Panan-awon ni Lehi sa kahoy sa kinabuhi

Ang Damgo ni Lehi, ni Steven Lloyd Neal

Enero 13–19

1 Nephi 8–10

“Moduol ug Mokaon sa Bunga”

Samtang magbasa ka 1 Nephi 8–10, ikonsiderar unsa nga mga mensahe gikan sa panan-awon ang imong magamit. Irekord ang espirituhanong mga impresyon nga imong nadawat diha sa imong mga kasulatan, sa usa ka notebook, o dinhi niini nga kapanguhaan.

Irekord ang Imong mga Impresyon

Ang damgo ni Lehi—uban sa gunitanan nga puthaw, gabon sa kangitngit, lapad nga gambalay, ug kahoy nga dunay bunga nga “hilabihan nga katam-is”—usa ka makadasig nga pagdapit sa pagdawat sa mga panalangin sa gugma ug maulaong sakripisyo sa Manluluwas. Hinoon, alang ni Lehi, kini nga panan-awon mahitungod usab sa iyang pamilya: “Tungod sa butang diin ako nakakita, ako may katarungan nga maglipay diha sa Ginoo tungod ni Nephi ug usab ni Sam. … Apan tan-awa, Laman ug Lemuel, ako nahadlok sa hilabihan tungod kaninyo” (1 Nephi 8:3–4). Sa dihang nahuman na si Lehi sa paghulagway sa iyang panan-awon, siya miawhag nila ni Laman ug Lemuel nga “mopatalinghug ngadto sa iyang mga pulong, nga tingali ang Ginoo magmaloloy-on ngadto kanila” (1 Nephi 8:37). Bisan kon ikaw nagtuon sa panan-awon ni Lehi sa makadaghan, hunahunaa karon ang mahitungod sa gibuhat ni Lehi—hunahunaa ang usa ka tawo nga imong gihigugma. Kon buhaton nimo, ang seguridad sa gunitanan nga puthaw, sa mga kakuyaw sa lapad nga gambalay, ug sa katam-is sa bunga adunay bag-ong kahulugan. Ug masabtan nimo pag-ayo ang “tanan nga pagbati [sa] malumo nga ginikanan” kinsa nakadawat niining talagsaong panan-awon.

icon sa personal nga pagtuon

Mga Ideya alang sa Personal nga Pagtuon sa Kasulatan

1 Nephi 8

Ang pulong sa Dios naggiya nako ngadto sa Manluluwas ug nagtabang nako nga mobati sa Iyang gugma.

Ang panan-awon ni Lehi nagtanyag og pagdapit sa paghunahuna asa ka—ug asa ka paingon—sa imong personal nga panaw aron makaila sa Manluluwas ug mobati sa Iyang gugma. Si Presidente Boyd K. Packer mitudlo: “Kamo mahimong magtuo nga ang damgo o panan-awon walay talagsaon nga kahulugan alang kaninyo, apan kini aduna. Kamo ania dinhi; kitang tanan ania dinhi (tan-awa sa 1 Nephi 19:23). Anaa sa damgo o panan-awon ni Lehi sa puthaw nga gunitanan ang tanang butang nga gikinahanglan sa usa ka … Santos sa Ulahing mga Adlaw aron makasabut sa pagsulay sa kinabuhi” (“Lehi’s Dream and You,” New Era, Ene. 2015, 2).

Usa ka paagi sa pagtuon sa 1 Nephi 8 mao ang pagsulat sa usa ka tsart nga sama sa gipakita dinhi. Aron masabtan ang kahulugan sa mga simbolo, makatabang ang paggamit sa panan-awon nga nasinati ni Nephi sa dihang nag-ampo siya aron masabtan ang panan-awon sa iyang amahan—tan-awa ilabi na sa 1 Nephi 11:4–25, 32–36; 12:16–18; ug 15:21–33, 36. Samtang imong tun-an ang panan-awon ni Lehi, ikonsiderar unsay gusto sa Ginoo nga imong makat-unan.

