“Nobembwa 2–8. Moomon 7-9: ‘I taetae Nakoimi n Aron ae Aongkoa iai Ngkami,’” Nakomai, Iriirai—Ibukiia Aomata n Tatabemaniia ao Utu: Ana Boki Moomon, 2020 (2020)
“Nobembwa 2–8. Moomon 7–9,” Nakomai, Iriirai—Ibukia Aomata n Tatabemania ao utu: 2020
Moronaai e Koroboki iaon Bwatua Aika Koora, iroun Dale Kilborn
Nobembwa 2–8
Moomon 7–9
“I taetae Nakoimi n Aron ae Aongkoa iai Ngkami”
Moomon ao Moronaai iai aia onimaki bwa te bwai are a koreia e na kaungaia naake a maeka ni boong aika kaitira. Ngkana ko wareka Moomon 7–9, koroi iango ake a roko iroum bwa ko na kanga ni kabongana te bwai ae ko a tia n reiakinna.
Korei Am Namakin
Moomon ao Moronaai a ataa aron te namakin ngkana ko na tiku n tii ngkoe n te aonaaba ae buakaka. Ibukin Moronaai e na rangi ni korakora te maroa imwiin maten ana karo n te buaka ao Nibwaite a tiringaki. “Katukai n tii ngai,” e koroia. “Bon akea raoraou ke te tabo are N na nako iai” (Moomon 8:3, 5). A kona bwaai n taraa ni kabwaranano, ma Moronaai e kunea te kantaninga n ana koaua iroun te Tia Kamaiu ao ana atatai bwa “ana waaki te Uea aika akea tokiia a na bon waaki nako” (Moomon 8:22). Ao Moronaai e ataia bwa te tabe ae rangi ni kakawaki ma bukina aika akea tokiia aikanne a na karaoaki man ana Boki Moomon—te koroboki ae nanomwaaka ni katia, te koroboki are n te bong teuana “raneanea man te roo” ao ni uotiia aomata aika mwaiti “nakon ataakin Kristo” (Moomon 8:16; 9:36). Ana koaua Moronaai ni berita aikai e reke ana tai ni katanoata nakoia taan kairiiri n te boki aei, “I taetae nakoimi n aron ae aongkoa iai ngkami” ao “I ataia bwa a na reke au taeka iroumi” (Moomon 8:35; 9:30). Ngkai iai iroura ana taeka, ao ana mwakuri te Uea e waaki nako, ni mwakorona ibukina bwa Moomon ao Moronaai a teimatoa ni koaua nakon aia mition, e ngae ngke tii ngaiia.
Iango ibukin Oin Am Kamatebwai ni Koroboki Aika Tabu
I riai ni kakoaua Iesu Kristo aon taua ni kamatoa” Ana euangkerio.
Ana kabanea n taeka Moomon ake a koreaki n Moomon 7, a taekinaki nakoia aia kariki Reimwanaite, ma iai inanoia koaua ibukira ni kabane. Tera ae reireiniko ana rongorongo Moomon iaon Iesu Kristo ao Ana euangkerio? Bukin tera Moomon e rinea te rongorongo aei ni kabanea ana koroboki?
Moomon 7:8–10; 8:12–22; 9:31–37
E bon rangi ni bongana Ana Boki Moomon.
E titiraki Beretitenti Russell M. Nelson: Ngkana ko anga taian taiman ao taian rubii ke ana Boki Moomon, e nga ae ko na rineia? Ni koauana, e nga ae kakawaki riki iroum? (“Ana Boki Moomon: Tera Aron Maium Ngkana Akea?” Ensign ke Riaona, Nob. 2017, 61).
Moomon ao Moronaai a ataia bwa koroboki ake a kawakin a na rangi ni bongana n ara bong, ngaia ae a karaoi anga karea aika a korakora ni katauraoi ao ni kawakinna. Ngkana ko wareka Moomon 7:8–10; 8:12–22; ao 9:31–37, iangoia bwa bukin tera te koroboki e rangin ni kakawaki n ara bong. Ko kona ni kunei atatai aika a nano riki inanon 1 Nibwaai 13:38–41; 2 Nibwaai 3:11–12; ao Reirei ao Berita aika Tabu 33:16; 42:12–13. Tera taneiai aika a tia ni buokiko n ataia bwa ana Boki Moomon e rangi ni uaana?
Koroboki n Ana Boki Moomon a kaineti nakoira.
Ana Boki Moomon e koreaki ibukin ara bong.
