1 Txoj kev uas lawv cov txwj laug thiab tej pov thawj foom koob hmoov thiab muab lub cev thiab cov ntshav ntawm Khetos rau lub koom txoos; thiab lawv tau foom koob hmoov thiab muab nws raws li Khetos tej lus txib; yog li ntawd peb paub tias txoj kev ua li ntawd yeej yog qhov tseeb; thiab tus txwj laug thiab tus pov thawj tau foom koob hmoov thiab muab nws—

2 Thiab lawv tau txhos caug nrog lub koom txoos, thiab thov rau Leej Txiv los ntawm Khetos lub npe, hais tias:

3 Au Vajtswv, Leej Txiv tus uas Nyob Mus Ib Txhis, peb thov koj ntawm koj Leej Tub, Yexus Khetos lub npe, kom koj foom koob hmoov thiab tshwj cov mov mog no tseg cia kom dawb huv rau lawv sawv daws cov tau noj; kom lawv cov uas tau noj kom nco txog koj Leej Tub lub cev, thiab ua tim khawv rau koj, Au Vajtswv, Leej Txiv tus uas Nyob Mus Ib Txhis, kom lawv txaus siab txais koj Leej Tub lub npe, thiab nco ntsoov txog nws, thiab coj raws li nws tej lus txib uas nws tau muab rau lawv, kom lawv thiaj li yuav muaj nws Leej Ntsuj Plig niaj hnub nrog lawv nyob. Amees.