Baseka Zomi, na Jorge Cocco

Sanza ya zomi na moko 17–23: “Bomilengela mpo na Boyei ya Mobali”

Malongi mpe Mayokani 133–134

Na 1833, masanga ya bato batungisaki mpe babebisaki ndako ya masini ya bobimisi mikanda ya Eklezia. Misala ebele ya bobimisi oyo esengelaki kobima na ntango ezalaki Buku ya Mitindo—bomeki ya liboso ya Eklezia ya kosangisa mamoni ya mikolo ya nsuka ya Nzambe kati na mokanda moko. Lisanga ya bato epanzaki nkasa ekangisama te, mpe atako Basantu ya mpiko babatelaki ndambu na yango, bobele kaka bakopi moke ekoka te ya Buku ya Mibeko eyebani ete etikala kobikisama.

Oyo toyebi sikawa lokola eteni 133 ya Malongi mpe Mayokani esalamaki mpo na kozala bobakisi na Buku ya Mibeko, lokola elembo ya bokamwi na nsuka ya bimoniseli bibimisama ya Nkolo. Ekebisaki mokolo ya boyei ya bosambisi mpe ebandeli libiangi ezwami na emoniseli mobimba ya lelo: Bokima mabe ya mokili lokola elimbolamaki na Babilone. Tonga Siona. Bomilengela mpo na Boyei ya Mibale. Mpe bopanza nsango oyo “na mboka nyonso, mpe bikolo mpe nkota mpe bato” (molongo 37). Miango ya ebandeli mpo na Buku ya Mibeko ekokisamaki te, kasi emoniseli oyo ezali bokundoli mpe litatoli ete mosala ya Nkolo ekokende liboso, “mpo akokomisa loboko na ye esantu … , mpe bansuka nyonso ya mabele ekomona lobiko ya Nzambe na bango” (molongo 3).

Makanisi mpo na koyekola na Ndako mpe na Eklezia

Malongi mpe Mayokani 133:4–14

Yesu Klisto asengaka ngai nasundola Babilona mpe naya na Siona.

Bokeseni mosusu ya molimo ya Siona ezali Babilona—engumba ya kala wana na makomi mobimba elimbolaki nkanda mpe bowumbu ya molimo. Ntango otangi Malongi mpe Mayokani 133:4–14, manyola lolenge Mobikisi azali kobenga yo mpo na “kokende … libanda ya Babilona” (molongo 5) mpe “kokende … liboso na … Siona” (molongo 9). Lolenge nini oyanolaka na libiangi na Ye? Oyekoli nini lisusu oyo etali Siona uta na nsango ya Mpaka D. Todd Christofferson “Come to Zion”? (Liahona,, Sanza ya zomi na moko 2008, 37–40).

Malongi mpe Mayokani 133:1–19, 37–39

Nakoki komilengela sikawa mpo na Boyei ya Mibale ya Mobikisi.

Nyonso mibale eteni 1, prefasi ya Nkolo na Malongi mpe Mayokani, mpe eteni 133, bobakisi ya nsuka ya ebandeli ya Buku Mibeko, ebandi na bosenga se moko ya Nkolo: “Boyoka, O bino bato ya eklezia na ngai” (Malongi mpe Mayokani 1:1; 133:1). Ntango mosusu okoki koyekola Malongi mpe Mayokani 133:1–19, 37–39 mpe kokoma bansango Nkolo abengiseli yo mpo na “koyoka” (koyoka mpe kotosa) ntango ozali komilengela mpo na Boyei na Ye ya Mibale. Mingimingi, okoki kokoma makambo Alingaka yo osala mpo na (1) komilengela yo moko mpe (2) kosalisa kolengela mokili mpo na bozongi na Ye. Nini oyekoli uta na makambo oyo okomi?

Mokambi Russell M. Nelson akabolaki bosolo ya motuya etali maye mokili ekozala lokola ntango Mobikisi akozonga—mpe lolenge nini komilengela. Luka bosolo oyo kati na nsango “The Future of the Church: Preparing the World for the Savior’s Second Coming” (Liahona, Sanza ya minei 2020, 6–11). Nini oyoki efuli yo mpo na kosala—to kokoba kosala—mpo na “kolengela mokili na bozongi ya Mobikisi”? (“Aaronic Priesthood Quorum Theme,” Gospel Library).

Tala lisusu Matai 25:1–13; Russell M. Nelson, “Yamba Lobi Ekoya na Bondimi,” Liahona, Sanza ya zomi na moko 2020, 73–76; “Come, Ye Children of the Lord,” Hymns, no. 58; Topics and Questions, “Second Coming of Jesus Christ,” Gospel Library.

Malongi mpe Mayokani 133:19–56.

Boyei ya Mibale ya Yesu Klisto ekozala esengo mpo na basembo.

Ntango ozali kotanga ndimbola ya bozongi ya Mobikisi na milongo 32–56, ozwi nini oyo ozali koluka liboso? Maloba nini to masakola nini ezali kolimbola bolingo ya Nkolo mpo na bato na Ye? Kanisa kokoma boyebi na yo moko na “boboto ya bolingo ya [ya yo] Nkolo, mpe nyonso apesi likolo na [yo] engebene na bolamu na ye” (molongo 52).

Likambo moko na moko uta Healer, na Kelsy and Jesse Lightweave

Malongi mpe Mayokani 134

“Bambula-matari etiamaki na Nzambe mpo na litomba ya moto.”

