo ya Morena.
-
Wena le bana ba gago le ka bua ka ga sengwe se o se ratang ka ga legae la lona. Ke gone le ka lebelela setshwantsho sa Tempele ya Kirtland le go dirisa Dithuto le Dikgolagano 109:12–13; 110:1–7 go buisana ka fa tempele eo e tshwaetsweng ka teng le go nna ntlo ya Morena (bona le gone “Chapter 39: The Kirtland Temple Is Dedicated,” mo Doctrine and Covenants Stories, 154, kgotsa setshwantsho se se amanang mo Motlobo wa Efangele). Abelana le mongwe le mongwe sengwe se o se ratang ka ntlo ya Morena.
2:17Chapter 39: The Kirtland Temple Is Dedicated: January–March 1836
-
Gongwe wena le bana ba gago lo ka akanyetsa gore tsala o leka go batla ntlo ya lona. Re ka thusa tsala jang go itse gore ntlo ya rona ke efe? Re itse jang gore tempele ke ntlo ya Morena? (bona Dithuto le Dikgolagano 109:12–13).
Mmoloki o segofatsa batho ba Gagwe ka dilotlele tsa boperesiti.
-
O ka dirisa activity page kgotsa “Chapter 40: Visions in the Kirtland Temple” (mo Doctrine and Covenants Stories, 155–57, kgotsa setshwantsho sa motsikinyego se se amanang mo Motlobo wa Efangele) go bolelela bana ka ga batho ba selegodimo ba ba etetseng tempele. Le gone o ka dirisa setshwantsho kwa bokhutlong jwa padi e.
1:17The Kirtland Temple
-
Go ithuta ka botlhokwa jwa se se diragetseng kwa Tempele ya Kirtland, wena le bana ba gago le ka bua ka se dilotlele di se dirang. Gongwe bana ba gago ba ka tlhatlologana ka go tshegetsa dilotlele le go itsaya jaaka ekete ba lotlolola kgoro e e lotletsweng. Ba thuse go batla lefoko dilotlele mo Dithuto le Dikgolagano 110:11–16, mme le bue ka ditshegofatso tse dilotlele tse di di lotlololang. O ka tlhalosa gore dilotlele tsa boperesiti ke diteseletso tsa Modimo go goga Kereke ya Gagwe. Abelana boitumelo jwa gago gore Morena o re neetse dilotlele tsa boperesiti.
Morena o batla ke sokololela pelo ya me go bagologolo ba me.
-
Morago ga go bala Dithuto le Dikgolagano 110:15 mmogo, bolelela bana ba gago ka ga maitemogelo a a go thusitseng go sokololela pelo ya gago go bagologolo ba gago. Le gone le ka opela pina mmogo jaaka “Family History—I Am Doing It” (Children’s Songbook, 94).
-
Ke eng se se ka thusang “go sokololela dipelo” tsa bana ba gago go bagologolo ba bone? O ka bona mengwe ya megopolo e e kgatlhang kwa FamilySearch.org/discovery Lo ka dira mmogo go senka bagologolo ba ba tlhokang ditao tsa tempele. Ke eng Jeso a batla re dira tiro e?
Ka ga megopolo e mentsi, bona kgatiso ya kgwedi e ya Friend makasine.
Vision in the Kirtland Temple, by Gary E. Smith