“Kein Jipan̄ ko jet,” Itok, Ļoor Eō—N̄an Kajjojo Armej im Baam̧le ko: Bok in Mormon 2020 (2020)
“Kein Jipan̄ ko jet,” Itok, Ļoor Eō—N̄an Kajjojo Armej im Baam̧le ko: 2020
Kein Jipan̄ ko jet
Aolepān kein jipan̄ kein maron̄ loi ilo Gospel Library app eo im ilo ChurchofJesusChrist.org.
Al in jar ko im Bok in Al ko an Ajri
Al ko rekwojarjar rej kūrtok Jetōb eo im katakin katak eo ilo juon wāween ban meļo̧kļo̧ke. Ilo kakobaba n̄an kar kape ko kar būriin an Hymns im Children’s Songbook, komaron̄ lo audio im video rekoot ko kōn elōn̄ al in jar ko im al ko an ajri ilo music.ChurchofJesusChrist.org im ilo LDS Music app.
Māākjiin ko an Kabun̄ in
Ilo Friend, New Era, Ensign, im Liaona māākjiin ko rej letok bwebwenato ko im m̧akūtkūt ko me remaron̄ jipan̄ pedped in katak ko kwoj katakin jān Itok, Ļoor Eō—N̄an Kajjojo Armej im Baam̧le ko.
Bwebwenato ko an Bok in Mormon
Bwebwenato ko an Bok in Mormon remaron̄ jipan̄ ajri ro ekkatak katak eo im bwebwenato ko loi ilo Bok in Mormon. Komaron̄ barāinwōt lo pija in alooj ko kōn bwebwenato ko ilo Gospel Library app eo ilo medialibrary.ChurchofJesusChrist.org.
Bok in Katakin ko an Jemenere im Institute
Bok in katakin ko an jemenere im institute ej letok pedped in bwebwenato eo im katak eo ej kōmeļeļeik pedped in katak ko im bwebwenato ko loi ilo jeje ko rekwojarjar.
Media Library
Pija ko, pija in alooj ko, im media ko jet remaron̄ jipan̄ eok im baam̧le eo am̧ pijaikļo̧k katak eo im bwebwenato ko loi ilo Bok in Mormon. Etal n̄an medialibrary.ChurchofJesusChrist.org n̄an lale kein jipan̄ ko ilo media ko an Kabun̄ me kar kakuni, ekoba aolep pija in alooj ko an Bok in Mormon, eo ej kwaļo̧k iien ko ilo Bok in Mormon. Media Library eo ej barāinwōt pād āinwōt juon mobile app.
Unin Kōnono ko an Gospel eo
Ilo topics.ChurchofJesusChrist.org komaron̄ lo meļeļe ko im̧aan tata kōn juon kōro̧ro in unin kōnono ko an gospel eo, ippānļo̧k link ko n̄an kein jipan̄ ko rejipan̄, ko āinwōt reiookļo̧k kōnono ko an kweilo̧k eo eļap, bwebwenato ko, jeje ko rekwojarjar, im pija in alooj ko. Komaron̄ barāinwōt lo Gospel Topics Essays, ko rej lewaj ilo tum̧wilaļ in uwaako n̄an kajjitōk ko an gospel eo.
True to the Faith
Eļan̄n̄e kwoj aikuj dam̧oļo̧k in jipan̄ meļeļe pedped in katak ko an gospel eo m̧oktata, ļōmņak in kappukōt ilo True to the Faith. Kein jipan̄ in epād ie juon laajrak in unin kōnono ko an gospel eo ilo albapet kar kōmeļeļeik ilo naan ko reļam waan.