ថ្ងៃទី ១០–១៦ ខែ កុម្ភៈ ។. នីហ្វៃទី ២ ៦–១០ ៖ ‹ ឱ ផែនការនៃព្រះរបស់យើងធំណាស់ហ្ន៎ ! ›» ចូរមកតាមខ្ញុំ—សម្រាប់បុគ្គលម្នាក់ៗ និងក្រុមគ្រួសារ ៖ ព្រះគម្ពីរមរមន ឆ្នាំ ២០២០ ( ឆ្នាំ ២០២០ )

« ថ្ងៃទី ១០–១៦ ខែ កុម្ភៈ ។ នីហ្វៃទី ២ ៦–១០ » ចូរមកតាមខ្ញុំ—សម្រាប់បុគ្គលម្នាក់ៗ និងក្រុមគ្រួសារ ៖ ឆ្នាំ ២០២០

កុំតាមចិត្តទូលបង្គំឡើយ សូមតាមតែព្រះហឫទ័យទ្រង់វិញ ដោយ ហារី អាន់ឌើរសិន

ថ្ងៃទី ១០–១៦ ខែ កុម្ភៈ

នីហ្វៃ ទី ២ ៦–១០

« ឱ ផែនការនៃព្រះរបស់យើងធំណាស់ហ្ន៎ ! »

នៅពេលបងប្អូនអាន នីហ្វៃទី ២ ៦–១០ សូមពិចារណាអំពីអ្វីដែលព្រះអម្ចាស់កំពុងព្យាយាមបង្រៀនដល់បងប្អូន ។ នៅពេលបងប្អូនស្គាល់សេចក្ដីពិតទាំងនេះ សូមកត់ត្រាវា ហើយពិចារណាប្រកបដោយការអធិស្ឋាន អំពីរបៀបដែលបងប្អូនអាចធ្វើតាមអ្វីដែលបងប្អូនកំពុងរៀន ។

កត់ត្រាចំណាប់អារម្មណ៍របស់បងប្អូន

វាមានរយៈពេលយ៉ាងហោចណាស់ ៤០ ឆ្នាំ ចាប់តាំងពីគ្រួសាររបស់លីហៃចាកចេញពីទីក្រុងយេរូសាឡិម ។ ពួកគេនៅក្នុងទឹកដីថ្មីៗចម្លែកមួយ នៅពាក់កណ្ដាលពិភពលោកឆ្ងាយពីទីក្រុងយេរូសាឡិម និងរាស្ត្រនៃសេចក្ដីសញ្ញារបស់ព្រះផ្សេងទៀត ។ លីហៃបានស្លាប់ ហើយកូនចៅរបស់គាត់បានចាប់ផ្ដើមមានជម្លោះរាប់សតវត្សរ៍រវាងសាសន៍នីហ្វៃ—« ដែលជឿទៅលើការព្រមាន និងវិវរណៈនៃព្រះ » — ហើយពួកសាសន៍លេមិនពុំជឿទេ ( នីហ្វៃទី ២ ៥:៦ ) ។ នៅក្នុងស្ថានភាពទាំងនេះ យ៉ាកុបដែលជាប្អូនប្រុសរបស់នីហ្វៃ ហើយឥឡូវបានតែងតាំងឲ្យធ្វើជាគ្រូបង្រៀនដល់ពួកសាសន៍នីហ្វៃ ចង់ឲ្យរាស្ត្រនៃសេចក្ដីសញ្ញាដឹងថា ព្រះពុំដែលបំភ្លេចពួកគេទេ ដូច្នេះពួកគេមិនត្រូវបំភ្លេចទ្រង់ឡើយ ។ នេះគឺជាសារលិខិតដែលយើងត្រូវការយ៉ាងខ្លាំងនៅក្នុងពិភពលោករបស់យើង ដែលបានចំអកមើលងាយដល់សេចក្ដីសញ្ញា ហើយបានបដិសេធវិវរណៈ ។ គាត់បានប្រកាសថា « ចូរយើងនឹកចាំដល់ទ្រង់ …ដើម្បីយើងមិនត្រូវបានបោះបង់ចោល …។ ពាក្យសន្យាទាំងឡាយរបស់ព្រះធំណាស់ហ្ន៎ » ( នីហ្វៃទី ២ ១០:២០–២១) ។ នៅក្នុងចំណោមការសន្យាទាំងនេះ ពុំមានការសន្យាណាមហិមាជាងការសន្យានៃ « ដង្វាយធួនដ៏និរន្ដរ៍ » ដើម្បីយកឈ្នះលើសេចក្ដីស្លាប់ និងស្ថាននរកនោះទេ ( នីហ្វៃទី ២ ៩:៧ ) ។ « ហេតុដូច្នោះហើយ » យ៉ាកុបបានបញ្ចប់ថា « ចូររីករាយក្នុងចិត្តឡើង ! » ( នីហ្វៃទី ២ ១០:២៣) ។

