“Okitobwa 26–Nobembwa 1. Moomon 1–6: ‘I Tangiria Bwa N na Kona ni Kairoroia ni Kabane … Bwa a na Rairinanoia,’” Nakomai, Iriirai—Ibukiia Aomata n Tatabemaniia ao Utu: Ana Boki Moomon 2020 (2020)
“Okitobwa 26–Nobembwa 1. Moomon 1–6,” Nakomai, Iriirai—Ibukiia Aomata n Tatabemaniia ao Utu: 2020
Moronaai E Tauni Bwaatua, iroun Tom Lovell
Okitobwa 26–Nobembwa 1
Moomon 1–6
“I Tangiria Bwa N na Kona ni Kairoroia ni Kabane … Bwa a na Rairinanoia”
Ngkana ko wareka Moomon 1–6, iangoia bwa tera ae ko reiakinna man ana katooto Moomon. Korea te bwai ae kaungaaki iai nanom bwa ko na karaoia.
Korei Am Namakin
Moomon e aki korei mwiin “bwaninin rongorongon te bwai ae “e karika te aro ae aki tamaroa are e nooria ibuakoia Nibwaite (Moomon 2:18; 5:8). Ma te bwai ae korea mwiina n Moomon 1–6 e aki tau bwa e na kauringiira bwa a kanga aomata aika a raoiroi ni kona ni bwaka. Ngkai e a rangi ni korakora te buakaka, e ataaki raoi bwa e a moanna Moomon ni kua ao ni bwarannano. E ngae n anne ni kabane bwaai ake e noori ao n rinanoi, e aki kona ni bua ana onimaki n ana mwakuri n akoi te Atua ae korakora ao ana koaua ae te rairannano bon te kawai ni karekeana. Ao e ngae ngke ana aomata Moomon a totokoa ana kakao ni bubuti bwa a na rairinanoia, e ataia bwa a rawata ana aomata aika e kona n anai nanoia. “Ma ngaia ae,” e katanoata, “I koroia nakon tabotabon aonaaba.” N taekana teuana, e koroboki nakoim (taraa Moomon 3:17–20). Ao ana rongorongo nakoim, n te bong aei, ti tebo ma te rongorongo ae e na kona n tia ni kamaiuiia Nibwaite n aia tai: “Onimakina ana euangkerio Iesu Kristo. … Te rairannano ao te katauraoi n tei imatan ana kaintoka ni motikitaeka-Kristo” (Moomon 3:21–22).
Iango ibukin Am Kamatebwai I Bon Iroum ni Koroboki Aika Tabu
I kona ni maiu n te raoiroi n aki tabe ma te buakaka ae katobibiai.
Ni moa man moan mwakoron Moomon, ko kona ni kunei kaokoro aika a korakora imarenan Moomon ao ana aomata aika a katobibiia. Ngkana ko wareka Moomon 1, iangoia ni kabotaui ana konabwai ao nanon Moomon ma ana aomata. Koroi mwiin kaangaanga ake a roko nakoina ao nakoia (ko na kunea te katooto teuana inanon kiibu 14–15). Tera ae ko reiakinna ae e na kaungako ni maiuakina te raoiroi n te aonaaba ae buakaka aei?
Ngkana ko wareka Moomon 2–6, reitinako ni ukoukoria bwa e kanga Moomon ni kaota ana onimaki iroun Tamara are i Karawa ao Iesu Kristo n aki tabe ma ana kairoro te riaboro are e katobibia.
Buaka, by Jorge Cocco
Te rawawata are E tangiria te Atua e kairiira nakon te bitaki ae koaua ao n teimatoa.
Ngke e noori nanokawakiia ana aomata Moomon, e kantaningaia bwa a na rairi nanoia. Bwa “nanokawakiia bon tiaki ibukin te rairannano” (Moomon 2:13)—tiaki te aeka n rawawata ae tangiria te Atua are e na kairiia nakon te bitaki ni koaua (taraa 2 I-Korinto 7:8–11). Irarikin anne, Nibwaite a namakina te nanokawaki ni bwain te aonaaba (taraa Moomon 2:10–11). N ataa te kaokoro imarenan te rawawata ae E tangiria te Atua ao te rawawata are e tangiria te aonaaba, iangoa karaoakin te tiaata are ko kona iai ni koroi bwaai aika ko reiakin man Moomon 2:10–15 ibukin aekaki n rawawata aika uoua aikai. E kona am tiaata n taraaki n aron aei:
|
Te rawawata n Atua |
Te rawawata n aonaaba |
|---|---|
Te rawawata n Atua Nakomai nakon Iesu (te kibu 14) | Te rawawata n aonaaba Taetaebuaka te Atua (te kibu 14) |
Te rawawata n Atua | Te rawawata n aonaaba |
Te rawawata n Atua | Te rawawata n aonaaba |
Ngkana ko iangoa te bwai ae ko reiakinna, iangoia bwa e na kanga ni kakorakorako n am mwakuri n tokanikai iaon te bure ao n riki n aiaron riki Tamara are i Karawa ao te Tia Kamaiu.
Taraa naba Dieter F. Uchtdorf, “You Can Do It Now!” Ensign ke Riaona, Nobembwa. 2013, 55–57.
