“Tianuare 20–26. 1 Nibwaai 11–15: ‘Kamanoaki ma te Raoiroi ao Mwaakan te Atua,’” Nakomai, Iriirai—Ibukiia Aomata n Tatabemaniia ao Utu: Ana Boki Moomon 2020 (2020)
“Tianuare 20–26. 1 Nibwaai 11–15,” Nakomai, Iriirai—Ibukiia Aomata n Tatabemaniia ao Utu: 2020
E Karewe nakon Karewerewe Nako, iroun Miguel Angel González Romero
Tianuare 20-26
1 Nibwaai 11–15
“Kamanoaki ma te Raoiroi ao Mwaakan te Atua”
Ko kona n nooriko inanon 1 Nibwaai 11–15? Tera taian kiibu ni koroboki aika tabu ae kakawaki riki nakoim ao am utu?
Korea Am Namakin
Ngkana iai ana mwakuri te Atua ae rang kakawaki ibukiia Ana burabeti bwa ana karaoi, E aki toki n anganiia ana burabeti n te mii ni burabeti aika riai bwa e na buokia bwa aonga n oota n ana kantaninga te Atua ibukiia natina. Mote e noora n te mii bwa “te aonaaba aei, ao kaina ao aomata ake maeka iai, ao karawa naba” (Mote 1:36). Te Abotoro ae Ioane e noora moan rongorongon te aonaaba ao Kauaokin te Tia Kamaiu (taraa te boki ae te Kaotioti). Iotebwa Timiti e noora te Tama ao te Nati (taraa Iotebwa Timiti—Rongorongo 1:17–18). Riaai e nooria n te mii ni burabeti aron te mwananga are ti na riai toua nakon te Tia Kamaiu ao Ana tangira.
N aron are e koreaki n 1 Nibwaai 11–14, Nibwaai e noora ana mwakuri ni kamaiu Kristo, aroia ana kariki Riaai ibukin n taai aika ana roko n te aba ni berita, ao Ana mwakuri te Atua n boong-ni kaitira. Te mii ni burabeti aio e buoka Nibwaai ni katauraoi ibukin te mwakuri ae e katauraoaki imwaaina, ao e kona naba ni buokiko ni katauraoiko—bukina bwa iai ana mwakuri te Atua ibukim ni karaoia n Abanueana. Ngkoe naba mai ibuakoia “aika itiaki aika kain ana ekaretia te Tiibu te Teei” are e nooraki iroun Nibwaai, “ake a maenako nako aon te aonaaba; ao ai irianaki n te raoiroi ma mwaakan te Atua ao te mimitong ae korakora” (1 Nibwaai 14:14).
Iango ibukin te Kamatebwai I Bon Iroum ni Koroboki aika Tabu
Te Atua e kanakoa Iesu Kristo bwa kaotan Ana tangira.
Ni buoka Nibwaai bwa e na oota n nanon te kai are e a tia n nooria tamana, te anera e kaota nakoina “Natin te Tama are Akea Tokina” (1 Nibwaai 11:21). Aio are e kaira Nibwaai n tokina bwa te kai e tei ibukin ana tangira te Atua. Ma te mii ni burabeti e tuai n roko n tokina. Ngkana ko wareware ao n iagoia raoi 1 Nibwaai 11, tera ae ko kunea ibukin buokam ni kan n oota bwa bukin tera Iesu Kristo e riki ngaia bwa ootan ana tangira te Atua?
N reiakinan taekan tabeua kanikina inanon miin Riaai, taraa 1 Nibwaai 11:35–36; 12:16–18; ao 15:21–30.
Taraa naba Ioane 3:16.
Te Uea e katauraoa te kawai ibukin Kaokan Bwaai.
Nibwaai e na bon aki maiu ni kakoaua ni mwaiti bwa tera e noori ni miina ni burabeti. Bukin tera ko iangoia e bon kakawaki ibukin Nibwaai n atai bwaai aikai? Bukin tera e bon kakawaki ibukim n atai bwaai aikai? Tao ko na bon titiraki inanon am tai ni wareware ibukin taekan bwaai ake e noori Nibwaai inanon miina ni burabeti.
Aikai bwaai tabeua n ana tai Nibwaai ngke e nooria: aia bong ana aomata ibukin taai aika a na roko (taraa mwakoro 12), tautaekanakiia kain Amerika ao kain Amerika ake a Kakaitaraa te tautaeka (taraa mwakoro 13:12–19), Korakoran Kitanan te koaua (taraa mwakoro 13:20–29), ao Kaokan te Euangkerio (taraa mwakoro 13:32–42).
Tera “te ekaretia ae korakora ao n ribaaki” are e nooria Nibwaai?
Unimwaane Dallin H. Oaks e kabwarabwara bwa “te ekaretia ae korakora ao n ribaaki” e kamataataki iroun Nibwaai bwa e tei “aekan kareke iango ke bootaki ake a totoko ni kakoaua iroun te Atua. Ao te ‘tautoronaki’ inanon te ‘ekaretia’ aio e ukoukoriia ni uotiia aika itiaki bwa a na aaki tautaekanaki aia kantaninga n aron tautoronakia ni iango aika bure” (“Teei bwa Ana Tia Kakoaua te Atua,” Ensign, Maati. 2015, 32).