គំនិតយោបល់សម្រាប់ការសិក្សាព្រះគម្ពីរផ្ទាល់ខ្លួន

នីហ្វៃទី ២ ៦–៨

ព្រះអម្ចាស់មានសេចក្ដីមេត្តាករុណាដល់រាស្ត្ររបស់ទ្រង់ ហើយនឹងបំពេញតាមការសន្យាទាំងឡាយរបស់ទ្រង់ ។

ដើម្បីជួយដល់រាស្ត្ររបស់គាត់យល់ថា ពួកគេជាផ្នែកមួយ ក្នុងវង្សនៃអ៊ីស្រាអែល ហើយអាចទុកចិត្តព្រះ និងការសន្យារបស់ទ្រង់ នោះយ៉ាកុបបានដកស្រង់ពាក្យព្យាកររបស់លោកអេសាយ ដែលបានកត់ត្រានៅក្នុង នីហ្វៃទី ២ ៦–៨ ។ លោកអេសាយ បានពិពណ៌នាអំពីការខ្ចាត់ខ្ចាយនៃសាសន៍អ៊ីស្រាអែល និងការប្រមូលផ្ដុំដែលបានសន្យារបស់ព្រះអង្គសង្គ្រោះនិងការប្រោសលោះនៃរាស្ត្ររបស់ទ្រង់ ។ នៅពេលបងប្អូនអាន សូមពិចារណាអំពីសំណួរទាំងឡាយដូចខាងក្រោម ៖

តើខ្ញុំរៀនអ្វីខ្លះអំពីសេចក្ដីស្រឡាញ់ប្រោសលោះរបស់ព្រះអង្គសង្គ្រោះចំពោះខ្ញុំ ?
តើមានការលួងលោមចិត្តអ្វីខ្លះដែលព្រះអង្គសង្គ្រោះបានប្រទានឲ្យអស់អ្នកដែលស្វែងរកទ្រង់ ?
តើខ្ញុំអាចធ្វើអ្វីខ្លះដើម្បីកាន់តែ « រង់ចាំ » ដោយស្មោះត្រង់ចំពោះព្រះអង្គសង្គ្រោះ និងពរជ័យដែលបានសន្យារបស់ទ្រង់ ?

នីហ្វៃ ទី ២ ៩:១–២៦

តាមរយៈដង្វាយធួនរបស់ទ្រង់ ព្រះយេស៊ូវគ្រីស្ទបានរំដោះមនុស្សទាំងអស់ពីសេចក្ដីស្លាប់ទាំងខាងរូបកាយ និងខាងវិញ្ញាណ ។

