Liberty Jail [Kgolegelo ya Liberty], ka Welden Andersen

Phalane 20–26: “Ao! Modimo, O Ko Kae?”

Dithuto le Dikgolagano 121–123

Bo kwatlase jwa kgolegelo ya Liberty, Missouri, bo ne bo itsewe e le “molete wa kgolegelo.” Mabota a ne a le makima, bodilo jwa letlapa bo ne bo le tsididi mme bo le leswe, dijo di tlhaela ebile di bodile, mme matlhabaphefong a mabedi a masesane, a a nang le ditshipi a a gaufi le siling a ne a tsenya lesedinyana. Fa ke moo Joseph Smith le ba bangwe ba le mmalwa ba neng ba nna dikgwedi tse nne tse di tsididi ka nako ya mariga a 1838–39. Nako ya motlha ona, Joseph o ne a nna a amogela dikgang ka go bogisega ga Baitshepi. Kagiso le tsholofelo tse di neng di itemogelwa mo Far West di ne di tsere dikgwedi di se kae fela, mme jaanong Baitshepi ba ne ba sena legae gape, ba leleketswe mo nageng go batla lefelo le lengwe gape go simolola sesha—ka nako e Moperofeti wa bone a le mo toronkong.

Mme le fa go ntse jalo, le mo kgolegelong eo e e tlhomolang pelo, “kitso e e tswang legodimong” e ne ya “goromeletswa tlase” (Dithuto le Dikgolagano 121:33). Potso ya ga Joseph “Ao! Modimo, o ko kae?” e ne ya arabiwa go utlwala le ka maatla: “Se boife … , gonne Modimo o tlaa nna le wena ka bosenabokhutlo le ka bosaengkae” (Dithuto le Dikgolagano 121:1; 122:9).

Bona Saints, 1:323–96; “Within the Walls of Liberty Jail,” mo Revelations in Context, 256–63.

Megopolo ya go Ithuta kwa Gae le kwa Kerekeng

Dithuto le Dikgolagano 121:1–10, 23–33; 122

Ka Modimo, tlalelo e ka “nna molemo mo go [nna].”

Fa rona kgotsa batho ba re ba ratang ba bogisega, go tlwaelegile go ipotsa gore a Modimo o a re bona. Jaaka o bala Dithuto le Dikgolagano 121:1–6, akanya ka dinako tse o kileng wa nna le dipotso kgotsa maitemogelo a a tshwanang le a ga Joseph Smith. O bona eng mo karobong ya Morena seo se ka go thusang fa o na le dipotso tsena kgotsa maikutlo a? Sekai, mo ditemana 7–10, 26–33, lemoga ditshegofatso tse A di solofetsang. O akanya gore go “itshoka … sentle” go raya eng? Mmoloki o go thusa jang go dira se?

Jaaka o bala kgaolo 122, akanya ka fa Morena a batlang o bona ditlalelo tsa gago ka teng. O ka tlhatlhanya ka maitemogelo a a tlileng go tswa mo ditekong tsa gago le ka fa di ka “nnang molemo mo go wena” (temana 7).

Bona le gone Quentin L. Cook, “Personal Peace in Challenging Times,” Liahona, Nov. 2021, 89–92; “Where Can I Turn for Peace?,” Hymns, no. 129.

Dithuto le Dikgolagano 121:34–46

Thata ya boammaaruri le tlhotlheletso di ikaegile ka “melawana ya tshiamo.”

Thata ya selefatshe e ne ya pateletsa Baitshepi go tswa mo Missouri le Joseph Smith go ya kgolegelong. Mme fa Joseph a ne a le koo, Morena o ne a mo ruta ka mofuta o o farologanyeng wa thata: thata ya Gagwe, “dithata tsa legodimo.” Go bala ka thata eo mo Dithuto le Dikgolagano 121:34–46 go ka go thusa go ithuta ka fa o ka amogelang thata eo—le ka fa o ka e dirisang ka teng go segofatsa ba bangwe. Gongwe o ka kwala seo o se ithutang sone mo nankolong e e nang le dlikholamo tse di kwadilweng Dithata tsa Legodimo le Thata ya Selefatshe. Mefuta e e mebedi ena ya thata e farologana jang? Ditlhaloso tsena tsa thata ya Morena di go ruta eng ka Ene?