Antai temwaane are e nooria Nibwaai ike te Tamnei e “kakorakora nanona” be waaki nako “n riaon raan aika mwaiti”?
Nibwaai e noora te Tamnei ae Raoiro are e kaungaa nanon Christopher Columbus ibukin karaoan mwanangana ae rang ataaki raoi nako aonon Amerika. Ni Maati 14, 1493, Columbus e korea aron mwanangana aio: “Korakoran ao kamiimin mwiina aikai ana aki riki bwa aekan kanuanaga nakoiu … ; ibukina bwa akea buokan ana iango te aomata n aki konaa ni kambati, Tamnein te Atua e a tia n angan te aomata ana kekeiaki ni kakorakora, bwa te Atua e aki kan ongo ana tataro Ana toro are e tangira Ana tua riki nakon kakaraoan te aroaro ae e aki raoiroi” (The Annals of America [Encyclopedia Britannica, Inc., 1976], 1:5).
Koroboki aika tabu a tia ni kaokaki ni Boong ni kaitira “mataata ao bwaai aika kakawaki.”
Nibwaai e noora te mii bwa te Baibara— are kabwarabwaraaki bwa “aia reekoti Iutaia—a na iai “baika a ota ao ni kakawaki aika a anaaki ma [iai]” (1 Nibwaai 13:23, 28). E ngae n anne, e nooria naba bwa te Atua e na kaoki bwaai aikai rinanon “booki tabeua”—ana Boki Moomon ao tabeua booki riki aika tabu ni boong aika kaitira (taraa 1 Nibwaai 13:39–40). Tera bwaai tabeua aika a kakawaki ao ni koaun ana Boki Moomon are e na kona ni buokiira ni katamaroa ootara? E na kanga ni bitaki maium ibukin mataatan ao kakawakin bwaai aikai a tia ni kaokaki?
Ana Boki Moomon e kaoka koauan te euangkerio ake a bua inanon kitanan te koaua.
Taraa naba “Koaua aika Mataata ao ni Kakawaki,” Ensign, Maati. 2008, 68–73; Russell M. Nelson, “Ana Boki Moomon: Tera Aron Maium Ngkana Arona bwa Akea?” Ensign ke Riaona, Nob. 2017, 60–63.
Te Uea e na kaekaai ngkana I bubuti inanon te onimaki ma te nano ae amarau.
Ko atia n namakinna ae kanga ko tuai ni karekea te kaotioti i bon iroum—bwa te Atua e tuai taetae nakoim? Tera te reirei are e anganiia tarina Nibwaai ngke a namakina te kawai aei? Ko na kanga ni maiuakina ana reirei Nibwaai inanon maium, ao ko na kanga ni kabongana ana reirei ni buokiia tabeman?
Taraa naba Iakobwa 4:8; Aramwa 5:46; 26:21–22.
Iango ibukin Kamatebwai n te Utu ni Booki aika tabu ao te Bootaki n Utu n te Tairiki
Ngkana ko wareki koroboki aika tabu ma am utu, te Tamnei e na kona ni buokiko n atai bwa tera reirei ni kaunga ao maroroakina n te aro bwa ena boraoi ma kainanon am utu. Aikai tabeua iango.
1 Nibwaai 11–14
Ngkana am utu a wareware ni mwakoro aikai, n tabetai katokiia ao titirakinia n aron aikai: Tera ae e nooria Nibwaai inanon te mii ni burabeti are e a tia ni kakukureiia? Tera are e a tia ni karika nanokawakina? Bukin tera?
1 Nibwaai 13:20–42
Ni buokiia kain am utu bwa ana oota n aron kakakwakin “mataatan ao kakawakin” koaua inanon ana Boki Moomon, kabotaua te rongorongo aei bwa e na mataata raoi aron koreakina nakon te rongorongo ae koreaki n aki akaka. Bukin tera Tamara are i Karawa e tangiria bwa Ana koaua a na reiakinaki mani mataata raoi? Kain te Utu a riai n kaoti aia koaua n tabeua n aron “mataatan ao kakawakin” koaua ake a tia n reiakin man Ana Boki Moomon.
1 Nibwaai 14:12–15
Bukin tera ti bon “kamanoaki n te raoiroi ao ni mwaakan te Atua” ngkana ti maiuakina te koaua nakon ara berita ma te Atua?
1 Nibwaai 15:8–11
Tera te taneiai ake a kona iai am utu n tibwauai ake a tia ni “ukoukoura te Uea”? Tera ae ti reiakinna man ana banna ni katooto Nibwaai?
Ibukin iango aika a mwaiti riki ibukiia ataei, taraa te kamataata n te wiiki aei n Nakomai, Iriirai—Ibukin te Moanrinan.
Kanakoraoan te Kamatebwai ae onoti i bon iroum
Kabonganai Ibuobuoki n te Kamatebwai. Bwaai aika a na taraaki mai inano, Kairan Atuun rongorongo, ao tabeua buoka ibukin te kamatebwai e na buoka aron karekean taian atatai aika nano inanon koroboki aika tabu. Te katooto, tera ae buokiiko ni kamataatako ni bwaai aika a na taraai inano n taekan 1 Nibwaai 14:20–21?
Miin Nibwaai ni burabeti ibukin Maria, mairoun James Johnson