Ntaub Ntawv Ntxiv tom Kawg B

“Tej Yam Tseeb uas Meej thiab Muaj Nuj Nqis Heev”

Vajtswv tau npaj Phau Ntawv Maumoos kom tawm los hauv hnub nyoog kawg, ib lub sij hawm thaum txhua leej txhua tus tsis tau paub txog cov lus qhuab qhia, los yog hais tias Vajtswv tej yam tseeb uas nyob mus ib txhis. Ib feem ntawm ntawm phau ntawv lub hom phiaj yog, raws li Nifais pom ua ntej, kom “qhia tias [phau Npaivnpaum] muaj tseeb,” “yuav qhia txog tej yam uas meej thiab muaj nuj nqis” uas tau ploj tau ntev lawm; thiab “yuav qhia rau txhua xeem neeg, txhua yam lus, thiab tej neeg sawv daws, hais tias Vajtswv tus Me Nyuam Yaj yog Leej Txiv tus uas Nyob Mus Ib Txhis Leej Tub, thiab nws yog neeg ntiaj teb tus Cawm Seej” (1 Nifais 13:40).

Phau Ntawv Maumoos qhia tej yam tseeb nyob mus ib txhis uas tau ploj lawm hauv lub sij hawm Tso Qhov Tseeb Tseeg thiab ntxiv ib zaj lus tim khawv txog tej yam tseeb uas hais txog nyob hauv phau Npaivnpaum. Nov yog ob peb yam tseeb xwb. Nrhiav tej yam tseeb no thiab lwm yam tseeb uas meej thiab muaj nuj nqis heev thaum koj kawm Phau Ntawv Maumoos.

Pawg Vajtswv

• Leej Txiv Saum Ntuj Ceeb Tsheej, Yexus Khetos, thiab tus Vaj Ntsuj Plig Dawb Huv yog peb leeg uas muaj ib lub hom phiaj (saib 3 Nifais 11:32, 36).

• Tus Cawm Seej uas tau sawv rov los muaj ib lub cev nqaij daim tawv (saib 3 Nifais 11:10–17).

Tej nqe vaj lug kub ntxiv txog Pawg Vajtswv: 2 Nifais 31:6–8; Ethaws 12:41

Yexus Khetos txoj Kev Theej Txhoj

• Yexus Khetos raug txom nyem rau peb tej kev txhaum thiab tej kev raug tsim txom kom Nws thiaj paub pab peb (saib Amas 7:11–13).

• Peb yuav hloov los ua neeg zoo tag nrho los ntawm Yexus Khetos txoj kev tshav ntuj (saib Maulaunais 10:32–33).

Tej nqe vaj lug kub ntxiv txog tus Cawm Seej txoj Kev Theej Txhoj: 1 Nifais 10:6; 2 Nifais 2:6–9; Yakhauj 4:11–12; Mauxiyas 3:1–19; Amas 34:8–16

Txoj Hau Kev Cawm Seej

• Adas thiab Evas txoj Kev Poob yog ib qho tseem ceeb ntawm Leej Txiv Saum Ntuj Ceeb Tsheej txoj hau kev (saib 2 Nifais 2:22–27).

• Peb yuav tsum muaj qhov fab ntxeev kom peb thiaj li siv tau peb txoj kev ywj siab (saib 2 Nifais 2:11–16).

• Peb yuav raug txiav txim raws li peb tej yam peb tau ua thiab peb lub siab xav (saib Amas 41:3–7).

• “Lub pas hluav taws thiab leej faj” yog ib lub cim txog cov uas tsis hloov siab lees txim txoj kev ntxhov siab (saib 2 Nifais 9:16–19; Mauxiyas 3:24–27).

Tej nqe vaj lug kub ntxiv txog txoj hau kev cawm seej: 2 Nifais 9:11–26; Amas 22:12–14; 34:31–35; 42:1–26

Lub Sij Hawm Tso Qhov Tseeb Tseg thiab txoj Kev Muab txoj Moo Zoo Txum Tim Rov Qab Los

• Vim tib neeg ua phem thiab tsis ntseeg ces twb muaj lub sij hawm Tso Qhov Tseeb Tseg Loj Heev (saib Maumoos 8:28, 31–41).

• Phau Ntawv Maumoos qhia tias tej yam hauv phau Npaivnpaum muaj tseeb (saib 1 Nifais 13:19–41; 2 Nephi 3:12).

