“Tianuare 13-19. 1 Nibwaai 8-10: ‘Nakomai ao Katoonga uaan te Aroka,’” Nakomai, Iriirai—Ibukiia Aomata n Tatabemaniia ao Utu: Ana Boki Moomon 2020 (2020)
“Tianuare 13-19. 1 Nibwaai 8-10,” Nakomai, Iriirai-—Ibukiia Aomata n Tatabemaniia ao Utu: 2020
Miin Riaai, iroun Steven Lloyd Neal
Tianuare 13–19
1 Nibwaai 8–10
“Nakomai ao Katoonga uaan te Aroka
Ngkai ko wareka 1 Nibwaai 8-10, iangoia bwa tera te rongorongo man miin Riaai ae e na uaana nakoim. Korei am namakin ake ko karekei n am boki aika tabu, te boki, ke te bwai n ibuobuoki aei.
Korei Am Namakin
Miin Riaai—ma te kai te biti, te bubu n nang ae roo, te kateitei ae moan te korakora ma ni buubura, te aroka ma karewerewen uaana e riaon karewen bwaai nako—bon te kakao ae kaunganano ni butimwaei kakabwaia man ana Tangira te Tia Kamaiu ao ana Mwakuri ni Kamaiu. Ibukin Riaai, i bon irouna, te mii aio bon ibukiia ana utu: “Ibukin bwaai ake I a tia n noori, e reke bukin kukurein nanou iroun te Uea ibukin Nibwaai ao Taam. … Ma noria, Reimwan ao Remuera, I rangi ni maaku ibukimi” (1 Nibwaai 8:3-4). Ngke e motika taekinan miina ni burabeti Riaai, e bubutia Reimwan ao Remuera bwa a na “ongo n ana taeka, bwa e aonga n nanoangaia te Uea” (1 Nibwaai 8:37). E ngae ngke ko a tia ni kamatebwaia miin ni burabeti Riaai n te tai ae mwaiti, n te tai aio iangoia n aron are e iangoia Riaai—iangoa temanna ae ko tangiria. Ni Karaoan aei, ana kamwengaraoi te kai te biti, kangaangan te kateitei ae moan te korakora ma ni bubura, ao karewerewen uaan te aroka e na reke nanoia ae boou. Ao ko na oota n ae nano riki “n ana namakin ni kabane te karo [ae] amarau”. are e karekea te mii ni burabeti ae kamiimii aei.
Iango ibukin te Kamatebwai ni Koroboki aika Tabu n ae Onoti
Ana taeka te Atua e kairai nakon te Tia Kamaiu ao e buokai n namakina Ana Tangira.
Miin Riaai e anga te kakao bwa kona taraia bwa ko a bwaka iaa—ao e nga ae ko na kainetia—n oin mwanangam ni kinaakin te Tia Kamaiu ao n namakina Ana tangira. E reirei Beretitenti Boyd K, Packer: “Tao kona iangoia bwa miin Riaai ke miina ni burabeti akea nanona ibukim, ma bon iai. Ko mena inanona; ngaira ni kabane ti mena inanona (taraa 1 Nibwaai 19:23). Miin Riaai ke miina ni burabeti i aon te kai te biti iai inanona bwai ni kabane … A riai ni matata Aika Itiaki ni Boong aika Kaitira bwa a kainanoa te atatai iaon te kataaki n te maiu.” (“Miin Riaai ao Ngkoe,” New Era, Tianuare. 2015 2).
Teuana te kawai ni kamatebwaia 1 Nibwaai 8 bon kanoaan te tiaata n aekakin ae kaotaki inano aei. N oota n nanon taian kabotau, e na ibuobuoki manga okiran te mii ni burabeti are e karekea Nibwaai ngke e tataro ni kan oota ni miin ni burabeti tamana.—katurua am taratara n 1 Nibwaai 11:4-25, 32-36; 12:16-18; ao 15:21-33 36. Ngkai ko kamatebwaia miin Riaai, iangoi baika e tangiri te Uea ba kona reiakin.
|
Kabotau man miin Riaai |
Nanona |
Titiraki aika a na iangoaki raoi |
|---|---|---|
Kabotau man miin Riaai Aroka ao Uaana (1 Nibwaai 8:10-12) | Nanona | Titiraki aika a na iangoaki raoi Tera ae I karaoia ni kaoia tabeman bwa a na katoonga ana tangira te Atua? |
Kabotau man miin Riaai Karaanga (1 Nibwaai 8:13) | Nanona | Titiraki aika a na iangoaki raoi |
Kabotau man miin Riaai Te Kai te Biiti (1 Nibwaai 8:19–20, 30) | Nanona | Titiraki aika a na iangoaki raoi |
Kabotau man miin Riaai Te bubu n nang ae roo (1 Nibwaaii 8:23) | Nanona | Titiraki aika a na iangoaki raoi |
Kabotau man miin Riaai Te kateitei ae moan te korakora ma ni buubura (1 Nibwaai 8:26-27 33) | Nanona | Titiraki aika a na iangoaki raoi |
Kabotau man miin Riaai | Nanona | Titiraki aika a na iangoaki raoi |
Taara naba David A. Bednar, “Lehi’s Dream: Holding Fast to the Rod,” Ensign ke Riiaona, Okitobwa. 2011, 33-37.
