Liberty Jail [Jere reLiberty], naWelden Andersen

Gumiguru 20–26: “O Mwari, Muri Kupi?”

Dzidziso neZvibvumirano 121–123

Mupanda wepazasi weJere muLiberty, Missouri, waizikanwa “segomba dema.” Madziro acho akanga akapamhama, uriri hwaro hwematombo hwaitonhora uye hwuine tsvina inosemesa, zvokudya zvaiva zviri zvishomanana uye zvakaora, uye mahwindo maviri madiki, ane mazariro esimbi aiva pedyo nedenga remupanda aipinza chiedza chishomanana. Imo ndimo umo Joseph Smith nevamwe vashoma mavakapedza mwedzi mina inotonhora munguva yechando cha1838–39. Munguva iyi, Joseph nguva dzose aigamuchira nhau pamusoro pekutambura kweVatendi. Runyararo netariro yakanaka muFar West zvakanga zviripo kwemwedzi mishomanana chete, uye zvino Vatendi vakanga vasisina pekugara zvakare, vamanikidzwa kuenda murenje kunotsvaka imwezve inzvimbo yokutangira patsva—nguva ino neMuporofita wavo ari mutirongo.

Asi zvakadaro, kunyangwe mutirongo raisiririsa iroro, “ruzivo rwainobva kudenga” rwakauya “rwuchidururuka” (Dzidziso neZvibvumirano 121:33). Mubvunzo waJoseph “O Mwari, imi muri kupiko?” wakapindurwa zvakajeka uye zvinesimba: “Usatya … , nokuti Mwari vachava newe nariinhi nariinhi wose” (Dzidziso neZvibvumirano 121:1; 122:9).

Ona Saints, 1:323–96; “Within the Walls of Liberty Jail,” muna Revelations in Context, 256–63.

Mazano eKudzidza Kumba uye kuChechi

Dzidziso neZvibvumirano 121:1–10, 23–33; 122

NaMwari, matambudziko anokwanisa “kuva epundutso [yangu].”

Apo isu kana avo vatinoda pavanenge vari pakati pokutambura, chinhu chinowanikwa mazuva ose kushama kana Mwari vachiziva nezvedu. Apo paunoverenga Dzidziso neZvibvumirano 121:1–6, funga pamusoro penguva apo pawakava nemibvunzo kana nemanzwiro akafanana neaJoseph Smith. Chii chaunowana mumhinduro yaIshe icho chingakubatsira apo paunenge uine mibvunzo iyi kana manzwiro aya? Semuenzaniso, mundima 7–10, 26–33, cherechedza maropafadzo aVanovimbisa. Unofunga kuti zvinorevei “kutsungirira…zvakanaka”? Muponesi anokubatsira sei kuita izvi?

Apo paunoverenga chikamu 122, funga pamusoro pokuti Ishe vanoda kuti utarise matambudziko ako sei. Unogona kufungisisa zviitiko zvakauya kubva muzviedzo zvako uye kuti zvingangova “zvepundutso [yako]” sei (ndima 7).

Onawo Quentin L. Cook, “Personal Peace in Challenging Times,” Liahona, Mbudzi 2021, 89–92; “Where Can I Turn for Peace?,” Hymns, nhamba. 129.

Dzidziso neZvibvumirano 121:34–46

Simba nehurudziro zvechokwadi zvinomisirwa “pamisimboti yoururami.”

Simba repanyika rakamanikidza Vatendi kubuda muMissouri uye Joseph Smith kuenda mujere. Asi Joseph paakanga ari ikoko, Ishe vakamudzidzisa pamusoro perudzi rwakasiyana rwesimba: simba Ravo, “masimba okudenga.” Kuverenga pamusoro pesimba iroro muDzidziso neZvibvumirano 121:34–46 kunokwanisa kukubatsira kudzidza magamuchiriro okuita simba iroro—uye mashandisiro aungariita kuropafadza vamwe. Pamwe unokwanisa kunyora pasi zvaunodzidza muchati ine mitsetse inodzika inemisoro inoti Masimba eKudenga uye Simba rePanyika. Marudzi maviri esimba aya akasiyana sei? Tsananguro idzi dzesimba raIshe dzinokudzidzisei pamusoro Pavo?

Unogonawo kufungisisa shoko rekuti hurudziro mundima 41. Ndeapi mamwe mamiriro ezvinhu aunoda kuva nawo hurudziro yezvakanaka—pamwe muukama hwemhuri, kuchikoro, kubasa, kana mubasa reChechi? Unodzidzei kubva mundima 41–46 pamusoro pemakurudziro anoita Mwari vana Vavo? Unogona kupfupisa zvaunodzidza nokupedzisa chirevo chakaita seichi: “Kuti ndikurudzire zvakanaka, ndinozo .”

