“13–19 Jenuware. 1 Nifae 8–10: ‘Kam mo Tekem mo Kakae Frut Ia,’” Kam Folem Mi—Blong Wanwan Man, Woman mo Famli: Buk blong Momon 2020 (2020)
“13–19 Jenuware. 1 Nifae 8–10,” Kam Folem Mi—Blong Wanwan Man, Woman mo Famli: 2020
Drim blong Lihae, i kam long Steven Lloyd Neal
13–19 Jenuware
1 Nifae 8-10
“Kam mo Tekem mo Kakae Frut Ia”
Taem yu stap ridim 1 Nifae 8–10, tingting se, wanem mesej nao,we i kamaot long visen blong Lihae, i stret long yu. Raetemdaon ol tingting mo filing we oli kam long Spirit, long stret taem we yu stap kasem olgeta; raetemdaon olgeta long ol skripja blong yu, long wan notbuk, o insaed long buk ia.
Raetemdaon Ol Filing mo Tingting blong Yu
Drim blong Lihae—wetem rel blong aean, klaod blong tudak, bigfala haos wetem plante spes, mo tri ia wetem frut blong hem we “i swit”—drim ia i wan invitesen, we i kam tru long insperesen, blong yumi kasem olgeta blesing ia blong lav blong Sevya mo sakrifaes blong Hem we i pemaot sin. Be long Lihae, visen ia, i abaot famli blong hem: “Mo luk, from samting ia we mi bin luk, mi gat stamba tingting blong glad long Lod from Nifae, mo Sam.” … Be luk, Leman mo Lemyul, mi fraet tumas from yutufala” (1 Nifae 8:3–4). Taem Lihae i bin finis blong tokbaot visen blong hem, hem i bin plis long Leman mo Lemyul blong tufala i “lisin gud long ol toktok blong hem, blong maet Lod bae i gat sore long tufala” (1 Nifae 8:37). Iven sapos yu bin stadi plante taem long visen blong Lihae, long taem naoia, tingting long hem long wei we Lihae i bin mekem—tingting long wan we yu lavem hem. Taem yu mekem olsem, sekiuriti blong rel blong aean, ol denja blong bigfala haos, mo swit tes blong frut ia, bae i gat wan niu mining long hem. Mo bambae yu andastanem moa dip “evri filing blong gudfala papa” we i bin kasem bigfala visen ia.
Sam Aedia blong Skripja Stadi blong Yuwan
Toktok blong God i stap lidim mi long Sevya, mo i stap helpem mi blong filim lav blong Hem.
Visen blong Lihae i givim wan invitesen blong yumi tingtingbak long weaples nao yu stap long hem—mo weaples yu stap go long hem—long rod ia we yuwan yu tekem blong save huia Sevya mo filim lav blong Hem. Presiden Boyd K. Packer, i tijim: “Maet yu tingting se drim o visen blong Lihae i no wan eni spesel mining long yu, be i gat. Yu stap insaed long hemia; yumi evriwan i stap insaed ia (luk long 1 Nifae 19:23). Drim blong Lihae, o visen blong rel blong aean, insaed long hem, i gat evri samting we wan Lata-dei Sent i nidim blong andastanem tes ia blong laef” (“Lehi’s Dream and You,” New Era, Jan. 2015, 2).
Wan wei blong stadi long 1 Nifae 8, hem i blong fulumap wan jat olsem hemia we oli soem long ples ia. Blong andastanem mining blong ol simbol, hem i help blong gobak long visen we Nifae i bin gat taem hem i bin prea blong andastanem visen blong papa blong hem—luk speseli long 1 Nifae 11:4–25, 32–36; 12:16–18; mo 15:21–33, 36. Taem yu stap stadi long visen blong Lihae, tingting long wanem nao Lod i wantem yu blong lanem.
|
Ol simbol long visen blong Lihae |
Ol mining |
Ol Kwestin blong stap tingting hevi long olgeta |
|---|---|---|
Ol simbol long visen blong Lihae Tri mo ol frut blong hem (1 Nifae 8:10–12) | Ol mining | Ol Kwestin blong stap tingting hevi long olgeta ?Mi mi stap mekem wanem blong invaetem ol narawan blong tekem mo yusum lav blong God? |
Ol simbol long visen blong Lihae Reva (1 Nifae 8:13) | Ol mining | Ol Kwestin blong stap tingting hevi long olgeta |
Ol simbol long visen blong Lihae Rel blong aean (1 Nifae 8:19–20, 30) | Ol mining | Ol Kwestin blong stap tingting hevi long olgeta |
Ol simbol long visen blong Lihae Klaod blong tudak (1 Nifae 8:23) | Ol mining | Ol Kwestin blong stap tingting hevi long olgeta |
Ol simbol long visen blong Lihae Bigfala bilding we i gat plante spes long hem (1 Nifae 8:26–27, 33) | Ol mining | Ol Kwestin blong stap tingting hevi long olgeta |
Ol simbol long visen blong Lihae | Ol mining | Ol Kwestin blong stap tingting hevi long olgeta |
Luk tu long David A. Bednar, “Lehi’s Dream: Holding Fast to the Rod,” Ensign o Liahona, Oct. 2011, 33–37.
