Biso na Bango mpe Bango na Biso,, Na Caitlin Connolly

Sanza ya zomi na moko 3–9: “Mongongo ya Esengo mpo na Bato ya Bomoi mpe Bakufi”

Malongi mpe Mayokani 125–128

Na sanza ya mwambe 1840, mwasi moko kati na mpasi Jane Neyman azalaki koyoka Profeta Joseph kolobaka na matanga ya moninga na ye Seymour Brunson. elenge Mwana mobali ya Jane ye moko Cyrus lisusu akufaki kala mingi te. Kobakisaka na mawa na ye ezalaki likambo oyo ete Cyrus azwaki libatisi naino te, mpe Jane amitungisaki mpo na nini yango elingaki koloba mpo na molimo na ye ya seko. Joseph amitungisaki na likambo moko wana oyo etali ndeko na ye ya mobali Alvin, oyo mpe lokola akufaki liboso ya kobatisama. Boye Profeta akanaki kokabola elongo na moto moko na matanga maye Nkolo abimiselaki ye mpo na oyo etali bato bakufa na kozangaka kozwa makuli ya nsango malamu—mpe maye tokoki kosala mpo na kosalisa bango.

Malongi ya libatisi mpo na bakufi esepelisaki Basantu; makanisi na bango ekutanaki mbala moko na bandeko ya libota mosusu oyo bakufa. Sikoyo ezalaki na elikya mpo na bango! Joseph akabolaki esengo na bango, mpe kati na mokanda moko koteyaka malongi oyo, asalelaki maloba ya esengo, ya kitoko mpo na kolobela nini Nkolo ateyaki ye etali lobiko ya bakufi: “Tika bangomba eganga na esengo, mpe bino balobwaku bobelela makasi, mpe bino bambu mpe mabele makawuka boloba makamwisi ya Mokonzi na bino ya Seko! Malongi mpe Mayokani 128:22).

Tala Saints, 1:415–27; “Letters on Baptism for the Dead,” kati na Revelations in Context, 272–76.

Makanisi mpo na koyekola na Ndako mpe na Eklezia

Malongi mpe Mayokani 126

Nkolo alingi nabatela libota na ngai.

Nsima ya kowuta na misio na Angeletele—moko ya bamisio mingi asalaki—Brigham Young azwaki libiangi mosusu ya motuya uta na Nkolo. Asengamaki mpo na “kobatela mingimingii libota na [ye]” (molongo 3), oyo enyokwamaki ntango azalaki te. Ntango ozali kotanga eteni oyo, kanisa mpo na nini Nkolo ntango mosusu asengaka libonza na mosala na biso. Nini okoki kosala mpo na kobatela libota na yo?

Tala lisusu “Take Special Care of Your Family,” na Revelations in Context, 242–49.

Malongi mpe Mayokani 70:1–4

Nakoki kotalela Nkolo na bantango ya mpasi.

Kofunda ya lokuta mpe kokana kokanga etindaki lisusu Joseph Smith na kobombama na sanza ya mwambe. Mpe kasi maloba akomelaki Basantu na ntango mawa (sikoyo Malongi mpe Mayokani 127) ezali mpenza ya malamu mpe esengo. Nini milongo 2–4 etei yo oyo etali Nzambe? oyo etali kokutana na botioli mpe botemeli? Maloba nini uta na milongo oyo ekoki kosalisa yo ntango omiyoki ya konyokwama? Kanisa kokoma lolenge nini Nkolo azali kosunga yo na “mai ya mozindo” ya bomoi na yo.

Malongi mpe Mayokani 127:5–8 127:5–8; 128:1–8

“Nyonso okokoma na mabele ekokomama na lola.”

Ntango ozali kotanga Malongi mpe Mayokani 127:5–8; 128:1–8, luka bantina oyo Nkolo apeselaki Joseph Smith mitindo songolo ya boye oyo etali kokomaka mabatisi mpo na bakufi. Nini mateya oyo eteyi yo etali Nkolo mpe mosala na Ye? Lolenge nini oyokaka etinda oyo ekoki kosalamela mambi ya libota na yo moko, lokola bazulunale na yo moko?

Kosalaka mosala ya tempelo mpo na bankoko ekokangisa mitema na biso na bango.