Iesu Kristo e kaotia nakon Moronaai te bwai ae e na riki ngkana e otinako Ana Boki Moomon (taraa Moomon 8:34–35), ao tera te bwai are nooria Moronaai bwa e na anga bwa kauring nakoira n ara bong. Ngkana ko wareka Moomon 8:26–41 ao 9:1–30, iangoia ngkana iai kanikinaa ni katei ao ni mwakuri aikai ni maium. Tera ae ko kona ni karaoia n ae kaokoro?
Te katooto, Moomon 9:1–30 iai inanona ana rongorongo Moronaai ni kaekaan butanakon te kekerikaaki n te koaua iroun Iesu Kristo ae e a kaman nooria n ara bong. Iangoia ni korea te bwai ae ko reiakinna man ana taeka iaon taekan bwaai aikai:
-
Kakawakin te onimaki n Atuan te kaotioti ao kakai (kiibu 7–20)
-
Ana taeka n reirei Moronaai ibukira (kiibu 21–30)
Tera ae ko reiakinna mairoun Moronaai ae kona ni buokiko ni uotiia tabeman ni kaan riki nakon Tamara are i Karawa ao Iesu Kristo?
Iango ibukin Kamatebwai ni Koroboki aika Tabu n te Utu ao Bootakin te Utu n te Tairiki
Inanon warekan koroboki aika tabu ma am utu, e kona ni buokiko te Tamnei n ataia bwa tera taian reirei ae a riai ni kamatataaki ao ni maroroakinaki bwa e aonga ni buoka kainnanoia am utu. Aikai tabeua iango.
Moomon 7:5–7, 10; 9:11–14
Tera ae a reireiniira kiibu aikai ibukin ana baire Tamara are i Karawa ao bukin tera ti kainnanoa te Tia Kamaiu?
Moomon 7:8–10
Tera ae ti a tia n reiakinna n ara kamatebwai n Ana Boki Moomon n te ririki aei are e a tia ni boikiira ni kakorakora ara onimaki n te Baibara? Ni moanan te maroorro, kam kona ni bootaki ni wareki tabeua koroboki aika tabu man ana Boki Moomon ao te Baibara ake a reirei koaua aika titebo, n aron are n Aramwa 7:11–13 ao Itaia 53:3–5 ke 3 Nibwaai 15:16–24 ao Ioane 10:16.
Moomon 8:1–9
E na kanga ana namakin ngke e a tia n tiku n tii ngaia n aron are riki iroun Moronaai? Tera ae kakawaki nakoira n aron te mwakuri are e a tia ni kakoroa bukina?
Moomon 8:12, 17–21; 9:31
Iangoa warekan kiibu aika teniua aikai n te utu ao imwiina wareki rongorongo aikai mairoun Unimwaane Jeffrey R. Holland: “Tii n ana kaangaanga Natina te Rikitemanna ae kororaoi, aomata aika aki kororaoi bon ana aomata te Atua ae e aki toki ni mwakuri ma ngaiia. … Ngkana ko noora te aki kororaoi, uringnga bwa e aki tianaki n aron te mwakuri n Atua” (“Lord, I Believe,” Ensign ke Riaona, Meei 2013, 94). Bukin tera e kakamaku bwa ko na kabanea am iango iaon aki kororaoia tabeman, n raonaki ma naake a korea Ana Boki Moomon?
Moomon 8:36–38
Tera ae nanonaki ni katokaan aran Iesu Kristo iaora? Bukin tera temanna e na maama ni katoka iaon teuanne ke neienne aran Iesu Kristo? Ti na kanga n ninikoria n ara koaua iroun te Tia Kamaiu?
Moomon 9:16–24
A kainnanoaki rengarenga tabeua aika onoti ao bwaina bwa a na kanakoraoa te kakatai n te tiaeanti. Iangoa karaoan te kakatai ke karaoan te rengrenga ae mamate nanom iai n te utu imwain te wareware Moomon 9:16–24. Ngkana ko wareki kiibu (iaon riki kiibu 20–21), taratarai “rengrenga” aika a na kona ni karaoi kakai. Tera taiain kakai aika ti kona n noori n te aonaaba ni katobibiira ao inanon ara utu?
Ibukin iango riki tabeua ibukin reiakinaia, ataei n te kamataata n te wiiki aei in Nakomai, Iriirai—Ibukin te Moanrinan.
Kanakoraoan Am Kamatebwai
Taraa ana bwai n ibuobuoki te Ekaretia ae bwainaki. Ngkana iai am titiraki n te euangkerio, kabanea n tamaroa ibukin kaekaaia bon te tataro, koroboki aika tabu, aia taeka burabeti aika a maiu, ao ana maekatiin te Ekaretia ae bwainaki (taraa Reirei n Ana Kawai te Tia Kamaiu, 17–18, 23–24).
Moomon Ngke e Kauarerekea Kanoan Taian Bwaatua, iroun Jorge Cocco