I riai n tainako ni kariai ana kakairi te Atua inanon maiu.
Moomon e koroi mamaara aika e noori irouia Nibwaite: a kabwaka ni kinai ana kawai ae a tia te Uea ni kakabwaiaia iai. Beretitenti Henry B. Eyring e kaumakiira “bwa ti na kakaai kawai ni kinai ao n uring ana akoi te Atua. … Tataro ao iangoia, n titiraki taian titiraki: E kanakoa te rongorongo te Atua are bon tii ibukiu? I noora baina inanon maiu ke ni maiuia au ataei? … I kakoaua bwa E tangiriira ao ni kakabwaiaira, iaon riki are a ataia angiia mai ibuakora” (“O Uringnga, Uringnga,” Ensign ke Riaona, Nob. 2007, 67, 69).
Ngkana ko wareka Moomon 3:3, 9, ko na iangoia bwa ko kanga ni kinai ana kairoro te Atua ni maium. Tera kakabwaia aika a na reke ngkana ko kinai Ana kairoro? Tera mwiina ngkana ko aki Kinaa? (see Moomon 2:26).
Iesu Kristo e tei n taakin baina bwa e na butimwaeai.
Nibwaite aki butimwaea ana reirei Moomon, ma iai ana kantaninga bwa e na anaa nanom ana koroboki. Ngkana ko wareka Moomon 5:8–24 ao 6:16–22, tera ae ko reiakinna mai mwiin karaoan te bure? Tera ae ko reiakinna man koroboki aikai iaon ana namakin Tamara are i Karawa ao Iesu nakoim, e ngae ngkana ko bure? Ko kanga n tia n namakina Iesu Kristo ni karoko iroum ma baina aika ataakinaki? Tera ae ko namakina bwa ko kan karaoia?
Iango ibukin Kamatebwai ni Koroboki aika Tabu n te Utu ao Bootakin te Utu n te Tairiki
Inanon warekan koroboki aika tabu ma am utu, e kona ni buokiko te Tamnei n ataia bwa tera taian reirei ae a riai ni kamatataaki ao ni maroroakinaki bwa e aonga ni buoka kainnanoia am utu. Aikai tabeua iango.
Moomon 1:2
Tera ae nanonaki bwa ko na “waekoa ni kunea”? Ko kona ni kunei atatai aika nano n ana taeka David A. Bednar “Quick to Observe” (Ensign, Ritembwa. 2006, 30–36). E kanga te bwaintangira ni waekoa ni kunea bwa te kakabwaia nakon Moomon? E na kanga n riki bwa te kakabwaia nakoira?
Moomon 1:1–6, 15; 2:1–2
Ataei n am utu a ataia ae a kona ni karikirakea te konabwai n tamnei ae korakora ao te mwaaka e ngae ngke kairake? Ana banna ni katooto Moomon e kona ni buokiia. Iangoia ni karaoa rainin te tai ni uarereken ao ni kairaken Moomon ni kabongani taian ririki ao bwaai aika a riki n Moomon 1:1–6, 15 ao 2:1–2. Ngkana ko maroroakina konabwain ao ana taneiai Moomon, taekin aia konabwai am ataei aika a kaungako ao tabeman irarikiia.
Moomon 2:18–19
Tera taeka aika e kabonganai Moomon ni kabwarabwara te aonaaba ae maeka iai? E kanga ni kateimatoa te kantaninga n aki tabe ma taian mamaara irarikina? A na kanga ara utu ni karaoa naba aekan anne?
Moomon 3:12
E kanga ana namakin Moomon ibukiia aomata ake irarikina, e ngae ngke a buakaka? Tera ae ti kona ni karaoia ni karikirakea te aeka n tangira are irouna?
Moomon 5:2
Bukin tera ti nanououa ni bubutia Tamara are i Karawa ibukin buokara ngkana ti kaitara ma te kaangaanga? Tera ae ti kona ni karaoia bwa ti aonga n onimakina riki Tamara are i Karawa?
Moomon 5:16–18
Ni buokiia kaain am utu ni iangoia bwa tera ae nanonaki n “ao a bon ukaki n aron kunin te wiita n te ang” (te kibu 16), raeua te mwakoro ni beeba ni kauarerekei ao kariaia kaain te utu bwa a na uki ni kakibanakoi. Kabwarabwaraa nakoia bwa te kun are itinanikuna e nako man te koraa, ao e bon rangi ni kai kibanako ngkana a ukaki. E kanga aron ae “akea Kristo ma te Atua irouia n te aonaaba” (te kibu 16) n aron ukakinakoana n te ang?
Ibukin iango riki tabeua ibukin reiakinaia ataei, taraa n te kamataata n te wiiki aei n Nakomai, Iriirai—Ibukin te Moanrinan.
Kanakoraoan Ara Anga reirei
Reirei reirei aika itiaki man bebete. Ana euangkerio te Uea e tikiraoi n aron bebetena (taraa RB 133:57). Irarikina are kakukureiaia am utu ma reirei aika a mwaiti, kakoaua bwa te bwai ae ko reiakinna e boboto iaon te reirei ae itiaki ma ni bebete.
Ana Boki Moomon ae Kakai, iroun Joseph Brickey