Izintombi eziliShumi, nguJorge Cocco

NgoNovemba 17–23: “Lungiselani ukuza koMyeni”

IMfundiso neziVumelwano 133–134

Ngo-1833, izixuku zahlasela futhi zacekela phansi umshini wokugaya weBandla. Phakathi kwemisebenzi yokugaya eyayiqhubeka ngaleso sikhathi kwakuyiNcwadi yemiYalo—umzamo wokuqala weBandla wokuhlanganisa izambulo zikaNkulunkulu zezinsuku zokugcina zibe umqulu owodwa. Isixuku sasakaza amakhasi ayengakaboshwa, futhi yize noma abaNgcwele ababenesibindi bawagcina amanye awo, ambalwa kuphela amakhasi angaphelele eNcwadi yeMiyalo aziwa ukuthi asinda.

Esikwaziyo manje njengesigaba 133 seMfundiso neziVumelwano kwakumele kube isithasiselo seNcwadi yemiYalo, njengophawu ekugcineni kwezambulo zeNkosi ezishicilelwe. Sixwayisa ngosuku oluzayo lokwahlulela futhi siphinda ubizo olutholakala kuso sonke isambulo sanamuhla: Balekelani okungokwezwe, njengoba kufanekiselwa ngeBabele. Yakha iSiyoni. Lungiselela Ukuza KwesiBili. Bese ubhebhethekisa lomyalezo “kuzo zonke izizwe, nezihlobo, nezilimi, nabantu” (ivesi 37). Izinhlelo zokuqala zeNcwadi yemiYalo zazingakafezeki, kepha lesisambulo siyisikhumbuzo nofakazi ukuthi umsebenzi weNkosi uzoqhubekela phambili, “Ngokuba uyokwambula ingalo yakhe engcwele … , futhi yonke imikhawulo yomhlaba iyoyibona insindiso kaNkulunkulu wayo” (ivesi 3).

Amasu okuFunda eKhaya naseBandleni

IMfundiso neziVumelwano 133:4–14

UJesu Kristu ungibiza ukuba ngilahle iBabele futhi ngize eSiyoni.

Okuphambene neSiyoni ngokomoya iBabele—idolobha lasendulo elivela kwimibhalo engcwele lifanekisa ububi nokugqilazwa ngokomoya. Ngesikhathi ufunda IMfundiso neziVumelwano 133:4–14, zindla ngokuthi uMsindisi ukubizela kanjani ukuba “niphume … eBabele” (ivesi 5) futhi “niye … eSiyoni” (ivesi 9). Usabela kanjani obizweni Lwakhe? Yini enye oyifundayo mayelana neSiyoni kumlayezo weGosa uD. Todd Christofferson “Come to Zion”? (iLiyahona, ngoNovemba 2008, 37-40).

IMfundiso neziVumelwano 133:1–19, 37–39

Sengingakwazi ukulungiselela manje Ukuza Kwesibili KoMsindisi.

Zombili isigaba 1, isingeniso seNkosi kwiMfundiso neziVumelwano, kanye nesigaba 133, isithasiselo sendabuko seNcwadi yemiYalo, ziqala ngesicelo esifanayo esivela eNkosini: “Lalelani, O nina bantu bebandla lami” (IMfundiso neziVumelwano 1:1; 133:1). Mhlawumbe ungafunda IMfundiso neziVumelwano 133:1–19, 37–39 bese ubhala imilayezo iNkosi ekumema ukuthi “uyilalele” (ulalele futhi uyithobele) njengoba ulungiselela ukuZa Kwayo kwesiBili. Ikakhulukazi, ungase ubhale izinto Afuna uzenze ukuze (1) uzilungiselele futhi (2) usize ukulungiselela umhlaba ukubuya Kwakhe. Ngabe yikuphi okufundayo kulezi zinhlu na?

UMongameli uRussell M. Nelson wabelane ngamaqiniso abalulekile mayelana nokuthi umhlaba uzoba njani uma uMsindisi ebuya—nokuthi uzilungiselele kanjani. Bheka lamaqiniso kumlayezo wakhe “The Future of the Church: Preparing the World for the Savior’s Second Coming” (Liyahona, ngo-Ephreli. 2020, 6–11). Yini ozizwa ugqugquzeleka ukuba ukwenze—noma uqhubeke ukwenze—“ukulungiselela umhlaba ukubuya koMsindisi”? (“Aaronic Priesthood Quorum Theme,” Gospel Library).

Bheka futhi NgokukaMathewu 25:1–13; uRussell M. Nelson, “Embrace the Future with Faith,” Liyahona, ngoNovemba. 2020, 73–76; “Come, Ye Children of the Lord,” Hymns, no. 58; Topics and Questions, “Second Coming of Jesus Christ,” Gospel Library.

IMfundiso neziVumelwano 133:19–56

UkuBuya kwesiBili kukaJesu Kristu kuzoba yintokozo kulabo abalungile.

Ngesikhathi ufunda incazelo yokubuya kukaMsindisi kulamavesi 19–56, yikuphi okutholayo okulangazelelayo? Yimaphi amagama noma imisho echaza uthando uNkulunkulu analo ngabantu Bakhe? Cabanga ngokubhala okwenzeke kuwe “ngesihe seNkosi [yakho], nangakho konke lokho [eku]phe kona ngokulunga kwakhe” (uvesi 52).