Malongi mpe Mayokani 128:5–25

Libiki ya bankoko na ngai ezali na ntina mpenza mpo na libiki na ngai.

Ezali polele uta na oyo Nzambe abimisaki na Joseph Smith mpo na nini bankoko na biso oyo babatisamaki te na bomoi oyo basengeli na biso: tobatisamaka na nkombo na bango na ntina ete bakoka kopona kondima to koboya bokuli oyo. Kasi Profeta ateyaki lisusu ete libiki ya bankoko na biso ezali “motuya mpe ntina mpo na ya biso lobiko.” Ntango ozali kotanga Malongi mpe Mayokani 128:15–18, kanisa oyo etali mpo na nini yango esengeli.

Molongo 5 eteyi ete bokuli ya libatisi mpo na bakufi ezalaki “ya kolengelama yambo ya bokeli ya mokili.” Nini bosolo oyo eteyi yo mpo na oyo etali Nzambe mpe mwango na Ye? Nini nsango ya Mpaka Dale G. Renlund “Family History and Temple Work: Sealing and Healing” ebakisi na bososoli na yo? Liahona, Sanza ya mitano 2018, 46–49).

Joseph Smith asalelaki masakola lokola “nguya ya kokangisa,” “mokoloto ya kokangisa,” mpe “lisanga ebonga nie ” ntango ya koteya oyo etali makuli ya bonganganzambe mpe libatisi mpo na bakufi. Luka maloba oyo mpe maye makokani na yango ntango ozali kotanga Malongi mpe Mayokani 128:5–25. Okoki kokanisa na ntina ya biloko okoki kosalela mpo kolakisa maloba oyo, lokola monyololo to nsinga? Mpo na nini maloba malamu oyo ezali mpo na kolimbola malongi oyo?

Kosalelaka mituna oyo elandi ekoki kosalisa lisusu boyekoli na yo ya milongo oyo:

• Na likanisi na yo, mpo na libatisi mpo na bakufi ekoki kozala “nkembo koleka biloko nyonso oyo ezali ya nsango malamu ya libela”? (molongo 17). Makambo nini esalisi yo oyoka lolenge oyo?

• Na lolenge nini mabele oyo ekoki kolakelama soki ezali na “mokangano makasi te … katikati ya batata mpe bana”? (molongo 18).

• Nini etuti yo mpo na oyo etali maloba ya Joseph Smith na milongo 19–25 Ndenge nini milongo oyo ebongoli lolenge oyokaka oyo etali Yesu Klisto? noyo etali mosala ya tempelo mpo na bankoko na yo? (tala lisusu “Come, Rejoice,” Hymns, no. 9).

Nsima ya kotanga milongo oyo, okoki komiyoka ya kofulama na kosala eloko moko mpo na bankoko na yo? Makanisi na FamilySearch.org ekoki kosalisa.

“Inspirational Videos” kati na “Temple and Family History” liboko ya Gospel Library ekoki kopesa lisalisi malamu, masolo efulama, mpe bansango ya bakambi etali mambi ya kala ya libota.

Salela mikanda etali Eklezia Mikangano kati na mateya ya Yaka, Landa Ngai epesaka boyebi ya pete na bisalelo ya lisalisi oyo ekoki kosalisa yo ososola mpe osalela bosolo ya nsango malamu to kosalela makanisi ozali kozwa. Ndakisa, mokangano ya FamilySearch na likolo ekambaka na masano lokola kotongaka nzete ya libota na yo moko, kozwaka bankoko oyo basengeli na makuli ya tempelo, komonaka epayi bankoko na yo bawutaki, to kozwa lisolo moko ya libota.

Tala lisusu Kevin R. Duncan, “A Voice of Gladness!,” Liahona, Sanza ya mitano 2023, 95–97.

“Libombi ya Nkembo mpe Kitoko koleka.”

Mokambi Gordon B. Hinckley alobaki:

“Bomikabi ya Yesu mpo na banso elakisi likabo ya bozweli monene . Atiaki ndakisa na nse ya oyo Akomaki mozweli ya bato nyonso. Ndakisa na nse ya oyo moto akoki kosala mpo na moto mosusu ebanda kosalema kati na makuli ya ndako ya Nkolo. Awa tosalaka mpo na baoyo bakufa na bozangi koyeba nsango malamu. Bazali na makoki ya kondima to koboya likuli oyo esalami. Batiyami ndenge moko na baye bazali kotambola na mabele. Bakufi bapesami libaku ya lolenge moko lokola bato na bomoi. Lisusu, libombi kani ya nkembo mpe kitoko Wa Bokasi boso asalaki na nzela ya emoniseli na Ye na Profeta na Ye” (“The Great Things Which God Has Revealed,” Liahona, Sanza ya mitano 2005, 82–83).