O ka tlhatlhanya gape lefoko tlhotlheletso mo temaneng 41. Ke diemo dife dingwe tse mo go tsone o batlang go nna tlhotlheletso ya molemo—gongwe kamanong ya lelwapa, kwa sekolong, kwa tirong, kgotsa mo kabelong ya Kereke? O ithuta eng go tswa mo ditemaneng 41–46 mabapi le ka fa Modimo a tlhotlheletsang bana ba Gagwe? O ka soboka se o se ithutileng ka go feleletsa seele se se tshwanang le se: “Go tlhotlheleletsa molemo, ke tlaa .”

Bona le gone Jeffrey R. Holland, “Not as the World Giveth,” Liahona, May 2021, 35–38; David A. Bednar, “The Powers of Heaven,” Liahona, May 2012, 48–51; “The Powers of Heaven” (setshwantsho sa motshikenyego), Motlobo wa Efangele.

"The Powers of Heaven"

(D&C 121:34-46) The components and processes involved in providing electricity to a home are compared to the principles the Lord outlined in section 121 for those who would exercise His priesthood in power.

Nopola seele mme o se ithute ka tsenelelo. Go ithuta thata ka ditshegofatso tse di gakgamatsang tse di tlhalosiwang mo ditemaneng tsa 45–46, o ka nopola seele se se itshupang mo go wena mme wa se ithuta ka tsenelelo. Sekai, lefoko kgabisa le raya eng, mme bomolemo bo ka kgabisa dikakanyo tsa gago jang? Kgotsa gongwe o ka bona setshwantsho sa monyo mme wa ithuta ka fa monyo o bopegang ka teng mo dijwalong. Se se tshwana jang le tsela e Morena a rutang thuto ya Gagwe? Abelana se o se lemogang le lelwapa la gago kgotsa ditsala, go akaretsa ditsala tsa gago kwa kerekeng.

Dithuto le Dikgolagano 122:8

Jeso Keresete o fologetse kwa tlase ga dilo tsotlhe gore A ka ntsholetsa.

O akanya gore go raya eng gore Jeso Keresete o “folegetse kwa tlase ga … [dilo] tsotlhe”? Fano ke ditemana dingwe tsa tlaleletso tse di ka go thusang go tlhaloganya seele se: Isaia 53:3–4; Bahebera 2:17–18; 1 Nefi 11:16–33; Alema 7:11–13. O ikaegile ka se o se ithutang, akanya ka go kwala gape Dithuto le Dikgolagano 122:8 ka mafoko a gago. O ka supa tebogo ya gago mo go Jeso Keresete jang gore o fologetse kwa tlase ga dilo tsotlhe?

Ditshedimosetso tse tsa ga Poresidente Dallin H. Oaks di ama jang go tlhaloganya ga gago? “Re ka nna ra re ka a fologetse kwa tlase ga tsotlhe, [Jeso Keresete] o mo maemong a a itekanetseng a go re tsholetsa le go re neela maatla a re a tlhokang go itshokela dipogisego tsa rona” (“Strengthened by the Atonement of Jesus Christ,” Liahona, Nov. 2015, 64).

Dintlha go tswa Not My Will But Thine [Eseng Thato Ya Me Mme ya Gago], ka Walter Rane

Dithuto le Dikgolagano 123

“A re direng ka go itumela dilo tsotlhe tse di mo thateng ya rona.”

Mo Dithuto le Dikgolagano 123:7–8, Joseph Smith o ne a raya ditumelo tse e seng tsone tseo di neng di gogela kwa pogisegong, go akaretsa le dipogiso tsa Baitshepi. Ka Mopitlo 1839, go ne go ka bonala ekete go ne go se na mo gontsi mo Baitshepi ba ka go dirang ka seo. Mme mo dikwalong tsa gagwe tse a di kwadilweng a le mo Kgolegelong ya Liberty, Joseph o ne a ba bolelela seo ba neng ba ka se dira: “[phuthang] kitso yotlhe ya nnete” le go “ema ka tlhomamo, ka tsholofelo e kgolo, go bona poloko ya Modimo” (Dithuto le Dikgolagano 123:1, 17). Fa o ntse o akanya ka mathata a a mo lefatsheng gompieno, akanya ka ditsela tse o ka itebaganyang le one tseo tse di “mo thateng ya [gago]” (ditemana 12, 17). Mme o se ka wa itlhokomolosa dilo tse di bonalang ekete ke “dilo tse di potlana” (temana 15). Ke eng go le botlhowa go dira dilo tsena “ka boitumelo”?temana 17).

Dipolelo tse dintsi tseo Joseph a neng a di kopa mo lekwalong lena di ne tsa romelwa kwa go goromente mme tsa gatisiwa e le karolo ya tatelano tse 11 pampiring ya dikgang ya Nauvoo, Times and Seasons (bona “A History, of the Persecution, of the Church of Jesus Christ, of Latter Day Saints in Missouri, December 1839–October 1840,” [josephsmithpapers.org]).