Riaai ngke e kana uaan te Kai ni Kamaiu. Te Kai ni Kamaiu, iroun Marcus Alan Vincent
Bukin tera ngkai Nibwaai e karaoi Bwaatua aika uoua?
Te Uea i bon “bukin wanawanana irouna” e tua nakon Nibwaai bwa e na karaoi uoua rekooti ake a kaotakii bukin karaoaia rimwi. Imwin are Iotebwa Timiti e rairii 116 moan baan Ana Boki Moomon, e anga iteraniba nakon Martin Harris, are e kabuai (taara R&B 10:1–23). Ma ana kauoua ni bwaatua Nibwaai e rinanon naba te tai ae titebo, ao te Uea e tua nakon Iotebwa Timiti bwa e na rairii bwaatua aikai ao n aki manga rairii ake a tia ni bua (tara R&B 10:38-45).
Ibukin rongorongon riki bwaatua ake a taekinaki n te 1 Nibwaai 9; taara “Kabwarabwara ae Kimototo ibukin Ana Boki Moomon”; 1 Nibwaai 19:1-5; 2 Nibwaai 5:29-32; ao Ana Taeka Moomon 1:3-9.
Burabeti ngkoa a ataa bukin rokon Iesu Kristo ao a kaotiota Koauana.
Rongorogon miin Riaai e bon rootia kain ana utu, ma iai riki tabeua koaua aika akea tokia aika e na reireinia ibukin oin rokon te Tia Kamaiu. Ngkai ko wareka 1 Nibwaai 10:2-16, iangoia bwa bukin tera te Uea e tangiriia ana utu Riaai—ao ngaira ni kabane—bwa ti na atai koaua aikai. Iangoi bwai aika ko kona n tuangiia naake ko tangiria ni kaoia bwa a na rairaki nakon te Tia Kamaiu. Imwin kamatebwaian miin Riaai ao reirei, Tera ae, n ai aron Nibwaai , ko kaungaaki bwa ko na reiakin “man mwaakan te Tamnei ae Raoiroi? (1 Nibwaai 10:17).
Te Atua e na kaoti koaua nakoiu ngkana I botumwaka n ukoukori.
E kanga arom ngkana ko aitara ma reirein te euangkerio ae ko aki matata iai? Taraa te kaokoro imarenan te aro ae e kaeka iai Nibwaai nakon miin Riaai (tara 1 Nibwaai 10:17-19; 11:1) ao te aro are Reimwan ao Remuera a kaeka iai (taraa 1 Nibwaai 15:1-10). E aera a kaeka n aaro aikai, ao tera mwiin aia kaeka?
Iangoa korean te tai teuana are ko tangiria iai ni kan ataia ngkana e bon koaua reirein te euangkerio. E uara te kawai are ko iria ngkana e kabotauaki ma are e karaoia Nibwaai?
Taara naba 1 Nibwaai 2:11-19; Reirei ao Berita aika Tabu 8:1-3.
Iango ibukin te Kamatebwai n Koroboki aika Tabu n te Utu ao Bootakin te Utu n te Tairiki
Ngkai ko warekii koroboki aika tabu ma am utu, te Tamnei e na buokiko n ataia bwa tera reirei ake ko na kamatatai ke ni maroroakin bwa ko aonga n tobwa ana kainano am utu. Aikai tabeua iango.
1 Nibwaai 8
Kain am utu a na bon unga ni manga karaon mwakuri ake inanon miin Riaai ke korei tamnei ao kabonganai aia koro tamnei ni karakinna. Ke ko kona n kaota ana koro tamnei te tia korobanna i aon miin Riaai are e raonaki ma te reirei aei ao kaoia kain te utu bwa ana katebenakoi kabotau ao ni kakaei kiibu ake a na kabwarabwarai nanoia. Te anene n taromauri ae “The Iron Rod” (Anene n Taromauri, nambwa. 274) e nakoraoi ma te mwakoro aei. Ko kona naba n mataku n te tamnei are e kaota miin Riaai (taraa te ikotaki n Tamnei ibukin ana Boki Moomon iaon ChurchofJesusChrist.org ke the Gospel Library app).
1 Nibwaai 8:10–16
Antai aika ti kona ni kaoiia bwa a na roko ni kaniia riki Kristo ao n namakin karewerewen Ana Tangira? Tera ae ti kona ni karaoia n “[anoano] nakoia”?
1 Nibwaai 9:5–6
Ningai ae tia ni iraa nanon te tua n akea te matata ae bwanin bwa bukin tera ti na irii? Ko kanga ni kakabwaiaki?
1 Nibwaai 10:20–22
E kanga n titebo aron te itiaki n rabwata ao aron te itiaki n tamnei? Tera ae ti kona ni karaoia n taraia raoi bwa ti teimatoa n itiaki n tamneira?
Ibukin iango aika a mwaiti riki ibukiia ataei, taraa te kamataata n te wiiki aei n Nakomai, Iriirai—Ibukin te Moanrinan.
Kanakoraoan ara Anga reirei
A kanga ni uaana koroboki aika tabu nakon maiura? Imwin warekan te mwakoro n koroboki aika tabu, kaoia kain te utu bwa ana tibwauaia bwa e kanga te mwakoro anne n uaana ibukia. Te katoto, ngkana a wareka 1 Nibwaai 8:33; kain am utu, a kona n marooro bwa a na kanga n tokanikai i aoia naake a kotokoto ni kaenaena.”
Te Kai ni Kamaiu, iroun Avon Oakeson