Simbolo gikan sa panan-awon ni Lehi	Mga Kahulugan	Mga pangutana nga angayang palandungon
Simbolo gikan sa panan-awon ni Lehi Kahoy ug ang bunga niini (1 Nephi 8:10–12)	Mga Kahulugan	Mga pangutana nga angayang palandungon Unsay akong gihimo sa pagdapit sa uban nga moambit sa gugma sa Dios?
Simbolo gikan sa panan-awon ni Lehi Suba (1 Nephi 8:13)	Mga Kahulugan	Mga pangutana nga angayang palandungon
Simbolo gikan sa panan-awon ni Lehi Gunitanan nga puthaw (1 Nephi 8:19–20, 30)	Mga Kahulugan	Mga pangutana nga angayang palandungon
Simbolo gikan sa panan-awon ni Lehi Gabon sa kangitngit (1 Nephi 8:23)	Mga Kahulugan	Mga pangutana nga angayang palandungon
Simbolo gikan sa panan-awon ni Lehi Dako ug lapad nga gambalay (1 Nephi 8:26–27, 33)	Mga Kahulugan	Mga pangutana nga angayang palandungon
Simbolo gikan sa panan-awon ni Lehi	Mga Kahulugan	Mga pangutana nga angayang palandungon

Tan-awa usab sa David A. Bednar, “Damgo ni Lehi: Hugot nga Paggunit sa Gunitanan,” Liahona, Okt. 2011, 32–37.

Si Lehi nagkaon sa bunga sa kahoy sa kinabuhi

Si Lehi nagkaon sa bunga sa kahoy sa kinabuhi. Ang Kahoy sa Kinabuhi, ni Marcus Alan Vincent

1 Nephi 9

Ngano nga si Nephi naghimo og duha ka hugpong sa mga palid?

Ang “maalamon nga katuyoan” sa Ginoo sa pagpabuhat ni Nephi og duha ka mga rekord naklaro sa paglabay sa mga siglo. Human mahubad ni Joseph Smith ang unang 116 ka manuskrito sa Basahon ni Mormon, iyang gihatag ang mga pahina ngadto ni Martin Harris, kinsa nakawala niini (tan-awa sa D&P 10:1–23). Apan ang ikaduhang hugpong sa mga palid ni Nephi milanat sa samang panahon, ug ang Ginoo misugo ni Joseph Smith sa paghubad niini nga mga palid kay sa hubaron pag-usab ang nawala (tan-awa sa D&P 10:38–45).

Alang sa dugang mahitungod sa mga palid nga gihisgutan sa 1 Nephi 9, tan-awa sa “Mubo nga Pagpasabut mahitungod sa Basahon ni Mormon”; 1 Nephi 19:1–5; 2 Nephi 5:29–32; ug Mga Pulong ni Mormon 1:3–9.

1 Nephi 10:2–16

Ang karaang mga propeta nakahibalo sa misyon ni Jesukristo ug mipamatuod bahin Kaniya.

Ang istorya sa panan-awon ni Lehi sa pagkatinuod nakahimo og impresyon sa iyang pamilya, apan aduna gihapon siyay ubang mahangturong mga kamatuoran nga itudlo kanila mahitungod sa misyon sa Manluluwas. Samtang magbasa ka sa 1 Nephi 10:2–16, hunahunaa ang mahitungod kon ngano nga ang Ginoo gusto nga ang pamilya ni Lehi—ug natong tanan—nga makahibalo niini nga mga kamatuoran. Ikonsiderar unsay imong masulti ngadto sa imong mga minahal sa pagdapit kanila nga moduol ngadto sa Manluluwas. Human makatuon sa panan-awon ug mga pagtulun-an ni Lehi, sa unsa nga ikaw, sama ni Nephi, nadasig nga makat-on “pinaagi sa gahum sa Espiritu Santo”? (1 Nephi 10:17).

