Boloko ya Carthage

Sanza ya zomi na moko 24–30: Ye ”Akangisaki Etinda na Ye mpe Misala na Ye na Makila na Ye Moko”

Malongi mpe Mayokani 135–136

Mpokwa ya sanza ya motoba 27, 1844, ekutaka Joseph mpe Hyrum Smith na boloko mbala moko lisusu, elongo na John Taylor and Willard Richards. Bandimaki ete basalaki mabe moko te, kasi bamitikaki bakangama, kolikyaka kobatela Basantu na Nauvoo. Oyo ezalaki te mbala ya yambo banguna ya Eklezia batiaki Profeta Joseph na boloko, kasi mbala oyo emonanaki lokola ayebaki ete akozonga na bomoi te. Ye mpe baninga na ye bamekaki kolendisana na kotangaka Buku ya Mormon mpe koyembaka banzembo. Bayokaki manduki kobetama, mpe na mwa miniti mingi nsima bomoi ya kufa ya Joseph Smith mpe ndeko na ye ya mobali Hyrum ekomaka na nsuka.

Kasi ezalaki nzokande nsuka ya ntina ya bonzambe bango bayambaka. Mpe ezalaki nsuka ya Bozongisi ya nsango malamu ya Yesu Klisto te. Mosala ya kosala ezalaki mingi lisusu mpe bimoniseli mingi lisusu oyo elingaki komema Eklezia liboso. Nsuka ya bomoi ya Baprofeta ezalaki nsuka ya mosala ya Nzambe te.

Tala Les Saints,, 1:521–52.

Makanisi mpo na koteya na Ndako mpe na Eklezia

Malongi mpe Mayokani 135; 136:37–39

Joseph mpe Hyrum Smith bakangisaki matatoli na bango na makila na bango.

Banza lolenge nini okokaki koyoka soki ozalaka kofanda na Nauvoo ntango babomaki Joseph mpe Hyrum Smith (tala Les Saints,, 1:554–55. Boniboni olingaki komeka kososola likambo oyo ya likama? Malongi mpe Mayokani 135, ebimisamaki nsima ya basanza misato, ekokaki kosalisa. Ntango ozali koluka eteni oyo, banza nini ekokaki komema yo ososola mpe ozala na elikya. Nini okokaki koloba na moto moko oyo atuni, “Mpo na nini Nzambe apesaki nzela baboma Profeta na Ye?” (tala Malongi mpe Mayokani 136:37–39).

Okoki lisusu koluka eteni 135 mpo na maloba ekomama to maloba oyo ekofula yo ozala na bondimi na Klisto kino na nsuka, lokola Joseph mpe Hyrum.

Tala lisusu Malongi mpe Mayokani 5:21–22; “Remembering the Martyrdom,” na Revelations in Context, 299–306; Teachings of Presidents of the Church: Joseph Smith (2011), 522–23, 529–40; “Testimony of the Book of Mormon” (video), Gospel Library.

Testimony of the Book of Mormon

Malongi mpe Mayokani 135:3

Joseph Smith azalaki profeta mpe nzeneneke ya Yesu Klisto.

Malongi mpe Mayokani 135:3 epesi nkombo ya mwa makambo Joseph Smith asalaki na mwa bantango moke ya mibu 20.” Boniboni makambo oyo ebongoli yo mpe mokangano na yo na Tata na Lola mpe Yesu Klisto? Banza lolenge nini okokokisa liloba lokola oyo: Na ntina ya oyo Nkolo asalaki na nzela ya Joseph Smith, ngai … bokoki lisusu kokoma mpe kokabola litatoli na bino ya Profeta Joseph Smith na basusu.

Lolenge mosusu ya koyekola oyo etali etinda ya Joseph Smith ezali ya komeka kokoma liyebisi ya liwa to lisikulu ya kosanzola ya matanga na ye. Nini okoki koloba mpo na kotonga bondimi na Klisto mpe nsango malamu na Ye ezongisama? Okoki kolinga kobakisa milulu ya motuya to makambo oyo esalamaki oyo ezwami na Malongi mpe Mayokani 135 to oyo ekomami na mikanda oyo elandi.