តើមានពាក្យ ឬរូបភាពអ្វីខ្លះដែលបងប្អូននឹងប្រើដើម្បីទំនាក់ទំនងទៅនរណាម្នាក់អំពីការត្រូវការព្រះប្រោសលោះមួយអង្គដើម្បីសង្គ្រោះយើងពីសេចក្ដីស្លាប់ និងអំពើបាប ? យ៉ាកុបបានប្រើពាក្យ « ដ៏គួរស្ញែងខ្លាច » និង « វិរូប » ។ តើយ៉ាកុបបានបង្រៀនអ្វីខ្លះអំពី « វិរូបនោះ គឺជាសេចក្ដីស្លាប់ និងស្ថាននរក » និង « ការរំដោះខ្លួនចេញ » ដែលព្រះបានរៀបចំសម្រាប់យើង ? ( នីហ្វៃទី ២ ៩:១០ ) ។ នៅពេលបងប្អូនអាន នីហ្វៃទី ២ ៩:១–២៦ សូមពិចារណាធ្វើការគូសចំណាំជាពណ៌មួយអំពីអ្វីដែលនឹងកើតឡើងចំពោះយើងបើគ្មានដង្វាយធួនរបស់ព្រះយេស៊ូវគ្រីស្ទ ។ បន្ទាប់មក ប្រើពណ៌មួយទៀត បងប្អូនអាចគូសចំណាំនូវអ្វីដែលយើងអាចទទួលបានតាមរយៈដង្វាយធួនរបស់ព្រះអង្គសង្គ្រោះ ។ តើមានសេចក្ដីពិតអ្វីខ្លះដែលបងប្អូនរកឃើញអំពីដង្វាយធួនរបស់ព្រះយេស៊ូវគ្រីស្ទ ដែលបណ្ដាលឲ្យបងប្អូនសរសើរដល់ « ប្រាជ្ញានៃព្រះ សេចក្ដីមេត្តាករុណា និងព្រះគុណរបស់ព្រះ » ? ( នីហ្វៃទី ២ ៩:៨ ) ។

សូមមើលផងដែរ « Atonement of Jesus Christ » Gospel Topics លើគេហទំព័រ topics.ChurchofJesusChrist.org ។

នីហ្វៃទី ២ ៩:២៧–៥៤

ខ្ញុំអាចមករកព្រះគ្រីស្ទ ហើយទទួលបានពរជ័យដ៏រុងរឿងនៃដង្វាយធួនរបស់ទ្រង់ ។

ព្រះយេស៊ូវគ្រីស្ទបានយាងមក « ឯលោកិយដើម្បីទ្រង់អាចសង្គ្រោះមនុស្សលោកទាំងអស់ បើសិនជា ពួកគេព្រមស្ដាប់តាមព្រះបន្ទូលរបស់ទ្រង់ » ( នីហ្វៃទី ២ ៩:២១ បន្ថែមអក្សរទ្រេត ) ។ ជាពាក្យម្យ៉ាងទៀត យើងត្រូវតែមានឆន្ទៈដើម្បីទទួលយកពរជ័យនៃការសង្គ្រោះដែលទ្រង់បានប្រទានឲ្យ ។ បន្ទាប់ពីការពិពណ៌នាអំពីផែនការនៃការប្រោសលោះដ៏មហិមា យ៉ាកុបបានផ្ដល់ការព្រមាន និងការអញ្ជើញដ៏សំខាន់ជាច្រើន ដែលមាននៅក្នុង នីហ្វៃទី ២ ៩:២៧–៥៤ ដើម្បីជួយយើងទទួលពរជ័យនៃដង្វាយធួន ។ សូមពិចារណាធ្វើការកត់ត្រាវានៅលើតារាងមួយដូចតារាងមួយនៅ ខាងក្រោមនេះ ៖

ការព្រមាន	ការអញ្ជើញ
ការព្រមាន	ការអញ្ជើញ
ការព្រមាន	ការអញ្ជើញ

តើបងប្អូនទទួលអារម្មណ៍បំផុសគំនិតដោយព្រះវិញ្ញាណឲ្យធ្វើអ្វីខ្លះ ក្នុងការឆ្លើយតបចំពោះការព្រមាន និងការអញ្ជើញទាំងនេះ ?