Makanisi mpo na Koteya Bana

Malongi mpe Mayokani 126:3

Nakoki kosalisa kolengela libota na ngai.

• Mpo na kosalisa bana na bino bayekola kosunga bandeko na bango ya libota, bobanza kokabolaka nsango etali Brigham Young na “Mokapo 50: The Saints in Nauvoo” (na Masolo ya Malongi mpe Mayokani, 184, to video oyo ekokani na Gospel Library) to kolimbola na mokuse Malongi mpe Mayokani 126 na maloba na bino moko. Bokoki kobeta nsete na liloba “bobatela na bokeseni libota na bino” (molongo 3) mpe bosolola na bana na bino oyo etali ndimbola ya kobatela na kokesana mabota na biso.

  Chapter 50: The Saints in Nauvoo: January–July 1841

• Ekoki kozala malamu mpo na bino mpe bana na bino botala bililingi ya libota (to koyema bililingi) ntango bozali kosolola na ntina ya ndenge tokoki kosalisa “kobatela” bandeko ya libota. Bokoki lisusu koyemba loyembo lokola “Home Can Be a Heaven on Earth” (Hymns, no. 298).

Malongi mpe Mayokani 128:5, 12

Bana nyonso ya Nzambe basengeli na libaku malamu ya kobatisama.

• Bobengisa bana na bino baluka kati na Malongi mpe Mayokani 128:1 likambo nini ezalaki kati na makanisi ya Joseph Smith. Bakoki koluka lisusu molongo 17 mpo na kozwa likambo nini amonaki kozala “nkembo mingi mpenza.” Botika bango bakabola maye bazwi mpe bosolola maye matali mpo na nini likambo oyo ezali motuya mpenza.

• Lisusu mpo na kosalisa bana bino bamilengela mpo na (mpe kobika) mayokani na bango moko ya libatisi, bokoki kosalisa bango bayeba lolenge nini kosalisa bato oyo basalaki mayokani oyo te na ntango bazalaki na bomoi. Bobanza koyebisa bana na bino oyo etali moto moko oyo boyebi akufa na kozangaka kobatisama. Nsima bokoki kotanga elongo Malongi mpe Mayokani 128:5 mpe kotala elilingi ya liziba ya libatisi ya tempelo (lokola moko na nsuka ya mateya oyo). Boyebisa bana na bino lolenge nini boyokaka na oyo etali kobatisama kati na batempelo mpo na bato oyo bakufa mpo ete moto nyonso azwa libaku malamu ya kosala mayokani na Tata na Lola.

Malongi mpe Mayokani 128:18

Tata na Lola alingi ngai nayekola oyo etali lisolo ya libota na ngai.

• Ekoki kozala malamu mpo na bino mpe bana na bino bosala monyololo ya lokasa na bankombo ya baboti, bankoko, bankokololo, mpe bongo na bongo (tala lokasa ya moluluya mposo oyo). Nsima bokoki kokabola na moko mpe mosusu maye boyebi etali bankoko oyo. Botanga elongo Malongi mpe Mayokani 128:18 mpo na koyeba nini “mokangano malamu” ezali oyo esalaka lisolo ya libota na biso “mobimba mpe ekoka.” Bokoki kotala lisusu video “Courage: I Think I Get It from Him” (Gospel Library).

  Courage: I Think I Get It From Him

• Milulu misusu mpo na kosalisa bana na bino basala kati na lisolo ya libota ekoki kozwama kati na “The Temple and the Plan of Happiness” na bobakisi B to na FamilySearch.org.

Makuli ya tempelo esalisaka biso tosangaa mabota lokola mikangano kati na monyololo.

Mpo na makanisi mingi koleka, tala nsango ya sanza oyo na magazini ya Moninga .

Liziba ya libatisi na Tempelo ya Ogden na Utah