1 Cov lus ntawm Khetos, uas nws tau hais rau nws cov pab coj, kaum ob tug uas nws tau xaiv, thaum nws tso nws ob txhais tes rau saum lawv—

2 Thiab nws tau hu lawv raws npe, hais tias: Nej yuav tsum thov Leej Txiv los ntawm kuv lub npe, hauv kev sib sib zog thov; thiab tom qab uas nej tau ua li no tas nej yuav muaj hwj chim rau nws tus uas nej yuav tso nej ob txhais tes, nej yuav pub tau tus Vaj Ntsuj Plig Dawb Huv; thiab nej yuav muab nws los ntawm kuv lub npe, vim kuv cov thwj tim tau ua li no.

3 Nim no Khetos tau hais cov lus no rau lawv nyob rau lub sij hawm thawj zaug thaum nws tshwm los; thiab cov neeg coob coob tsis tau hnov tej ntawd, tiam sis cov pab coj tau hnov tej ntawd; thiab txhua tus uas lawv tau tso lawv tej tes rau, puav leej tau muaj tus Vaj Ntsuj Plig Dawb Huv.