Ka ga megopolo e mentsi, bona dikgatiso tsa kgwedi e tsa Liahona le Go Nonofo ya Banana dimakasine.

Megopolo ya Go Ruta Bana

Dithuto le Dikgolagano 121:1–9; 122:7–9

Ka Modimo, diteko tsa me di ka nna molemo mo go nna.

• Go thusa bana ba gago go akanya gore go ka bo go nnile jang mo go Joseph Smith le ditsala tsa gagwe mo kgolegelong ya Liberty, le ka bala mmogo “Chapter 46: Joseph Smith in Liberty Jail” (mo Doctrine and Covenants Stories, 172–74) kgotsa “Voices of the Restoration: Liberty Jail” kgotsa lebelelang karolo ya setshwantsho sa motshikenyego “Joseph Smith: Prophet of the Restoration” (Motlobo wa Efangele, go simolola ko go 41:30). Ke gone, fa le ntse le bala mmogo Dithuto le Dikgolagano 121:1–9, le ka bua mabapi le ka fa Mmoloki a thusitseng Joesph go utlwa kagiso. Re bona kagiso jang mo Mmoloking, le ka nako ya metlha e e thata?

  Chapter 46: Joseph Smith in Liberty Jail: November 1838–April 1839

  Joseph Smith: The Prophet of the Restoration

  A motion picture about the life and legacy of Joseph Smith, the founding prophet of The Church of Jesus Christ of Latter-day Saints.

• Go thusa bana ba gago gore diteko tsa rona e ka “nna molemo mo go [rona]” (Dithuto le Dikgolagano 122:7), o ka bua le bone mabapi le ka fa mesifa ya rona e golang ka teng fa re tshotse sengwe se se bokete. O ka ba laletsa le gone go tsholetsa selo se se bokete. Ke gone o ka buang ka fa go ralala metlha e e thata go ka thusang kgolo ya rona ya semowa—fa re sokologela kwa Moreneng ka ga thuso. Abelana dikai go tswa mo botshelong jwa gago.

Dithuto le Dikgolagano 121:34–46

Tshiamo e tlisa “dithata tsa legodimo.”

• Gongwe tshwantshanyo e ka thusa bana ba gago go tlhaloganya “dithata tsa legodimo.” Sekai, o ka tshwantshanya thata ya Modimo le maatla a motlakase. Ke eng se se ka thibelang sedirisiwa sa motlakase go amogela maatla? Ke eng se se fokotsang thata ya semowa? Ke eng se se e oketsang? (Batla mafoko le dieele mo Dithuto le Dikgolagano 121:34–46; bona gape Buka ya Kgakololo ya Kakaretso, 3.5, 3.6, Motlobo wa Efangele.)

Dithuto le Dikgolagano 122:7–9

Jeso Keresete o itse se ke se ralelang.

• Fa o sena go bala Dithuto le Dikgolagano 122:7–9 le bana ba gago, o ka abelana maitemogelo mogang o ne o utlwa gore Mmoloki o ne a na le wena ka nako ya teko e e thata. Le ka opela gape mmogo pina e jaaka “Jesus Once Was a Little Child” (Children’s Songbook, 55) mme o pake gore Jeso Keresete o ka re thusa gonne o itse ka fa re ikutlwang ka teng.

Dithuto le Dikgolagano 123:15–17

Le dilo tse di potlana di ka dira pharologanyo e kgolo mo tirelong ya Modimo.

• Go thusa bana ba gago go tlhaloganya Dithuto le Dikgolagano 123:15–17, o ka abelana le bone setshwantsho sa sekepe se segolo le leotwanyana, kgotsa o abelana le bone tlhaloso ya ga Mogolwane David A. Bednar mo “The Principles of My Gospel” (Liahona, May 2021, 125–26). Ke gone o ka bua ka ditsela tse di nyennyane tse re ka direlang malwapa a rona le ditsala ka boitumelo.

“The Principles of My Gospel”

Elder Bednar teaches that correct gospel principles help us make wise choices and stay on the covenant path.

Jaaka leotwanyana la sekepe se segolo, maiteko a rona a mannye a ka dira phetogo e kgolo.

Ka ga megopolo e mentsi, bona kgatiso ya kgwedi e ya Friend makasine.

Joseph Smith in Liberty Jail [Joseph Smith mo Kgolegelong ya Liberty], ka Greg Olsen