• Yuav tsum hu Khetos lub koom Txoos raws li Nws lub npe (saib 3 Nifais 27:3–9).

Tej nqe vaj lug kub ntxiv txog lub sij hawm Tso Qhov Tseeb Tseg: 1 Nifais 13:1–9, 24–29; 2 Nifais 27–28

Tej nqe vaj lug kub ntxiv txog Kev Muab txoj Moo Zoo Txum Tim Rov Qab Los: 1 Nifais 14:7–12; 22:7–11; 2 Nifais 3:7–24; 25:17–18

Cov Yaj Saub thiab Kev Tshwm Sim

• Txhua tus yaj saub ua tim khawv txog Yexus Khetos (saib Mauxiyas 13:33–35).

• Kev paub txog tej yam tseeb ntawm sab ntsuj plig yeej yog los ntawm tus Vaj Ntsuj Plig Dawb Huv (saib Amas 5:45–47).

• Phau Npaivnpaum tsis muaj Vajtswv txoj lus tag nrho (saib 2 Nifais 29:10–13).

• Kev tshwm sim los ntawm Vajtswv tsis tau tu hauv peb lub caij nyoog (saib Maumoos 9:7–9).

Tej nqe vaj lug kub ntxiv txog cov yaj saub: 1 Nifais 22:1–2; Mauxiyas 8:16–18; Hilamas 13:24–33

Tej nqe vaj lug kub ntxiv txog kev tshwm sim: Yakhauj 4:8; Amas 12:9–11; 17:2–3; Maulaunais 10:5

Pov Thawj Hwj

• Vajtswv tau hu cov uas tuav lub pov thawj hwj thiab npaj lawv ua ntej ntuj tsim teb raug (saib Amas 13:1–3).

• Ib tug neeg yuav tsum txais txoj cai los ntawm Vajtswv kom qhia txog txoj moo zoo (saib Mauxiyas 23:17).

Tej nqe vaj lug kub ntxiv txog lub pov thawj hwj: Mauxiyas 18:17–20; Amas 13; Hilamas 10:7

Tej Kab Ke thiab Kev Khi Lus

• Peb yuav tsum ua kev cai raus dej kom txais tau txoj sia nyob mus ib txhis (saib 2 Nifais 31:4–13, 17–18).

• Yuav tsum muab neeg raus rau hauv dej thaum ua kev cai raus dej (saib 3 Nifais 11:23–27).

• Cov me nyuam yaus tsis tas ua kev cai raus dej (saib Maulaunais 8:8–12).

• Yuav tsum ua cov kab ke raws li Khetos cov lus txib los ntawm ib tug uas muaj txoj cai yog raug lawm (saib Mauxiyas 18:17–18; 3 Nifais 11:21–27; Maulaunais 4:1).

Tej nqe vaj lug kub ntxiv txog cov kab ke: Mauxiyas 18:8–17; 21:33–35; Amas 13:16; 3 Nifais 18:1–11; Maulaunais 2–6; 8:4–26

Tej nqe vaj lug kub ntxiv txog kev khi lus: 2 Nifais 11:5; Mauxiyas 5:1–9; Amas 24:17–18

Kev Sib Yuav thiab Tsev Neeg

• Cov txiv tsev thiab niam tsev yuav tsum sib hlub (saib Yakhauj 3:5–7).

• Cov txiv tsev thiab niam tsev yuav tsum yug lawv cov me nyuam rau tus Tswv (saib 1 Nifais 7:1).

Tej nqe vaj lug kub ntxiv txog kev sib yuav thiab tsev neeg: 1 Nifais 1:1; 2 Nifais 25:26; Yakhauj 2:23–28; Enos 1:1; Mauxiyas 4:14–15; 3 Nifais 18:21

Cov Lus Txib

• Tus Tswv yuav npaj ib txoj kev rau peb ua raws li Nws cov lus txib (saib 1 Nifais 3:7).

• Vajtswv cog lus tias Nws yuav foom koob hmoov rau peb yog peb ua raws li Nws cov lus txib (saib Mauxiyas 2:22–24).

Tej nqe vaj lug kub ntxiv txog cov lus txib: 1 Nifais 17:3; 22:30–31; Amas 37:13, 35; 50:20