នីហ្វៃទី ២ ១០:២០, ២៣–២៥

ពីព្រោះតែពលិកម្មរបស់ព្រះយេស៊ូវគ្រីស្ទ ខ្ញុំអាច « រីករាយ » ក្នុងចិត្តខ្ញុំ ។

សារលិខិតរបស់យ៉ាកុប គឺជាសារលិខិតអំណរមួយ ។ គាត់ថ្លែងថា « ខ្ញុំពោលការណ៍ទាំងអស់ដល់អ្នករាល់គ្នា ដើម្បីឲ្យអ្នករាល់គ្នាអាចបានត្រេកអរ ហើយងើយក្បាលអ្នកឡើងជាដរាប » ( នីហ្វៃទី ២ ៩:៣ ) ។ នៅពេលបងប្អូនអាន នីហ្វៃទី ២ ១០:២០, ២៣–២៥ តើបងប្អូនរកឃើញអ្វីខ្លះដែលផ្ដល់សេចក្ដីសង្ឃឹមដល់បងប្អូន ? តើបងប្អូនរក ឃើញមានអ្វីខ្លះទៀតនៅក្នុង នីហ្វៃទី ២ ៩–១០ ដែលបានផ្ដល់សេចក្ដីសង្ឃឹមដល់បងប្អូន ? តើបងប្អូននឹងធ្វើអ្វីខ្លះដើម្បីចងចាំរឿងទាំងនេះ នៅពេលបងប្អូនមានអារម្មណ៍បាក់ទឹកចិត្ត ?

សូមមើលផងដែរ យ៉ូហាន ១៦:៣៣ ។

គំនិតយោបល់សម្រាប់ការសិក្សាព្រះគម្ពីរជាគ្រួសារ និងរាត្រីជួបជុំក្រុមគ្រួសារ

នៅពេលបងប្អូនអានគម្ពីរជាមួយនឹងគ្រួសាររបស់បងប្អូន នោះព្រះវិញ្ញាណអាចជួយបងប្អូនឲ្យស្គាល់ថាគោលការណ៍អ្វីដែលត្រូវគូសបញ្ជាក់ និងពិភាក្សាដើម្បីបំពេញតាមតម្រូវការរបស់គ្រួសារបងប្អូន ។ ទាំងនេះគឺជាគំនិតយោបល់មួយចំនួន ។

នីហ្វៃ ទី ២ ៨:៣–៧

នៅពេលបងប្អូនអាន នីហ្វៃទី ២ ៨:៣ បងប្អូនអាចបង្ហាញរូបភាពនៃវាលខ្សាច់ និងសួនច្បារ ។ តើព្រះអម្ចាស់អាចបង្វែរវាលខ្សាច់នៃជីវិតរបស់យើងទៅជាសួនច្បារដោយរបៀបណា ? នៅក្នុង ខ ៤–៧ តើព្រះអម្ចាស់ទូន្មានយើងឲ្យធ្វើអ្វីខ្លះ ដើម្បីទទួលបានអំណរដែលបានពិពណ៌នានៅក្នុង ខទី ៣ ?

នីហ្វៃទី ២ ៨:២៤–២៥

តើពាក្យលើកទឹកចិត្តរបស់លោកអេសាយដល់ប្រជាជននៃស៊ីយ៉ូនអាចពង្រឹងយើងនៅក្នុងការខិតខំរបស់យើងដើម្បីក្លាយជាពួកសិស្សកាន់តែស្មោះត្រង់របស់ព្រះយេស៊ូវគ្រីស្ទយ៉ាងដូចម្ដេច ? តើការភ្ញាក់ឡើង ហើយស្លៀកសម្លៀកបំពាក់មានភាពស្រដៀងគ្នាទៅនឹងអ្វីដែលព្រះសព្វព្រះទ័យចង់ឲ្យយើងធ្វើខាងវិញ្ញាណយ៉ាងដូចម្ដេច ?

នីហ្វៃ ទី ២ ៩:១–២៦

តើគ្រួសាររបស់បងប្អូនអាចធ្វើអ្វីខ្លះដើម្បីយល់ដឹងបានកាន់តែល្អប្រសើរអំពីភាពមហិមានៃ « ដង្វាយធួនដ៏និរន្ដរ៍ » របស់ព្រះយេស៊ូវគ្រីស្ទ ? ( ខទី ៧ ) ។ ប្រហែលជាពួកគេអាចរកមើល ឬគិតអំពីរឿងដែលហាក់ដូចជាមានចំនួនដ៏និរន្ដរ៍—ពន្លកនៃស្មៅនៅទីវាល គ្រាប់ខ្សាច់នៅលើឆ្នេរខ្សាច់ ឬតារានៅលើមេឃ ។ តើដង្វាយធួនរបស់ព្រះអង្គសង្គ្រោះជានិរន្ដរ៍យ៉ាងដូចម្ដេច ? តើឃ្លានៅក្នុង នីហ្វៃទី ២ ៩ ធ្វើឲ្យការដឹងគុណរបស់យើងមានកាន់តែខ្លាំងទៅលើអ្វីដែលព្រះអង្គសង្គ្រោះបានធ្វើសម្រាប់យើងយ៉ាងណាខ្លះ ?

