Sa rairai ko Jisu vei ira na Nifaiti

Koi Au na Rarama kei Vuravura, mai vei James Fullmer

14–20 ni Sepiteba

3 Nifai 8–11

“Tucake ka lako mai vei au”

Ena 3 Nifai 8 – 11, era rogoca na domo ni Kalou ni vosa tiko vei ira. Ni o wilika na iwase oqo, vakarogoca na veika e tukuna vei iko na domona.

Vola na Veika o Uqeti Kina

“Raica, koi Au ko Jisu Karisito ka ra a vakadinadinataka na parofita ni na lako mai ki vuravura (3 Nifai 11:10). Ena malanivosa oqo, na iVakabula sa tucaketale vakaveikilaitaki koya, me vakayacori kina e sivia ni 600 na yabaki ni parofisai ni iVola i Momani. “Na kemu irairai kei na ivakaro ,” a vola o Elder Jeffrey R. Holland, “e tukuna tiko e vakanamata ena cecere ni gauna, ena itukutuku ni veigauna ni iVola i Momani. Sai koya na ivakaraitaki kei na ivakaro ka a vakavulici ira ka vakauqeti ira kece na parofita ni Nifai. … Era a veitalanoataki koya, laga sere taki koya, ka tadrai koya, ka masuta na kena irairai mai— ia e tu dina ga eke o koya. Na siga ni veisiga! Na Kalou ka vukica na butobuto ni bogi yadua me vaka na rarama ni mataka e sa yaco mai” (Na Karisito kei na Veiyalayalati Vou [1997], 250–51).

ivakatakilakila ni vuli yadua

Vakasama eso ni Vuli iVolanikalou Yadua

3 Nifai 8–11

Sai Jisu Karisito na Rarama kei Vuravura.

O na raica beka na veiulutaga e semati tiko yani ki na butobuto kei na rarama—na kena vakayago ka vakayalo—e vakasama tokaruataki ena 3 Nifai 8 – 11. Na cava o vulica mai na veiwase oqo me baleta na rarama kei na butobuto vakayalo? Na cava ena kauta mai na butobuto ki na nomu bula? Na cava ena kauta mai na rarama? Na cava na vuna o nanuma kina ni a digitaka na iVakabula me vakaraitaki koya me vaka “na rarama kei na bula kei vuravura”? (3 Nifai 9:18; 11:11). E vuni rarama vakacava ena nomu bula o Jisu Karisito?

3 Nifai 8–10

Kevaka au veivutuni, au na kumuni, taqomaki, ka vakabulai au na iVakabula.

O na vakasamataka vakacava na nodra nanuma na tamata era sa sotava oti na veivakarusai kei na butobuto e vakamacalataki tiko ena 3 Nifai 8? O na vakananuma vakacava na veika era a vakila ena nodratou rogoca na domona na Vakabula ena nona tukuna tiko baleta na rarama, loloma veivueti, kei na veisereki ena wase 9 kei na 10?

E dina ga ni a kaya na iVakabula ni na yaco na vakacaca rerevaki ena vuku ni nodra ivalavala ca na tamata, ia sa yalataka tu o Koya ni na vakabulai ira era sa na lesu tale Vua ka veivutuni (raica na 3 Nifai 9:2, 13). A kaya o Elder Neil L. Andersen: “Au kurabui ena ovici au na iVakabula ena loloma veivueti kei na loloma me baleti ira era sa veivutuni, se cava ga na ivakarau kocokoco ni biu laivi na ivalavala ca. Au sa vakadinadinataka ni sa rawa ka gutaka na iVakabula me vosota na noda ivalavala ca“(“Dou veivutuni … Meu vakabulai iko,” Ensign se Liaona, Nove. 2009, 40).

Vakasaqara ena 3 Nifai 9–10 na ivakadinadina ni loloma i Karisito kei na nona gugumatua me veivosoti. Me kena ivakaraitaki, na cava o raica ena 3 Nifai 9:13–22 kei na 10:1–6 ka vukei iko mo vakila na loloma kei na loloma veivueti ni iVakabula? Vakasamataka mada na veika o sa sotava ena nomu vakilai Koya ena nona “kumuni” kei na nona “vakabulabulataki” iko (raica na 3 Nifai 10:4). Vakasamataka mo volaitukutukutaka na veika oqo ena dua na ivolaniveisiga se wasea vei ira na wekamu.

3 Nifai 11:1–8

Au rawa ni vulica meu rogoca ka kila na domona na Kalou.

O sa bau vakila na dredre ni nomu saga mo kila e dua na itukutuku ka a tukuna tiko mai vei iko na Kalou? E rairai na veika era sotava tiko na tamata era tiko ena 3 Nifai 11:1–8 ka rawa ni vukei iko mo kila eso na ivakavuvuli ena kena rogoci ka kilai na domo ni Kalou. Rawa ni o raica na ivakarau ni domo ni Kalou era sa rogoca na tamata kei na cava era sa kitaka mera kila vakavinaka kina. Era na vakayagataki rawa vakacava na itukutuku oqo ki na nomu sasaga mo rogoca ka kila na domo ni Kalou ena nomu bula mai na ivakatakila yadua?

