Ritembwa 30–Tianuare 5

Iteraniba ni Kabwarabwara Ana Boki Moomon

“Kakoauan Taekan Iesu Kristo”

Am kamatebwai n Ana Boki Moomon e kona ni uaana ngkana ko waaki man warekan iteraniba ake imwain 1 Nibwaai. Tera ae ko kunei ae a kamatoatoaa iai am koaua?

Korea Am Namakin

Imwain ae ko roko n 1 Nibwaai kibu 1, e mataata bwa Ana Boki Moomon bon te Boki ae raka arona. Ana Iteraniba ni Kabwarabwara a kaota te kabwarabwara ni kakimototo n te aro ae akea aekakina—n aron rokoia anera, te reekoti ngkoa ae taunaki n te maunga inanon tienture, te tia ununiki ae mangori are raira te rekooti man mwaakan te Atua. Ana Boki Moomon tiaki ti te rongorongo ni kawai ibukin aron Rikiraken Amerika. Inanona bon “bwaninin te euangkerio ae akea tokina”. (kabwarabwaraan ana Boki Moomon), ao Bon te Atua ae e kaira aron Kaokana—-aron koreana, aron kawakinana, ao karekean te anga are e na kona n tauraoi ibukin ara tai. N te ririki aei, ngkana ko wareka Ana Boki Moomon, tataroakinna, ao kauaanai ana reirei, ko na bon kaoa mwaakana nakon maium, ao ko na kona n taekinna n aekakia Taan kakoaua ake Teniman ni kaotan aia koaua“A bon Kamiimi [i] matara.”

Iango ibukin Am Kamatebwai n ae Onoti

Atuun te iteraniba n Ana Boki Moomon

Ana boki Moomon e kona ni kakorakoraa au onimaki iroun Iesu Kristo.

Te Atuun te iteraniba n Ana Boki Moomon. e katauraoa ae raka riki nakon ae ti Atuna. Irarikin bwai ake tabeua, e karinani tabeua kantaninga ibukin te rekooti ae tabu aei. Kakaei kantaninga aikai, ao imwina ngkana ko kamatebwaia Ana Boki Moomon n te ririki aei, taui mwin kiibu aika ko namakini bwa a kakoroi nanon kantaninga aikai. Te katoto, Tera te mwakoro ae e buokiko ni Kamatatako “bwa Iesu bon te Kristo, ao te Atua ae Akea Tokina”?

Kabwarabwaraan ana Boki Moomon

Ana Boki Moomon.” e kabwarabwara te babaire ni kamaiu.”

Te babaire ni Kamaiu bon ana kainibaire Tamara are i Karawa ni buokia Natina bwa ana karietataki, n ai Arona, ao n rinanon te kukurei ae E namakinna.(taraa 2 Nibwaai 2: 25-26). Ana Mwakuri ni Kamaiu Iesu Kristo e kakoroa nanon te Kainibaire aei, ao ni kabane reirei, otenanti, berita, ao Tuua are e anga te Atua a oinaki ibukin buokan kakoroan nanon te Kainibaire.

Ngkana ko kan oota n te babaire ni Kamaiu, akea riki te boki ae nakoraoi ibukin te wareware irarikin Ana Boki Moomon. E mwanewea ana kainibaire te Atua—ni kabonganai aara aika mwaiti—-e raka i aon 20 te tai. N am kamatebwai n te ririki aei, taraia ngkana e mwaneweaki ana Kainibaire te Atua ke ngkana e taekinaki ao taraia bwa tera ae taekinna Ana Boki Moomon i aona.

Aio te mwakuri ae ko na waaki iaona. Wareki kiibu aikai, ao Karinani aara aika kakakoro ibukin ana Kainibaire te Atua: 2 Nibwaai 9:13; 11:5; ao Aramwa 12:32-34; 24:14; 41:2; 42:15-16. Tera ae a kaotia aara aikai nakoim ibukin ana Kainibaire te Atua?

“Aia Koaua Taan Kakoaua aika Teniman”; “Aia Koaua Taan Kakoaua aika Waniman”

I kona n riki bwa te tia kakoaua n Ana Boki Moomon.

Te Tamnei ae Raoiroi e na kaotioti nakoim bwa e koaua Ana Boki Moomon, e ngae ngke ko tuai n noori Bwaatua Koora n ai aroia Taan Kakoaua aika Teniman ao aika Waniman aika a tia nooria. A kanga aia koaua ni kakorakoraa am Koaua? Kona kanga n “anga [aram] nakon te Aonaba, ni kakoaua nakon te Aonaba” bwai aika ko atai ibukin Ana Boki Moomon? (“Aia Koaua Taan Kakoaua Aika Waniman”).