1 Nephi 10:17–19

Ang Dios mopadayag sa kamatuoran ngari kanako kon magkugi ko sa pagpangita niini.

Unsay imong himoon kon makasugat ka og baruganan sa ebanghelyo nga wala nimo masabti? Timan-i ang kalainan tali sa paagi nga si Nephi mitubag sa panan-awon ni Lehi (tan-awa sa 1 Nephi 10:17–19; 11:1) ug sa paagi sa pagtubag nila ni Laman ug Lemuel (tan-awa sa 1 Nephi 15:1–10). Ngano nga sila mitubag niining paagiha, ug unsa ang mga resulta sa ilang mga tubag?

Ikonsiderar ang pagsulat mahitungod sa usa ka panahon sa dihang ikaw gusto nga makahibalo kon ang usa ka pagtulun-an sa ebanghelyo tinuod. Sa unsa nga paagi matandi ang proseso nga imong gisunod sa unsay gibuhat ni Nephi?

Tan-awa usab sa 1 Nephi 2:11–19; Doktrina ug mga Pakigsaad 8:1–3.

icon sa pagtuon sa pamilya

Mga Ideya alang sa Pamilya nga Pagtuon sa Kasulatan ug Family Home Evening

Samtang magbasa ka sa mga kasulatan uban sa imong pamilya, ang Espiritu makatabang kanimo nga makahibalo unsa nga mga baruganan ang hatagan og gibug-aton ug hisgutan aron matubag ang mga panginahanglan sa imong pamilya. Ania ang pipila ka ideya.

1 Nephi 8

Tingali malingaw ang imong mga sakop sa pamilya sa pagdrama sa panan-awon ni Lehi o pagdrowing og mga litrato ug sa paggamit sa ilang mga drowing sa paghisgot mahitungod niini. O mahimo nimong ipakita ang gihulagway sa artist sa panan-awon ni Lehi nga anaa niini nga leksyon ug magdapit sa mga sakop sa pamilya sa pagtudlo sa mga detalye ug mangita sa mga kasulatan nga naghulagway unsa ang girepresentahan niini nga mga butang. Ang himno “The Iron Rod” (Hymns, nu. 274) ania usab niini nga kapitulo. Mahimo usab nga ikaw motan-aw og video nga naghulagway sa panan-awon ni Lehi (tan-awa sa koleksyon sa Book of Mormon Videos sa ChurchofJesusChrist.org o sa Gospel Library app).

1 Nephi 8:10–16

Kinsa ang atong madapit nga mas moduol ngadto ni Jesukristo ug mobati sa katam-is sa Iyang gugma? Unsay atong mahimo sa “[pagtawag] kanila”?

1 Nephi 9:5–6

Kanus-a kita nakasunod og usa ka sugo nga wala makasabut sa hingpit sa mga rason alang niini? Giunsa kita sa pagpanalangin?

1 Nephi 10:20–22

Sa unsa nga paagi nga ang pagkadili limpyo sa pisikal susama sa pagkadili limpyo sa espirituhanon? Unsay atong mahimo sa pagsiguro nga kita magpabilin nga limpyo sa espirituhanon?

Alang sa dugang nga mga ideya sa pagtudlo sa mga bata, tan-awa kini nga latid [outline] karong semanaha diha sa Dali, Sunod Kanako—Alang sa Primary.

Pagpalambo sa Atong Pagtudlo

Sa unsa nga paagi nga ang mga kasulatan magamit sa atong mga kinabuhi? Human makabasa og usa ka tudling sa kasulatan, dapita ang mga sakop sa pamilya sa pagpakigbahin sa unsa nga paagi nga ang tudling ilang magamit. Pananglitan, kon ang mga sakop sa pamilya mobasa sa 1 Nephi 8:33, mahimo sila nga maghisgot mahitungod unsaon nga dili mopatalinghug niadtong kinsa “mitulisok sa ilang tudlo nga mabiay-biayon.”

Panan-awon ni Lehi

Ang Kahoy sa Kinabuhi, ni Avon Oakeson