Onawo Jeffrey R. Holland, “Not as the World Giveth,” Liahona, Chivabvu 2021, 35–38; David A. Bednar, “The Powers of Heaven,” Liahona, Chivabvu 2012, 48–51; “The Powers of Heaven” (vhidhiyo), Gospel Library.

"The Powers of Heaven"

(D&C 121:34-46) The components and processes involved in providing electricity to a home are compared to the principles the Lord outlined in section 121 for those who would exercise His priesthood in power.

Sarudza ndevo uye woinzvera zvakadzama. Kuti udzidze zvakawanda pamusoro pemaropafadzo anoshamisa akatsanangurwa mundima 45–46, ungangosarudza ndevo yakakosha zvikuru kwauri uye woidzidza zvakadzama. Semuenzaniso, shoko rokuti kushongedza rinorevei, uye hunhu hwakanaka hwungashongedza pfungwa dzako sei? Kana kuti unokwanisa kuwana mufananidzo wedova wodzidza kuti dova rinoumbwa pazvirimwa sei. Izvi zvakafanana sei nenzira iyo Ishe yavanodzidzisa dzidziso Yavo? Goverana zvaunowana nemhuri yako kana shamwari, kusanganisira shamwari dzako dzekuchechi.

Dzidziso neZvibvumirano 122:8

Jesu Kristu akazvideredzera pasi pezvinhu zvose kuitira kuti akwanise kundisimudza.

Unofunga kuti zvinorevei kutaura kuti Jesu Kristu “akazvideredzera pasi … [pezvinhu] zvose”? Heano mamwe mavhesi angangokubatsira kunzwisisa ndevo iyi: Muporofita Isaya 53:3–4; VaHebheru 2:17–18; 1 Nifai 11:16–33; Aruma 7:11–13. Maererano nezvaunodzidza, funga pamusoro pekudzokorora Dzidziso neZvibvumirano 122:8 mumashoko ako pachako. Ungakwanisa kutaridza sei ruvongo rwako kuna Jesu Kristu nekuzvideredzera kwake pasi pezvinhu zvose?

Nzwisiso iyi inobva kuMutungamiri Dallin H. Oaks inoshandura sei kunzwisisa kwako? “Tingangotaura kunyangwe kuti nokunge azvideredzera pasi pazvo zvose, [Jesu Kristu] ari panzvimbo yakarurama zvikuru yekutisimudzira nokutipa simba ratinoda kuti titsungirire pamatambudziko edu” (“Strengthened by the Atonement of Jesus Christ,” Liahona, Mbudzi 2015, p. 64).

Chikamu chakabva kuNot My Will But Thine [Kwete Kuda Kwangu, Asi Kwenyu], naWalter Rane

Dzidziso neZvibvumirano 123

“Ngatiite zvinhu zvose nemufaro izvo zviri musimba redu.”

MuDzidziso neZvibvumirano 123:7–8, Joseph Smith akataura nezvezvitendero zvenhema zvakakonzera kutambura, kusanganisira rutambudzwo rweVatendi. Muna Kurume 1839, zvingangova zvaitaridzika sokuti paiva pasina zvakawanda Vatendi zvavaikwanisa kuita pamusoro pazvo. Asi mutsamba dzake dzakanyorwa kubva muJere reLiberty, Joseph akavataurira izvo zvavaikwanisa kuita: “[unganidzai] ruzivo rwezvokwadi zvose” uye “momira musingazungunuki, muine vimbiso hurusa, yekuona ruponeso rwaMwari” (Dzidziso neZvibvumirano 123:1, 17). Apo paunofunga pamusoro pematambudziko ari munyika nhasi, funga pamusoro penzira dzokuagadzirisa nadzo idzo “dziri musimba [rako]” (ndima 12, 17). Uye usashaya hanya neizvo zvinoradzika “sezvinhu zvidiki” (ndima 15). Sei zvakakosha kuita zvinhu izvi “nemufaro”? (ndima 17).

Dzakawanda dzerondedzero idzo dzakakumbirwa naJoseph mutsamba iyi dzakaendeswa kuhurumende uye dzikashambadzwa senhevedzano dzezvikamu gumi nechimwechete mupepanhau reNauvoo, The Times and Seasons (ona “A History, of the Persecution, of the Church of Jesus Christ, of Latter Day Saints in Missouri, December 1839–October 1840,” [josephsmithpapers.org]).