“Ana Koaua te Burabeti ae Iotebwa Timiti”

Rokon Ana Boki Moomon bon te kakai.

Ngkana iai ae titirakiniko bwa e roko mai iaa Ana Boki Moomon, tera am taeka? Kona kanga ni kabwarabwara mwaakan te Uea ni uota rokon Ana Boki Moomon? Tera ana Kabwarabwara Iotebwa Timiti i aon Rokon Ana Boki Moomon?

“Ana Koaua te Burabeti ae Iotebwa Timiti”

E kanga n rairaki Ana Boki Moomon?

E rairaki Ana Boki Moomon man “ana bwaintituaraoi ao mwaakan te Atua.” Tiaki atai kabwarabwara n ae nano ibukin te aro n rairairi are kakai, ma ti ataia bwa Iotebwa Timiti bon te tia mamata, ae buokaki man bwai ni buobuoki are e katauraoia te Atua: uoua atibu aika itiaki aika a aranaki bwa te Urim ao te Tummim ao teuana riki te atibu ae arana te atibu ni mamata. E noori rairan koroboki ake i aon Bwaatua Iotebwa i aon atiibu aikai. Ao e wareka te rairairi n kabaibati bwa e a aonga te tia koroboki n taui mwiia. Ni kabane ana taan koroboki Iotebwa a kaotioti bwa e oti mwaakan te Atua inanon te rairairi ibukin te mwakuri ae tabu aei.

Taara “Rairan Ana Boki Moomon”(Atuun Rongorongo ibukin te Euangkerio, topics.ChurchofJesusChrist.org).

Iango ibukin te Kamatebwai n te Utu ni Koroboki aika Tabu ao ni Bootakin te Utu n te Tairiki

Ngkana ko wareki koroboki aika tabu ma am utu, E na buokiko te Tamnei ni kaotia bwa tera reirei ake kona kamatatai ao ake kona maroroakin ni karekei bwai ake kainanoi am Utu. Aikai iango tabeua.

Atuun te iteraniba n Ana Boki Moomon

Tao e na kona am utu ni waaki man karinanan kiibu man Ana Boki Moomon aika a tia ni katea am onimaki “bwa Iesu bon te Kristo” ao karikirakea rinanon te ririki. Aio e na kona n riki bwa te tai ae tamaroa ni karaoan te babaire n te Utu ibukin warekan Ana Boki Moomon: Ningai ao Iaa are kam na botaki ni wareware? Ana kanga kain te Utu n tatabemaniia n iraa nanon te waaki? Ibukin te ibuobuoki riki, taraa “Iango ni Katamaroa Ami Kamatebwai n Koroboki aika Tabu n te Utu” ni moante bwai ni ibuobuoki aei.

Kabwarabwaraan ana Boki Moomon

Te maninganga n atibu bon te atibu ae uoua ramwana ae mena i etan te aake ao a rokani nikabane atiibu. Ni buoka am utu bwa a na matata bwa e kanga n riki Ana Boki Moomo bwa “kingin aan ara ekaretia” ko kona ni katea ke ni korotamneia te aake ma te maninganinga n atiibu mai i eta. Tera ae riki ngkana e kanakoaki te maninganinga n atiibu? Tera ae e na kona riki ngkana akea Ana Boki Moomon? Ti na kanga n karika Ana Boki Moomon bwa kiingin ara onimaki iroun Iesu Kristo?

Ana Boki Moomon bon maninganigan atibun ara aro.

“Aia Koaua Taan Kakoaua aika Teniman”; “Aia Koaua Taan Kakoaua aika Waniman”

A kona kain am utu ni korei aia koaua ibukin Ana Boki Moomon, tiaina araia i aona, ao ni iangoi kawai n tibwauai aia koaua ma tabeman.

“Ana Koaua te Burabeti ae Iotebwa Timiti”

N rongorongon Iotebwa Timiti, tera te koaua ae ti kunea bwa te Atua e ira te waaki ni karekea angan rokon Ana Boki Moomon?

Ibukin iango aika a mwaiti riki ibukiia ataei, taraa te kamataata n te wiiki aei n Nakomai, Iriirai—Ibukin te Moanrinan.

Kanakoraoan te Kamatebwai I Bon Iroum

Te Berita ae Taetae ni Burabetiaki. Beretitenti Russell M; Nelson e taku, “I berita bwa ngkai ko iangoi raoi baike ko kamatebwai [n Ana Boki Moomon], a na uki wintoon karawa, ao ko na karekei reken am titiraki ao kairam ibukin oin maium” (“Ana Boki Moomon: Tera Aron Maium Ngkana Arona bwa Akea?” Ensign ke Riaona, Nob. 2017, 62-63).

E anga Bwaatua Koora Moronaai, iroun Gary L. Kapp