30 Disemba–5 Jenuware

Ol Fas Pej blong Buk blong Momon

“Wan Narafala Testeman blong Jisas Kraes”

Stadi blong yu, blong Buk blong Momon, i save kam rij moa sapos we, blong stat, yu ridim ol pej we oli kam fastaem long 1 Nifae. ?Wanem nao yu faenem, we i save mekem testemoni blong yu i kam moa strong?

Raetemdaon Ol Filing mo Tingting blong Yu

Bifo yu statem 1 Nifae japta 1, hem i klia se Buk blong Momon i no wan buk olbaot. Ol fas pej blong hem i tokbaot wan bakstori we i no semmak long eni nara stori—wetem visit blong ol enjel, wan histri blong bifo we oli berem plante handred yia long saed blong wan hil, mo wan defren kaen fama we i transletem histri ia tru long paoa blong God. Buk blong Momon i no wan histri nomo blong Ol Man Amerika bifo. Hem i tekem, “ful gospel we i no gat en,” (Fas Toktok blong Buk blong Momon), mo God Hemwan i lidim wok blong gospel ia i kamtru—wei we oli raetem, wei we bae oli holemtaet gud i stap, mo wei we bae i kamkamaot blong yumi yusum tedei. Long yia ia, taem yu stap ridim Buk blong Momon, taem yu stap prea from, mo taem yu stap praktisim ol tijing blong hem, bambae yu invaetem paoa blong hem insaed long laef blong yu, mo maet bae yu filim blong talem, olsem we Olgeta Tri Witnes oli talem long testemoniblong olgeta, “. Mo samting ia i gud tumas long ol ae blong [mi].”

Sam Aedia blong Skripja Stadi blong Yuwan

Taetol pej blong Buk blong Momon

Buk blong Momon i save mekem fet blong mi long Jisas Kraes i kam strong moa.

Taetol pej blong Buk blong Momon i givim moa bitim wan taetol. Wetem sam samting moa, hem i givim wan lis blong ol defren stamba tingting blong tabu histri ia. Lukaotem olgeta stamba tingting ia, mo taem yu stap stadi long Buk blong Momon long yia ia, raetemdaon ol ples we yu filim se yu yu stap mekem ol stamba tingting ia oli kamtru. Eksampol, ?wanem skripja nao i help blong winim tingting blong yu se “Jisas Hem i Kraes, God ia we I No Save Finis”?

Fas Toktok long Buk blong Momon.

“Buk blong Momon i givim “aotlaen blong plan blong fasin blong sevem man.”

Plan blong fasin blong sevem man, hem i plan blong Papa long Heven blong helpem ol pikinini blong Hem blong oli kam olsem god, semmak olsem Hem, mo gat eksperiens ia blong glad we Hem i stap filim (luk long 2 Nifae 2:25–26). Atonmen blong Jisas Kraes i mekem plan ia i posibol, mo evri doktrin, odinens, kavenan, mo komanmen we God i bin givim, stamba tingting blong hem i blong mekem plan ia i kamtru.

Sapos yu wantem andastanem plan blong fasin blong sevem man, i no gat wan moa gud ples blong luk long hem bitim Buk blong Momon. Hem i tokbaot plan blong God—i yusum ol defren nem—moa long 20 taem. Long taem blong stadi blong yu long yia ia, luk long ol ples we oli tokbaot plan blong God, o oli talem smol abaot hemia, mo wanem Buk blong Momon i talem abaot hemia.

!Hemia wan aktiviti blong yu stat wetem! Ridim olgeta skripja ia, mo raetemdaon ol defren nem we oli givim long plan blong God: 2 Nifae 9:13; 11:5; mo Alma 12:32–34; 24:14; 41:2; 42:15–16. ?Wanem nao wanwan long ol nem ia i talem long yu abaot plan blong Papa?

“Testemoni blong Olgeta Tri Witnes”; “Testemoni blong Olgeta Eit Witnes”

Mi save stap wan witnes blong Buk blong Momon.

Tabu Spirit i save testifae long yu se Buk blong Momon i tru, iven sapos yu no bin luk ol buk we oli wokem long gol olsem we Olgeta Tri Witnes mo Olgeta Eit Witnes oli luk. ?Olsem wanem testemoni blong olgeta oli mekem testemoni blong yu i kam strong moa? ?Olsem wanem yu save givim nem blong yu long wol, blong witnes i go long wol wanem we yu save abaot Buk blong Momon? (“Testemoni blong Olgeta Eit Witnes”).

“Testemoni blong Profet Josef Smit”

Taem ia we Buk blong Momon bae i kamaot, hem i wan merikel.