Kuti uwane mamwe mazano, ona zvinyorwa zvemwedzi uno zvemamagazini anonzi Liahona uye For the Strength of Youth.

Mazano eKudzidzisa Vana

Dzidziso neZvibvumirano 121:1–9; 122:7–9

NaMwari, miedzo yangu inokwanisa kuva yepundutso yangu.

• Kubatsira vana vako kufungidzira zvazvinge zvakanga zvakaita kuna Joseph Smith neshamwari dzake muJere reLiberty, munokwanisa kuverenga pamwechete “Chapter 46: Joseph Smith in Liberty Jail” (muna Doctrine and Covenants Stories, 172–74) kana “Manzwi eKudzorerwa: Jere reLiberty” kana kuona chikamu chevhidhiyo “Joseph Smith: Prophet of the Restoration” (Gospel Library, muchitangira pa41:30). Zvino, apo pamunoverenga pamwechete Dzidziso neZvibvumirano 121:1–9, munokwanisa kutaura pamusoro pamabatsiriro ayo Muponesi aakaita Joseph kuti anzwe runyararo. Tinowana sei runyararo muMuponesi, kunyangwe munguva dzakaoma?

  Chapter 46: Joseph Smith in Liberty Jail: November 1838–April 1839

  Joseph Smith: The Prophet of the Restoration

  A motion picture about the life and legacy of Joseph Smith, the founding prophet of The Church of Jesus Christ of Latter-day Saints.

• Kubatsira vana vako kuziva kuti zviedzo zvedu zvinokwanisa “kuva zvepundutso [yedu]” (Dzidziso neZvibvumirano 122:7), unokwanisa kutaura navo pamusoro pokukura kunoita tsandanyama dzedu apo patinotakura chimwe chinhu chinorema. Unokwanisa kunyangwe kuvakoka kuti vasimudze chinhu chinorema. Zvino unokwanisa kutaura pamusoro pokuti kupinda nemunguva dzakaoma kunokwanisa kubatsira sei mweya yedu kukura—apo patinotendeukira kuna Ishe kuti tiwane rubatsiro. Govera mimwe mienzaniso kubva muupenyu hwako.

Dzidziso neZvibvumirano 121:34–46

Ururami hwunounza “masimba ekudenga.”

• Pamwe kushandisa enzaniso mukutsanangura kunokwanisa kubatsira vana vako kunzwisisa “masimba ekudenga.” Semuenzaniso, unogona kuenzanisa simba raMwari nesimba remagetsi. Chii chingatadzisa mudziyo wemagetsi kuwana simba? Chii chinoderedza simba redu rezvepamweya? Chii chinoriwedzera? (Tsvaka mashoko nendevo muDzidziso neZvibvumirano 121:34–46; onawo General Handbook, 3.5, 3.6, Gospel Library.)

Dzidziso neZvibvumirano 122:7–9

Jesu Kristu anoziva zvandiri kusangana nazvo.

• Mushure mokuverenga Dzidziso neZvibvumirano 122:7–9 nevana vako, ungangogovera chiitiko apo pawakanzwa kuti Muponesi aiva newe munguva yechiedzo chakaoma. Munokwanisawo kuimba pamwechete rumbo rwuri pamusoro paJesu Kristu uye wopupura kuti Jesu Kristu anokwanisa kutibatsira nokuda kwokuti anoziva manzwiro atinoita.

Dzidziso neZvibvumirano 123:15–17

Kunyangwe zvinhu zviduku zvinokwanisa kuita musiyano mukuru mubasa raMwari.

• Kubatsira vana vako kunzwisisa Dzidziso neZvibvumirano 123:15–17, unokwanisa kugoverana navo mufananidzo wengarava huru nechityairiso chidiki, kana kugoverana navo tsananguro yaGosa David A. Bednar muna “The Principles of My Gospel” (Liahona, Chivabvu 2021, 125–26). Zvino unokwanisa kutaura pamusoro penzira diki dzatinokwanisa kushandira mhuri yedu neshamwari dzedu nomufaro.

“The Principles of My Gospel”

Elder Bednar teaches that correct gospel principles help us make wise choices and stay on the covenant path.

Sezvakaita chityairiso chiduku chengarava huru, kuedza kwedu kuduku kunokwanisa kuita musiyano mukuru.

­

Joseph Smith in Liberty Jail [Joseph Smith ari muJerE reLiberty], naGreg Olsen