Lihae i stap kakae frut blong tri blong laef. Tri blong Laef, i kam long Marcus Alan Vincent
?From wanem Nifae i mekem tu set blong ol buk ia?
“Waes stamba tingting” blong Lod blong mekem Nifae i krietem tufala histri buk ia i kam klia plante handred yia afta. Afta we Josef Smit i transletem ol fasfala 116 pej we oli raetem long han, blong Buk blong Momon, hem i bin givim ol pej ia long Martin Haris, we i bin lusum olgeta (luk long D&K 10:1–23). Be seken rekod we Nifae i bin mekem i kavremap semfala taem, mo Lod i bin givim oda long Josef Smit blong transletem olgeta buk ia be i no blong transletem bakegen wanem we i bin lus (luk long D&K 10:38–45).
Blong kasem moa infomesen abaot ol buk blong histri we oli tokbaot insaed long 1 Nifae 9, luk long “Wan Smol Toktok abaot Buk blong Momon”; 1 Nifae 19:1–5; 2 Nifae 5:29–32; mo Ol Toktok blong Momon 1:3–9.
Ol profet blong bifo oli bin save abaot misin blong Kraes mo oli bin testifae abaot Hem.
Stori blong visen blong Lihae i mas tajem famli blong hem, be stil, hem i bin gat ol nara trutok we oli no save finis blong tijim olgeta long hem abaot misin blong Sevya. Taem yu stap ridim 1 Nifae10:2–16, tingting se, from wanem nao Lod i wantem famli blong Lihae—mo yumi evriwan—blong save olgeta trutok ia. Tingting long wanem yu save talem long olgeta we yu lavem olgeta blong save invaetem olgeta blong tanem olgeta i go long Sevya. Afta we yu stadi long visen mo ol tijing blong Lihae, ?wanem nao, yu, semmak olsem Nifae, i kasem insperesen blong lanem “tru long paoa blong Tabu Spirit”? (1 Nifae 10:17).
God bambae i talemaot trutok long mi sapos mi wok wetem strong tingting blong lukaotem trutok ia.
?Wanem nao yu stap mekem taem yu fesem wan gospel prinsipol we yu no andastanem? Luk wantem i defren long wei we Nifae i mekem afta long visen blong Lihae (luk long 1 Nifae 10:17–19; 11:1) mo wei we Leman mo Lemyul i folem (luk long 1 Nifae 15:1–10). ?From wanem nao oli mekem folem wei ia, mo wanem nao risal blong joes blong olgeta?
Tingting blong raet abaot wan taem we yu bin wantem blong save sapos wan tijing blong gospel i bin tru. ?Olsem wanem nao rod we yu bin folem i semmak long hemia blong Nifae?
Luk tu long 1 Nifae 2:11–19; Doktrin mo Ol Kavenan 8:1–3.
Sam Aedia blong Famli Skripja Stadi mo Famli Haos Naet
Taem yu stap ridim ol skripja wetem famli blong yu, Spirit i save helpem yu blong save wanem prinsipol nao blong tokbaot bigwan mo toktok raon long olgeta blong stretem ol nid blong famli blong yu. Hemia samfala tingting:
1 Nifae 8
Maet ol memba blong famli blong yu bae oli laekem blong rolplei long visen blong Lihae, o bae oli laekem blong droem ol pikja mo yusum ol droing blong olgeta blong tokbaot ol prinsipol ia. O yu save soem wan peinting blong visen blong Lihae we i kam wetem lesen ia, mo invaetem ol memba blong famli blong poenemaot ol ditel, mo lukaotem ol skripja we i tokbaot wanem nao ol samting ia oli ripresentem. Hym ia long Inglis, “The Iron Rod” (Hymns, namba 274) i go gud wetem japta ia. Tingting blong soem wan vidio, we i soem visen blong Lihae (luk long Book of Mormon Videos collection long ChurchofJesusChrist.org o insaed long Gospel Laebri ap.
1 Nifae 8:10–16
?Huia yu save invaetem blong kam kolosap moa long Jisas Kraes mo filim swit lav blong Hem? ?Wanem nao yumi save mekem blong singaotem olgeta?
1 Nifae 9:5–6
?Wetaem nao yumi bin folem wan komanmen we yumi no andastanem fulwan ol risen biaen long hem? ?Olsem wanem nao yumi bin kasem ol blesing?
1 Nifae 10:20–22
?Olsem wanem nao we, taem yumi no klin long bodi, i semmak long fasin blong no stap klin long saed blong spirit? ?Wanem nao yumi save meksua se yumi gohed blong stap klin long saed blong spirit?
Blong gat moa tingting blong stap tijim ol pikinini, luk long aotlaen blong wik ia long Kam Folem Mi—Blong Praemeri.
Stap Kam Antap long Fasin blong Yumi blong Stap Tij
?Olsem wanem yumi stap yusum ol skripja insaed long laef blong yumi? Afta we yu ridim wan ples long skripja, invaetem ol memba blong famli blong serem olsem wanem skripja ia i blong olgeta tu. Eksampol, taem ol memba blong famli blong yu oli ridim 1 Nifae 8:33, oli save tokbaot olsem wanem nao blong no mekem folem olgeta ia we oli “poenem fingga blong jik.”
Tri blong Laef, i kam long Avon Oakeson