« ធនធានបន្ថែមទាំងឡាយ » ចូរមកតាមខ្ញុំ—សម្រាប់បុគ្គលម្នាក់ៗ និងក្រុមគ្រួសារ ៖ ព្រះគម្ពីរមរមន ឆ្នាំ ២០២០ ( ឆ្នាំ ២០២០ )
« ធនធានបន្ថែមទាំងឡាយ » ចូរមកតាមខ្ញុំ—សម្រាប់បុគ្គលម្នាក់ៗ និងក្រុមគ្រួសារ ៖ ឆ្នាំ ២០២០
ធនធានបន្ថែមទាំងឡាយ
ធនធានទាំងនេះភាគច្រើនអាចរកបាននៅក្នុងកម្មវិធីបណ្ណាល័យដំណឹងល្អ ( Gospel Library app ) និងនៅលើគេហទំព័រ ChurchofJesusChrist.org ។
ទំនុកតម្កើង និង សៀវភៅចម្រៀងកុមារ
តន្ត្រីពិសិដ្ឋអញ្ជើញព្រះវិញ្ញាណ ហើយបង្រៀនគោលលទ្ធិនៅក្នុងរបៀបមួយដែលគួរឲ្យចងចាំ ។ បន្ថែមទៅលើកំណែបោះពុម្ពនៃ ទំនុកតម្កើង និង សៀវភៅចម្រៀងកុមារ អ្នកអាចរកបាននូវការថតជាសំឡេង និងការថតវីដេអូនៃទំនុកតម្កើង និងចម្រៀងរបស់កុមារនៅលើគេហទំព័រ music.ChurchofJesusChrist.org និងនៅក្នុងកម្មវិធី LDS Music ។
ទស្សនាវដ្តីសាសនាចក្រ
ទស្សនាវដ្ដី Friend, New Era, Ensign និង លីអាហូណា ផ្ដល់នូវរឿង និងសកម្មភាពដែលអាចបំពេញបង្គ្រប់គោលការណ៍នានាដែលអ្នកកំពុងបង្រៀនមកពី ចូរមកតាមខ្ញុំ—សម្រាប់បុគ្គលម្នាក់ៗ និងក្រុមគ្រួសារ ។
រឿងចេញពីព្រះគម្ពីរមរមន
ដំណើររឿងព្រះគម្ពីរមរមន អាចជួយកុមាររៀនអំពីគោលលទ្ធិ និងដំណើររឿងដែលមាននៅក្នុងព្រះគម្ពីរមរមន ។ អ្នកក៏អាចរកបានវីដេអូនៃរឿងទាំងនេះនៅក្នុងកម្មវិធី Gospel Library និងនៅគេហទំព័រ medialibrary.ChurchofJesusChrist.org។
សៀវភៅសិក្សាថ្នាក់សិក្ខាសាលា និងថ្នាក់វិទ្យាស្ថាន
សៀវភៅសិក្សាថ្នាក់សិក្ខាសាលា និងវិទ្យាស្ថានផ្ដល់ផ្ទៃរឿងជាប្រវត្តិសាស្ត្រ និងការអត្ថាធិប្បាយខាងគោលលទ្ធិសម្រាប់គោលការណ៍ និងដំណើររឿងទាំងឡាយដែលមាននៅក្នុងព្រះគម្ពីរ ។
បណ្ណាល័យប្រព័ន្ធផ្សព្វផ្សាយ
រូបគំនូរ វីដេអូ និងប្រព័ន្ធផ្សព្វផ្សាយផ្សេងទៀតអាចជួយអ្នក និងគ្រួសារអ្នកមើលឃើញអំពីគោលលទ្ធិ និងដំណើររឿងដែលមាននៅក្នុងព្រះគម្ពីរមរមន ។ សូមចូលទៅគេហទំព័រ medialibrary.ChurchofJesusChrist.org ដើម្បីរុករកការប្រមូលផ្ដុំនៃធនធានប្រព័ន្ធផ្សព្វផ្សាយរបស់សាសនាចក្រ រួមបញ្ចូលទាំងបណ្ដុំវីដេអូព្រះគម្ពីរមរមន ដែលពិពណ៌នាអំពីព្រឹត្តិការណ៍នានានៅក្នុងព្រះគម្ពីរមរមន ។ បណ្ណាល័យប្រព័ន្ធផ្សព្វផ្សាយ ក៏មានជាកម្មវិធីក្នុងទូរសព្ទផងដែរ ។
ប្រធានបទដំណឹងល្អ
នៅគេហទំព័រ topics.ChurchofJesusChrist.org អ្នកអាចរកព័ត៌មានគ្រឹះអំពីប្រធានបទដំណឹងល្អផ្សេងៗ ព្រមជាមួយនឹងតំណរភ្ជាប់ទៅនឹងធនធានដ៏មានប្រយោជន៍នានា ដែលទាក់ទងនឹងសុន្ទរកថាសន្និសីទទូទៅ អត្ថបទ បទគម្ពីរ និងវីដេអូនានា ។ អ្នកក៏អាចស្វែងរកឃើញ Gospel Topics Essays ផងដែរ ដែលផ្ដល់ជាចម្លើយដ៏ជ្រាលជ្រៅចំពោះសំណួរដំណឹងល្អទាំងឡាយ ។
ពិតចំពោះសេចក្តីជំនឿ
ប្រសិនបើអ្នកត្រូវការជំនួយបន្ថែមដើម្បីយល់គោលការណ៍ដំណឹងល្អគ្រឹះ សូមគិតរកមើលនៅក្នុង ពិតចំពោះសេចក្ដីជំនឿ ។ ធនធាននេះ មាននូវបញ្ជីប្រធានបទដំណឹងល្អតាមលំដាប់អក្សរក្រម ដែលបានពន្យល់ជាពាក្យសាមញ្ញៗ ។