Umniningwane ovela kuMlaphi, nguKelsy and Jesse Lightweave

IMfundiso neziVumelwano 134

“Imikhandlu ephetheyo yamiswa nguNkulunkulu ukuze kuzuze umuntu.”

Ubudlelwane kwabaNgcwele nohulumeni babuxovekile. Ngesikhathi abaNgcwele bekhishwa ngenkani eJackson County, eMissouri, ngonyaka ka-1833, bacela usizo kuhulumeni wendawo nokazwelonke kodwa abalutholanga. Ngesikhathi esifanayo, abanye abantu abangaphandle kweBandla baqonda izimfundiso ngeSiyoni zichaza ukuthi abaNgcwele bayalinqaba igunya likahulumeni wasemhlabeni. IMfundiso neziVumelwano 134 yabhalwa, ingxenye yayo, ukucacisa ukuma kweBandla mayelana nohulumeni. Lesi sigaba siphakamisa ukuthini ngendlela abaNgcwele beNkosi okufanele bazizwe ngayo ngohulumeni?

Ngesikhathi ufunda isigaba 134, cabangela ngokubheka imigomo kahulumeni kanye nezibopho zezakhamizi. Lamasu ngabe abasiza kanjani abaNgcwele ngaphambilini? Lezizinto zisebenza kanjani lapho ohlala khona?

-

Amasu okuFundisa abaNtwana

IMfundiso neziVumelwano 133:4–5, 14

INkosi ifuna ngiqhele ebubini obusemhlabeni.

• Wena kanye nabantwana bakho ningabhala ezinye izindawo nezimo iNkosi efuna siqhele kuzo. Ungabe usuqhathanisa lezo zindawo nezimo kwincazelo ye “Babele, Babiloni” kwiziHloko zemiBhalo eNgcwele (Umtapo woLwazi weVangeli). Ningabe senifunda IMfundiso neziVumelwano 133:4–5; 14. Kusho ukuthini “ukuphuma eBabiloni”? (ivesi 5). Ungenza futhi uhlu olufanayo lwezindawo nezimo iNkosi esimemela kuzo futhi uqhathanise lolo hlu nencazelo “yeSiyoni” kwiziHloko zemiBhalo eNgcwele.

IMfundiso neziVumelwano 133:19–21, 25

UJesu Kristu uzokuza futhi.

• Abantwana bakho bangase bakujabulele ukulingisa ukuthi kubukeka kanjani ukulungiselela okuthile, njengomqhudelwano wezemidlalo, isivakashi esibalulekile, noma iholidi eliyintandokazi. Kungani kubalulekile ukuzilungiselela? Ningabe senifunda ndawonye IMfundiso neziVumelwano 133:17–19, 21 bese umema abantwana bakho ukuthi babheke lokho iNkosi esimema ukuba sikulungiselele. Ungabatshengisa isithombe esikuhlaka lakulelisonto futhi ubuze abantwana bakho ukuthi bazini ngokuZa kwesiBili kukaJesu Kristu. Yikuphi okunye esikufundayo kulamavesi 19–25, 46–52? Yini esingayenza ukuze silungiselele lesi sehlakalo esijabulisayo?

• Ungafihla izithombe ezahlukene noma izinto ezibonisa izinto esingazenza ukulungiselela ukuZa kwesiBili kukaJesu Kristu (njengokufunda imibhalo engcwele, ukwabelana ngevangeli, noma ukusiza imindeni yethu). Vumela abantwana bakho bathole izithombe noma izinto bese ukhuluma ngokuthi ukwenza lezi zinto kusisiza kanjani ukuthi silungele ukuhlangana noMsindisi uma Ebuya.

• - Yabelanani omunye nomunye ngothando lwenu ngoMsindisi kanye nemizwa yenu ngokubuya Kwakhe.

IMfundiso neziVumelwano 133:52–53

UJesu Kristu unothando futhi unomusa.

• Wena nabantwana bakho ningabuka izithombe ezibonisa ukuthi uJesu unothando nomusa. - Yikuphi okunye uJesu akwenzile ukuze abonise uthando nomusa Wakhe? Fundani ndawonye IMfundiso neziVumelwano 133:52, bese usiza abantwana bakho bacabange izindlela ‘[abanga]phawula ngesihe seNkosi yabo’ kwabanye.

  

Umniningwane ovela EkuKhanyeni Kwakhe, nguGreg Olsen

Fundisa imfundiso ecacile futhi elula. INkosi ifundisa ivangeli Layo “ngokuzwakala nangokucacile” (IMfundiso neziVumelwano 133:57). Lamazwi aphakamisani kuwe mayelana nokufundisa ivangeli emndenini noma ekilasini lakho?

IMfundiso neziVumelwano 134:1–2

INkosi ifuna ngilalela umthetho.

• Abantwana bakho bangabhala imithetho noma imithetho abayithobelayo. Ngabe impilo injani ukube bekungekho muntu olalela le mithetho? Ungabe usufunda kwiMfundiso neziVumelwano 134:1–2 nabo, ubasize baqonde noma yimaphi amagama noma imishwana abangase bangayiqondi. Kungani iNkosi ifuna silalele umthetho? (bheka fuhti ImiBhalo yoKholo 1:12).

Ukuze uthole amanye amasu, bheka iphephabhuku elithi Friend (Umngani) lalenyanga.

UKristu Egqoke Isembatho Esibomvu, nguMinerva Teichert