3 Nifai 11:8–17

A sureti au o Jisu Karisito meu rawata e dua na ivakadinadina me baleti Koya.

Sa rauta ni 2,500 na tamata vakasoqoni mai Vanuasautu ena gauna a rairai kina o Jisu Karisito (raica 3 Nifai 17:25). Se cava ga na iwiliwili levu oqo, na iVakabula a sureti ira “yadudua” me ra vakila na ivako e vako ena ligana kei na yavana (3 Nifai 11:14–15). Na cava e vakatura vei iko me baleta na bibi ni kena tiko na veika e sotava ka tara cake na vakabauti Jisu Karisito? Ena sala cava e sureti kemuni kina na iVakabula mo ni “tucake ka lako mai vei” Koya? (3 Nifai 11:14). Na veika cava e sa vukei iko mo rawata e dua na ivakadinadina ni o Koya na nomu iVakabula? Sa rawa talega mo vakasamataka na ivakaraitaki ni iVakabula ena veitikina oqo me vakauqeta na nomu sasaga mo veiqaravi vei ira na tani.

O Jisu e vakaraitaka na mawe ena Ligana vei ira na Nifai

Yadudua, mai vei Walter Rane

ivakatakilakila ni vuli vakavuvale

Eso na Vakasama me baleta na Vuli iVolanikalou Vakavuvale kei na Lotu Vakavuvale

Ni o wilika na ivolanikalou kei na nomu vuvale, ena rawa ni vukei iko na Yalo mo kila na ivakavuvuli cava mo vakabibitaka ka veivosakitaka me rawa ni sotavi kina na gagadre ni nomu vuvale. Oqo e vica na vakasama.

3 Nifai 8–9

Me vukea na nomu matavuvale ka semati ki na veika e vakamacalataki ena 3 Nifai 8–9, sa rawa mo tokaruataka se vakarorogo ki na e dua na katokatoni eso ni veiwase oqo ena dua na rumu butobuto. Me veivosakitaki ena vakacava beka na ituvaki ni tiko e na butobuto me tolu na siga. Ia e rawa ni o tukuna na sala sa yaco kina o Jisu Karisito me “rarama … kei vuravura” (3 Nifai 9:18).

3 Nifai 10:1–6

Na nodra vakasoqoni ira vata na luvena na tinatina ni toa e rawa ni dua na iyaragi ni veivakavulici kaukauwa mera vukei na gone me ra kila na ivakarau ni bula kei na ilesilesi ni iVakabula. E rawa mo wilika e vica na tikina oqo ena gauna vata oqo mera ratou sarava voli toka na iyaloyalo ni dua na tinatina toa kei na nona lalai, o ratou na lewe ni nomu matavuvale. Na cava na vuna na gadreva kina e dua na tinatina toa me ra vakasoqoni ira vata na nona lalai? Na cava na vuna e vinakata kina na iVakabula me vakasoqoni keda voleka yani vua? Na cava ena yaco kevaka e dua na luveni toa e sega ni via soqoni vata yani ena gauna e kacivi kina?

3 Nifai 11:1–17

E rairai rawa mo wilika e so na tikina eso oqo ena dua na domo e malumu, “domo lailai” (3 Nifai 11:3). Na cava era cakava na tamata me ra kila na domo mai lomalagi? Na cava eda sa vulica mai na veika e sotavi ira oqo?

3 Nifai 11:21–38

E dua beka ena nomu matavuvale sa vakavakarau tiko me papitaiso? Ni wiliki na 3 Nifai 11:21–38 ena rawa me vukei ira mera vakavakarau. E rawa vakacava na kena vakasamataki vakatitobu na ivakavuvuli ni iVakabula ena veitikina oqo ena vukei ira na lewe ni matavuvale era sa papitaiso oti?

3 Nifai 11:29–30

Na cava e vakatavulica vei keda na veitikina oqo me baleta na veileti? Ena rawa vakacava meda “[cakava] tani” na veileti ena lomani noda itikotiko? (3 Nifai 11:30).

Me baleta na ikuri ni vakasama ni nodra vakavulici na gone, raica na ituvatuva ena macawa oqo ena Mo Lako Mai, Mo Muri Au—Me Baleta na Lalai.

Vakavinakataki ni Vuli Yadudua

Vola na veivakauqeti vakayalo. E tukuna o Elder RichardG. Scott: “Na ka e kilai ka volai vakamatau sa ikoya na ka ena kilai vakarawarawa ena gauna e gadrevi kina. … Na ivakarau oqo ena vakaikuritaka na nomu rawa ni ciqoma e so tale na veivakauqeti vakayalo” (“Acquiring Spiritual Knowledge,” Ensign, Nove. 1993, 88).

Sa rairai ko Jisu vei ira na Nifaiti

Duabau na iVakatawa, mai vei Howard Lyon