?Sapos wan i askem yu se Buk blong Momon i kam wea, wanem nao bae yu talem? ?Olsem wanem yu save tokbaot han blong Lod we i stap blong mekem Buk blong Momon i kamaot? ?Olsem wanem Josef Smit i tokbaot se bae Buk blong Momon i kamaot?

“Testemoni blong Profet Josef Smit”

?Olsem wanem nao oli bin transletem Buk blong Momon?

Buk blong Momon, oli bin transletem “tru long presen mo paoa blong God.” Yumi no save tumas samting abaot merikel translesen wok, be yumi save se Josef Smit i bin wan sia, we ol tul we God i bin rere long olgeta, oli bin helpem hem: tu ston we oli save luk tru long tufala, we oli singaotem Yurim mo Tumim, mo wan nara ston we oli singaotem wan sia ston. Josef i bin luk insaed long ol ston ia Inglis mining blong ol toktok we oli bin stap long ol buk ia, mo hem i bin ridim translesen ia laod, mo wan man we i save raet i bin raetemdaon. Wanwan long olgeta we oli bin raet, oli bin testifae se paoa blong God i kamkamaot long translesen blong tabu wok ia.

Luk long “Book of Mormon Translation” (Gospel Topik, topics.ChurchofJesusChrist.org).

Sam Aedia blong Famli Skripja Stadi mo Famli Haos Naet

Taem yu stap ridim ol skripja wetem famli blong yu, Spirit i save helpem yu blong save wanem prinsipol nao blong tokbaot bigwan mo toktok raon long olgeta blong stretem ol nid blong famli blong yu. Hemia samfala tingting:

Taetol pej blong Buk blong Momon

Maet famli blong yu i save statem wan lis blong ol ves long Buk blong Momon we i bin bildimap fet blong yu “se Jisas Hem i Kraes” mo ademap ol laen long hem truaot long yia. Hem i bae i save stap olsem wan gud taem blong krietem wan famli plan blong ridim Buk blong Momon: ?Wetaem mo weaples bambae yufala i mit blong rid? ?Olsem wanem nao bae wanwan memba blong famli bae i tekpat? Blong kasem sam moa help, luk long “Sam Aedia blong Kam Antap long Famli Skripja Stadi” we i stap long stat blong buk ia.

Fas Toktok long Buk blong Momon.

Wan ki ston i wan ston we ol saed blong hem oli katem gud, we i stap long medel, antap long wan ak (haf sekol) we i lokem ol nara ston tugeta. Blong helpem famli blong yu i andastanem olsem wanem Buk blong Momon i “ ki ston blong relijin blong yumi,” yu save bildim o dro wan ak wetem wan ki ston i stap antap, long medel stret. ?Wanem i hapen sapos oli karemaot ki ston ia? ?Wanem bae i hapen sapos yumi no gat Buk blong Momon? ?Olsem wanem yumi save mekem se Buk blong Momon i ki ston blong bilif blong yumi long Jisas Kraes?

Buk blong Momon hem i ki ston blong relijin blong yumi.

“Testemoni blong Olgeta Tri Witnes”; “Testemoni blong Olgeta Eit Witnes”

Ol memba blong famli blong yu oli save raetemdaon testemoni blong olgeta abaot Buk blong Momon, saenem nem blong olgeta long hem, mo tingting long sam wei se oli save serem ol testemoni blong olgeta wetem ol narawan.

“Testemoni blong Profet Josef Smit”

Long stori blong Josef Smit, ?wanem pruf nao yumi faenem we God i gat wan pat blong mekem Buk blong Momon i kamaot long wol ia?

Blong gat moa tingting blong stap tijim ol pikinini, luk long aotlaen blong wik ia long Kam Folem Mi—Blong Praemeri.

Stap Kam Antap long Stadi blong Yuwan

Wan bigfala promes we i kam long profet. Presiden Russell M. Nelson i talem: “Mi promesem yufala se taem yufala i stap tingting hevi long wanem yu stap stadi long Buk blong Momon, bambae ol windo blong heven oli open, mo bae yu kasem ol ansa blong kwestin blong yu, mo bae Hem i soem rod blong laef blong yu” (“Buk blong Momon: ?Bae Laef blong Yu I Olsem Wanem Sapos Yu No Gat Buk Ia?” Ensign o https://www.ChurchofJesusChrist.org/languages/bis/content/general-conference/2017/10/the-book-of-mormon-what-would-your-life-be-like-without-it, Okt 2017.

Moronae I Karem Ol Buk we Oli Wokem long Gol, i kam long Gary L. Kapp