Mokangano ya Basantu ya ebandeli na mbula-matari ezalaki mindondo. Ntango babenganaki Basantu na Jackson County, Missouri, na 1833, basengaki lisalisi uta na mbula-matari ya mboka mpe ya ekolo mpe bazwaki te. Na ntango kaka wana, bato mosusu libanda ya Eklezia babongolaki mateya ya Siona mpo na koloba ete Basantu babwakisaki bokonzi ya bambula-matari ya mabele. Malongi mpe Mayokani 134 ekomamaki, na ndambo, mpo na komonisa polele emoneli ya Eklezia mpo na oyo etali mbula-matari. Eteni oyo elobi nini na ntina ya lolenge nini Basantu ya Nkolo basengelaki koyoka na ntina ya mbula-matari?

Ntango ozali koyekola eteni 134, kanisa kolukaka mabongisi ya mbula-matari mpe mikumba ya bayi-mboka. Lolenge nini makanisi oyo ekokaki kosalisa Basantu ya ebandeli? Lolenge nini makanisi oyo ekoki kosalame na bisika bofandi?

Tala lisusu Biteni ya Bondimi 1:11–12; Topics and Questions, “Religious Freedom,” Gospel Library.

Makanisi mpo na Koteya Bana

Malongi mpe Mayokani 133:4–5, 14

Nkolo alingaka ngai nazala mosika ya mabe na mokili.

• Bino mpe bana na bino bokoki kokoma bisika songolo mpe makambo Nkolo alingaka biso totikala mosika na yango. Nsima bokoki kokokanisa bisika mpe makambo wana na ndimbola ya “Babele, Babilona” na Mokambi na Makomi (Gospel Library). Bakoki nsima kotanga Malongi mpe Mayokani 133:4–5, 14. Yango elimboli nini “kokende … libanda uta na Babilona”? (molongo 5). Bokoki lisusu kokoma bisika mpe makambo ekokana oyo Nkolo abengisaka biso mpe kokanisa makambo bokomi na ndimbola ya “Siona” na Mokambi na Makomi.

Malongi mpe Mayokani 133:19–21, 25

Yesu Klisto akoya lisusu.

• Bana na bino bakoki kosepela kosala maye ekokani na bomilengeli mpo na eloko songolo, lokola masano, mopaya ya ntina, to bopemi bolingaka. Mpo na nini bomilengeli ezali ntina? Bokoki nsima kotanga elongo Malongi mpe Mayokani 133:17–19, 21 mpe bengisa bana na bino baluka maye Nkolo abengisaka biso tomilengela. Bokoki kolakisa bango elilingi uta na mwango ya poso oyo mpe botuna bana na bino nini bayebi oyo etali Boyei ya Mibale ya Yesu Klisto. Toyekoli lisusu nini uta na milongo 19–25, 46–52? Nini tokoki kosala mpo na kolengela molulu oyo ya esengo?

• Bokoki kobomba bililingi ndenge na ndenge to biloko oyo elimboli makambo oyo tokoki kosala mpo na komilengela na Boyei ya Mibale ya Yesu Klisto (lokola kotanga makomi, kokabola nsango malamu to kosalisa mabota na biso). Bot²ika bana na bino bazwa bililingi to biloko mpe kosolola oyo etali lolenge nini kosala biloko oyo esalisaka biso tozala tomilengelami mpo na kokutana na Mobikisi ntango Akozonga.

• Bokoki lisusu koyemba elongo loyembo moko oyo etali Boyei ya Mibale, lokola “When He Comes Again” (Children’s Songbook, 82–83). Bokabola bino na bino bolingo na bino mpo na Mobikisi mpe mayoki na bino etali bozongi na Ye.

Malongi mpe Mayokani 133:52–53

Yesu Klisto azali bolingo mpe boboto.

• Bino mpe bana na bino bokoki kotala bililingi oyo ezali kolakisa ete Yesu azali bolingo mpe boboto. (Ndakisa, tala Gospel Art Book, nos. 42, 47.) Yesu asalaki lisusu nini mpo na kolakisa bolingo mpe boboto na Ye? Botanga elongo Malongi mpe Mayokani 133:52, mpe bosalisa bana na bino bakanisa ndenge bakoki “kolakisa bolingo ya boboto ya Nkolo na bango” epayi ya basusu.

  

Likambo moko na moko uta na Na kati ya Pole na Ye, na Greg Olsen

Teya malongi ya polele mpe ya pete. Nkolo ateyaka nsango malamu na Ye na “polele mpe mindondo te” (Malongi mpe Mayokani 133:57). Maloba oyo epesi bino makanisi nini oyo etali koteya nsango malamu na libota na bino to eteyelo?

Malongi mpe Mayokani 134:1–2

Nkolo alingi ngai natosa mobeko.

• Bana na bino bakoki kokoma mibeko to mitindo oyo batosaka. Nini bomoi ekokaki kokokana na yango soki moto te atosaki mibeko oyo? Nsima bokoki kotanga Malongi mpe Mayokani 134:1–2 na bango, kosalisaka bango basosola maloba to nkoma oyo bakoki kososola te. Mpo na nini Nkolo alingaka biso totosa mobeko? (tala lisusu Biteni ya Bondimi 1:12).

Mpo na makanisi mosusu, tala bobimisi ya zulunalo ya sanza oyo magazini ya Moninga .

Klisto Na Nzambala ya Motane, na Minerva Teichert