Yesu Klisto amonisaki bosolo ebele na ntina na Ye moko mpe Bosikoli na Ye na nzela ya Joseph Smith. Kanisa komanyola boyebi ozwaki na botangi Malongi mpe Mayokani mobu oyo. Bosolo nini elendisami epayi na yo? Okoki kolinga kokabola yango na libota na yo, kelasi to bandeko ya lisanga likoki, to basusu ntango ozali koyekola na poso oyo. Lolenge nini bosolo oyo esalisi yo ososola mpe opusana pene ya Mobikisi?

Tala lisusu “Joseph Smith: The Prophet of the Restoration” (video), Gospel Library; Tad R. Callister, “Joseph Smith—Prophet of the Restoration,” Liahona, Sanza ya zomi na moko 2009, 35–37; “Praise to the Man,” Hymns, no. 27; Topics and Questions, “Joseph Smith,” Gospel Library.

Joseph Smith: The Prophet of the Restoration

Miziki ya Lolenge Moko

Kotangaka nzembo oyo elandi to kotalaka bavideo ekoki kobengisa Molimo Mosantu to kofula lisolo etali mosala ya Profeta Joseph Smith mpe makabo ya Bansantu oyo bakobaki nsima na ye.

“A Poor Wayfaring Man of Grief” (Hymns, no. 29). Na ntango azalaki na Boloko ya Carthage, John Taylor ayembaki loyembo oyo.

“Praise to the Man” (Hymns, no. 27; tala lisusu video). Maloba ekomama ya loyembo oyo ekomamaki mpo na kopesa longonya na Joseph Smith.

Praise to the Man – The Tabernacle Choir at Temple Square

“Come, Come, Ye Saints” (Hymns, no. 30; tala lisusu video).

Come, Come, Ye Saints - Mormon Tabernacle Choir

“Faith in Every Footstep” (tala video).

Faith in Every Footstep - Mormon Tabernacle Choir

Malongi mpe Mayokani 136

Nakoki kosalisa kokokisa bolingi ya Nkolo ntango nazali kolanda toli na Ye.

Nsima ya kufa ya Joseph Smith, Basantu balongwaki na Nauvoo. Batambolaki bakilimetele koleka 2,100 ya mobembo kolekaka na esobe ya mabele ekawuka. Brigham Young, Mokambi ya Lisanga Likoki ya Bapostolo Zomi na Mibale sikawa, amitungisaki oyo etali lolenge nini Basantu balingaki kotikala na bomoi na molai ya nzela oyo. Na esika ebengami Winter Quarters, abondelaki mpo na kozwa bokambi. Eyano ya Nkolo ekomama kati na eteni 136. “Na kosalisaka Basantu bamikundola ete ezaleli na bango na mobembo ezalaki na motuya mpe lokola esika bazalaki kokende mpe emoniseli esalisaki kobongola mobembo epayi ya westi uta na lotomo ya mawa na mayele ya motuya ya kokabola na molimo” (“This Shall Be Our Covenant,” in Revelations in Context, 308).

Bomba na makanisi ntango ozali koyekola eteni 136. Toli nini omoni oyo ekoki kosalisa kobongala momekano ya mpasi na bomoi na yo “na likambo moko ya motuya … na molimo”? Okoki lisusu komanyola lolenge nini toli oyo ekoki kosalisa yo okokisa bolingi ya Nkolo na bomoi na yo moko, lokola esalisaki Basantu ya ebandeli na mobembo na bango.

Tala lisusu “This Shall Be Our Covenant,” kati na Revelations in Context, 307–14; “Come, Come, Ye Saints,” Hymns, no. 30; Church History Topics, “Succession of Church Leadership,” Gospel Library.

Makambo moko na moko uta na Winter Quarters, na Greg Olsen

Makanisi mpo na Koteya Bana

Malongi mpe Mayokani 135:1–2, 4–5

Joseph mpe Hyrum Smith bapesaki bomoi na bango mpo na Yesu Klisto mpe nsango malamu na Ye.

• Limbolela na bokuse mpo na bana na bino Malongi mpe Mayokani 135:1 to bokabola “Mokapo 57: The Prophet Is Killed” ( kati na Masolo ya Malongi mpe Mayokani, 201–5, to video oyo ekokani kati na Gospel Library). Yango ekoki kozala libaku ya malamu mpo na bino mpe bana na bino kokabola mayoki na bino etali likabo Joseph Smith mpe Hyrum basalaki mpo na Mobikisi mpe nsango malamu na Ye.