នីហ្វៃទី ២ ៩:២៧–៤៤

ប្រហែលជានៅថ្ងៃមួយក្នុងសប្ដាហ៍នេះ គ្រួសាររបស់បងប្អូនអាចស្រាវជ្រាវ នីហ្វៃទី ២ ៩:២៧–៣៨ ស្វែងរកការព្រមាន ( ចាប់ផ្ដើមដោយពាក្យ « វេទនា » ) ។ តើមានការព្រមានទាំងនេះណាមួយដែលហាក់ដូចជាសំខាន់ជាពិសេសសម្រាប់គ្រួសាររបស់បងប្អូនធ្វើការពិភាក្សា ? នៅថ្ងៃផ្សេងទៀត បងប្អូនអាចស្រាវជ្រាវ នីហ្វៃទី ២ ៩:៣៩–៤៤ ស្វែងរកនូវអ្វីដែលយ៉ាកុបបានអញ្ជើញដល់ប្រជាជនគាត់ឲ្យចងចាំ ។

នីហ្វៃទី ២ ៩:២៨–២៩, ៥០–៥១

តើឧទាហរណ៍មួយចំនួននៃ « អំពើមោឃៈ និងភាពទន់ខ្សោយ និងការឆ្កួតលីលានៃមនុស្សលោក » មានអ្វីខ្លះ ? ( ខទី ២៨ ) ។ តើយើងអាចធ្វើអ្វីខ្លះដើម្បីឲ្យតម្លៃកាន់តែខ្លាំងទៅលើរឿងរបស់ព្រះ ហើយឲ្យតម្លៃរឿងខាងលោកិយកាន់តែតិច ?

នីហ្វៃទី ២ ៩:៤៥

គ្រួសាររបស់បងប្អូនអាចរីករាយនឹងការធ្វើជាច្រវ៉ាក់ពីក្រដាស ហើយផ្លាស់វេនគ្នាដាក់វាប្រទាក់គ្នា ហើយរលាស់វា ។ តើអំពើបាបប្រៀបដូចជាច្រវ៉ាក់យ៉ាងដូចម្ដេច ? តើព្រះអង្គសង្គ្រោះជួយយើងរលាស់វាចេញដោយរបៀបណា ?

សម្រាប់គំនិតបន្ថែមសម្រាប់ការបង្រៀនដល់កុមារ សូមមើល គម្រោងមេរៀនសប្ដាហ៍នេះ នៅក្នុងសៀវភៅ ចូរមកតាមខ្ញុំ—សម្រាប់ថ្នាក់បឋមសិក្សា ។

ការកែលម្អការបង្រៀនរបស់យើង

មាន ហើយអាចប្រើប្រាស់បាន « គ្រាដ៏ល្អបំផុតមួយចំនួនក្នុងការបង្រៀនចាប់ផ្ដើមឡើងនៅពេលមានសំណួរ ឬកង្វល់នៅក្នុងដួងចិត្តរបស់សមាជិក [ គ្រួសារ ] » ។… សូមឲ្យពួកគេដឹងតាមរយៈពាក្យសម្ដី និងសកម្មភាពរបស់បងប្អូនថា បងប្អូនចង់ស្ដាប់ពួកគេ ( ការបង្រៀនតាមរបៀបរបស់ព្រះអង្គសង្គ្រោះ ទំព័រ ១៦ ) ។

ព្រះយេស៊ូវកំពុងព្យាបាលប្រជាជន — ព្រះអង្គសង្គ្រោះនឹងសង្គ្រោះកូនចៅទាំងអស់របស់ព្រះ « បើសិនជាពួកគេព្រមស្ដាប់តាមព្រះបន្ទូលរបស់ទ្រង់ » ( នីហ្វៃទី ២ ៩:២១) ។ ទ្រង់បានព្យាបាលមនុស្សជាច្រើនដែលមានជំងឺផ្សេងៗ ដោយ ជេ ខឺត រីឆាត