  Chapter 57: The Prophet Is Killed: June 1844

• Malongi mpe Mayokani 135:4–5 elobi ete Hyrum Smith atangaki molongo uta na Buku ya Mormon yambo akendaki na Boloko ya Cartage. Bino mpe bana na bino bokoki kotanga molongo oyo elongo (tala Etele 12:36–38). Lolenge nini milongo oyo elendisaki Hyrum? Bokoki kokabola lisusu makomi oyo ememelaka libondi ntango bomitungisaka to bozalaki na mawa.

• Bino mpe bana na bino bokoki kotala bililingi ya baprofeta (tala Gospel Art Book, nos. 7, 14, 67) mpe bosolola oyo etali mwa makambo oyo Nzambe asengaka baprofeta basala. Nini baprofeta oyo babonzaki mpo na Mobikisi?

  

Kati na libota, boyekoli mpe kobika ekabwanaka te. “Nsango malamu ezwaka ntina makasi na libota. Kuna bato oyo bozali koyekola elongo nsango malamu bazali bato oyo bokosalela yango—mikolo nyonso. Na yango, bangonga ebele, kosalelaka nsango malamu ezali lolenge nini toyekolaka nsango malamu” (Koteya na Lolenge ya Mobikisi, 31).

Malongi mpe Mayokani 135:3

Joseph Smith azalaki profeta mpe nzeneneke ya Yesu Klisto.

• Mpo na kosalisa bana na bino bamikundola mpe basepela lolenge nini Nkolo apambolaki biso na nzela ya etinda ya Joseph Smith, bokoki kotala biloko oyo elimbolaka biloko Joseph asalaki, lokola Buku ya Mormon, Malongi mpe Mayokani, to elilingi ya tempelo (tala lisusu lokasa ya molulu ya poso oyo). Nsima bana na bino bakoki kotala kati na Malongi mpe Mayokani 135:3 mpo na mwa makambo Joseph Smith asalaki mpo na kosalisa biso topusana pene ya Tata na Lola mpe Yesu Klisto. Bobengisa bana na bino bakabola mpo na nini bazali na botondi mpo na makambo oyo.

Profeta ya Amerika, na Del Parson

Malongi mpe Mayokani 136

Nkolo akoki kopambola ngai ntango nazali komitungisa.

• Bobanza kotia elilingi ya Tempelo ya Nauvoo na moko ya kisuku mpe kokelaka ekimelo na ngambo mosusu. Bobengisa bana na bino basangana pene ya elilingi, mpe boyebisa bango oyo etali Basantu oyo basengelaki kolongwa na Nauvoo nsima ya liwa ya Joseph Smith (tala mikapo 58, 60, mpe 62 na Masolo ya Malongi mpe Mayokani, 206–8, 211–16, 222–24, to bavideo oyo ekokangi kati na Gospel Library). Bobeta nsete na bondimi Basantu oyo bazalaki na yango na Yesu Klisto, mpe bengisa bana na bino batambola kino na ekimelo mpo na kolakisa mobembo na Winter Quarters. Bakoki koyemba loyembo lokola “To Be a Pioneer” (Children’s Songbook, 218–19) ntango bazali kotambola.

  Chapter 58: A New Leader for the Church: July–August 1844

  Chapter 60: The Saints Leave Nauvoo: September 1845–September 1846

  Chapter 62: The Saints Establish Winter Quarters: 1846–1847

• Limbola ete kati na Malongi mpe Mayokani 136, Nkolo apesaki toli mpo na kosalisa Basantu na mobembo na bango na Lobwaku ya Salt Lake. Bosalisa bana na bino bazwa eloko moko kati na emoniseli oyo ekoki kopesa bango mpiko mpo na mobembo oyo (tala milongo 4, 10–11, 18–30). Lolenge nini toli oyo esalisaka biso na mikakatano tokutanaka na yango lelo?

Mpo na makanisi mingi koleka, tala nsango ya sanza oyo na magazini ya Moninga .

Bolingo Eleki Monene Moto Azala na Yango te,, na Casey Childs